Pāṇini 6.1.13

Grammatical Sūtra: ष्यङः सम्प्रसारणं पुत्रपत्योस्तत्पुरुषे ṣyaṅaḥ samprasāraṇaṃ putrapatyostatpuruṣe Chantings of the aṣṭādhyāyī kindly with permision Sai Susarla.
Individual Word Components: ṣyaṅaḥ samprasāraṇam putrapatyoḥ tatpuruṣe
Sūtra with anuvṛtti words: ṣyaṅaḥ samprasāraṇam putrapatyoḥ tatpuruṣe
Type of Rule: vidhi
Preceding adhikāra rule:6.1.2 (1ajāder dvitīyasya)

Description:

There is vocalisation of the semivowel ((y)) of the affix ((ṣyaṅ)) (I5.1.78) when followed in a Tatpurusha compound, by the words ((putra)) and ((pati))|| Source: Aṣṭādhyāyī 2.0

Samprasāraṇa (= vocalization 1.1.54) replacement of [the affix 3.1.1] ṢyáṄ takes place in a Tatpuruṣá compound with °-putrá `son' and °-páti- `spouse, husband' (as final members 1.1.72). Source: From Aṣṭādhyāyī of Pāṇini In Roman Transliteration translated by Sumitra M. Katre, Copyright © 1987. Courtesy of the University of Texas Press.

Source:Srisa Chandra Vasu's Aṣṭādhyāyī of Pāṇini

Mahābhāṣya: With kind permission: Dr. George Cardona

1/36:ṣyaṅaḥ samprasāraṇe putrapatyoḥ tadādau atiprasaṅgaḥ |*
2/36:ṣyaṅaḥ samprasāraṇe putrapatyoḥ tadādau atiprasaṅgaḥ bhavati |
3/36:putrapatyādau samprasāraṇam prāpnoti |
4/36:kārīṣagandhyāputrakulam , kārīṣagandhyāpatikulam |
5/36:varṇagrahaṇāt siddham |
See More

1/36:ṣyaṅaḥ samprasāraṇe putrapatyoḥ tadādau atiprasaṅgaḥ |*
2/36:ṣyaṅaḥ samprasāraṇe putrapatyoḥ tadādau atiprasaṅgaḥ bhavati |
3/36:putrapatyādau samprasāraṇam prāpnoti |
4/36:kārīṣagandhyāputrakulam , kārīṣagandhyāpatikulam |
5/36:varṇagrahaṇāt siddham |
6/36:varṇagrahaṇe etat bhavati yasmin vidhiḥ tadādau iti na ca idam varṇagrahaṇam |
7/36:varṇagrahaṇe iti cet tadantapratiṣedhaḥ |*
8/36:varṇagrahaṇe iti cet tadantasya pratiṣedhaḥ vaktavyaḥ |
9/36:putrapatyante samprasāraṇam prāpnoti |
10/36:kārīṣagandhyāparamaputraḥ , kārīṣagandhyāparamapatiḥ |
11/36:kaumudagandhyāparamaputraḥ , kaumudagandhyāparamapatiḥ |
12/36:kim kāraṇam |
13/36:yatra hi tadādividhiḥ na asti tadantavidhinā tatra bhavitavyam |
14/36:siddham tu uttarapadavacanāt |*
15/36:siddham etat |
16/36:katham |
17/36:uttarapadavacanāt |
18/36:putrapatyoḥ uttarapadayoḥ iti vaktavyam |
19/36:tat tarhi vaktavyam |
20/36:na vaktavyam |
21/36:pūrvapadam uttarapadam iti sambandhiśabdau etau |
22/36:sati pūrvapade uttarapadam bhavati sati ca uttarapade pūrvapadam iti |
23/36:na ca atra putrapatī uttarapade |
24/36:iha api tarhi na prāpnoti |
25/36:kārīṣagandhīputraḥ , kārīṣagandhīpatiḥ iti |
26/36:kim kāraṇam |
27/36:pūrvapadam iti ucyate |
28/36:na hi atra ṣyaṅ pūrvapadam asti |
29/36:ṣyaṅantam etat pūrvapadam |
30/36:katham |
31/36:pratyayagrahaṇe yasmāt saḥ tadādeḥ grahaṇam bhavati |
32/36:yadi pratyayagrahaṇe yasmāt saḥ tadādeḥ grahaṇam bhavati iti ucyate paramakārīṣagandhīputraḥ , paramakārīṣagandhīpatiḥ iti na sidhyati |
33/36:pratyayagrahaṇe yasmāt saḥ tadādeḥ grahaṇam bhavati astrīpratyayena iti |
34/36:yadi astrīpratyayena iti ucyate atikrāntaḥ kārīṣagandhyām atikārīṣagandhyaḥ , tasya putraḥ atikārīṣagandhyaputraḥ , atikārīṣagandhyapatiḥ iti atra api prāpnoti |
35/36:astrīpratyayena anupasarjanena |
36/36:yaḥ hi upasarjanam strīpratyayaḥ bhavati eṣā tatra paribhāṣā pratyayagrahaṇe yasmāt saḥ tadādeḥ grahaṇam bhavati iti |

