1/10:idam atibahu kriyate sevite , asevite , pramāṇe iti |
2/10:sevitapramāṇayoḥ iti eva siddham |
3/10:kena idānīm asevite bhaviṣyati |
4/10:nañā sevitapratiṣedham vijñāsyāmaḥ |
5/10:na evam śakyam |
6/10:sevitaprasaṅge eva syāt |
7/10:asevite na syāt |
8/10:asevitagrahaṇe punaḥ kriyamāṇe bahuvrīhiḥ ayam vijñāsyate |
9/10:avidyamānasevite asevite iti |
10/10:tasmāt asevitagrahaṇam kartavyam |

goṣpadam iti suṭ nipātyate, tasya ca ṣatvaṃ sevite asevite pramāne ca viṣaye. goṣpado deśaḥ. gāvaḥ padyante yasmin deśe sa gobhiḥ sevito deśo goṣpadaḥ ityucyate. asevite agoṣpadānyaraṇyāni. asevite goṣpadaśabdo na sambhavati ityagoṣpadaśabdārthaṃ nipātanam. yadyevaṃ na artha etena, goṣpadapratiṣedhādagoṣpadaṃ bhavisyati? satyam etat, yatra tu sevitaprasaṅgo 'sti tatra eva syādagoṣpadam iti, yatra tvatyantāsambhava eva tatra na syāt, agoṣpadānyaraṇyāni iti? asevitagrahaṇāt tatra api bhavati. yāni hi mahāntyaraṇāni yeṣu gavām atyantāsambhavas tānyevam ucyante. pramāṇe gospadamātraṃ kṣetram. goṣpadapūraṃ vṛṣṭo devaḥ. na atra goṣpadaṃ svārthapratipādanārtham upādīyate, kiṃ tarhi, kṣetrasya vṛṣṭeśca paricchettumiyattām. sevitāsevitapramāṇesu iti kim? goḥ padam gopadam.

goṣpadaṃ sevitāsevitapramāṇesu 6.1.145 goṣpadam iti suṭ nipātyate, tasya ca ṣatvaṃ sevite asevite pramāne ca viṣaye. goṣpado deśaḥ. gāvaḥ padyante yasmin deśe sa gobhiḥ sevito deśo goṣpadaḥ ityucyate. asevite agoṣpadānyaraṇyāni. asevite goṣpadaśabdo na sambhavati ityagoṣpadaśabdārthaṃ nipātanam. yadyevaṃ na artha etena, goṣpadapratiṣedhādagoṣpadaṃ bhavisyati? satyam etat, yatra tu sevitaprasaṅgo 'sti tatra eva syādagoṣpadam iti, yatra tvatyantāsambhava eva tatra na syāt, agoṣpadānyaraṇyāni iti? asevitagrahaṇāt tatra api bhavati. yāni hi mahāntyaraṇāni yeṣu gavām atyantāsambhavas tānyevam ucyante. pramāṇe gospadamātraṃ kṣetram. goṣpadapūraṃ vṛṣṭo devaḥ. na atra goṣpadaṃ svārthapratipādanārtham upādīyate, kiṃ tarhi, kṣetrasya vṛṣṭeśca paricchettumiyattām. sevitāsevitapramāṇesu iti kim? goḥ padam gopadam.

