1/18:upasthite iti ucyate |
2/18:kim idam upasthitam nāma |
3/18:anārṣaḥ itikaraṇaḥ |
4/18:suślokā3 iti suśloketi |
5/18:atha vadvacanam kimartham |
6/18:vadvacanam plutakāryapratiṣedhārtham |*
7/18:vadvacanam kriyate plutakāryapratiṣedhārtham |
8/18:plutakāryam pratiṣidhyate |
9/18:trimātratā na pratiṣidhyate |
10/18:kim ca idānīm trimātratāyāḥ apratiṣedhe prayojanam yāvatā plutakārye pratiṣiddhe svarasandhinā bhavitavyam |
11/18:plutapratiṣedhe hi pragṛhyaplutapratiṣedhaprasaṅgaḥ anyena vihitatvāt |*
12/18:plutapratiṣedhe hi sati pragṛhyasya api plutasya trimātratāyāḥ pratiṣedhaḥ prasajyeta |
13/18:agnī3 iti , vāyū3 iti |
14/18:kim ca idānīm tasyāḥ api trimātratāyāḥ apratiṣedhe prayojanam yāvatā plutakārye pratiṣiddhe svarasandhinā bhavitavyam |
15/18:na bhavitavyam |
16/18:kim kāraṇam |
17/18:anyena vihitatvāt |
18/18:anyena hi lakṣaṇena plutapragṛhyasya prakṛtibhāvaḥ ucyate pragṛhyaḥ prakṛtyā iti |

upasthitaṃ nāma anārṣaḥ atikaraṇaḥ, samudāyādavacchidya padaṃ yena svarūpe 'vasthāpyate. tasmin parataḥ plutaḥ aplutavad bhavati. plutakāryaṃ prakṛtibhāvaṃ na karoti. suśloka3 iti suśloketi. sumaṅgala3 iti sumaṅgaleti. vatkaraṇaṃ kim? apluta iti ucyamāne pluta eva pratiṣidyate. tatra ko doṣaḥ? pragṛhyāśraye prakṛtibhāve plutasya śravaṇaṃ na syāt, agnī3 iti, vāyū3 iti.

aplutavadupasthite 6.1.129 upasthitaṃ nāma anārṣaḥ atikaraṇaḥ, samudāyādavacchidya padaṃ yena svarūpe 'vasthāpyate. tasmin parataḥ plutaḥ aplutavad bhavati. plutakāryaṃ prakṛtibhāvaṃ na karoti. suśloka3 iti suśloketi. sumaṅgala3 iti sumaṅgaleti. vatkaraṇaṃ kim? apluta iti ucyamāne pluta eva pratiṣidyate. tatra ko doṣaḥ? pragṛhyāśraye prakṛtibhāve plutasya śravaṇaṃ na syāt, agnī3 iti, vāyū3 iti.

aplutavadupasthite. , 6.1.125 ṛṣau=vede bhava ārṣaḥ, tasmādanyo laukiko'nārṣaḥ. "samudāyāt()" iti. vākyādityarthaḥ. kuta etata? padarahitasya vakyasyāprayogāt(). vākyasya ca samudayātmakatvāt(). "avacchidya" iti. pṛthak? kṛtvetyarthaḥ. "svarūpe vyavasthāpyate" [svarūpe'vasthāpyate--kāśikā] iti. śabdapadātmakatāyāṃ vyavasthāpyata ityarthaḥ. "aplutavat()" iti. aplutena tulyaṃ vatrtata ityaplutavat(). yena sādhamryeṇāplutavadbhavati taddarśayitumāha--"plutakāryam()" ityādi. tadanena plutakāryasyārthaṃ pratiṣedhaḥ, na tu plutasyeti darśitaṃ bhavati. "suślokā 3" iti. "dūrāddhūte ca" 8.2.84 iti plutaḥ. "suślokā" iti. plutakāryasyākaraṇādekādeśo bhavatyeva. nanu caikādeśenāpi na bhavitavyam(), tasyāpi plutakāryatvāt()? naitadasti; evaṃ hi vacanasya vaiyathryaṃ syāt(). tasmāt? plutasaṃśabdanenaiva plutasya yatkāryaṃ vihitaṃ tasyaiva pratiṣedhaḥ, na sarvasya plṛtakāryasya. na caikādeśa evaṃ vihitaḥ. "vatkaraṇaṃ kim()" iti. kāryamātrasya pratiṣedhe sati plutasya dhavaṇaṃ yathā syādityevamarthaṃ vatkaraṇaṃ syāt(). satyapi ca kāryamātrasya prakṛtibhāvasya pratiṣedhenaiva plutaśrutyā bhavitavyam(); ekadeśena nivarttitatvāt(). tat? kasmāt? plutasyaiva pratiṣedho na kriyata ityabhiprāyaḥ. plutapratiṣedhe vakṣyamāṇaṃ doṣaṃ cetasi kṛtvā'‌'ha--"pluta ityucyamāne" ityādi. "tatra ko doṣaḥ" iti. yo vatkaraṇe sati na bhavatīti bhāvaḥ. "pragṛhrāśraye" ityādi. pragṛhra āśrayo yasya tasmin? pratibhāve sati pragṛhrasaṃjñako yaḥ plutastasya śravaṇaṃ na syāt(), yadi pluta eva pratiṣidhyeta. vatkaraṇe tu sati plutakāryasyāyaṃ pratiṣedho bhavati na plutasyaiva. tatra plutāśraye prakṛtibhāve pratiṣiddhe'pi pragṛhrāśrayasyāpratiṣiddhatvādasatyekādeśa eva doṣo na bhavati. "agnī iti". "idūded()dvivacanam()" 1.1.11 ityādinā pragṛhayasaṃjñā, "guroranṛta" 8.2.86 ityādinā plutaḥ॥

