1/21:dīrghagrahaṇam kimartham |
2/21:aṣṭasu prakrameṣu brāhmaṇaḥ ādadhīta |
3/21:dīrghāt iti śakyam akartum |
4/21:kasmāt na bhavati aṣṭasu prakrameṣu brāhmaṇaḥ ādadhīta iti |
5/21:ṣaṭsvaraḥ bādhakaḥ bhaviṣyati |
6/21:na aprāpte ṣaṭsvare aṣṭanaḥ svaraḥ ārabhyate |
7/21:saḥ yathā eva dīrghāt bādhate evam hrasvāt api bādheta |
8/21:na dīrghāt ṣaṭsvaraḥ prāpnoti |
9/21:kim kāraṇam |
10/21:āte kṛte ṣaṭsañjñābhāvāt |
11/21:ataḥ uttaram paṭhati aṣṭanaḥ dīrghagrahaṇam ṣaṭsañjñājñāpakam ākārāntasya nuḍartham |*
12/21:aṣṭanaḥ dīrghagrahaṇam kriyate jñāpakārtham |
13/21:kim jñāpyam |
14/21:etat jñāpayati ācāryaḥ bhavati ātve kṛte ṣaṭsañjñā iti |
15/21:kim etasya jñapane prayojanam |
16/21:ākārāntasya nuḍartham |
17/21:ākārāntasya nuḍ siddhaḥ bhavati |
18/21:aṣṭānām iti |
19/21:nanu ca nityam ātvam |
20/21:etat eva jñāpayati vibhāṣā ātvam iti yat ayam dīrghagrahaṇam karoti |
21/21:itarathā hi aṣṭanaḥ iti eva brūyāt |

aṣṭano dīrghāntādasarvanāmasthānavibhaktirudāttā bhavati. aṣṭābhiḥ. aṣṭābhyaḥ. aṣṭāsu. ghṛtādipāṭhātaṣṭanśabdo 'ntodāttaḥ, tatra jñalyupottamam 6-1-180 ityasya apavādo vibhaktireva udāttatvaṃ vidhīyate. dīrghātiti kim? aṣṭasu prakrameṣu brāhmaṇo 'gnīnādadhīta. idam eva dīrghagrahaṇam aṣṭana āttvavikalpaṃ jñāpayati, kṛtātvasya ca ṣaṭsaṃjñāṃ jñāpayati. anyathā hyātvapakṣe sāvakāśo 'ṣṭanaḥ. svaraḥ paratvādanātvapakṣe ṣaṭsvareṇa bādhiṣyate iti kim dīrghagrahaṇena.

aṣṭano dīrghāt 6.1.172 aṣṭano dīrghāntādasarvanāmasthānavibhaktirudāttā bhavati. aṣṭābhiḥ. aṣṭābhyaḥ. aṣṭāsu. ghṛtādipāṭhātaṣṭanśabdo 'ntodāttaḥ, tatra jñalyupottamam 6.1.174 ityasya apavādo vibhaktireva udāttatvaṃ vidhīyate. dīrghātiti kim? aṣṭasu prakrameṣu brāhmaṇo 'gnīnādadhīta. idam eva dīrghagrahaṇam aṣṭana āttvavikalpaṃ jñāpayati, kṛtātvasya ca ṣaṭsaṃjñāṃ jñāpayati. anyathā hyātvapakṣe sāvakāśo 'ṣṭanaḥ. svaraḥ paratvādanātvapakṣe ṣaṭsvareṇa bādhiṣyate iti kim dīrghagrahaṇena.

aṣṭano dīrghāt?. , 6.1.166 "aṣṭābhiḥ" ityādi. "aṣṭana ā vibhaktau" 7.2.84 ityāttvam(). "aṣṭasu" iti. nanu cātrāpi bhavitavyamevātvena, na hi tadvidhau vikalpapratipādakaṃ vacanamasti, nāpi prakṛtam()? ityata āha--"idameva" ityādi. yadi hi nityamātvaṃ syādiha dīrghagrahaṇamanarthakaṃ syāt(), vyāvarttyābhāvāt(), kṛtātvasya ca ṣaṭsaṃjñāmiti? idameva hi dīrghagrahaṇamaṣṭano jñāpayatīti sambandhanīyam(). kathaṃ punajrñāpayati? ityāha--"anyathā hi" ityādi. dīrghagrahaṇaṃ hrevamarthaṃ kriyate--yatrātvaṃ nāsti tatrāyaṃ svaro mā bhūditi. yadi kṛtvapātvasayāṣṭanaḥ ṣaṭsaṃjñā na syāt(), tadātvapakṣe ṣaṭsaṃjñāyāmasatyāṃ sāvakāśo'ṣṭanaḥ svaraḥ, tatrāpi ṣaṭ()svaraḥ prāpnotīti kṛtvā. tataśca yadi dīrghagrahaṇaṃ na kriyeta, tadānavakāśatvādyadātvapakṣe'ṣṭanaḥ svaro na bhavati, tadetarasminnapi pakṣe syāt(). atastannivṛttye dīrghagrahaṇaṃ kriyamāṇamarthavadbhavati. kṛtātvasyāṣṭanaḥ ṣaṭsaṃjñāyām()--aṣṭānāmityatra "ṣaṭcatubhryaśca" (7.1.55) iti nuṭ? siddho bhavati॥