Kielhorn/Abhyankar (III,20.2-22) Rohatak (IV,323-326)

*Kātyāyana's Vārttikas

Commentaries:

Kāśikāvṛttī¹: putra pati ityetasyoruttarapadayos tatpuruṣe samāse ṣyaṅaḥ saṃprasāraṇaṃ bhavati See More

Kāśikāvṛttī²: ṣyaṅaḥ samprasāraṇaṃ putrapatyos tatpuruṣe 6.1.13 putra pati ityetasyoruttarapa See More

Nyāsa²: ṣyaṅaḥ samprasāraṇaṃ putrapatyostatyuruṣe. , 6.1.13 samprasāraṇamiti yaṇsthānika See More

ṣyaṅaḥ samprasāraṇaṃ putrapatyostatyuruṣe. , 6.1.13 samprasāraṇamiti yaṇsthānikasyeka eṣā saṃjñā vihitā, vākyārthasya ca. "igyaṇaḥ" 1.1.44 iti yo'yaṃ vākyārthaḥ sthānyādeśasambandhalakṣaṇastasya tatra cedamuktamanuvāde varṇa upatiṣṭhate, vidhau tu vākyārtha iti; vidhiścāyam(), ato vākyārthasyaivopasthānamityāha--"yaṇaḥ sthāne" ityādi. "tataścāpi vihite" iti. "yaṅścāp()" 4.1.74 ityenena. "ibhyāputraḥ" iti. ibhamaiitīti "daṇḍādibhyo yaḥ" 5.1.65. "kṣatriyāputraḥ" iti. kṣatatrasyāpatyamiti "kṣatrāt? dhaḥ" 4.1.138 iti dhaḥ. "ṣyaṅaḥ" iti pratyayagrahaṇamidam(), tatra pratyagrahaṇaparibhāṣāyā (pu.pa.vṛ.44) apasthānād? yasmāt? sa vihitastadādestadantasyeti tadāditadantagrahaṇamihaiva syāt()--kārīṣagandhīputra iti, iha tu na syāt()--paramakāroṣagandhīputra iti; kārīṣagandhaśabdāddhi ṣyaṅ vihitaḥ, na paramakārīṣagandhaśabdāt()? ata idaṃ dveṣyamapākarttu māha--"ṣyaṅiti strīpratyayagrahaṇam()" iti "striyām()" 4.1.3 ityadhikṛtya vihitatvāt(). strītvaṃ sthānivadbāvena ca pratyayatvaṃ ṣyaṅaḥ, na hi tasyānyathā strīpratyayatvamupapadyate; ādeśapakṣasya ca tatrāśritatvāt(). yadi strīpratyayagrahaṇametat(); tataśca kimiti? tadādiniyamo na bhavati; yato'dhikasyāpyatra grahaṇaṃ syāt(), atiprasaṅgo vā. asati hi niyame yatheha bhavati--paramakārīṣagandhīputra iti, tathehāpi syāt()--atikārīṣagndhyāputra iti, ata āha--"nastrīpratyaye ca" ityādi. pratyagrahaṇaparibhāṣāyā "na strīpratyaye cānupasarjane" (pu.pa.vṛ.45) ityayamapavādaḥ kṛtaḥ. tena yatrānupasarjanaḥ strīpratyayastatraiṣā pratyayagrahaṇaparibhāṣāṃ na pravatrtata iti tadādiniyamo nāsti, tena paramakārīṣandhīputra ityatra bhavatyeva. atra hi paramācāsau kārīṣagandhya#ā ceti "sanmahat()" 2.1.60 ityādinā samāsaḥ, strīpratyayasya prādhānyam(), "striyāḥ puṃvat()" 6.3.33 ityādinā puṃvadbhāvaḥ. yatra tūpasarjanaṃ strīpratyayastatrānuparjana iti vacanādupatiṣṭhata evaiṣā paribhāvā. tena bhavatyevātra tadādiniyamaḥ. teneha na bhavati--atikārīṣandhyāputra iti. atra hi kārīṣagandhyāmatikrānta iti prādisamāsaḥ. atra yosāvatikrāntaḥ sa pradhānam(), kāriṣagandhyā tūpasarjanam(). ata eva "gostriyorupasarjanasya" 1.2.48 iti hyasvo bhavati. putrapatyoḥ samprasasāraṇe tadādāvatiprasaṅgaḥ. ihāpi