1/21:kimartham idam ucyate na ñniti ādiḥ nityam iti eva siddham |
2/21:ñniti iti ucyate na ca atra ñnitam paśyāmaḥ |
3/21:pratyayalakṣaṇena |
4/21:na lumatā tasmin iti pratyayalakṣaṇapratiṣedhaḥ |
5/21:aṅgādhikāroktasya saḥ pratiṣedhaḥ na lumatā aṅgasya iti |
6/21:ataḥ uttaram paṭhati upamānasya ādyudāttavacanam jñāpakam anubandhalakṣaṇe svare pratyayalakṣaṇapratiṣedhasya |*
7/21:upamānasya ādyudāttavacanam jñāpakārtham kriyate |
8/21:kim jñāpyate |
9/21:etat jñāpayati ācāryaḥ anubandhalakṣaṇe svare pratyayalakṣaṇam na bhavati iti |
10/21:kim etasya jñāpane prayojanam |
11/21:gargaḥ , vatsaḥ , bidaḥ , urvāḥ , uṣṭragrīvaḥ , vāmarajjuḥ : ñniti iti ādyudāttatvam mā bhūt iti |
12/21:iha ca : atrayaḥ iti : taddhitasya kitaḥ iti antodāttatvam na bhavati |
13/21:yadi anubandhalakṣaṇe iti ucyate pathipriyaḥ , mathipriyaḥ iti : pathimathoḥ sarvanāmasthāne iti ādyudāttatvam prāpnoti |
14/21:evam tarhi ācāryaḥ jñāpayati svare pratyayalakṣaṇam na bhavati iti |
15/21:evam api sarpiḥ āgaccha , sapta āgacchata iti : āmantritasya ca iti ādyudāttatvam na prāpnoti |
16/21:iha ca : ma hi datām , ma hi dhatām : ādiḥ sicaḥ anyatarasyām iti eṣaḥ svaraḥ na prāpnoti |
17/21:evam tarhi jñāpayati ācāryaḥ saptamīnirdiṣṭe svare pratyayalakṣaṇam na bhavati iti |
18/21:evam api sarvastomaḥ , sarvapṛṣṭhaḥ : sarvasya supi iti ādyudāttatvam na prāpnoti |
19/21:astu tarhi anubandhalakṣaṇe iti eva |
20/21:katham pathipriyaḥ , mathipriyaḥ |
21/21:vaktavyam eva etat : pathimathoḥ sarvanāmasthāne luki lumatā lupte pratyayalakṣaṇam na bhavati iti |

upamānaśabdaḥ saṃjñāyām ādyudāto bhavati. cañcā. vadhrikā. kharakuṭī. dāsī. upamānaśabdā ete upameyasya saṃjñāḥ. tatra ive pratikṛtau 5-3-96 iti yaḥ kan, tasya lummanuṣye 5-3-98 iti lup. yadyevaṃ kim artham idam ucyate pratyayalakṣaṇena siddham ādyudāttatvam? etadeva jñāpayati kvacidiha svaravidhau pratyayalakṣaṇaṃ na bhavati iti. tathā ca pūrvatra udāhṛtam. saṃjñāyām iti kim? agnir māṇavakaḥ. upamānam iti kim? devadattaḥ.

saṃjñāyām upamānam 6.1.204 upamānaśabdaḥ saṃjñāyām ādyudāto bhavati. cañcā. vadhrikā. kharakuṭī. dāsī. upamānaśabdā ete upameyasya saṃjñāḥ. tatra ive pratikṛtau 5.3.96 iti yaḥ kan, tasya lummanuṣye 5.3.98 iti lup. yadyevaṃ kim artham idam ucyate pratyayalakṣaṇena siddham ādyudāttatvam? etadeva jñāpayati kvacidiha svaravidhau pratyayalakṣaṇaṃ na bhavati iti. tathā ca pūrvatra udāhṛtam. saṃjñāyām iti kim? agnir māṇavakaḥ. upamānam iti kim? devadattaḥ.

saṃjñāyāmupamānam?. , 6.1.198 "yadyevam()" iti. yadi kano lubityarthaḥ, kano'pu lupi satyapi pratyayalakṣaṇenaiva siddhameṣāṃ hi nitsvareṇādyudāttatvam(), tadapārthakamityabhiprāyaḥ. "etadeva" ityādi. yadi hi kvacit? svaravidhau pratyayalakṣaṇaṃ syāt(), katrtavyamevedaṃ vacanaṃ syāt(). pratyayalakṣaṇena siddhatvāt(), kṛtañca. tasmādetajjñāpayati--pratyayalakṣaṇaṃ syāt(), katrtavyamevedaṃ vacanaṃ syāt(). pratyayalakṣaṇena siddhatvāt(), kṛtañca. tasmādetajjñāpayati--pratyayalakṣaṇamiha svaravidhau na bhavatīti. kvacidgrahaṇaṃ kvacittu bhavatīti pradarśanārtham(), tathā hi "sarvasya supi" 6.1.185 ityatroktam()--pratyayalakṣaṇenāpyayaṃ svara iṣyata iti. "tathā ca" ityādinā jñāpanasya prayojanamāha. "agnirmāṇavakaḥ" iti. bhavatyagniśabda upamānam(). tathā hragnireveti gamyate, nāsau māṇavakasya saṃjñā॥