1/5:grahivṛścatipṛcchatibhṛjjatīnām aviśeṣaḥ |
2/5:yat ucyate vṛśceḥ aviśeṣaḥ iti tat na |
3/5:yadi atra rephasya samprasāraṇam na syāt vakārasya prasajyeta |
4/5:rephasya punaḥ samprasāraṇe sati uḥ adattvasya sthānivadbhāvāt na samprasāraṇe samprasāraṇam iti pratiṣedhaḥ siddhaḥ bhavati |
5/5:tasmāt vaktavyam graheḥ aviṣeṣaḥ pṛcchatibhṛjjatyoḥ aviśeṣaḥ iti |

1/26:atha ubhayagrahaṇam kimartham |
2/26:ubhayeṣām abhyāsasya samprasāraṇam yathā syāt vacisvapiyajādīnām grahādīnām ca |
3/26:na etat asti prayojanam |
4/26:prakṛtam ubhayeṣām grahaṇam anuvartate |
5/26:yadi anuvartate grahijyāvayivyadhivaṣṭivicativṛścatipṛcchatibhṛjjatīnām ṅiti ca iti yajādīnām ṅiti api prāpnoti |
6/26:na eṣaḥ doṣaḥ |
7/26:sambandham anuvartiṣyate |
8/26:vacisvapiyajādīnām kiti |
9/26:grahādīnām ṅiti ca vacisvapiyajādīnām kiti |
10/26:tataḥ liṭi abhyāsasya ubhayeṣām |
11/26:kiti ṅiti iti nivṛttam |
12/26:atha vā maṇḍūkagatayaḥ adhikārāḥ |
13/26:yathā maṇḍūkāḥ utplutya utplutya gacchanti tadvat adhikārāḥ |
14/26:atha vā ekayogaḥ kariṣyate |
15/26:vacisvapiyajādīnām kiti grahādīnām ṅiti ca iti |
16/26:tataḥ liṭi abhyāsasya iti |
17/26:na ca ekayoge anuvṛttiḥ bhavati |
18/26:atha vā ubhayam nivṛttam |
19/26:tat apekṣiṣyāmahe |
20/26:idam tarhi ubhayeṣāṅgrahaṇasya prayojanam |
21/26:ubhayeṣām abhyāsasya samprasāraṇam eva yathā syāt |
22/26:yat anyat prāpnoti tat mā bhūt iti |
23/26:kim ca anyat prāpnoti |
24/26:halādiśeṣaḥ |
25/26:abhyāsasamprasāraṇam halādiśeṣāt vipratiṣedhena iti vakṣyati |
26/26:saḥ pūrvavipratiṣedhaḥ na paṭhitavyaḥ bhavati |