goṣpadaṃ sevitāsevitapramāṇeṣu. , 6.1.140 "tasya ca ṣatvam()" iti. anādeśapratyayasakāratvāt? suṭaḥ ṣatvaṃ na prāpnotītyatastadapi nipātyate. "gāvaḥ padyante" ityādinā deśasya sevitatvaṃ darśayati. "asevite" ityādi. nanu ca goṣpadaśabdaḥ sūtra upāttaḥ, tat? kasmādasevite'goṣpadādīnītyādyudāhyiyate? ityāha--"asevite" ityādi. nanu ca goṣpadaśabdaḥ sūtra upātaḥ, tat? kasmādasevite'goṣpadādīnītyādyudāhyiyate? ityāha--"asevite" ityādi. kriyate cedamasevitagrahaṇam(), na ca tatra goṣpadaśabdaḥ sambhavati; tasmādasevite'goṣpadārthaṃ nipātanaṃ vijñāyate. "yadyevam()" iti. yadyasevite'goṣpadārthaṃ nipātanamityarthaḥ. "nārtha etena" iti. asevitagrahaṇena. kathaṃ tena vinā sidhyati? ityāha--"goṣpadapratiṣedhāt()"tyādi. "satyamevaitat()" iti. goṣpadaparatiṣedhādityādi yaduktaṃ tasya satyatāmāha, na tu "nārthaṃ etena" ityasyārthaḥ. yadi tarhi satyamevaitat()" tat? kimarthaṃ sevitagrahaṇamiha kriyate? ityāha--"yatra tu" ityādi. nañsamāse'goṣpada ityeṣa tatpuruṣaḥ svabhāvāduttarapadarthasadṛśamarthamācaṣṭe" abrāāhṛṇavat(). tataśca na goṣpadamagoṣpadamiti tatpuruṣe kṛte yatra sevitasaya sevanasya prasaṅgo'sti tatraivāgoṣpadamityetat? tathāpi bhavati" iti. apiśabdo na kevalaṃ yatra sevataprasaṅgo'sti tatraivāgoṣpadamityamumarthaṃ dyotayati. kasmāt()? punaratrāsevitagrahaṇāt(). tatrā'pi bhavatītyata āha--"yāni hi" iti. "evam()" iti. asevitagrahaṇārthakaḥ prakāraḥ pratyavamṛśyate. asevitagrahaṇe hi sati mā bhūt? tasya vaiyathryamita bahuvrīhirayaṃ bhāvasādhanenāsevitaśabdena vijñāsyate. avidyamānaṃ sevitamasminniti bahuvrīhiścātyantābhāve'pi bhavatīti yeṣu gavāmatyantāsambhavastānyaraṇyānyāsevitaśabdenocyante. tataśca tatrāpyagoṣpadamiti bhavati. "goṣpadapūram()" iti. "varṣapramāṇa ūlopaścāsyānyatarasyām()" 3.4.32 iti ṇamul(). nanu ca goṣpadamiti ṣaṣṭhīsamāso'yam(), tasya ca gosambandhi padamarthaḥ, na tu pramāṇam(), tat? kathaṃ goṣpadamātraṃ kṣetramityādi udāharaṇaṃ pramāṇe yujyatade? ityata āha--"nātra" ityādi. na hratra svārthapratipādanārthameva goṣpadamityupādīyate. kiṃ tarhi? kṣetrāderiyattāṃ paricchettum(). tasmāt? kṣetrāderiyattā tena paricchidyate= pramīyata iti bhavati pramāṇam(). na cātra pramāṇaśabdenāyāma ucyate, kiṃ tarhi? paricchedamātram(). kuta etat()? nipātanasāmathryāt(). nipātanaṃ hi vastvaprasiddhamapyupādatte॥

goṣpadamātraṃ kṣetramiti. kṣetrasyālpapramāṇatvamanena jñāpyate. ato goṣpadāt kṣetrasyādhikye'pi na kṣatiḥ.

goṣpadaṃ sevitā'sevitapramāṇeṣu 1045, 6.1.140 goṣpadamātraṃ kṣetramiti. kṣetrasyālpapramāṇatvamanena jñāpyate. ato goṣpadāt kṣetrasyādhikye'pi na kṣatiḥ.

goṣpadam. asevite goṣpadaśabdasya vṛttayasaṃbhāvānnañpūrvakamudāharati— agoṣpadānoti. gavāṃ saṃcāro yatra naiva saṃbhavati tatrāpi suḍāgamārthamasevitagrahaṇamityāhuḥ.

goṣapadaṃ sevitā'sevitapramāṇeṣu 873, 6.1.140 goṣpadam. asevite goṣpadaśabdasya vṛttayasaṃbhāvānnañpūrvakamudāharati---agoṣpadānoti. gavāṃ saṃcāro yatra naiva saṃbhavati tatrāpi suḍāgamārthamasevitagrahaṇamityāhuḥ.