1/26:darvijāgṛvyoḥ pratiṣedhaḥ vaktavyaḥ : darviḥ , jāgṛviḥ |
2/26:kim ucyate darvijāgṛvyoḥ pratiṣedhaḥ vaktavyaḥ iti yadā apṛktasya iti ucyati |
3/26:bhavati vai kim cit ācāryāḥ kriyamāṇam api codayanti |
4/26:tat vā kartavyam darvijāgṛvyoḥ vā pratiṣedhaḥ vaktavyaḥ |veḥ lope darvijāgṛvyoḥ apratiṣedhaḥ anunāsikaparatvāt |*
5/26:veḥ lope darvijāgṛvyoḥ apratiṣedhaḥ |
6/26:anarthakaḥ pratiṣedhaḥ apratiṣedhaḥ |
7/26:lopaḥ kasmāt na bhavati |
8/26:anunāsikaparatvāt |
9/26:anunāsikaparasya viśabdasya grahaṇam na ca atra anunāsikaparaḥ viśabdaḥ |
10/26:śuddhaparaḥ ca atra viśabdaḥ |
11/26:yadi anunāsikaparasya viśabdasya grahaṇam iti ucyate ghṛtaspṛk, dalaspṛk , atra na prāpnoti |
12/26:na hi etasmāt viśabdāt anunāsikam param paśyāmaḥ |
13/26:anunāsikaparatvāt iti na evam vijñāyate |
14/26:anunāsikaḥ paraḥ asmāt saḥ ayam anunāsikaparaḥ , anunāsikaparatvāt iti |
15/26:katham tarhi |
16/26:anunāsikaḥ paraḥ asmin saḥ ayam anunāsikaparaḥ , anunāsikaparatvāt iti |
17/26:evam api priyadarvi , atra prāpnoti |
18/26:asiddhaḥ atra anunāsikaḥ |
19/26:evam api dhātvantasya pratiṣedhaḥ vaktavyaḥ |
20/26:ivi divi dhivi |
21/26:dhātvantasya ca arthavadgrahaṇāt |*
22/26:arthavataḥ viśabdasya grahaṇam |
23/26:na dhātvantaḥ arthavān |
24/26:vasya vā anunāsikatvāt siddham |*
25/26:atha vā vakārasya eva idam anunāsikasya grahaṇam |
26/26:santi hi yaṇaḥ sānunāsikāḥ niranunāsikāḥ ca |

lopaḥ iti vartate. veḥ iti kvibādayo viśeṣānanubandhānutsṛjya sāmānyena gṛhyante. verapṛktasya lopo bhavati. brahmabhrūṇavṛtreṣu kvip 6-2-87. brahmahā. mrūṇahā. spṛśo 'nudake kvin 6-2-58). ghṛtaspṛk. tailaspṛk. bhajo ṇviḥ (*3,2.62. ardhabhāk. pādabhāk. turīyabhāk. apṛktasya iti kim? vṛdṛbhyāṃ kvin darviḥ. kṛgṛśṛsṛjāgṛbhyaḥ kvi. jāgṛviḥ.

verapṛktasya 6.1.67 lopaḥ iti vartate. veḥ iti kvibādayo viśeṣānanubandhānutsṛjya sāmānyena gṛhyante. verapṛktasya lopo bhavati. brahmabhrūṇavṛtreṣu kvip 6.2.87. brahmahā. mrūṇahā. spṛśo 'nudake kvin 6.2.58. ghṛtaspṛk. tailaspṛk. bhajo ṇviḥ 3.2.62. ardhabhāk. pādabhāk. turīyabhāk. apṛktasya iti kim? vṛdṛbhyāṃ kvin darviḥ. kṛgṛśṛsṛjāgṛbhyaḥ kvi. jāgṛviḥ.

verapṛktasya. , 6.1.65 "veḥ" ityādi. kvibāderanyasya verapṛktasaṃjñakasayābhāvāt? kvibādaya eva gṛhrante, kathaṃ punarverityucyamāne kvibādīnāṃ sāmānyena grahaṇamupapadyate, yāvatā prakārādayasyeṣāṃ viśeṣā anubandhāḥ santi? iti codyanirāsāye damuktam()--"viśeṣānanubandhānutsṛjya" iti. "brāhrahā, bhrūṇahā" iti. "sau ca" 6.4.13 iti dīrghaḥ "ghṛtaspṛk()" iti. "kvinpratyayasya kuḥ" 8.2.62 iti kutvam(). "ardhabhāk()" iti. "coḥ kuḥ" 8.2.30 iti kutvam(). darvirityādau "uṇādayo bahulam()" 3.3.1 iti bahulagrahaṇādeva lopo na bhavatīti śakyate vaktum(), ataḥ prapañcārtham(). vaicitryārthaṃ vā'pṛktagrahaṇam()॥

verapṛktasya. lopo vyoḥ' ityato `lopa' ityanuvartate. utsṛṣṭānubandhāḥ. sarakve kvibādayo `ve'rityanena gṛhrante. ikāra uccāraṇārṣathaḥ, apṛktagrahaṇāt, tadāha– apṛktasya vasyeti. apṛktasyeti kim ?. jāgṛviḥ. kvinaḥ kṛtsaṃjñāyāḥ prayojanamāha–kṛttaddhiteti.

verapṛktasya , 6.1.65 verapṛktasya. lopo vyoḥ" ityato "lopa" ityanuvartate. utsṛṣṭānubandhāḥ. sarakve kvibādayo "ve"rityanena gṛhrante. ikāra uccāraṇārṣathaḥ, apṛktagrahaṇāt, tadāha--apṛktasya vasyeti. apṛktasyeti kim?. jāgṛviḥ. kvinaḥ kṛtsaṃjñāyāḥ prayojanamāha--kṛttaddhiteti.