1/36:ye ca taddhite śirasaḥ ādeśārtham |*
2/36:ye ca taddhite iti atra śirasaḥ grahaṇam kartavyam |
3/36:kim prayojanam |ādeśārtham |
4/36:ādeśaḥ yathā vijñāyeta |
5/36:prakṛtyantaram mā vijñāyi |
6/36:kim ca syāt |
7/36:yakārādau taddhite askārāntasya śravaṇam prasajyeta |
8/36:śīrṣaṇyaḥ hi mukhyaḥ bhavati |
9/36:śīrṣaṇyaḥ kharaḥ |
10/36:vā keśeṣu |*
11/36:vā keśeṣu śirasaḥ śīrṣanbhāvaḥ vaktavyaḥ |
12/36:śīrṣaṇyāḥ keśāḥ , śirasyāḥ |
13/36:aci śīrṣaḥ |*
14/36:aci parataḥ śirasaḥ śīrṣabhāvaḥ vaktavyaḥ |
15/36:hāstiśīrṣiḥ , sthaulyaśīrṣiḥ, pailuśīrṣiḥ |
16/36:chandasi ca |*
17/36:chandasi ca śirasaḥ śīrṣabhāvaḥ vaktavyaḥ |
18/36:dve śīrṣe |
19/36:iha hāstiśīrṣyā pailuśīrṣyā iti śirasaḥ grahaṇena grahaṇāt śīrṣanbhāvaḥ prāpnoti |
20/36:astu |
21/36:naḥ taddhite iti ṭilopaḥ bhaviṣyati |
22/36:na sidhyati |
23/36:ye ca abhāvakarmaṇoḥ iti prakṛtibhāvaḥ prasajyeta |
24/36:yadi punaḥ ye aci taddhite iti ucyeta |
25/36:kim kṛtam bhavati |
26/36:iñi śīrṣanbhāve kṛte ṭilopena siddham |
27/36:na evam śakyam |
28/36:iha hi sthūlaśirasaḥ idam sthaulaśīrṣam iti anaṇi iti prakṛtibhāvaḥ prasajyeta |
29/36:tasmāt na evam śakyam |
30/36:na cet evam śirasaḥ grahaṇena grahaṇāt śīrṣanbhāvaḥ prāpnoti |
31/36:pākṣikaḥ eṣaḥ doṣaḥ |
32/36:katarasmin pakṣe |
33/36:ṣyaṅvidhau dvaitam bhavati |
34/36:aṇiñoḥ vā ādeśaḥ ṣyaṅ aṇiñbhyām vā paraḥ iti |
35/36:tat yadā tāvad aṇiñoḥ ādeśaḥ tadā eṣaḥ doṣaḥ |
36/36:yadā hi aṇiñbhyām paraḥ na tadā doṣaḥ bhavati aṇiñbhyām vyavahitatvāt |

śīrṣaniti vartate. ādeśo 'yam iṣyate. sa katham? taddhite iti hi paraṃ nimittam upādīyate, sa tadanurūpāṃ prakṛtiṃ śiraḥśabdam ākṣipati. yakārādau taddhite parataḥ śiraḥśabdasya śīrṣannādeśo bhavati. śirṣaṇyo hi mukhyo bhavati. śīrṣaṇyaḥ svaraḥ. śirasi bhavaḥ iti śarīrāvayavāc ca 4-3-55) iti yat, ye ca abhāvakarmaṇoḥ (*6,4.138 iti prakṛtibhāvaḥ. taddhite iti kim? śiraḥ icchati śirasyati. vā keśeṣu. śirasaḥ śīrṣannādeśo vaktavyaḥ. śīṣarṇyāḥ keśāḥ, śirasyāḥ keśāḥ.

ye ca taddhite 6.1.61 śīrṣaniti vartate. ādeśo 'yam iṣyate. sa katham? taddhite iti hi paraṃ nimittam upādīyate, sa tadanurūpāṃ prakṛtiṃ śiraḥśabdam ākṣipati. yakārādau taddhite parataḥ śiraḥśabdasya śīrṣannādeśo bhavati. śirṣaṇyo hi mukhyo bhavati. śīrṣaṇyaḥ svaraḥ. śirasi bhavaḥ iti śarīrāvayavāc ca 4.3.55 iti yat, ye ca abhāvakarmaṇoḥ 6.4.138 iti prakṛtibhāvaḥ. taddhite iti kim? śiraḥ icchati śirasyati. vā keśeṣu. śirasaḥ śīrṣannādeśo vaktavyaḥ. śīṣarṇyāḥ keśāḥ, śirasyāḥ keśāḥ.