prāpnoti--kārīṣagandhyāputrakulamiti. tathā hi--putrapatyoriti saptamī kāryiṇa ānantaryamācaṣṭe, tataśca śuddhayostadādau cāviśiṣṭam(). athāpi kathañcit? tadādau na syāt(), evamapi "yena vidhistadantasya" 1.1.71 iti tadante'tiprasaṅga ihāpi prāpnoti--karīṣagandhyā paramaputra iti. vidhividhānavidhibhājāṃ trayāṇāṃ sannidhāne tadantarvidhirbhavati. te ceha santi--vidhiḥ samprasāraṇam(), vidhibhāk? ṣyaṅ(), vidhānaṃ patiputraśabdau. iha ca tatpuruṣemāvyabhicārāt? sannidhāpitaṃ yaduttarapadaṃ tat? putrapatiśabdābhyāṃ viśeṣyate, viśeṣaṇena ca tadantarvidhirbhavatīti putraśabdānte patiśabdānte cottarapade samprasāraṇaṃ bhavatīti kasyacit? bhrāntiḥ syāt(), astāṃ nirākarttumāha--"putrapatyoḥ" ityādi. evaṃ manyate--tatpuruṣo'tra putrapatyoḥ ṣyaṅścādhikaraṇabhūto nirdiśyamānastatpuruṣāvayavatvaṃ putrapatyoḥ khyāpayati, tadyathā--vṛkṣe śākheti. vṛkṣaḥ śākhāyā adhikaraṇatvena nirdiśyamānaḥ śākhāyāḥ vṛkṣāvayavatvaṃ bodhayati; tatra pratyāsatteḥ. yatra tatpuruṣe ṣyaṅ kāryabhāgavayavaḥ sthitaḥ, tasyaiva tatpuruṣasya yāvavayavau putrapatī tayoreva grahaṇam(), na tu putrapatyādāvuttarapade yau putrapatiśabdau tau tasyaiva ṣyaṅaḥ pūrvapadasya tatparuruṣasyāvayavau. ati tu tatpuruṣāntarasyāpi putrakulaśabdasya patikulaśabtadasya ca. tasmāt? tadādau tāvanna bhavatyatiprasaṃgaḥ. tadante'pi na bhavatyeva; yasmādiha putrapatigrahaṇaṃ yacca tatapuruṣeṇa sandhāpitamuttarapadaṃ tayorviśeṣaṇaviśeṣyabhāvaṃ prati kāmacāraḥ. tatra yadīhottarapadaṃ putrapatiśabdābhyāṃ viśiṣyeta tadā syāt? tadantavidhiḥ, viśeṣaṇena tadantavidhirbhavatīti kṛtvā. na ceha tābhyāṃ tadviśiṣyate, api tu tāveva tena; tataśca tadantaravidherabhāvāt? kevalayorevedaṃ viśeṣaṇaṃ bhavatīti kutastadanto'tiprasaṅga? nanu ca yadyuttarapadena putrapatī viśiṣyete tena tayostadantatā vijñāyate, tataścottarapadapadāntayoreva grahaṇaṃ, na kevalayoḥ, evañca tadādāvatiprasaṅgaḥ? naitadasti; na hi putrapatiśabdāvuttarapadāntau sambhavataḥ. yasmādayamantaśabdo'vayavavacanaḥ. na ca putrapatiśabdayorahuttarapadamavayavaḥ. kiṃ tarhi? samāsasya, na ca tau samāsau. tasmānannaivaṃ vijñāyate---uttarapadāntayoḥsa putrapatiśabdayoriti, kiṃ tarhi? putrapatyorevottarapadayoḥ kevalayoriti. "yena vidhistadantasya" 1.1.71 iti tadantavidhinā'tra ṣyaṅantasya samprasāraṇaṃ vijñāyate, tataśca vārāhīputra ityatra vakārasayāpi sabhprasāraṇaṃ prāpnotītyata āha--"ṣyaṅnte ca" ityādi. tatraiva kāraṇamāha--"nirdiśyamānasya" ityādi. samprasāraṇagarahaṇamuttarārtham(). ati hikāragrahaṇenāpi sidhyatyeva. tāṃ cottarārthatāṃ tatraiva darśayiṣyāmaḥ. tāmevottarārthatāṃ sūcayannāha--"samprasāraṇam()" ityādi॥

