1/51:ekavacanam kimartham |
2/51:ekavacanam pṛthak ādeśapratiṣedhārtham |*
3/51:ekavacanam kriyate ekaḥ ādeśaḥ yathā syāt |
4/51:pṛthak ādeśaḥ mā bhūt iti |
5/51:na vā dravyavat karmacodanāyām dvayoḥ ekasya abhinirvṛtteḥ |*
6/51:na vā etat prayojanam asti |
7/51:kim kāraṇam |
8/51:dravyavat karmacodanāyām dvayoḥ ekasya abhinirvṛtteḥ ekaḥ ādeśaḥ bhaviṣyati |
9/51:tat yathā dravyeṣu karmacodanāyām dvayoḥ ekasya abhinirvṛttiḥ bhavati |
10/51:anayoḥ pūlayoḥ kaṭam kuru |
11/51:anayoḥ mitpiṇḍayoḥ ghaṭam kuru iti |
12/51:na ca ucyate ekam iti ekam ca asau karoti |
13/51:kim punaḥ kāraṇam dravyeṣu karmacodanāyām dvayoḥ ekasya abhinirvṛttiḥ bhavati |
14/51:tat ca ekavākyabhāvāt |*
15/51:ekavākyabhāvāt dravyeṣu karmacodanāyām dvayoḥ ekasya abhinirvṛttiḥ bhavati |
16/51:ātaḥ ca ekavākyabhāvāt |
17/51:vyākaraṇe api hi anyatra dvayoḥ sthāninoḥ ekaḥ ādeśaḥ bhavati |
18/51:jvaratvarasrivyavimavām upadhāyāḥ ca |
19/51:bhrasjaḥ ropadhayoḥ ram anyatarasyām iti |
20/51:yat tāvat ucyate ekavākyabhāvāt iti tat na |
21/51:arthāt prakaraṇāt vā loke dvayoḥ ekasya abhinirvṛttiḥ bhavati |
22/51:ātaḥ ca arthāt prakaraṇāt vā |
23/51:vyākaraṇe api hi anyatra dvayoḥ sthāninoḥ dvau ādeśau bhavataḥ |
24/51:radābhyām niṣṭhātaḥ naḥ pūrvasya ca daḥ |
25/51:ubhau sābhyāsasya iti |
26/51:katham yat tat uktam vyākaraṇe api hi anyatra dvayoḥ sthāninoḥ ekaḥ ādeśaḥ bhavati |
27/51:jvaratvarasrivyavimavām upadhāyāḥ ca |
28/51:bhrasjaḥ ropadhayoḥ ram anyatarasyām iti |
29/51:iha tāvat jvaratvarasrivyavimavām upadhāyāḥ ca iti |
30/51:stām dvau ūṭhau |
31/51:na asti doṣaḥ |
32/51:savarṇadīrghatvena siddham |
33/51:iha bhrasjaḥ ropadhayoḥ ram anyatarasyām iti |
34/51:vakṣyati hi etat |
35/51:bhrasjaḥ ropadhayoḥ lopaḥ āgamaḥ ram vidhīyate iti |
36/51:yat ucyate arthāt prakaraṇāt vā iti tat na |
37/51:kim kāraṇam |
38/51:ekavākyabhāvāt eva loke dvayoḥ ekasya abhinirvṛttiḥ bhavati |
39/51:ātaḥ ca ekavākyabhāvāt |
40/51:aṅga hi bhavān grāmyam pāṃsulapādam aprakaraṇajñam āgatam bravītu anayoḥ pūlayoḥ kaṭam kuru |
41/51:anayoḥ mitpiṇḍayoḥ ghaṭam kuru iti |
42/51:ekam eva asau kariṣyati |
43/51:katham yat uktam vyākaraṇe api hi anyatra dvayoḥ sthāninoḥ dvau ādeśau bhavataḥ |
44/51:radābhyām niṣṭhātaḥ naḥ pūrvasya ca daḥ |
45/51:ubhau sābhyāsasya iti |
46/51:iha tāvat radābhyām niṣṭhātaḥ naḥ pūrvasya ca daḥ iti dve vākye |
47/51:katham |