1/61:abhyāsasamprasāraṇam halādiśeṣāt vipratiṣedhena |*
2/61:abhyāsasamprasāraṇam halādiśeṣāt bhavati [bhavati halādiśeṣāt : R] vipratiṣedhena |
3/61:abhyāsasamprasāraṇasya avakāśaḥ : iyāja, uvāpa |
4/61:halādiśeṣasya avakāśaḥ : bibhidatuḥ , bibhiduḥ |
5/61:iha ubhayam prāpnoti vivyādha , vivyadhitha |
6/61:abhyāsasamprasāraṇam bhavati pūrvavipratiṣedhena |
7/61:saḥ tarhi pūrvavipratiṣedhaḥ vaktavyaḥ |
8/61:na vā samprasāraṇāśrayabalīyastvāt anyatra api |*
9/61:na vā vaktavyaḥ |
10/61:kim kāraṇam |
11/61:samprasāraṇāśrayabalīyastvāt anyatra api |
12/61:samprasāraṇam samprasāraṇāśrayam ca balīyaḥ bhavati iti vaktavyam |
13/61:anyatra api na avaśyam iha eva vaktavyam |
14/61:kim prayojanam |
15/61:prayojanam ramāllopeyiaṅyaṇaḥ |*
16/61:ram |
17/61:bhṛṣṭaḥ, bhṛṣṭavān |
18/61:samprasāraṇam ca prāpnoti rambhāvaḥ ca |
19/61:paratvāt rambhāvaḥ syāt |
20/61:samprasāraṇam balīyaḥ bhavati iti vaktavyam samprasāraṇam yathā syāt |
21/61:ram |
22/61:āllopaḥ |
23/61:juhuvatuḥ , juhuvuḥ |
24/61:samprasāraṇam ca prāpnoti āllopaḥ ca |
25/61:paratvāt āllopaḥ syāt |
26/61:samprasāraṇam balīyaḥ bhavati iti vaktavyam samprasāraṇam yathā syāt |
27/61:samprasāraṇe kṛte pūrvatvam ca prāpnoti āllopaḥ ca |
28/61:paratvāt āllopaḥ syāt |
29/61:samprasāraṇāśrayam balīyaḥ bhavati iti vaktavyam pūrvatvam yathā syāt |
30/61:iyaṅ |
31/61:śuśuvatuḥ , śuśuvuḥ |
32/61:samprasāraṇam ca prāpnoti iyaṅādeśaḥ ca |
33/61:paratvāt iyaṅādeśaḥ syāt |
34/61:samprasāraṇam balīyaḥ bhavati iti vaktavyam samprasāraṇam yathā syāt |
35/61:yaṇ |
36/61:samprasāraṇe kṛte pūrvatvam ca prāpnoti yaṇādeśaḥ ca |
37/61:paratvāt yaṇādeśaḥ syāt |
38/61:samprasāraṇāśrayam balīyaḥ bhavati iti vaktavyam pūrvatvam yathā syāt |
39/61:iyaṅ |
40/61:na etāni santi prayojanāni |
41/61:yat tāvat ucyate ram iti idam iha sampradhāryam : rambhāvaḥ kriyatām samprasāraṇam iti |
42/61:kim atra kartavyam |
43/61:paratvāt rambhāvaḥ |
44/61:nityam samprasāraṇam |
45/61:kṛte api rambhābe prāpnoti akṛte api |
46/61:rambhāvaḥ api nityaḥ |
47/61:kṛte api samprasāraṇe prāpnoti akṛte api |
48/61:katham |
49/61:yaḥ asau ṛkāre rephaḥ tasya ca upadhāyāḥ ca prāpnoti |
50/61:anityaḥ rambhāvaḥ |
51/61:na hi kṛte samprasāraṇe prāpnoti |
52/61:kim kāraṇam |
53/61:upadeśe iti vartate |
54/61:tat ca avaśyam upadeśagrahaṇam anuvartyam barībhṛjyate iti evamartham |
55/61:āllopeyaṅyaṇaḥ iti |
56/61:nityam samprasāraṇam |
57/61:antaraṅgam pūrvatvam |
58/61:tat etat ananyārtham samprasāraṇāśrayam balīyaḥ bhavati iti vaktavyam pūrvavipratiṣedhaḥ vā vaktavyaḥ |
59/61:ubhayam na vaktavyam |
60/61:uktam atra ubhayeṣāṅgrahaṇasya prayojanam ubhayeṣām abhyāsasya samprasāraṇam eva yathā syāt |
61/61:yat anyat prāpnoti tat mā bhūt iti |

1/8:vyaceḥ kuṭāditvam anasi añṇiti samprasāraṇārtham |*
2/8:vyaceḥ kuṭāditvam anasi iti vaktavyam |
3/8:kim prayojanam |
4/8:añṇiti samprasāraṇārtham |
5/8:añṇiti samprasāraṇam yathā syāt |
6/8:udvicitā , udvicitum , udvicitavyam |
7/8:anasi iti kimartham |
8/8:uruvyacāḥ kaṇṭakaḥ |

ubhayeṣāṃ vacyādīnāṃ grahyādīnāṃ ca liṭi parato 'bhyāsasya samprasāraṇaṃ bhavati. vaci uvāca. uvacitha. svapi suṣvāpa. suṣvapitha. yaja iyāja. iyajitha. ḍuvap uvāpa. uavapitha. grahyādīnām tatra graheraviśeṣaḥ. jagrāha. jagrahitha. jyā jijyau. jijyitha. vayi uvāya. uvayitha. vyadha vivyādha. vivyadhitha. vaśa uvāśa. uvaśitha. vyaca vivyāca. vivyacitha. vṛścateḥ satyasati vā yoge na asti viśeṣaḥ. yogārambhe tu sati yadi samprasāraṇam akṛtvā halādiśeṣeṇa repho nivartyate, tadā vakārasya samprasāraṇaṃ prāpnoti. atha rephasya samprasāraṇaṃ kṛtvā uradatvaṃ raparatvaṃ ca kriyate, tadānī muradatvasya sthānivadbhāvāt na samprasāraṇe samprasāraṇam 6-1-37 iti pratiṣedho bhavati ityasti viśeṣaḥ. vavraśca. vavraścitha. pṛcchati bhṛjjatyoraviśeṣaḥ. akidarthaṃ ca idam abhyāsasya samprasāraṇaṃ vidhīyate. kiti hi paratvād dhātoḥ samprasāraṇe kṛte punaḥ prasaṅgavijñānād dvirvacanam, ūcatuḥ, ūcuḥ iti. adhikārādeva ubhayeṣāṃ grahaṇe siddhe punarubhayeṣām iti vacanaṃ halādiḥ śeṣam api bādhitvā samprasāraṇam eva yathā syātiti. vivyādha.

