Kāśikāvṛttī1: 
ati iti nivṛttam. aci ityetat tvanuvartata eva. aci parataḥ goḥ sphoṭāyanasya
āc 
See More
ati iti nivṛttam. aci ityetat tvanuvartata eva. aci parataḥ goḥ sphoṭāyanasya
ācāryasya matena avaṅādeśo bhavati. gavāgram, go 'gram. gavājinam, go 'jinam. gavau
danam, gavodanam. gavoṣṭram, gavuṣṭram. ādyudāttaśca ayam ādeśo nipātyate, sa
nipātanasvaro bahuvrīhau prakṛtisvaravidhāne bhavati. gāvaḥ agram asya gavāgraḥ iti.
anyatra tu samāsāntaudāttatvena bādhyate. sphoṭāyanagrahaṇaṃ pūjārthaṃ, vibhāṣā ityeva
hi vartate. vyavasthitavibhāṣā iyaṃ, tena gavākṣaḥ ityatra nityam avaṅ bhavati.
Kāśikāvṛttī2: avaṅ sphoṭāyanasya 6.1.123 ati iti nivṛttam. aci ityetat tvanuvartata eva. aci See More
avaṅ sphoṭāyanasya 6.1.123 ati iti nivṛttam. aci ityetat tvanuvartata eva. aci parataḥ goḥ sphoṭāyanasya ācāryasya matena avaṅādeśo bhavati. gavāgram, go 'gram. gavājinam, go 'jinam. gavau danam, gavodanam. gavoṣṭram, gavuṣṭram. ādyudāttaśca ayam ādeśo nipātyate, sa nipātanasvaro bahuvrīhau prakṛtisvaravidhāne bhavati. gāvaḥ agram asya gavāgraḥ iti. anyatra tu samāsāntaudāttatvena bādhyate. sphoṭāyanagrahaṇaṃ pūjārthaṃ, vibhāṣā ityeva hi vartate. vyavasthitavibhāṣā iyaṃ, tena gavākṣaḥ ityatra nityam avaṅ bhavati.
Nyāsa2: avaṅ sphoṭāyanasya. , 6.1.119 "atīti nivṛttam()" iti. yadyapītyanuvatr See More
avaṅ sphoṭāyanasya. , 6.1.119 "atīti nivṛttam()" iti. yadyapītyanuvatrteta tadā gavaudanādau na syāt(), tasmādatītyetadasvaritatvā nnivṛtam(). halyapi tarhi prāpnoti? ityata āha--"acītyetatpunaranuvatrtate" iti. "iko yaṇaci" 6.1.74 ityataḥ; sā punastasyānuvṛttirmaṇḍūkapalutinyāyena veditavyā. na hi "samprasāraṇācca" (6.1.108) ityataḥ pareṇa ye yogā asmādyogāt? pūrvaṃ teṣu "ati" ityasyānuvṛttirasti. tathā ca pūrvamuktam()--"acīti cāyamadhikāraḥ "samprasāraṇācca" 6.1.104 iti yāvata" iti. "gavāgraham(), gavājinam()" iti. bahuvrīhiḥ, tatpuruṣo vā. "gavoṣṭram()" iti dvandvaḥ. "ādyudāttaścāyam()" ityādi. iha gāvo'gramasyeti bahuvrīhau kṛte pūrvapadaprakṛtisvaratvaṃ ca ca prāpnoti, avaṅādeśaśca, tatrāntaraṅgatvādavaṅbhavati, sa ca bhavan? prātipadekasvareṇāntodāttasya gośabdasya sthāna āntarayato'ntodātta eva syāt(). tasmin? sati