aḍvyavāye, abhyāsavyavāye api suṭ kāt pūrvaḥ bhavati. saṃskarot. samaskārṣīt. sañcaskara. paricaskāra. kimarthaṃ punaridam ucyate, pūrvam dhāturupasargeṇa yujyate iti tatra dhātūpasargayoḥ karyam antaraṅgam iti pūrvaṃ suṭ kriyate paścādaṅabhyāsau? abhaktaśca suṭityuktam, tataḥ sakārāduttarāvaḍabhyāsau aniṣṭe deśe syātām. etasmiṃs tu satyata eva vacanāt kṛtayoraḍabhyāsayoḥ tadvyavāye api suṭ kāt pūrvaḥ kriyate iti siddham iṣṭaṃ bhavati.

suṭ kāt pūrvaḥ 6.1.135 adhikāro 'yam pāraskaraprabhṛtīnāṃ ca saṃjñāyām 6.1.169 iti yāvat. ita uttaraṃ yad vakṣyāmastatra suṭiti , kāt pūrvaḥ iti ca etadadhikṛtaṃ veditavyam. vakṣyati samparyupebhyaḥ karotaubhūṣaṇe 6.1.132. saṃskartā. saṃskartum. saṃskartavyam. kāt pūrvagrahaṇaṃ suṭo 'bhaktatvajñāpanārtham. tathā hi saṃskṛṣīṣṭa, saṃskriyate iti saṃyogādilakṣaṇau iḍguṇau na bhavataḥ. tiṅṅatiṅaḥ 8.1.18 iti nighāto 'pi tarhi na prāpnoti, suṭā vyavahitatvāt? svaravidhau vyañjanam avidyamānavatiti vacanān na asti vyavadhānam saṃcaskaratuḥ, saṃcaskaruḥ iti guṇaḥ katham? tanmadhyapatitastadgrahaṇena gṛhyate iti. saṃyogopadhagrahaṇaṃ ca ṛtaśca saṃyogāder guṇaḥ 7.4.10 ityatra kartavyam. ṭitkaraṇaṃ suṭstusvañjām ityatra viśeṣaṇārtham.

suṭ? kātpūrvaḥ. , 6.1.131 "saṃskātrtā" iti. "sampuṃkānāṃ satvam()" (vā.936) iti vacanāt? "samaḥ suṭi" 8.3.5 iti nirdeśādvā samo makārasya sakāraḥ, "atrānunāsikaḥ pūrvasya tu vā" 8.3.2 iti pūrvākārasyānunāsikaḥ. atha kātpūrvagrahaṇaṃ kimartham(), yāvatā suḍayamādiliṅgaḥ, karotiśca kakārādiḥ, tatrāntareṇāpi kātpūrvagrahaṇaṃ "ādyantau ṭakitau" (1.1.46) iti kātpūrvaṃ eva suṅbhaviṣyati? ityata āha--"kātpūrvagrahaṇam()" ityādi. kiṃ punarabhaktatve satīṣṭaṃ sidhyatīti, atastajjñāpakaṃ prati yatnaḥ kriyate? ityāha--"tathā hi" ityādi. "kiṃ punarabhaktatve satīṣṭaṃ sidhyatīti, atastajjñāpakaṃ prati yatnaḥ kriyate? ityāha--"tathā hi" ityādi. "saṃskṛṣīṣṭa" iti. āśiṣi liṅ? sīyuṭ? āmanepadam(), "uśca" 1.2.12 iti kittvādguṇābhāvaḥ, "suṭ()tiyoḥ" 3.4.107 iti takārasaya suḍāgamaḥ, kātpūrvaḥ suṭ, sa yadi karoterbhaktaḥ syāt? tatastasya karotigrahaṇena grahamāt? kṛñaḥ saṃyogāditvaṃ jātamiti "ṛtaśca saṃyogādeḥ" (7.2.43) itīṭ? prasajyeta. "saṃskriyate" iti. laṭ? karmaṇyātmanepadam(), yak(), "riṅ? śayagliṅkṣu" 