liṭyabhyāsasya ubhayeṣām 6.1.17 ubhayeṣāṃ vacyādīnāṃ grahyādīnāṃ ca liṭi parato 'bhyāsasya samprasāraṇaṃ bhavati. vaci uvāca. uvacitha. svapi suṣvāpa. suṣvapitha. yaja iyāja. iyajitha. ḍuvap uvāpa. uavapitha. grahyādīnām tatra graheraviśeṣaḥ. jagrāha. jagrahitha. jyā jijyau. jijyitha. vayi uvāya. uvayitha. vyadha vivyādha. vivyadhitha. vaśa uvāśa. uvaśitha. vyaca vivyāca. vivyacitha. vṛścateḥ satyasati vā yoge na asti viśeṣaḥ. yogārambhe tu sati yadi samprasāraṇam akṛtvā halādiśeṣeṇa repho nivartyate, tadā vakārasya samprasāraṇaṃ prāpnoti. atha rephasya samprasāraṇaṃ kṛtvā uradatvaṃ raparatvaṃ ca kriyate, tadānī muradatvasya sthānivadbhāvāt na samprasāraṇe samprasāraṇam 6.1.36 iti pratiṣedho bhavati ityasti viśeṣaḥ. vavraśca. vavraścitha. pṛcchati bhṛjjatyoraviśeṣaḥ. akidarthaṃ ca idam abhyāsasya samprasāraṇaṃ vidhīyate. kiti hi paratvād dhātoḥ samprasāraṇe kṛte punaḥ prasaṅgavijñānād dvirvacanam, ūcatuḥ, ūcuḥ iti. adhikārādeva ubhayeṣāṃ grahaṇe siddhe punarubhayeṣām iti vacanaṃ halādiḥ śeṣam api bādhitvā samprasāraṇam eva yathā syātiti. vivyādha.