tadāha–upasthito'nārṣa iti. apsutavadbhāvasya prayojanamāha–plutakāryaṃ prakṛtibhāvamiti. `aplutakāryaṃ yaṇādikaṃ karotī'ti pāṭhāntaram. suślokaṃ3 itīti. taittirīye `suśloka3' iti plutānto mantraḥ paṭhitaḥ. padakāle'vagrahe tasmātparata itiśabdaṃ padakārāḥ paṭhanti. tatra `suśloka3 itī'ti sthite'plutavadbhāvena prakṛtibhāvā'bhāve satyādguṇe suśloketīti bhavati. atretiśabdaḥ padakāraprakṣiptatvādavaidikaḥ. tadeva `suśloketi' ityudāharaṇaṃ bhāṣye sthitam. padakārāstu `suśloka3 iti suśloka3 itī'tyeva avagṛhṇanti. tadapi saṃhitāyā avivakṣitatvānnirvāhram. saṃhitāyāmeva yaṇādisandhividhānāt. vatkimiti. `apluttava'dityatra vadgrahaṇasya kiṃ prayojanamiti praśnaḥ. uttaramāha–apluta ityādinā. vadgrahaṇaṃ vihāyā'pluta upasthita ityukteplutasya sthāne'pluta eva vidhīyate. ataḥ pluta eva nivarteta. tataśca agnī3 itītyatra sambodhanaprathamādvivacanāntasyānukaraṇe pragṛhra īkārastrimātro na śrūyate. vatkaraṇe tu plutakāryasya prakṛtibhāvasyaiva nivṛttirgamyate na tu plutasyāpīti noktadoṣa ityarthaḥ.

aplutavadupasthite 99, 6.1.125 tadāha--upasthito'nārṣa iti. apsutavadbhāvasya prayojanamāha--plutakāryaṃ prakṛtibhāvamiti. "aplutakāryaṃ yaṇādikaṃ karotī"ti pāṭhāntaram. suślokaṃ3 itīti. taittirīye "suśloka3" iti plutānto mantraḥ paṭhitaḥ. padakāle'vagrahe tasmātparata itiśabdaṃ padakārāḥ paṭhanti. tatra "suśloka3 itī"ti sthite'plutavadbhāvena prakṛtibhāvā'bhāve satyādguṇe suśloketīti bhavati. atretiśabdaḥ padakāraprakṣiptatvādavaidikaḥ. tadeva "suśloketi" ityudāharaṇaṃ bhāṣye sthitam. padakārāstu "suśloka3 iti suśloka3 itī"tyeva avagṛhṇanti. tadapi saṃhitāyā avivakṣitatvānnirvāhram. saṃhitāyāmeva yaṇādisandhividhānāt. vatkimiti. "apluttava"dityatra vadgrahaṇasya kiṃ prayojanamiti praśnaḥ. uttaramāha--apluta ityādinā. vadgrahaṇaṃ vihāyā'pluta upasthita ityukteplutasya sthāne'pluta eva vidhīyate. ataḥ pluta eva nivarteta. tataśca agnī3 itītyatra sambodhanaprathamādvivacanāntasyānukaraṇe pragṛhra īkārastrimātro na śrūyate. vatkaraṇe tu plutakāryasya prakṛtibhāvasyaiva nivṛttirgamyate na tu plutasyāpīti noktadoṣa ityarthaḥ.

