1/77:otaḥ tiṅi pratiṣedhaḥ |*
2/77:otaḥ tiṅi pratiṣedhaḥ vaktavyaḥ |
3/77:acinavam , asunavam |
4/77:saḥ tarhi pratiṣedhaḥ vaktavyaḥ |
5/77:na vaktavyaḥ |
6/77:gograhaṇam kariṣyate |
7/77:ā gotaḥ iti vaktavyam |
8/77:gograhaṇe dyoḥ upasaṅkhyanam |*
9/77:gograhaṇe dyoḥ upasaṅkhyanam kartavyam |
10/77:dyam gaccha |
11/77:samāsāt ca pratiṣedhaḥ |*
12/77:samāsāt ca pratiṣedhaḥ vaktavyaḥ |
13/77:citragum paśya |
14/77:śabalagum paśya |
15/77:nanu ca ā otaḥ iti ucyamāne api samāsāt pratiṣedhaḥ vaktavyaḥ |
16/77:na vaktavyaḥ |
17/77:hrasvatve kṛte na bhaviṣyati |
18/77:idam iha sampradhāryam |
19/77:ātvam kriyatām hrasvatvam iti kim atra kartavyam |
20/77:paratvāt ātvam |
21/77:na vā bahiraṅgalakṣaṇatvāt |*
22/77:na vā vaktavyaḥ |
23/77:kim kāraṇam |
24/77:bahiraṅgalakṣaṇatvāt |
25/77:bahiraṅgalakṣaṇam ātvam |
26/77:antaraṅgam hrasvatvam |
27/77:asiddham bahiraṅgam antaraṅge |
28/77:nanu ca ā gotaḥ iti ucyamāne api samāsāt pratiṣedhaḥ na vaktavyaḥ |
29/77:katham |
30/77:hrasvatve kṛte na bhaviṣyati |
31/77:sthānivadbhāvāt prāpnoti |
32/77:nanu ca ā otaḥ iti ucyamāne api sthānivadbhāvāt prāpnoti |
33/77:na iti āha |
34/77:analvidhau sthānivadbhāvaḥ |
35/77:ā gotaḥ iti ucyamāne api na doṣaḥ |
36/77:pratiṣidhyate atra sthānivadbhāvaḥ |
37/77:goḥ pūrvaṇitvātvasvareṣu sthānivat na bhavati iti |
38/77:saḥ eva tarhi doṣaḥ |
39/77:gograhaṇe dyoḥ upasaṅkhyanam iti |
40/77:sūtram ca bhidyate |
41/77:yathānyāsam eva astu |
42/77:nanu ca uktam otaḥ tiṅi pratiṣedhaḥ iti |
43/77:subadhikārāt siddham |*
44/77:supi iti vartate |
45/77:kva prakṛtam |
46/77:vā supi āpiśaleḥ iti |
47/77:yadi anuvartate iha api vibhāṣā prāpnoti |
48/77:subgrahaṇam anuvartate |
49/77:vāgrahaṇam nivṛttam |
50/77:katham punaḥ ekayoganirdiṣṭayoḥ ekadeśaḥ anuvartate ekadeśaḥ na |
51/77:ekayoge ca ekadeśānuvṛttiḥ anyatra api |*
52/77:ekayognirdiṣṭānām api ekadeśānuvṛttiḥ bhavati |
53/77:anyatra api |
54/77:na avaśyam iha eva |
55/77:kva anyatra |
56/77:alugadhikāraḥ prāk ānaṅaḥ |
57/77:uttarapadāhikāraḥ prāk aṅgādhikāraḥ |
58/77:evam api ami upasaṅkhyānam vṛddhibalīyastvāt |*
59/77:ami upasaṅkhyānam kartavyam |
60/77:gām paśya |
61/77:kim punaḥ kāraṇam na sidhyati |
62/77:vṛddhibalīyastvāt |
63/77:paratvāt vṛddhiḥ prāpnoti |
64/77:na vā anavakāśatvāt |*
65/77:na vā vaktavyam |
66/77:kim kāraṇam |
67/77:anavakāśatvāt |
68/77:anavakāśam ātvam vṛddhim bādhiṣyate |
69/77:sāvakāśam ātvam |
70/77:kaḥ avakāśaḥ |
71/77:dyām gaccha |
72/77:dyoḥ ca sarvanāmasthāne vṛddhividhiḥ |*
73/77:dyoḥ ca sarvanāmasthāne vṛddhiḥ vidheyā |
74/77:kim prayojanam |
75/77:yat dyāvaḥ indra iti darśanāt |*
76/77:yat dyavaḥ indra te śataṃ śatam bhumīḥ uta syuḥ |
77/77:yāvatā ca idānīm dyoḥ api sarvanāmasthāne vṛddhiḥ ucyate anavakāśam ātvam vṛddhim bādhiṣyate |

otaḥ ami śasi ca parataḥ pūrvaparayoḥ ākāraḥ ādeśo bhavati. gāṃ paśya. gāḥ paśya. dyāṃ paśya. dyāḥ paśya. dyośabdo 'pi okārānta eva vidyate, tato 'pi paraṃ sarvanāmasthānaṃ ṇitiṣyate, tena nāprāptāyāṃ vṛddhau ayam ākāro vidhīyamānastāṃ bādhate. am iti dvitīyaikavacanaṃ gṛhyate, śasā sāhacaryāt, supi iti cādhikārāt. tena acinavam, asunavam ityatra na bhavati.