liṭa�bhyāsasyobhayeṣām?. , 6.1.17 "uvayitha" iti. krādiniyamādiṭ? prāptaḥ "upadeśe'tvataḥ" 7.2.62 iti pratiṣiddhaḥ "ṛto bhāradvājasya" (7.2.63) iti niyamāt? punarbhavati. "graheraviśeṣaḥ" iti. yasmāt? sati samprasāraṇe halādiśeṣeṇa 7.4.60 rephanivṛttau jagrāheti graheryadrūpaṃ bhavati, satyapi samprasāraṇa uratvaraparatvahalādiśeṣeṣvapi kṛteṣu tadeva bhavati. "jijyau" iti. "āta au ṇalaḥ" 7.1.34. "jijyatha" iti. "āto lopa iṭi ca" 6.4.64 ityākāralopaḥ. "vṛścateḥ satyasati vā yoge nāsti viśeṣaḥ" iti. yadyanyārtho yoga ārabhyate na vṛścatyarthaḥ, tato vṛścatyarthametadvacanaṃ na bhavatīti satyapyetasminnanyārthavacane vṛścaterabhyāsasya naiva samprasāraṇena bhavitavyam(). na hrasati tadarthe vacane kenacit? prakāreṇa samprasāraṇamupapadyata ityabhiprāyaḥ tataścāsatyasmin? yoge vavraśceti yadrūpaṃ bhavati satyapi tadeveti nāsti vṛścaterviśeṣaḥ. etacca vṛttikāramatenoktam(). bhāṣyakāramatena tvāha--"yogārambe" ityādi. tasyāyaṃ bhāvaḥ--sati vaca'nenyārtho kriyamāṇe tasya vṛścatyarthatāpi bhavati; vṛścaterahapi grahrādiṣvantarbhāvāt(). tataśca tadartho'pyayaṃ yogārambha iti tadabhyāsasyāpi samprasāraṇena bhavitavyamiti tuśabdo vṛttikāramatādviśeṣaṃ darśayati. "yadi samprasāraṇamakṛtvā" ityādi. nanu cobhayagrahamasya prayojanaṃ vakṣyati--halādiśeṣaṃ 7.4.60 paramapi bādhitva#ā samprasāraṇameva yathā syāditadi, tat? kuto'sya pakṣasya sambhavaḥ? ubhayagrahaṇarahite yoge satītyabhiprāyaḥ. "atha rephasya" ityādi. ubhayagrahaṇasahite yoge satīti bhāvaḥ. "uradatvasya sthānivadbhāvāt()" iti. kena punaḥ sthānivadbhāvaḥ? "acaḥ parasmin? pūrvavidhau" 1.1.56 iti. kaḥ punarasau? pratyayo'caḥ paraḥ, yannimittamoratvaṃ syāt(). ahgasya yo'bhyāsa iti vijñāyamāne sāmathryāt? pratyaya āśrito bhavati; vinā tenāhgavyapadeśābhāvāt? vṛttikāramataṃ ceṣitavyam(); anyathā tatrobhayagrahaṇābhāvāt? halādiśeṣeṇa 7.4.60 prāgeva samprasāraṇādrephe nivarttite vakārasya samprasāraṇaṃ syāt(). tataśca uvraścetyaniṣṭaṃ rūpaṃ syāt(). "pṛcchatibhṛjjatyīraviśeṣaḥ" iti. graheriva veditavyaḥ. "akidartham()" ityādi. kiṃ punaḥ kāraṇamakidarthaṃ midaṃ vyākhyeyam()? ityata āha--"kiti" ityādi. yasmāt? kiti paratvāt? samprasāraṇa kṛte kṛtasamprasāraṇasya punaḥ prasaṅgavijñānād()dvirvacane kṛte'ntareṇāpyetadvacanam(), ūcaturityādi siddhyatyeva. tasmānnedaṃ kidartham(), api tvakidarthameveti. atha kimarthamubhayeṣāmityucyate, yāvatā svaritaliṅgāsaṅgādevobhayeṣāmityasyānuvṛttirbhaviṣyati? na cānuvṛttau satyāṃ ṅiti vacyādīnāmapi samprasāraṇaṃ prāpnotītyetacca nāśaṅkanīyam(); yadi vacyādīnāmapi ṅiti samprasāraṇaṃ syādyogavibhāgo'narthakaḥ syāt(); maṇḍūkaplutinyāyena vā vracyādīnāmanuvṛttirbhaviṣyati, tatkuto'sya doṣasyāvasaraḥ? ityāha--"adhikārādeva" ityādi. adhikārādevobhayagrahaṇe siddhe punarubhayeṣāṃgrahaṇāt? punaḥśrutirbhavati. tasyāścaitadeva prayojanam()---yatra samprasāraṇaṃ cānyacca prāpnoti tatra samprasāraṇameva yathā syāt(), mā bhūdanyaditi. tena vivyādha, vivyadhitha ityatra halādiśeṣaṃ 7.4.60 paramapi bādhitvā samprasāraṇameva bhavati; anyathātra paratvāt? prāk? pravartamānena halādiśeṣeṇa yakārasya nivṛttau kṛtāyāṃ vakārasya samprasāraṇamāpadyeta, tataśca--uvyādha uvyadhithetyaniṣṭaṃ rūpaṃ syāt()॥

liṭyabhyāsasyobhayeṣām 548, 6.1.17 vacyādīnāṃ grahyādīnāṃ cābhyāsasya samprasāraṇaṃ liṭi. iyāja॥

