saḥ ityetasya aci parataḥ sulopo bhavati, lope sati cet pādaḥ pūryate. sedu rājā kṣayate carṣaṇīnām. sauṣadhīranurudhyase. lope cet pādapūraṇam iti kim? sa iva vyāghro bhavet. aci iti vaspaṣṭārtham. pādagrahaṇena atra ślokapādasya api grahaṇaṃ kecidicchanti, tena idaṃ siddhaṃ bhavati. saiṣa dāśarathī rāmaḥ saiṣa rājā yudhiṣṭhiraḥ. saiṣa karṇo mahātyāgī saiṣā bhīmo mahābalaḥ.

so 'ci lope cet pādapūraṇam 6.1.134 saḥ ityetasya aci parataḥ sulopo bhavati, lope sati cet pādaḥ pūryate. sedu rājā kṣayate carṣaṇīnām. sauṣadhīranurudhyase. lope cet pādapūraṇam iti kim? sa iva vyāghro bhavet. aci iti vaspaṣṭārtham. pādagrahaṇena atra ślokapādasya api grahaṇaṃ kecidicchanti, tena idaṃ siddhaṃ bhavati. saiṣa dāśarathī rāmaḥ saiṣa rājā yudhiṣṭhiraḥ. saiṣa karṇo mahātyāgī saiṣā bhīmo mahābalaḥ.

so'ci lope cetpādapūraṇam?. , 6.1.130 so'cīti pūrvavat? tasya prathamaikavacanāntasyānukaraṇam(). pādapūraṇam()=pādaniṣpattiḥ. nanu cārambhasāmathryādevāci vijñāyate, hali hi pūrvoṇaiva siddhatvāt(), tat? kimarthamacīti kriyate? ityāha-"acīti vispaṣṭārtham()" iti. "kecidicchanti" iti. te cchandograhaṇaṃ nānuvatrtayantīti॥

so'ci lope cetpādapūraṇam 115, 6.1.130 sa ityasya sorlopaḥ syādaci pādaścellope satyeva pūryyeta. semāmaviḍḍhi prabhṛtim. saiṣa dāśarathī rāmaḥ॥

so'ci. `sa' iti prathamaikavacanāntasvarūpaparaṃ , tataḥ ṣaṣṭa\ufffdā luk. evañca `sas'- śabdasyeti labhyate. `sulopa' ityanuvartate. tadāha-sas ityādinā.

so'ci lope cetpādapūraṇam 352, 6.1.130 so'ci. "sa" iti prathamaikavacanāntasvarūpaparaṃ , tataḥ ṣaṣṭa()ā luk. evañca "sas"-śabdasyeti labhyate. "sulopa" ityanuvartate. tadāha-sas ityādinā. ***** iti bālamanoramāyāṃ svādisandhiḥ ***** atha svādayaḥ.atha śnuvikaraṇā dhātavo nirūpyante. ṣuñdhātuḥ ṣopadeśaḥ. aniṭ. ita ārabhya ñittvādubhayapadinaḥ. surāsandhānamiti. surotpādanamityarthaḥ.

so'ci lope. `acīti vispaṣṭārtha'miti vṛttau sthitam. `sas'iti tacchabdasya prathamaikavacanāntasyānukaraṇaṃ luptaṣaṣṭhīkramityāha–sa ityasyeti. bahulagrahaṇeti. ataeva lopaṃ vinā pādapūraṇe'pi kvacidbhavati-`sāsmā aram' iti. atra vadanti–ye tu `so'hamājanmaśuddhanā'mityādisidhdyarthaṃ `pādaścellope satyeva pūryete'ti sāvadhāraṇaṃ vyācakhyusteṣāṃ `sāsmā ara'mityādau salopānāpattiḥ. atra hi `saḥ-asmai' iti cchedaḥ. bahulagrahaṇānuvṛttyā tadupapādane tu `so'hamājanme'tyādyeva tathopapādyatāṃ, kimavadhāraṇeneti. *

so'ci lope cetpādapūraṇam 1529, 6.1.130 so'ci lope. "acīti vispaṣṭārtha"miti vṛttau sthitam. "sasiti tacchabdasya prathamaikavacanāntasyānukaraṇaṃ luptaṣaṣṭhīkramityāha--sa ityasyeti. bahulagrahaṇeti. ataeva lopaṃ vinā pādapūraṇe'pi kvacidbhavati-"sāsmā aram" iti. atra vadanti--ye tu "so'hamājanmaśuddhanā"mityādisidhdyarthaṃ "pādaścellope satyeva pūryete"ti sāvadhāraṇaṃ vyācakhyusteṣāṃ "sāsmā ara"mityādau salopānāpattiḥ. atra hi "saḥ-asmai" iti cchedaḥ. bahulagrahaṇānuvṛttyā tadupapādane tu "so'hamājanme"tyādyeva tathopapādyatāṃ, kimavadhāraṇeneti. * iti tattvabodhinyāṃ svādisandhiprakaraṇam. *