48/51:yogavibhāgaḥ kariṣyate |
49/51:radābhyām niṣṭhātaḥ naḥ |
50/51:tataḥ pūrvasya ca daḥ iti |
51/51:iha ubhau sābhyāsasya iti ubhaugrahaṇasāmarthyāt dvau ādeśau bhaviṣyataḥ |

1/59:tatra avayave śāstrārthasampratyayaḥ yathā loke ṭatra avayave śāstrārthasampratyayaḥ prāpnoti yathā loke |*
2/59:tat yathā loke |
3/59:vasante brāhmaṇaḥ agnīn ādadhīta iti sakṛt ādhāya kṛtaḥ śāstrārthaḥ iti kṛtvā punaḥ pravṛttiḥ na bhavati |
4/59:tathā garbhāṣṭame brāhmaṇaḥ upaneyaḥ iti sakṛt upanīya kṛtaḥ śāstrārthaḥ iti kṛtvā punaḥ pravṛttiḥ na bhavati |
5/59:tathā triḥ hṛdayaṅgamābhiḥ adbhiḥ aśabdābhiḥ upaspṛśet iti sakṛt upaspṛśya kṛtaḥ śāstrārthaḥ iti kṛtvā punaḥ pravṛttiḥ na bhavati |
6/59:evam iha api khaṭvendre kṛtaḥ śāstrārthaḥ iti kṛtvā mālendrādiṣu na syāt |
7/59:siddham tu dharmopadeśane anavayavavijñānāt yathā laukikavaidikeṣu |*
8/59:siddham etat |
9/59:katham |
10/59:dharmopadeśanam idam śāstram |
11/59:dharmopadeśane ca asmin śāstre anavayavena śāstrārthaḥ sampratīyate yathā laukikeṣu vaidikeṣu ca kṛtānteṣu |
12/59:loke tāvat : brāhmaṇaḥ na hantavyaḥ |
13/59:surā na peyā iti |
14/59:brāhmaṇamātram na hanyate surāmātram ca na pīyate |
15/59:yadi ca avayavena śāstrārthasampratyayaḥ syāt ekam ca brāhmaṇam ahatvā ekām ca surām apītvā anyatra kāmacāraḥ syāt |
16/59:tathā pūrvavayāḥ brāhmaṇaḥ pratyuttheyaḥ iti pūrvavayomātram pratyutthīyate |
17/59:yadi avayavena śāstrārthasampratyayaḥ syāt ekam pūrvavayasam pratyutthāya anyatra kāmacāraḥ syāt |
18/59:tathā vede khalu api |
19/59:vasante brāhmaṇaḥ agniṣṭomādibhiḥ kratubhiḥ yajeta iti agnyādhānanimittam vasante vasante ijyate |
20/59:yadi avayavena śāstrārthasampratyayaḥ syāt sakṛt iṣṭvā punaḥ ijyā na pravarteta |
21/59:ubhayathā iha loke dṛśyate |
22/59:avayavena api śāstrārthasampratyayaḥ anavayavena api |
23/59:katham punaḥ idam ubhayam labhyam |
24/59:labhyam iti āha |
25/59:katham |
26/59:iha tāvat vasante brāhmaṇaḥ agnīn ādadhīta iti |
27/59:agnyādhānam yajñamukhaprtipattyartham |
28/59:sakṛt ādhāya kṛtaḥ śāstrārthaḥ pratipannam yajñam iti kṛtvā punaḥ pravṛttiḥ na bhavati |
29/59:ataḥ atra avayavena śāstrārthaḥ sampratīyate |
30/59:tathā garbhāṣṭame brāhmaṇaḥ upaneyaḥ iti |
31/59:upanayanam saṃskārārtham |
32/59:sakṛt ca asau upanītaḥ saṃskṛtaḥ bhavati |
33/59:ataḥ atra api avayavena śāstrārthaḥ sampratīyate |
