1/30:jakṣityādiṣu saptagrahaṇam vevītyartham |*
2/30:jakṣityādiṣu saptagrahaṇam kartavyam |
3/30:sapta jakṣityādayaḥ abhyastasañjñakāḥ bhavanti iti vaktavyam |
4/30:kim prayojanam |
5/30:vevītyartham |
6/30:vevīteḥ abhyastasañjñā yathā syāt |
7/30:vevyate |
8/30:aparigaṇanam vā āgaṇāntatvāt |*
9/30:na vā arthaḥ parigaṇanena |
10/30:astu āgaṇāntam abhyastasañjñā |
11/30:iha api tarhi prāpnoti |
12/30:āṅaḥ śāsu |
13/30:astu |
14/30:abhyastakāryāṇi kasmāt na bhavanti |
15/30:bhūyiṣṭhāni parasmaipadeṣu ātmanepadī ca ayam |
16/30:svaraḥ tarhi prāpnoti |
17/30:yatra api asya ātmanepadeṣu abhyastakāryam svaraḥ tatra api anudāttetaḥ param lasārvadhātukam anudāttam bhavati iti anudāttatve kṛte na asti viśeṣaḥ dhātusvareṇa udāttatve sati abhyastasvareṇa vā |
18/30:ṣasivaśī chāndasau |
19/30:dṛṣṭānuvidhiḥ chandasi bhavati |
20/30:carkarītam abhyastam eva |
21/30:hnuṅaḥ tarhi prāpnoti |
22/30:astu |
23/30:abhyastakāryāṇi kasmāt na bhavanti |
24/30:bhūyiṣṭhāni parasmaipadeṣu ātmanepadī ca ayam |
25/30:svaraḥ tarhi prāpnoti |
26/30:ahnviṅoḥ iti pratiṣedhavidhānasāmarthyāt svaraḥ na bhaviṣyati |
27/30:atha vā sapta eva ime dhātavaḥ paṭhyante |
28/30:jakṣ abhyastasañjñaḥ bhavati |
29/30:ityādayaḥ ca ṣaṭ |
30/30:jakṣ ityādayaḥ ṣaṭ iti |

abhyastam iti vartate. jakṣa ityayaṃ dhātuḥ ityādayaśca anye ṣaṭ dhātavaḥ abhyastasaṃjñā bhavanti. seyaṃ saptānāṃ dhātūnām abhyastasaṃjñā vidhīyate. jakṣa bhakṣahasanyoḥ ityataḥ prabhṛti vevīṅ vetinā tulye iti yāvat. jakṣati. jāgrati. daridrati. cakāsati. śāsati. dīdhyate, vevyate ityatra abhyastānām ādiḥ ityeṣa svaraḥ prayojanam. dīdhyatiti ca śatari vyatyayena sampādite na abhyastāc chatuḥ 7-1-78 iti numaḥ pratiṣedhaḥ.

jakṣityādayaḥ ṣaṭ 6.1.6 abhyastam iti vartate. jakṣa ityayaṃ dhātuḥ ityādayaśca anye ṣaṭ dhātavaḥ abhyastasaṃjñā bhavanti. seyaṃ saptānāṃ dhātūnām abhyastasaṃjñā vidhīyate. jakṣa bhakṣahasanyoḥ ityataḥ prabhṛti vevīṅ vetinā tulye iti yāvat. jakṣati. jāgrati. daridrati. cakāsati. śāsati. dīdhyate, vevyate ityatra abhyastānām ādiḥ ityeṣa svaraḥ prayojanam. dīdhyatiti ca śatari vyatyayena sampādite na abhyastāc chatuḥ 7.1.78 iti numaḥ pratiṣedhaḥ.