7.4.28 iti riṅādeśaḥ. tatra yadi karotibhaktatvaṃ suṭaḥ syāt(), tataśca saṃyogāditvaṃ karoterjātamiti "guṇo'rttisaṃyogādyoḥ" 7.4.29 iti guṇaḥ syāt(). abhaktatve tu suṭaḥ saṃyogāditvādiṅguṇau na bhavataḥ. "tiṅṅatiṅaḥ" ityādi. yadyabhaktaḥ suṭ(), tadā saṃskriyata ityatra samaḥ padasya suṭā vyavahitatvāt? "tiṅṅatiṅaḥ" 8.1.28 iti nighāto na sidhyati. na ca suṭa eva padasya tiṅo labhyate; "padāt()" (8.1.17) ityadhikārāt? suṭaścāpadatvāt(). "svaravidhau" ityādi parihāraḥ. "ṛtaśca saṃyogādeḥ" 7.2.43 ityanena ṛkārāntasyāṅgasaya saṃyogāderliṭi guṇo vidhīyate, sa cābhakte suṭi karoterasaṃyogāditvānnopapadyata iti manyamāna āha--"sañcaskaratuḥ" ityādi. guṇaḥ katham()? na kathañcidityarthaḥ. "tanmadhya" ityādi. dvirvacane kṛte dvau karotī bhavataḥ tanmadhye cāyaṃ vartate suṭ(), ataḥ "tanmadhyapatitastadgrahaṇena gṛhrate"(vyā.pa.29) iti karotigrahaṇenaiva gṛhrate, tato nāstyasaṃyogāditvaṃ kṛña iti bhāvaḥ. nanu ca "dviṣprayogo dvirvacanam()" ityasmin? pakṣa uccāraṇamātraṃ bhidyate, dhātustveka eva, tatkarthaṃ karoterdvitvam()? naiṣa doṣaḥ, yadyapi dhāturabhinnaḥ tathāpyuccāraṇabhedād()bhedastasyāśrita iti; "aṅabhyāsavyavāye'pi" 6.1.131 iti vacanāt(). abhede hi vyavāya eva nāstītyabhyāsagrahaṇamanarthakaṃ syāt(). athāpi kathañcit? sa tadgrahaṇena gṛhayate, evamapi guṇo bhavatyeveti darśayannāha--"saṃyoga" ityādi. saṃyogopadhagrahaṇe hi sati saṃyoga upadhā yasyeti saṃyogopadhatvena--ṛkāraṃ viśeṣya paścāt? tenāṅgaṃ viśiṣyeta--tadantasyāṅgasyeti. tatra yadyapi karoteraṅgaṃ saṃyogopadhaṃ na bhavati, ṛkārastu bhavatīti guṇo bhavatyeva. tahrrabhaktaḥ suṭ(). ṭitkaraṇaṃ kimartham()? taddhi tadāditvāt? tadbhaktatā yathā syādityevamarthaṃ kriyate. abhaktaścet? suṭ? tadā ṭitkaraṇasya vaiyathryamevāpannamityata āha--"ṭitkaraṇam()" ityādi. "suṭstusavañjām()" ityucyamāne suretyādau yaḥ suśabdo yaścopasaryastasyāpi grahaṇaṃ syāt(). tataścātisusthiraḥ, atisusthita ityādāvapi ṣatvaṃ prasajyeta. tasmādviśeṣaṇārthaṃ ṭitkaraṇam()॥