āoto 'mśasoḥ 6.1.93 otaḥ ami śasi ca parataḥ pūrvaparayoḥ ākāraḥ ādeśo bhavati. gāṃ paśya. gāḥ paśya. dyāṃ paśya. dyāḥ paśya. dyośabdo 'pi okārānta eva vidyate, tato 'pi paraṃ sarvanāmasthānaṃ ṇitiṣyate, tena nāprāptāyāṃ vṛddhau ayam ākāro vidhīyamānastāṃ bādhate. am iti dvitīyaikavacanaṃ gṛhyate, śasā sāhacaryāt, supi iti cādhikārāt. tena acinavam, asunavam ityatra na bhavati.

auto'mśasoḥ. , 6.1.90 "gāmpaśya" iti. kathaṃ punaretadudahmatam(), yāvatā "goto ṇit()" (7.1.90) iti ṇittve sati paratvāt? vṛddhyātra bhavitavyam()? ityata āha--"dyośabdo'pyokārāntaḥ" ityādi. taparakaraṇaṃ hi varṇanirdeśeṣu prasiddhamiti "gotaḥ" iti taparanirdeśa okārāntopalakṣamārtho vijñāyate, tataśca dyośabdādapi paraṃ sarvanāmasthānaṃ ṇidvadbhavati. yadyevam(), tat? kimiti vṛddharnātra bhavati? ityāha--"tena" ityādi. yadi dyośabdāt? parasya sarvanāmasthānasya ṇittvaṃ na syāt, tato dyāṃ paśyetyatra sāvakāśamātvaṃ gāṃ paśyetyatra paratvādvṛddhyā bādhyeta. yadi tu dyośabdādapi paraṃ sarvanāmasthānaṃ ṇidbhavatīti, tadā dyāṃ paśyetyatra vṛddhiḥ prāpnotyeva. tato nāprāptāyāṃ vṛddhāvidamātvaṃ vidhīyamānamanavakāśatvād()vṛdiṃ()dha bādhate. tataśca yukatameva gāṃ paśyetyetadudāharaṇam(). athehāpyacinavam(), asunavamityatra cinoteḥ sunoteśca laṅi mipi vikaraṇasya guṇe kṛte mipaḥ "tasthasthamipām()" (3.4.101) ityādināmbhāve caukārasyātvaṃ kasmānna bhavati? ityāha--"ami" ityādi. śasā sāhacaryāt? subadhikārādvā supa evāma idaṃ grahaṇam(). ato nātrātvasya prasaṅgaḥ. citraguṃ paśyetyatra tu hyasvatve kṛta okārābhāvāt? "analvidhau" 1.1.55 iti sthānivadbhāvapratiṣedhādātvaṃ na bhavati॥

auto'mśasoḥ 215, 6.1.90 oto'mśasoraci ākāra ekādeśaḥ. gām. gāvau. gāḥ. gavā. gave. goḥ. ityādi॥

auto'mśasoḥ. cheda iti. ā-ota iti cchedaḥ, vyākhyānāditi bhāvaḥ. `ota' iti taparakaraṇam. okārādityarthaḥ. amca śaśca amśasau, tayoriti vigrahaḥ. avayavaṣaṣṭha\ufffdntametat. `iko yaṇacī'tyato'cītyanuvartate. `ekaḥ pūrvaparayoḥ' ityadhikṛtam. tadāha–okārādityādinā. śasa iha subeva gṛhrate nanu bahvalpārthāditi taddhitaḥ śaṃs, acītyanuvṛtteḥ, taddhitasya ca śaso'jāditvā'saṃbhavāt, `laśakvataddhite' ityatra taddhitaparyudāsāt. nanu `ciñ cayane' laṅ, aḍāgamaḥ, uttamapuruṣo mip. `tasthasthamipā'miti tasya amādeśaḥ. śnurvikaraṇaḥ. `sārvadhātukārghadhātukayoḥ' iti guṇa okāraḥ. acino iti sthite'vādeśe acinavamiti rūpam. tatra acino am iti sthite avādeśaṃ bādhitvā `auto'mśasoḥ' ityātve `acitām' iti syādityata āha–śaseti. gāmiti. parāpi `añcoṇitī'ti vṛddhiriha na bhavati, ātvasya niravakāśatayā tadapavādatvāditi bhāṣyam. nahi vṛddhiviṣayādanyatrā''tvasya pravṛttirastīti tadāśayaḥ. naca dyośabdādami ātvaṃ sāvakāśaṃ `gotoṇi'diti ṇittvasya tatrā'bhāve vṛddheraprasakteriti vācyam. asmādeva bhāṣyādotoṇiditi ṇittvasya vakṣyamāṇatvena tasyāpi vṛddhiviṣayatvāditi bhāvaḥ. gā iti. asarvanāmasthānatvānna ṇidvattvam. nāpi vṛddhiḥ. `auto'mśasoḥ' ityātvamiti bhāvaḥ. ṭādāvacyāvādeśaṃ matvāha–gavā gave iti. goriti. `ṅasiṅasośce'ti pūrvarūpamiti bhāvaḥ. ityādīti. gavoḥ gavām. gavi ityādiśabdārthaḥ. dyośabdaokārāntaḥ strīliṅgaḥ. `suraloko dyodivau dve striyā'mityamaraḥ. su=śobhanā dyauryasyeti bahuvrīhau puṃliṅgaḥ. sudyos ityādisarvanāmasthāne `goto ṇi'dityaprāpte.\r\noto ṇiditi vācyaṃ. gota iti gakāramapanīya `oto ṇit' iti vācyamityarthaḥ. tatra pramāṇamanupadamevoktam. natvidaṃ vārtikam. tatra ota iti taparakaraṇam. okārāt sarvanāmasthānaṃ ṇiditi labhyate. ityetadvihitāviśeṣaṇamāśrayaṇīyamityarthaḥ. teneti. gota iti gakāramapanīya ota iti vacanenetyarthaḥ. sudyāmityādīti. gośabdavadrūpāṇīti bhāvaḥ. he bhāno iti. `okārātparaṃ sarvanāmasthānaṃ ṇi'diti vyākhyāne tu bhānuśabdātsambuddhau `hyasvasya guṇaḥ' iti guṇe okāre sati sorokārāt paratvāṇṇidvattve vṛddhau aukāre eṅaḥ paratvā'bhāvātsulopā'bhāve rutvavisargayoḥ he `bhānau'riti syāt. ato vihitaviśeṣaṇamityarthaḥ. nanu `ehhyasvātsambuddheḥ' ityatra-eṅgrahaṇasāmathryādeva he bhāno ityatra ṇittvaṃ tatprayuktavṛddhiśca na bhavati. anyathā `eṅhyasvāt' ityeva brāūyāt. ato vihitaviśeṣaṇamanarthakamityasvārasyādāha–he bhānava iti. tatra `jasi ce'ti guṇe bhāno as iti sthite otaḥ paratvāṇidvattve vṛddhau āvādeśe `bhānāvaḥ' iti syāt. ato vihitaviśeṣaṇamiti bhāvaḥ. vastutastu lakṣaṇapratipadoktaparibhāṣayā he bhāno he bhānava ityatra ṇidvattvā'bhāvopapattervihitaviśeṣaṇatvāśrayaṇaṃ vyarthameva. uḥ śambhuriti. urityasya vivaraṇaṃ śambhuriti. uḥ smṛto yeneti vigrahe bahuvrīhiḥ. `niṣṭha'ti smṛtaśabdasya pūrvanipātaḥ. `ādguṇaḥ'. smṛto iti rūpam. tataḥ subutpattau gośabdavadrūpāṇi. vastutastu `goto ṇi'diti sūtraśeṣatayā `dyośca vṛddhivaktavye'tyeva vārtikaṃ bhāṣye dṛśyate. `auto'mśasoḥ' ityatra oto ṇiditi tu na dṛśyate. ato'nyadokārāntaṃ prātipadikaṃ nāstītyāhuḥ. ityodantāḥ. athaidantāḥ. raiśabdo dhanavācī. `artharaivibhavā api' ityamaraḥ.

