1/16:ayam yogaḥ śakyaḥ avaktum |
2/16:katham agne trī te vajinā trī sadhasthā , ta tā piṇḍānām iti |
3/16:pūrvasavarṇena api etat siddham |
4/16:na sidhyati |
5/16:numā vyavahitatvāt pūrvasavarṇaḥ na prāpnoti |
6/16:chandasi napuṃsakasya puṃvadbhāvaḥ vaktavyaḥ madhoḥ gṛhṇāti , mahoḥ tṛptā iva āsate iti evamartham |
7/16:tatra pūṃvadbhāvena numaḥ nivṛttiḥ |
8/16:numi nivṛtte pūrvasavarṇena siddham |
9/16:bhavet siddham agne trī te vajinā trī ṣadhasthā iti |
10/16:idam tu na sidhyati ta tā piṇḍānām iti |
11/16:idam api siddham |
12/16:katham |
13/16:sāptamike pūrvasavarṇe kṛte punaḥ ṣāṣṭhikaḥ bhaviṣyati |
14/16:evam api jasi guṇaḥ prāpnoti |
15/16:vakṣyati etat |
16/16:jasādiṣu chandovāvacanam prāk ṇau caṅi upadhāyāḥ iti |

śi ityetasya bahulaṃ chandasi viṣaye lopo bhavati. yā kṣetrā. yā vanā. yāni kṣetrāṇi. yāni vanāni.

śeḥ chandasi bahulam 6.1.70 śi ityetasya bahulaṃ chandasi viṣaye lopo bhavati. yā kṣetrā. yā vanā. yāni kṣetrāṇi. yāni vanāni.

śeśchandasi bahulam?. , 6.1.68 "jas()śasoḥ śiḥ" 7.1.20 iti yaḥ śirādeśastasyāyaṃ lopo vidhīyate. "yā kṣetrā, yā vanā" iti. śerlope kṛte pratyalakṣaṇena "napuṃsakasya jhalacaḥ" 7.1.72 iti num(), "sarvanāmasthāne cāsambuddhau" 6.4.8 iti dīrghaḥ, "nalopaḥ prātipadikāntasya 8.2.7 iti nalopaḥ. veti katrtavye bahulagrahaṇaṃ sarvavidhivyabhicārārtham(). "tena sarve vidhayaśchandasi viklpyante" (pu.pa.vṛ.56), ityupapannaṃ bhavati॥