34/59:tathā triḥ hṛdayaṅgamābhiḥ adbhiḥ aśabdābhiḥ upaspṛśet iti |
35/59:upasparśanam śaucārtham |
36/59:sakṛt ca asau upaspṛśya śuciḥ bhavati |
37/59:ataḥ atra api avayavena śāstrārthaḥ sampratīyate |
38/59:iha idānīm brāhmaṇaḥ na hantavyaḥ |
39/59:surā na peyā iti |
40/59:brāhmaṇavadhe surāpāne ca mahān doṣaḥ uktaḥ |
41/59:saḥ brāhmaṇavadhamātre surāpānamātre ca prasaktaḥ |
42/59:ataḥ atra anavayavena śāstrārthaḥ sampratīyate |
43/59:tathā pūrvavayāḥ brāhmaṇaḥ pratyuttheyaḥ iti |
44/59:pūrvavayasaḥ apratyutthāne doṣaḥ uktaḥ pratyutthāne ca guṇaḥ |
45/59:katham |
46/59:ūrdhvam prāṇāḥ hi utkrāmanti yūnaḥ sthavire āyati |*
47/59:pratyutthānābhābhivādābhyām punaḥ tān pratipadyate iti |*
48/59:saḥ ca prūrvavayomātre prasaktaḥ |
49/59:ataḥ atra api anavayavena śāstrārthaḥ sampratīyate |
50/59:tathā vasante brāhmaṇaḥ agniṣṭomādibhiḥ kratubhiḥ yajeta iti ijyāyāḥ kim cit prayojanam uktam |
51/59:kim |
52/59:svarge loke apsarasaḥ enam jāyāḥ bhūtvā upaśerate iti |
53/59:tat ca dvitīyasyāḥ tṛtīyasyāḥ ca ijyāyāḥ bhavitum arhati |
54/59:ataḥ atra api anavayavena śāstrārthaḥ sampratīyate |
55/59:tathā śabdasya api jñāne prayoge prayojanam uktam |
56/59:kim |
57/59:ekaḥ śabdaḥ samyak jñātaḥ śāstrānvitaḥ suprayuktaḥ svarge loke kāmadhuk bhavati iti |
58/59:yadi ekaḥ śabdaḥ samyak jñātaḥ śāstrānvitaḥ suprayuktaḥ svarge loke kāmadhuk bhavati kimartham dvitīyaḥ tṛtīyaḥ ca prayujyate |
59/59:na vai kāmānām tṛptiḥ asti |

1/23:atha pūrvagrahaṇam kimartham |
2/23:pūrvaparagrahaṇam parasya ādeśapratiṣedhārtham |*
3/23:pūrvaparagrahaṇam kriyate parasya ādeśapratiṣedhārtham |
4/23:parasya ādeśaḥ mā bhūt |
5/23:āt guṇaḥ iti |
6/23:katham ca prāpnoti |
7/23:pañcamīnirdiṣṭāt hi parasya |*
8/23:pañcamīnirdiṣṭāt hi parasya kāryam ucyate |
9/23:tat yathā dvyantarupasargebhyaḥ apaḥ īt iti |
10/23:ṣaṣṭhīnirdiṣṭārtham tu |*
11/23:ṣaṣṭhīnirdiṣṭārtham ca pūrvaparagrahaṇam kriyate |
12/23:ṣaṣṭhīnirdeśaḥ yathā pakalpeta |
13/23:anirdiṣṭe hi ṣaṣṭhyarthāprasiddhiḥ |*
14/23:akriyamāṇe hi pūrvaparagrahaṇe ṣaṣṭhyarthasya aprasiddhiḥ syāt |
15/23:kasya |
16/23:sthāneyogatvasya |
17/23:na eṣaḥ doṣaḥ |
18/23:āt iti eṣā pañcamī aci iti saptamyāḥ ṣaṣṭhīm prakalpayiṣyati tasmāt iti uttarasya iti |
19/23:tathā ca aci iti eṣā saptamī āt iti pañcamyāḥ ṣaṣṭhīm prakalpayiṣyati tasmin iti nirdiṣṭe pūrvasya iti |