jakṣityādayaḥ ṣaṭ?. , 6.1.6 "jakṣityādayaḥ" iti. eṣa nidaśo jakṣeḥ śtibantasyādiśabdena bahuvrīhāvapi kṛte bhavati, dvandve'pi--yadā jakṣeranajantasyetyādiśabdasya ca dvandvaḥ kriyate. vākye'pi yadānayoranantaroktayorubhayorapi prayogo bhavati, tadā tatra bahuvrīhau gṛhramāṇe yadi tadguṇasaṃvijñāno'yaṃ bahuvrīhirāśrīyeta, tadā vevīṅo grahaṇaṃ na syāt(); athātadguṇasaṃvijñāno'yam(), tadā jakṣerna syāditīmaṃ bahuvrīherāśrayaṇe doṣaṃ dṛṣṭvetarayoḥ pakṣaroranyataramāśrityāha--"jakṣityayaṃ dhāturityādayaśca" ityādi atretiśabde'tikrāntapratyavamarśī. jakṣityayaṃ dhāturanantaramatikrānta iti sa eva tena pratyavamṛśyate. iti ādiryeṣāṃ ta ityādayaḥ, jakṣādaya ityarthaḥ. te punarjāgṛprabhṛtayo vevīṅparyantāḥ. "seyaṃ saptānāṃ dhātūnāmabhyastasaṃjñā" iti. jakṣityetadupalakṣitānāṃ jāgartiprabhṛtīnāṃ ṣaṣṇāṃ jakṣitirityetasya ca saptamasya tebhyaḥ pṛthagnirdiṣṭasya. nanu ca dīdhyate, vevyata ityatrādādeśaḥ "ātmanepadeṣvanataḥ" 7.1.5 ityanenaiva siddhaḥ, śeṣaṃ cābhyasta kāryamākāralopādikam? tacca dīdhīvevyorna sambhavatyeva, tatrākāralopastāvadākārasyābhāvānna sambhavati; jusbhāvo'pi jherabhāvāt(), numpratiṣedho'pi ṅitvādātmanepaditvācchatuḥ, tat? kimarthamanayorabhyastasaṃjñā vidhīyate? ityāha--"dīdhyate vevyate" ityādi. "dīṣyaditi ca śatari" ityādinā prayojanāntaramapi darśayati. ātmanepaditvādanayovryatyayena vinā śatā na sambhavatīti vyatyagrahaṇam()॥

ṣaḍdhātavo'nye jakṣitiśca saptama ete abhyastasaṃjñāḥ syuḥ. jakṣat, jakṣad. jakṣatau. jakṣataḥ.. evaṃ jāgrat. daridrat. śāsat. cakāsat.. gup, gub. gupau. gupaḥ. gubbhyām.. ,

jakṣityādayaḥ ṣaṭ 348, 6.1.6 ṣaḍdhātavo'nye jakṣitiśca saptama ete abhyastasaṃjñāḥ syuḥ. jakṣat, jakṣad. jakṣatau. jakṣataḥ॥ evaṃ jāgrat. daridrat. śāsat. cakāsat॥ gup, gub. gupau. gupaḥ. gubbhyām॥ ,

abhyastasaṃjñāyāśca dvitvanibandhanatvādihā'prāptāvidamārabhyate–jakṣityādayaḥ. `abhyasta'mityanuvṛttaṃ bahuvacanāntatayā vipariṇamyate. tatra jakṣitirādiryeṣāmiti tadguṇasaṃvijñānabahuvrīhau sati jakṣa dhātumārabhya ṣaṇṇāmeva grahaṇaṃ syāt, vevīṅo na syāt. atadguṇasaṃvijñānabahuvrīhau tu jāgṛ ityārabhya ṣaṇṇāṃ grahaṇaṃ syānnatu jakṣeḥ. ato vyācaṣṭe–ṣaḍdhātava ityādi. atra vivaraṇavākye `jakṣiti'riti śtipā nirdeśaḥ. jakṣadhāturityarthaḥ. `rudādibhyaḥ sārvadhātuke' iti iḍāgame rūpam. sūtre jakṣiti pṛthakpadam. itinā jakṣiḥ parāmṛśyate. iti ādiryeṣāmityadguṇasaṃvijñānabahuvrīhiḥ. tatasca `ityādayaḥ ṣaṭ' ityanena jakṣadhātoranye jāgṛ ityārabhya ṣaḍ dhātavo vivakṣitāḥ. caśabdo'dhyāhāryaḥ. evaṃ ca jakṣadhātuśca, jāgṛdhātumārabhya ṣaḍ dhātavaścetyeva sapta dhātavo'bhyastasaṃjñakāḥ syuriti phalatītyarthaḥ. tadidaṃ bhāṣye spaṣṭam. jakṣaditi. abhyastatvānnumniṣedha iti bhāvaḥ. nanu dīdhīvevyorṅittvāt `anudāttaṅita' iti ātneparadasaṃjñaka eva laṭaḥ śānajādeśaḥ syānna tu śatrādeśa ityata āha–dīdhīvevyoriti. dīdhīvevyośchandomātraviṣayatvaṃ tiṅantādhikāre vakṣyate. tataśca `vyatyayo bahuva'miti chāndasaṃ parasmaipadam. ataḥ śānajasaṃbhavāt śatrādeśa evetyarthaḥ. dīdhyadvevyaditi. dīdhī vevī ityābhyāṃ laṭaḥ śatrādeśe kṛte śabluki yaṇādeśaḥ. abhyastatvācca numneti bhāvaḥ. iti tāntāḥ. atha pāntāḥ. gubiti. `gupū rakṣaṇe' kvip. `āyādaya ārdhadhātuke vā' iti vaikalpikatvādāyapratyayo neti bhāvaḥ. gubbhyāmiti. `svādiṣu' iti padatvādbhyāmādau jaśtvamiti bhāvaḥ. iti pāntāḥ.

