1/14:āṅpūrvāt andhūdhasoḥ |*
2/14:āṅpūrvāt andhūdhasoḥ iti vaktavyam |
3/14:āpīnaḥ andhuḥ , āpīnam ūdhaḥ |
4/14:kim prayojanam |
5/14:niyamārtham |
6/14:āṅpūrvāt andhūdhasoḥ eva |
7/14:kva mā bhūt |
8/14:āpyānaḥ candramāḥ iti |
9/14:ubhayataḥ niyamaḥ ca ayam draṣṭavyaḥ |
10/14:āṅpūrvāt eva andhūdhasoḥ , andhūdhasoḥ eva āṅpūrvāt iti |
11/14:kva mā bhūt |
12/14:prapyānaḥ andhuḥ , prapyānam ūdhaḥ |
13/14:āṅpūrvāt ca eṣa niyamaḥ draṣṭavyaḥ |
14/14:bhavati hi pīnam mukham , pīnāḥ śambaṭyaḥ , ślakṣṇapīnamukhī kanyā iti |

vibhāṣā ityeva. opyāyī vṛddhau ityasya dhātoḥ niṣṭhāyāṃ vibhāṣā pī ityayam ādeśo bhavati. pīnaṃ mukham. pīnau bāhū. pīnamuraḥ. iyam api vyavasthitavibhāṣā eva. tena anupasargasya nityaṃ bhavati, sopasargasya tu na esva bhavati. āpyānaścandramāḥ. āṅpūrvasyāndhūdhasoḥ bhavatyeva, āpīno 'ndhuḥ, āpīnamūdhaḥ iti.

pyāyaḥ pī 6.1.28 vibhāṣā ityeva. opyāyī vṛddhau ityasya dhātoḥ niṣṭhāyāṃ vibhāṣā pī ityayam ādeśo bhavati. pīnaṃ mukham. pīnau bāhū. pīnamuraḥ. iyam api vyavasthitavibhāṣā eva. tena anupasargasya nityaṃ bhavati, sopasargasya tu na esva bhavati. āpyānaścandramāḥ. āṅpūrvasyāndhūdhasoḥ bhavatyeva, āpīno 'ndhuḥ, āpīnamūdhaḥ iti.

pyāyaḥ pī. , 6.1.28 "pīnam()" iti. "oditaśca" 8.2.45 iti niṣṭhānatvam(). "ityamapi" ityādi. apiśabdena na kevalaṃ pūrvasūtre yā vibhāṣā saiva vyavasthitavibhāṣā, api tveṣāpīti darśayati. tena kiṃ siddhaṃ bhavati? ityāha--"tena" ityādi. sopasargasya tu naiva bhavatītyasyāpavādamāha--"āṅpūrvasya" ityādi. nityaścāyamandhūdhasoḥ pībhāvaḥ. vyavasthitavibhāṣaiva॥

pyāyaḥ pī. vā syānniṣṭhāyāmiti. śeṣapūraṇamidam. `vibhāṣā'bhyavapūrvasye'tyato vibhāṣeti, `sphāyaḥ sphī'tyato niṣṭhāyāmiti cānuvartate iti bhāva-. vyavasthatavibhāṣeti. atra vyākhyānameva śaraṇam. `sopasargasya ne'tyādi bhāṣye spaṣṭam.

pyāyaḥ pī 879, 6.1.28 pyāyaḥ pī. vā syānniṣṭhāyāmiti. śeṣapūraṇamidam. "vibhāṣā'bhyavapūrvasye"tyato vibhāṣeti, "sphāyaḥ sphī"tyato niṣṭhāyāmiti cānuvartate iti bhāva-. vyavasthatavibhāṣeti. atra vyākhyānameva śaraṇam. "sopasargasya ne"tyādi bhāṣye spaṣṭam.

pīnamiti. odittvānniṣṭhānatvam. pyāna iti `\ufffdāīdito niṣṭhāyāṭamitīḍabhāve yalopaḥ. natve vyavasthāntaramāha— sopasargasya netyādi. andhuḥ- kūpaḥ.

pyāyaḥ pī 723, 6.1.28 pīnamiti. odittvānniṣṭhānatvam. pyāna iti "()āīdito niṣṭhāyāṭamitīḍabhāve yalopaḥ. natve vyavasthāntaramāha--- sopasargasya netyādi. andhuḥ- kūpaḥ.