20/23:evam tarhi siddhe sati yat pūrvagrahaṇam karoti tat jñāpayati ācāryaḥ na ubhe yugapat prakalpike bhavataḥ iti |
21/23:kim etasya jñāpane prayojanam |
22/23:yat uktam : saptamīpañcamyoḥ ca bhāvāt ubhayatra ṣaṣṭhīprakḷptiḥ tatra ubhayakāryaprasaṅgaḥ iti |
23/23:saḥ na doṣaḥ bhavati |

adhikāro 'yam. khyatyāt parasya 6-1-112 iti prāgetasmāt sūtrātiti uttaraṃ yad vakṣyāmas tatra pūrvasya parasya dvayorapi sthāne ekādeśo bhavati ityetad veditavyam. vakṣyati ād guṇaḥ 6-1-87 iti. tatra aci pūrvasya avarṇāt ca parasya sthāne eko guṇo bhavati. khaṭvendraḥ mālendraḥ. pūrvaparagrahaṇaṃ dvayorapi yugapadādeśapratipattyartham, ekasya eva hi syāt, nobhe saptamīpañcamyau yugapat prakalpike bhavataḥ iti. ekagrahaṇam pṛthagādeśanivṛttyarthaṃ, sthānibhedād dhi bhinnādiṣu natvavad dvāvādeśau syātām.

ekaḥ pūrvaparayoḥ 6.1.84 adhikāro 'yam. khyatyāt parasya 6.1.108 iti prāgetasmāt sūtrātiti uttaraṃ yad vakṣyāmas tatra pūrvasya parasya dvayorapi sthāne ekādeśo bhavati ityetad veditavyam. vakṣyati ād guṇaḥ 6.1.84 iti. tatra aci pūrvasya avarṇāt ca parasya sthāne eko guṇo bhavati. khaṭvendraḥ mālendraḥ. pūrvaparagrahaṇaṃ dvayorapi yugapadādeśapratipattyartham, ekasya eva hi syāt, nobhe saptamīpañcamyau yugapat prakalpike bhavataḥ iti. ekagrahaṇam pṛthagādeśanivṛttyarthaṃ, sthānibhedād dhi bhinnādiṣu natvavad dvāvādeśau syātām.

ekaḥ pūrvaparayoḥ. , 6.1.81 atha pūrvaparagrahaṇaṃ kimartham(), yāvatā "ādguṇaḥ" 6.1.84 ityādādādityeṣā pañcamī acītyasyāḥ saptamyāḥ ṣaṣṭhītvaṃ prakalpayiṣyati; "tasmādityuttarasya" 1.1.66 iti vacanāt(). tathācītyeṣā saptamyādityasyāḥ pañcamyāḥ ṣaṣṭhītvaṃ prakalpayiṣyati; "tasminniti nirdiṣṭe pūrvasya" 1.1.65 iti vacanāt(). tatrāntareṇāpi pūrvaparagrahaṇaṃ pūrvaparayodrvayorapi bhaviṣyati? ityāha--"pūrvaparagrahaṇam()" ityādi. kiṃ punaḥ kāraṇamasati pūrvaparagrahaṇe dvayorapi yugapadādeśo na sidhyati? ityata āha--"ekasyaiva hi" ityādi. evaṃ manyate--acatyeṣā saptamī yaṇādeśādividhau caritārthā; ādityeṣāṃ tu pañcamī na kvaciccaritārthā, ataḥ sā saptamyāḥ ṣaṣṭhītvaṃ prakalpayet(). tatrāsati pūrvaparagrahaṇe'ca eva sthāne guṇaḥ syat(). "bṛddhireci" 6.1.85 ityatra ca gaṇavidhāvāditi pañcamī kṛtārthe ti tasyā ecīti saptamyakṛtārthā ṣaṣṭhītvaṃ prakalpayet(). evaṃ ca vṛddhiravarṇasyaiva prasajyeta. "upasargādṛti dhātau" (6.1.91) ityatara dvayorapi pañcamīsaptamyorakṛtārthatvāt? paryāyeṇa parasparaṃ ṣaṣṭhīparakalpaneti