jakṣityādayaḥ ṣaṭ , 6.1.6 abhyastasaṃjñāyāśca dvitvanibandhanatvādihā'prāptāvidamārabhyate--jakṣityādayaḥ. "abhyasta"mityanuvṛttaṃ bahuvacanāntatayā vipariṇamyate. tatra jakṣitirādiryeṣāmiti tadguṇasaṃvijñānabahuvrīhau sati jakṣa dhātumārabhya ṣaṇṇāmeva grahaṇaṃ syāt, vevīṅo na syāt. atadguṇasaṃvijñānabahuvrīhau tu jāgṛ ityārabhya ṣaṇṇāṃ grahaṇaṃ syānnatu jakṣeḥ. ato vyācaṣṭe--ṣaḍdhātava ityādi. atra vivaraṇavākye "jakṣiti"riti śtipā nirdeśaḥ. jakṣadhāturityarthaḥ. "rudādibhyaḥ sārvadhātuke" iti iḍāgame rūpam. sūtre jakṣiti pṛthakpadam. itinā jakṣiḥ parāmṛśyate. iti ādiryeṣāmityadguṇasaṃvijñānabahuvrīhiḥ. tatasca "ityādayaḥ ṣaṭ" ityanena jakṣadhātoranye jāgṛ ityārabhya ṣaḍ dhātavo vivakṣitāḥ. caśabdo'dhyāhāryaḥ. evaṃ ca jakṣadhātuśca, jāgṛdhātumārabhya ṣaḍ dhātavaścetyeva sapta dhātavo'bhyastasaṃjñakāḥ syuriti phalatītyarthaḥ. tadidaṃ bhāṣye spaṣṭam. jakṣaditi. abhyastatvānnumniṣedha iti bhāvaḥ. nanu dīdhīvevyorṅittvāt "anudāttaṅita" iti ātneparadasaṃjñaka eva laṭaḥ śānajādeśaḥ syānna tu śatrādeśa ityata āha--dīdhīvevyoriti. dīdhīvevyośchandomātraviṣayatvaṃ tiṅantādhikāre vakṣyate. tataśca "vyatyayo bahuva"miti chāndasaṃ parasmaipadam. ataḥ śānajasaṃbhavāt śatrādeśa evetyarthaḥ. dīdhyadvevyaditi. dīdhī vevī ityābhyāṃ laṭaḥ śatrādeśe kṛte śabluki yaṇādeśaḥ. abhyastatvācca numneti bhāvaḥ. iti tāntāḥ. atha pāntāḥ. gubiti. "gupū rakṣaṇe" kvip. "āyādaya ārdhadhātuke vā" iti vaikalpikatvādāyapratyayo neti bhāvaḥ. gubbhyāmiti. "svādiṣu" iti padatvādbhyāmādau jaśtvamiti bhāvaḥ. iti pāntāḥ.