paścāt? prakṛtisvare kṛte'ntodāttatvaṃ pūrvapadasyāpadyeta, ādyudāttaśceṣyate, tasmādādyudātto'yamādeśo nipātyate. yadyevam(), tatpuruṣādāvapi sa eva nipātanasvaraḥ prāpnoti? ityata āha--"anyatra tu" ityādi. anyatreti--tatpuruṣe, dvandve ca. gośabdasyāyamādeśa iti tatsambandhyeva śabdāntaraṃ nipātanasvareṇa bādhyate, na samāsasvaraḥ. tasmādvahuvrīheranyatra tatpuraṣādau samāsāntodāttatvena nipātanasvaro bādhyate, "sphoṭāyanagrahaṇaṃ pūjārtham()" iti. kiṃ punaḥ kāraṇaṃ vikalpārthaṃ na bhavati? ityāha--vibhāṣetyeva hi vatrtate" iti. kimarthaṃ punaravaṅ vidhīyate? ageva na vidhīyeta, tatrāpi hravādeśena sidhyatyeva? sidhyati; "eṅaḥ padāntādati" 6.1.105 iti pūrvarūpatvaṃ prāpnoti. nanu cāki vihite sati tadanto na bhavati? āgamasya tadgrahaṇena grahaṇāt().na hrokārasya prāk? pravṛttā padāntatā nāstīti śakyaṃ vaktum()॥
Bālamanoramā1: avaṅ sphoṭāyanasya. atīti nivṛttamiti. `eṅaḥ padāntādityata' iti śeṣaḥ,
vy Sū #88 See More
avaṅ sphoṭāyanasya. atīti nivṛttamiti. `eṅaḥ padāntādityata' iti śeṣaḥ,
vyākhyānāditi bhāvaḥ. padāntāditi, goriti, acīti cānuvartate. sphoṭāyanasya
ṛṣermate'vaṅ. anyasya tu na. tataśca vikalpaḥ siddhaḥ. tadāha–aci para ityādinā.
`ṅicce'tyantādeśaḥ. gavāgramiti. go-agrahamiti sthite gakārādokārasyāvaṅ. gava-
agramiti sthite savarṇadīrghaḥ. na cā'graśabde'kāramacaṃ paratvenāśritya pravṛtto'vaṅ
kathaṃ tadvighātakaṃ savarṇadīrghaṃ pravartayati, saṃnipātaparibhāṣāvirodhāditi vācyaṃ,
saṃnipātaparibhāṣāyā anityatvasya rāmāyetyatra vakṣyamāṇatvāt. gavīti. `go i'-iti
sthite okārasya padāntatvavirahānnāvaṅ. nāpi pūrvasūtrābhyāṃ prakṛtibhāvapararūpe
kintvavādeśaḥ. atītyanuvṛttau tu gaveśa ityādi na sidhyet. vyavastiteti.
kvacidbhavatītyaṃśa eva pravartate, kvacittu na bhavatītyaṃśa eva, kvacidubhayamityevaṃ
lakṣyānusāreṇa vyavasthayā pravṛttā vibhāṣā vyavasthitavibhāṣā sarvatra vibhāṣā
gorityatrāśrīyate. tataśca gavākṣa ityatra nityamavaṅityarthaḥ. idaṃ ca–
`devatrāto'`galo'`grāha' `itayoge ca sadvidhiḥ'. mithaste na vibhāṣyante `gavākṣaḥ'
`saṃśitavrataḥ'॥ iti śācchoriti sūtre bhāṣye spaṣṭam. gavākṣa iti. gavāṃ
kiraṇānāmakṣīveti vigrahaḥ. `akṣṇo'darśanā'dityaca. puṃstvaṃ lokāt. `vātāyanaṃ
gavākṣaḥ syāt' ityamaraḥ.