suṭkātpūrvaḥ 675, 6.1.131 suṭ kātpūrvaḥ. ṣaṣṭha()syādyapāde idaṃ sūtram. "saṃparibhyāṃ karotau bhūṣaṇe" "samavāye ca" "upātpratiyatne"tyārabhya "anudāttaṃ padamekavarjamityataḥ prāgidamadhikṛtaṃ veditavyamityarthaḥ. evaṃ ca kātpūrva ityukterabhyāsātprāṅnaṃ suḍiti bhāvaḥ. nanvabhyāsena vyavadhānātkathamiha uttarakhaṇḍasya suṭ, saṃskarotītyādau avyahite suḍvidheścaritārthatvāt. kiṃca samaskarodityatrā'ṭā vyavadhānātkathaṃ suṭ. nahraḍāgamaḥ kṛñbhaktaḥtvāt. vikaraṇāntasyaivāṅgatvādityata āha-- aḍabhyāsasavyavāye'pītyuktamiti. "vārtika"miti śeṣaḥ. aṭā abhyāsena ca vyavadhāne'pi saṃparyādibhyaḥ parasmātkātpūrvaḥ suḍityarthaḥ. ityādīti. suḍityevādhikṛtamastu, "kātpūrvaḥ" iti "aḍabhyāsavyavāye'pī"ti māstvityevaṃ bhāṣye pratyākhyātamityarthaḥ. tadevopapādayituṃ pratijānīte -- tathā hīti. pūrvaṃ dhāturupasargeṇa yujyate iti. "paścātsādhanene"ti śeṣaḥ. tataśca pūrvopanipatitadhātūpasargasambandhanimittakaṃ kāryaṃ paścādanupatiṣyaddhātupratyayasaṃbandhanimittakātkāryādantaraṅgam, prathamopasthitatvāt. taduktaṃ bhāṣye-- "pūrvaṃ dhāturupasargeṇeti kṛtvā dhātūpasargayoḥ kāryamantaraṅga" miti. tadāha -- antaraṅgatvātsuṭ. tato dvitvamiti. tathā suṭi kṛte "skṛ" ityasya dvitve uradattve raparatve "śarpūrvāḥ khayaḥ" iti rephasakārayornivṛttau abhyāsacutve saṃcaskāreti rūpasiddheḥ "kātpūrvaḥ" iti, "aḍabhyāsavyavāye'pī"ti ca na kartavyamiti bhāvaḥ. evaṃ samaskarodityatrāpi vikaraṇāntā'ṅgabhaktā'ḍāgamāpekṣayā'ntaraṅgatvātprathamaṃ suḍbhaviṣyatīti kṛtvā "aḍvyavāye'pī"tyaṃśo na kartavya ityūhram. "pūrvaṃ dhāturupasargeṇe"tyāśrayaṇe phalāntaramapyāha -- evaṃ ceti. uktarītyā antaraṅgatvātsuṭi kṛte saṃskṛ ityasmālliṭo'tusi "ṛtaśca saṃyogāderguṇaḥ" iti guṇe saṃcaraskaraturiti siddhyati. "pūrvaṃ dhātuḥ sādhanena yujyate" ityāśrayaṇe tu cakraturiti pariniṣṭhitasya samityupasargayogātsaṃyogāditvā'bhāvādguṇasyā'siddhiriti bhāvaḥ. nanu saṃcaskariva, saṃcaskaritha ityatra ca "kṛ()sṛ()vṛ()bhṛ()"iti "ṛto bhāradvājasye"ti ca iṇniṣedhaḥ syādityata āha-- kṛsṛbhṛvṛsūtre ityādi. nanvāśīrliṅi saṃskriyādityatra "guṇo'rtisaṃyogādyo"riti guṇaḥ kuto netyata āha-- guṇo'rtītyādi. nanu taṅi saṃskṛṣīṣṭa iti liṅi, samaskṛta samaskṛta samaskṛṣātāmiti luṅi ca "ṛtaśca saṃyogāde"riti iṭ kuto netyata āha-ṛtaścetyādi. ॥ iti bālamanoramāyām tanādayaḥ॥atha tatpuruṣasamāsaprakaraṇam.--------------------