Bālamanoramā¹: saṃprasāraṇasya dīrgha iti. `ḍhralope' ityatastadanuvṛtteriti bhāvaḥ. utta Sū #989 See More

saṃprasāraṇasya dīrgha iti. `ḍhralope' ityatastadanuvṛtteriti bhāvaḥ. uttarapade iti. `aluguttarapade' iti tadadhikārāditi bhāvaḥ. kaumudagandhyāyāḥ putra iti. vigrahavākyamidam. kumudagandha iva gandho yasya sa kumudagandhiḥ. `saptamyupamānapūrvapadasya bahuvrīhirvācyo vā cottarapadalopaḥ' iti bahuvrīhiḥ, kumudagandhaśabde pūrvakhaṇḍe uttarasya gandhaśabdasya lopaśca. `upamānācce'tīttvam. kumudagandherapatyaṃ strītyarthe tasyāpatyamityaṇ. `aṇiñoranārṣayo'riti tasya ṣyaṅādeśaḥ. `yasyeti ce'tīkāralopaḥ. ādivṛddhiḥ. `yaṅścāp. kaumudagandhyāśabda iti bhāvaḥ. kaumudagandhyāyāḥ putra iti. ṣaṣṭhīsamāsaḥ. subluki `kaumudagandhyā-putra' iti sthite ṣyaṅaḥ saṃprasāraṇena yakārasya ikāraḥ. tasya, taduttarā''kārasya ca `saṃprasāraṇācce'ti pūrvarūpeṇa ikāre `saṃprasāraṇasye'ti dīrghe `kaumudagandhīputra' iti rūpamiti bhāvaḥ. `halaḥ' iti dīrghasya tu nātra prasaktiḥ, saṃprasāraṇāt pūrvasya halaḥ saṃprasāramanimittanirūpitāṅgāvayavatvā'bhāvāt.kaumudagandhīpatiriti. kaumudagandhyāyāḥ patiriti vigrahaḥ. pūrvavatprakriyā. `iko hyasvo'ṅyo gālavasye'ti pākṣikaṃ hyasvama#āśaṅkyāha–vyavasthitavibhāṣayā hyasvo neti. atra tu vyākhyānameva śaraṇam. syādetat. karī?ṣaṃ–gomahiṣādiṣurīṣam, karīṣagandha iva gandho yasya saḥ karīṣagandhiḥ, tasyāpatyaṃ strī–kārīṣagandhyā, paramā cāsau kārīṣagandhyā ca paramakārīṣagandhyā, tasyāḥ putraḥ paramakārīṣagandhīputra ityatrāpi ṣyaṅaḥ saṃprasāraṇaṃ, tasya dīrghaśceti sthitiḥ. atra saṃprasāraṇaṃ durlabham. ṣyaṅaḥ karīṣagandhiśabdādeva vihitatvena paramakārīṣagandhyāśabdasya pūrvapadasya ṣyaṅantatvā'bhāvātpratyayagrahaṇe yasmātsa vihitastadādestadantasya ca grahaṇādityata āha–strīpratyaye ceti. ṣyaḥ striyāṃ vihitatvātsa strīpratyayaḥ. tataśca `strīpratyaye cānupasarjane ne'ti parabhāṣayā tadādiniyamā'bhāvātparamakārīṣagandhyāśabdo'pi ṣyaṅanta eveti tatra saṃprasāraṇe dīrghe ca `paramakārīṣagandhīputra' iti rūpamiti bhāvaḥ. iyaṃ paribhāṣā `ṣyaṅaḥ saṃprasāraṇa'miti prakṛta sūtrebhāṣye paṭhitā. tatrānupasarjanagrahaṇasya prayojanamāha– upasarjane tviti. kārīṣagandhyāmatikrāntaḥ atikārīṣagandhyaḥ, `atyādayaḥ'iti samāse, upasarjanahyasvaḥ. tasya putro'tikārīṣagandhyaputraḥ. atra `strīpratyaye tadādiniyamo ne'ti niṣedha#o na bhavati, anupasarjana eva strīpratyaye tasya niṣedhasya pravṛtteḥ. ṣyaṅ tvayaṃ strīpratyayo'tra upasarjana eva. atastatra tadādiniyamasattvādatikārīṣagandhyaśabdo naiva ṣyaṅanta iti na saṃprasāraṇamiti bhāvaḥ.