ye ca taddhite. , 6.1.60 yadi yakārādāvapi taddhite prakṛtyantaraṃ vijñāyate tato yadi śiraḥśabdādyakārādistaddhita utpadyate, tadā tasya śravaṇamāpadyeta, na ceṣyate ityata āha--"ādeśo'yamiṣyate" iti. svānino'nupādānādihāpyādeśī na yujyata ityabhiprāyeṇāha--"sa katham()" iti. "taddhita iti hi" ityādi. yasmādiha yakārādistaddhitaḥ paranimittamupā dīyate, na cānupādāya prakṛtiṃ taddhita utpadyate, na ca śīrpañśabda eva prakṛtiryuktā; tasya bhāṣāyāmasambhavāt(). sa hi cchandasi nipātitaḥ, bhāṣāyāñcedam(). tasmāt? prakṛtyantarādutpanne yakārādau taddhite vidhīyamāne yā tena prakṛtirākṣiptā tasyā ādeśo'yaṃ vijñāyate. ādeśo'pi hi vijñāyamāno na yasya kasyacidvijñāyate, api tu śiraḥśabdasyaiva. yataḥ sa taddhitastadanurūpāṃ tasyādeśasya śabdataścārthataścāntaratamāṃ prakṛti śiraḥśabdamevākṣipati. "śīrṣaṇyaḥ" iti. aṭkupvādinā 8.4.2 ṇatvam(). "śirasyati" iti. "supa ātmanaḥ kyac()" 3.1.8. "vā keśeṣu" iti. keśeṣvabhidheyeṣu śiraśabdasya śīrṣannityādeśī vā vakvyo vyākhyeya ityarthaḥ. tatredaṃ vyākhyānam()--anyatarasyāṃgrahaṇamanuvatrtate, sā ca vyavasthitavibhāṣā vijñāyate. tena śirasaḥ keśeṣu vā śīrṣannādośo bhaviṣyatīti॥

ye ca taddhite. śīrṣannādeśa iti. śīrṣaṃśchandasītyatastadanuvṛtteriti bhāvaḥ. śīrṣaṇya iti śirase hita ityarthaḥ. śarīrāvayavatvādyati śīrṣannādeśe `ye cā'bhāvakarmaṇo'riti prakṛtibhāvānna ṭilopaḥ. śirasyatīti. śira ātmana icchatītyarthe `supa ātmanaḥ' iti kyaci, `naḥ kye' iti niyamātpadatvā'bhāvānna rutvam. keśeṣu. keśeṣu vācyeṣu yo yakārādistaddhitastasminpare śirasaḥ śīrṣannādeśo vā syādityarthaḥ.

ye ca taddhite 1645, 6.1.60 ye ca taddhite. śīrṣannādeśa iti. śīrṣaṃśchandasītyatastadanuvṛtteriti bhāvaḥ. śīrṣaṇya iti śirase hita ityarthaḥ. śarīrāvayavatvādyati śīrṣannādeśe "ye cā'bhāvakarmaṇo"riti prakṛtibhāvānna ṭilopaḥ. śirasyatīti. śira ātmana icchatītyarthe "supa ātmanaḥ" iti kyaci, "naḥ kye" iti niyamātpadatvā'bhāvānna rutvam.vā keśeṣu. keśeṣu vācyeṣu yo yakārādistaddhitastasminpare śirasaḥ śīrṣannādeśo vā syādityarthaḥ. prasaṅgādāha--acīti.

ye ca ta. `śīrṣaṃśchandasī'tyato'nuvartanādāha—śīrṣannādeśa iti. keśeṣu. śīrṣaṇya iti. `ye cā'bhāve'ti prakṛtibhāvaḥ. śirasyatīti. `na kye'iti niyamena padatvā'bhāvādrutvā'bhāvaḥ.

ye ca taddhite 1270, 6.1.60 ye ca ta. "śīrṣaṃśchandasī"tyato'nuvartanādāha---śīrṣannādeśa iti. vā keśeṣu. śīrṣaṇya iti. "ye cā'bhāve"ti prakṛtibhāvaḥ. śirasyatīti. "na kye"iti niyamena padatvā'bhāvādrutvā'bhāvaḥ.