Bālamanoramā2: avaṅ sphoṭāyanasya 88, 6.1.119 avaṅ sphoṭāyanasya. atīti nivṛttamiti. "eṅaḥ See More
avaṅ sphoṭāyanasya 88, 6.1.119 avaṅ sphoṭāyanasya. atīti nivṛttamiti. "eṅaḥ padāntādityata" iti śeṣaḥ, vyākhyānāditi bhāvaḥ. padāntāditi, goriti, acīti cānuvartate. sphoṭāyanasya ṛṣermate'vaṅ. anyasya tu na. tataśca vikalpaḥ siddhaḥ. tadāha--aci para ityādinā. "ṅicce"tyantādeśaḥ. gavāgramiti. go-agrahamiti sthite gakārādokārasyāvaṅ. gava-agramiti sthite savarṇadīrghaḥ. na cā'graśabde'kāramacaṃ paratvenāśritya pravṛtto'vaṅ kathaṃ tadvighātakaṃ savarṇadīrghaṃ pravartayati, saṃnipātaparibhāṣāvirodhāditi vācyaṃ, saṃnipātaparibhāṣāyā anityatvasya rāmāyetyatra vakṣyamāṇatvāt. gavīti. "go i"-iti sthite okārasya padāntatvavirahānnāvaṅ. nāpi pūrvasūtrābhyāṃ prakṛtibhāvapararūpe kintvavādeśaḥ. atītyanuvṛttau tu gaveśa ityādi na sidhyet. vyavastiteti. kvacidbhavatītyaṃśa eva pravartate, kvacittu na bhavatītyaṃśa eva, kvacidubhayamityevaṃ lakṣyānusāreṇa vyavasthayā pravṛttā vibhāṣā vyavasthitavibhāṣā sarvatra vibhāṣā gorityatrāśrīyate. tataśca gavākṣa ityatra nityamavaṅityarthaḥ. idaṃ ca--"devatrāto""galo""grāha" "itayoge ca sadvidhiḥ". mithaste na vibhāṣyante "gavākṣaḥ" "saṃśitavrataḥ"॥ iti śācchoriti sūtre bhāṣye spaṣṭam. gavākṣa iti. gavāṃ kiraṇānāmakṣīveti vigrahaḥ. "akṣṇo'darśanā"dityaca. puṃstvaṃ lokāt. "vātāyanaṃ gavākṣaḥ syāt" ityamaraḥ.
Tattvabodhinī1: avaṅ sphoṭāyanasya. sphoṭo'yanaṃ parāyaṇaṃ yasya saḥ sphoṭapratipādanaparo vaiy Sū #72 See More
avaṅ sphoṭāyanasya. sphoṭo'yanaṃ parāyaṇaṃ yasya saḥ sphoṭapratipādanaparo vaiyākaraṇaḥ. tasya
sphoṭāyanasya. atrāpi `eṅantasyā go'riti vyākhyeyam. `a'gityeva
sūtrayitumucitam. vibhāṣānuvṛtteḥ sphoṭāyanagrahaṇaṃ pūjārtham. atīti nivṛttamiti.
anyathā `gaveśaḥ' `gavoddhaḥ' ityādi na siddhyediti bhāvaḥ. aci para iti.
atrā`cītyanuvartate, atīti tu nivṛttamityatra vyākhyānameva śaraṇam. gavākṣa iti.
gavāṃ=kiraṇānām akṣīveti vigrahaḥ. `akṣṇo'darśanā'dityacsamāsāntaḥ. vātāyane
rūḍho'yam. puṃstvaṃ lokāt.
Tattvabodhinī2: avaṅ sphoṭāyanasya 72, 6.1.119 avaṅ sphoṭāyanasya. sphoṭo'yanaṃ parāyaṇaṃ yasya See More
avaṅ sphoṭāyanasya 72, 6.1.119 avaṅ sphoṭāyanasya. sphoṭo'yanaṃ parāyaṇaṃ yasya saḥ sphoṭapratipādanaparo vaiyākaraṇaḥ. tasya sphoṭāyanasya. atrāpi "eṅantasyā go"riti vyākhyeyam. "a"gityeva sūtrayitumucitam. vibhāṣānuvṛtteḥ sphoṭāyanagrahaṇaṃ pūjārtham. atīti nivṛttamiti. anyathā "gaveśaḥ" "gavoddhaḥ" ityādi na siddhyediti bhāvaḥ. aci para iti. atrā"cītyanuvartate, atīti tu nivṛttamityatra vyākhyānameva śaraṇam. gavākṣa iti. gavāṃ=kiraṇānām akṣīveti vigrahaḥ. "akṣṇo'darśanā"dityacsamāsāntaḥ. vātāyane rūḍho'yam. puṃstvaṃ lokāt.
1.Source: Arsha Vidya Gurukulam
2.Source: Sanskrit Documents
 6.1.123.jpg)