auto'mśasoḥ 283, 6.1.90 auto'mśasoḥ. cheda iti. ā-ota iti cchedaḥ, vyākhyānāditi bhāvaḥ. "ota" iti taparakaraṇam. okārādityarthaḥ. amca śaśca amśasau, tayoriti vigrahaḥ. avayavaṣaṣṭha()ntametat. "iko yaṇacī"tyato'cītyanuvartate. "ekaḥ pūrvaparayoḥ" ityadhikṛtam. tadāha--okārādityādinā. śasa iha subeva gṛhrate nanu bahvalpārthāditi taddhitaḥ śaṃs, acītyanuvṛtteḥ, taddhitasya ca śaso'jāditvā'saṃbhavāt, "laśakvataddhite" ityatra taddhitaparyudāsāt. nanu "ciñ cayane" laṅ, aḍāgamaḥ, uttamapuruṣo mip. "tasthasthamipā"miti tasya amādeśaḥ. śnurvikaraṇaḥ. "sārvadhātukārghadhātukayoḥ" iti guṇa okāraḥ. acino iti sthite'vādeśe acinavamiti rūpam. tatra acino am iti sthite avādeśaṃ bādhitvā "auto'mśasoḥ" ityātve "acitām" iti syādityata āha--śaseti. gāmiti. parāpi "añcoṇitī"ti vṛddhiriha na bhavati, ātvasya niravakāśatayā tadapavādatvāditi bhāṣyam. nahi vṛddhiviṣayādanyatrā'‌'tvasya pravṛttirastīti tadāśayaḥ. naca dyośabdādami ātvaṃ sāvakāśaṃ "gotoṇi"diti ṇittvasya tatrā'bhāve vṛddheraprasakteriti vācyam. asmādeva bhāṣyādotoṇiditi ṇittvasya vakṣyamāṇatvena tasyāpi vṛddhiviṣayatvāditi bhāvaḥ. gā iti. asarvanāmasthānatvānna ṇidvattvam. nāpi vṛddhiḥ. "auto'mśasoḥ" ityātvamiti bhāvaḥ. ṭādāvacyāvādeśaṃ matvāha--gavā gave iti. goriti. "ṅasiṅasośce"ti pūrvarūpamiti bhāvaḥ. ityādīti. gavoḥ gavām. gavi ityādiśabdārthaḥ. dyośabdaokārāntaḥ strīliṅgaḥ. "suraloko dyodivau dve striyā"mityamaraḥ. su=śobhanā dyauryasyeti bahuvrīhau puṃliṅgaḥ. sudyos ityādisarvanāmasthāne "goto ṇi"dityaprāpte.oto ṇiditi vācyaṃ. gota iti gakāramapanīya "oto ṇit" iti vācyamityarthaḥ. tatra pramāṇamanupadamevoktam. natvidaṃ vārtikam. tatra ota iti taparakaraṇam. okārāt sarvanāmasthānaṃ ṇiditi labhyate.vihiteti. okāradvihitaṃ sarvanāmasthānamityevamota ityetadvihitāviśeṣaṇamāśrayaṇīyamityarthaḥ. teneti. gota iti gakāramapanīya ota iti vacanenetyarthaḥ. sudyāmityādīti. gośabdavadrūpāṇīti bhāvaḥ. he bhāno iti. "okārātparaṃ sarvanāmasthānaṃ ṇi"diti vyākhyāne tu bhānuśabdātsambuddhau "hyasvasya guṇaḥ" iti guṇe okāre sati sorokārāt paratvāṇṇidvattve vṛddhau aukāre eṅaḥ paratvā'bhāvātsulopā'bhāve rutvavisargayoḥ he "bhānau"riti syāt. ato vihitaviśeṣaṇamityarthaḥ. nanu "ehhyasvātsambuddheḥ" ityatra-eṅgrahaṇasāmathryādeva he bhāno ityatra ṇittvaṃ tatprayuktavṛddhiśca na bhavati. anyathā "eṅhyasvāt" ityeva brāūyāt. ato vihitaviśeṣaṇamanarthakamityasvārasyādāha--he bhānava iti. tatra "jasi ce"ti guṇe bhāno as iti sthite otaḥ paratvāṇidvattve vṛddhau āvādeśe "bhānāvaḥ" iti syāt. ato vihitaviśeṣaṇamiti bhāvaḥ. vastutastu lakṣaṇapratipadoktaparibhāṣayā he bhāno he bhānava ityatra ṇidvattvā'bhāvopapattervihitaviśeṣaṇatvāśrayaṇaṃ vyarthameva. uḥ śambhuriti. urityasya vivaraṇaṃ śambhuriti. uḥ smṛto yeneti vigrahe bahuvrīhiḥ. "niṣṭha"ti smṛtaśabdasya pūrvanipātaḥ. "ādguṇaḥ". smṛto iti rūpam. tataḥ subutpattau gośabdavadrūpāṇi. vastutastu "goto ṇi"diti sūtraśeṣatayā "dyośca vṛddhivaktavye"tyeva vārtikaṃ bhāṣye dṛśyate. "auto'mśasoḥ" ityatra oto ṇiditi tu na dṛśyate. ato'nyadokārāntaṃ prātipadikaṃ nāstītyāhuḥ. ityodantāḥ. athaidantāḥ. raiśabdo dhanavācī. "artharaivibhavā api" ityamaraḥ.

gaurityādi. `citragu'rityatra tu na bhavati `ota'iti vakṣyamāṇatvāt. `taddhito yaḥ śas sa okārāntānna saṃbhavatī'tyāśayenāha–śasā sāhacaryāditi. `supī'– tyanuvartanāccetyapi kāśikayāmuktam. kaiyaṭastu `taddhito'pi śasastīti kathamiha sāhacaryādamraḥ suptva'mityāśaṅkya, `acītyadhikāradajādi śasa subeva saṃbhavati, na tu taddhita'ityāha. acinavamiti. cinoterlahśabdeśasya mipaḥ `tasthasthāmipām—- 'ityam.\r\noto ṇiditi vācyam. oto ṇiditi vācyamiti. `gota'ityapahāya `ota'iti vācyamityarthaḥ. evaṃca `gā'mityatra paratvāddhṛddhiḥ syāditi śaṅkayā anavakāśaḥ, naravakāśatayā ātvena vṛddhereva bādhanāt.ityodantāḥ.

auto'mśasoḥ 245, 6.1.90 gaurityādi. "citragu"rityatra tu na bhavati "ota"iti vakṣyamāṇatvāt. "taddhito yaḥ śas sa okārāntānna saṃbhavatī"tyāśayenāha--śasā sāhacaryāditi. "supī"--tyanuvartanāccetyapi kāśikayāmuktam. kaiyaṭastu "taddhito'pi śasastīti kathamiha sāhacaryādamraḥ suptva"mityāśaṅkya, "acītyadhikāradajādi śasa subeva saṃbhavati, na tu taddhita"ityāha. acinavamiti. cinoterlahśabdeśasya mipaḥ "tasthasthāmipām----"ityam.oto ṇiditi vācyam. oto ṇiditi vācyamiti. "gota"ityapahāya "ota"iti vācyamityarthaḥ. evaṃca "gā"mityatra paratvāddhṛddhiḥ syāditi śaṅkayā anavakāśaḥ, naravakāśatayā ātvena vṛddhereva bādhanāt.ityodantāḥ.