ṇali dvitvādau tu yayāj a iti sthite– liṭa\ufffdbhyāsasyobhayeṣām. `ṣyaṅaḥ saṃprasāraṇa'mityataḥ saṃprasāraṇamityanuvartate. `vacisvapiyajādīnā'miti sūtropāttāḥ, `grahijyāvayī'ti sūtropāttāśca ubhayaśabdena gṛhrante. tadāha–vacyādīnāṃ grahrādīnāṃ ceti. atra vacyādīnāmityanena vaciḥ svapiḥ yajādayaśca vivakṣitāḥ. `yaja devapūjetyārabhya `ṭu o \ufffdiā gativṛddhyo'rityetatparyantā yajādayaḥ. taduktam– `yajivapirvahiścaiva vasirveñvyeña ityapi. hveñ vadiḥ \ufffdāyatiścaiva yajādyāḥ syurime nava'. iti. teṣvanantarbhāvādvacisvapyoḥ pṛthaggrahaṇam. grahrādīnāmityanena tu grahijyāvayivyadhivaṣṭivicativṛścatipṛcchatibhṛjjatayo vivakṣitāḥ. iyājeti. abhyāsayakārasya saṃprasāraṇe ikāre `saṃprasāraṇācce'ti pūrvarūpamiti bhāvaḥ.

liṭa�bhyāsasyobhayeṣām 241, 6.1.17 ṇali dvitvādau tu yayāj a iti sthite-- liṭa()bhyāsasyobhayeṣām. "ṣyaṅaḥ saṃprasāraṇa"mityataḥ saṃprasāraṇamityanuvartate. "vacisvapiyajādīnā"miti sūtropāttāḥ, "grahijyāvayī"ti sūtropāttāśca ubhayaśabdena gṛhrante. tadāha--vacyādīnāṃ grahrādīnāṃ ceti. atra vacyādīnāmityanena vaciḥ svapiḥ yajādayaśca vivakṣitāḥ. "yaja devapūjetyārabhya "ṭu o ()iā gativṛddhyo"rityetatparyantā yajādayaḥ. taduktam--"yajivapirvahiścaiva vasirveñvyeña ityapi. hveñ vadiḥ ()āyatiścaiva yajādyāḥ syurime nava". iti. teṣvanantarbhāvādvacisvapyoḥ pṛthaggrahaṇam. grahrādīnāmityanena tu grahijyāvayivyadhivaṣṭivicativṛścatipṛcchatibhṛjjatayo vivakṣitāḥ. iyājeti. abhyāsayakārasya saṃprasāraṇe ikāre "saṃprasāraṇācce"ti pūrvarūpamiti bhāvaḥ.

liṭa\ufffdbhyāsasyeti. vacyādayo– vacisvapiyajādayaḥ. grahrādayastu- - `grahijyāvayī'tyādayaḥ. yadyapi grahipṛcchatabhṛjjatīnāmabhyāsasya saṃprasāraṇe kṛte'kṛte ca viśeṣo nāsti, tathāpi parjanyavallakṣaṇaṃ pravartate. jagrāha. papraccha. babhrajja. vṛścatestu viśeṣaḥ,— saṃprasāraṇasyā'karaṇe vavraścetyatra vakārasya saṃprasāraṇaṃ syāt, kṛte tu saṃprasāraṇe `na saṃprasāraṇe' iti niṣedhapravṛttiriti. laṭīti kim ?. vivakṣati. pipakṣati. vacisvapi. āgaṇāntā yajādayaḥ. `yajirvapirvahiścaiva vasirveñ? vyeña ityapi. hveñ?vadī \ufffdāyatiśceti yajādyāḥ syurime nava'. kitīti kim ?. iyaṣṭha. ḍuvap.`ḍvitaḥ kriḥ'. uptrimam.

liṭa�bhyāsasyobhayeṣām 213, 6.1.17 liṭa()bhyāsasyeti. vacyādayo-- vacisvapiyajādayaḥ. grahrādayastu-- "grahijyāvayī"tyādayaḥ. yadyapi grahipṛcchatabhṛjjatīnāmabhyāsasya saṃprasāraṇe kṛte'kṛte ca viśeṣo nāsti, tathāpi parjanyavallakṣaṇaṃ pravartate. jagrāha. papraccha. babhrajja. vṛścatestu viśeṣaḥ,--- saṃprasāraṇasyā'karaṇe vavraścetyatra vakārasya saṃprasāraṇaṃ syāt, kṛte tu saṃprasāraṇe "na saṃprasāraṇe" iti niṣedhapravṛttiriti. laṭīti kim?. vivakṣati. pipakṣati. vacisvapi. āgaṇāntā yajādayaḥ. "yajirvapirvahiścaiva vasirveñ? vyeña ityapi. hveñ()vadī ()āyatiśceti yajādyāḥ syurime nava". kitīti kim?. iyaṣṭha. ḍuvap."ḍvitaḥ kriḥ". uptrimam.