paryāyeṇaiva vṛddhiḥ syāt(). yat? punaḥ parasyābhimataṃ pañcamī saptamyāḥ ṣaṣṭhītvaṃ prakalpayiṣyati, saptamyapi pañcamyāḥ, tato'ntareṇāpi parvaparagrahaṇaṃ dvyorapyādeśo bhaviṣyatīti? tannirāsāyāha--"nobhe" ityādi. nivṛttidharmā hi sthānī bhavati, śrūyamāṇasya ca ṣaṣṭhīprakalpanaṃ prati nimittabhāvaḥ. kathaṃ pūrvaparau nivatrteyātām()? ṣaṣṭhīprakalpanaṃ ca prati nimittabhāvamupagacchetātam? ata evānivṛtternimittabhāvasya cāsambhavānnobhe saptamīpañcamyau yugayatprakalpike bhavataḥ. tasmādekasyaiva syāt(), nobhayoḥ. athaikagrahaṇaṃ kimartham(), yāvatā "bhrasjo ropadhayo ramanyatarasyām()" 6.4.47 ityatra vināpyekagrahaṇameka eva sambhavati, tathāpyatraikagrahaṇena vināpyeka eva bhavaṣyatītyāha--"ekam()" ityādi. ramāgamena hi mitvāt? "midacontyātparaḥ" (1.1.47) ityaco'ntyāt? pareṇa bhavitavyam(). na ca dvayo ramorbhṛjjātavaco'ntyāt? pareṇa sambhavo'sti. tato yuktaṃ tadvināpyekagrahaṇam(). eka eva ram? bhavatīti guṇādistvādeśaḥ. sambhavati ca sthānibhede satyekaikasya sthānino guṇādiḥ pṛthagādeśaḥ tatrāsatyekagrahaṇe pṛthagādeśaḥ syāt(). tasmāt? pūrvaparayodrvayoḥ sthāninoḥ pṛthagadeśo mā bhūdityevamarthamekagrahaṇam(). asati punarekagrahama ādeśaśca dvayaṃ prāpnotītyamumarthaṃ sopapattikaṃ pratipādayitumāha--"sthānibhedāddhi" ityādi. yatā "radābhyāṃ niṣṭhāto naḥ pūrvasya ca daḥ" 8.2.42 iti sthānibhedāddhetorbhinnaṃ chinnamityevamādiṣu dvāvevādeśau bhavataḥ, tathā khaṭvendra ityevamādiṣvapi dvāvādeśau syātām()॥

tarhi kuto'tra yaṇāvalādeśau na bhavata ityata āha–na padānteti sūtreṇa padāntavidhau tanniṣedhāditi. padāntabhūtekāraukārayoḥ sthāne bhavatoryaṇāvādeśayoḥ padacaramāvayavatayā tayo kartavyayoḥ paranimittakasyā'jādeśasyā.ñallopasya sthānivattvaniṣedhādityarthaḥ. atha ekādeśasandhiṃ nirūpayitumāha–ekaḥ pūrvaparayoḥ ityadhikṛtyeti. padadvayātmakamidaṃ sūtramuttaratrānuvṛttyarthaṃ paṭhitvā katipayasandhayo vidhāsyanta ityarthaḥ.

ekaḥ pūrvaparayoḥ 69, 6.1.81 tarhi kuto'tra yaṇāvalādeśau na bhavata ityata āha--na padānteti sūtreṇa padāntavidhau tanniṣedhāditi. padāntabhūtekāraukārayoḥ sthāne bhavatoryaṇāvādeśayoḥ padacaramāvayavatayā tayo kartavyayoḥ paranimittakasyā'jādeśasyā.ñallopasya sthānivattvaniṣedhādityarthaḥ. atha ekādeśasandhiṃ nirūpayitumāha--ekaḥ pūrvaparayoḥ ityadhikṛtyeti. padadvayātmakamidaṃ sūtramuttaratrānuvṛttyarthaṃ paṭhitvā katipayasandhayo vidhāsyanta ityarthaḥ.