yaṇādikaṃ karotīti. atra navyāḥ-`yadyevam `agnī iti ' viṣṇū iti ' ityatra pragṛhrāśrayaṃ prakṛtibhāvaṃ bādhitvā paratvādanena yaṇādikāryaṃ syāt, tataśca vatkaraṇaprayojana yaṇādikameva syāt, tasmāt `plutakāryaṃ prakṛtibhāvaṃ na karotītyarthaḥ' iti prācāṃ vyākhyaiva jyāyasī. evaṃ ca `iko yaṇacī'tyatreggrahaṇasya vaiyathryaśaṅrakā'pi nāsti. tathāhi–tatreggrahaṇā'bhāve'pi `hyasvasya piti kṛti tuk' `dīrghā'dityato hyasvadīrghapadānuvṛttyā tayoryaṇvidhānānna vyañjanasya bhaviṣyati. plutasya tu prakṛtibhāvenaiva na bhavitavyameva. ?yodayo'pavādā `haraya' ityādau. `upendraḥ' `kṛṣṇaikatva'mityādau tu `ādguṇaḥ' `vṛddhireci' iti bādhake bhaviṣyataḥ. yathā satyapīggrahaṇe `śrīśa' ityādau savarṇadīrghatvaṃ bādhakam. ato nārtha iggrahaṇena. tathāpi `ehi karabhoru 3 iti' `sutanu 3 iti' cinuhi 3 atre'tyādau `aplutavadupasthite' `ī 3 cākravarmaṇasye'ti prakṛtibhāvaniṣedhe'pi ābhyāṃ yaṇādikāryā'vidhānāt plutasyā'sya yaṇna syāt. hyasvadīrghapadānanuvṛttau tu vyañjanasya syāt. tasmādiggrahaṇaṃ vyarthamiti na śakyate śaṅkitu'mityāhuḥ. anye tviggrahaṇasya prayojanāntaramapyāhuḥ,-iko yaṇeva kvacidyathā syādyadanyatprāpnoti tanmā bhūt. kiṃcā'nyat prāpnoti ?, `iko'savarṇe' iti śākalam. evaṃ ca yaduktaṃ `na samāse' `siti ce'ti, tadanena saṅgṛhītaṃ bhavatī'ti.

aplutavadupasthite 79, 6.1.125 yaṇādikaṃ karotīti. atra navyāḥ-"yadyevam "agnī iti " viṣṇū iti " ityatra pragṛhrāśrayaṃ prakṛtibhāvaṃ bādhitvā paratvādanena yaṇādikāryaṃ syāt, tataśca vatkaraṇaprayojana yaṇādikameva syāt, tasmāt "plutakāryaṃ prakṛtibhāvaṃ na karotītyarthaḥ" iti prācāṃ vyākhyaiva jyāyasī. evaṃ ca "iko yaṇacī"tyatreggrahaṇasya vaiyathryaśaṅrakā'pi nāsti. tathāhi--tatreggrahaṇā'bhāve'pi "hyasvasya piti kṛti tuk" "dīrghā"dityato hyasvadīrghapadānuvṛttyā tayoryaṇvidhānānna vyañjanasya bhaviṣyati. plutasya tu prakṛtibhāvenaiva na bhavitavyameva.?yodayo'pavādā "haraya" ityādau. "upendraḥ" "kṛṣṇaikatva"mityādau tu "ādguṇaḥ" "vṛddhireci" iti bādhake bhaviṣyataḥ. yathā satyapīggrahaṇe "śrīśa" ityādau savarṇadīrghatvaṃ bādhakam. ato nārtha iggrahaṇena. tathāpi "ehi karabhoru 3 iti" "sutanu 3 iti" cinuhi 3 atre"tyādau "aplutavadupasthite" "ī 3 cākravarmaṇasye"ti prakṛtibhāvaniṣedhe'pi ābhyāṃ yaṇādikāryā'vidhānāt plutasyā'sya yaṇna syāt. hyasvadīrghapadānanuvṛttau tu vyañjanasya syāt. tasmādiggrahaṇaṃ vyarthamiti na śakyate śaṅkitu"mityāhuḥ. anye tviggrahaṇasya prayojanāntaramapyāhuḥ,-iko yaṇeva kvacidyathā syādyadanyatprāpnoti tanmā bhūt. kiṃcā'nyat prāpnoti?, "iko'savarṇe" iti śākalam. evaṃ ca yaduktaṃ "na samāse" "siti ce"ti, tadanena saṅgṛhītaṃ bhavatī"ti.