1/26:kim idam natvam puṃsām bahutve bhavati āhosvit puṃśabdāt bahuṣu |
2/26:kaḥ ca atra viśeṣaḥ |
3/26:natvam puṃsām bahutve cet puṃśabdāt iṣyate striyām |*
4/26:tat na sidhyati |
5/26:bhrūkuṃsān paśya iti |
6/26:napuṃsake tathā eva iṣṭam |*
7/26:tat na sidhyati |
8/26:ṣaṇḍhān paśya |
9/26:paṇḍakān paśya iti |
10/26:strīśabdāt ca prasajyate | strīśabdāt ca prāpnoti : cañcāḥ paśya , vadhrikāḥ paśya , kharakuṭīḥ paśya |*
11/26:astu tarhi puṃśabdāt bahuṣu |
12/26:puṃśabāt iti cet iṣṭam sthūrāpatyam na sidhyati | sthūrān paśya iti |*
13/26:kuṇḍinyāḥ ararakāyāḥ |*
14/26:apatyam ca na sidhyati |
15/26:kuṇḍinān paśya |
16/26:ararakān paśya |
17/26:puṃsprādhānyāt prasidhyati | puṃspradhānā ete śabdāḥ |*
18/26:tataḥ natvam bhaviṣyati |
19/26:puṃsprādhānye te eva syuḥ ye doṣāḥ pūrvacoditāḥ |*
20/26:bhrūkuṃsān paśya |
21/26:ṣaṇḍhān paśya |
22/26:paṇḍakān paśya |
23/26:cañcāḥ paśya |
24/26:vadhrikāḥ paśya |
25/26:kharakuṭīḥ paśya iti |
26/26:tasmāt yasmin pakṣe alpīyāṃsaḥ doṣāḥ tam āsthāya pratividheyam doṣeṣu |

tasmāt pūrvasavarṇadīrghātuttarasya śaso 'vayavasya sakārasya puṃsi nakārādeśo bhavati. vṛkṣān. agnīn. vāyūn. kartṛ\u0304n. hartṛ\u0304n. ṣaṇḍakān. ṣaṇḍhakān. ṣaṇḍhakān. sthūrān. ararakān paśya. sarva ete puṃliṅgaviśiṣṭaṃ svārthaṃ pratipādayanti. iha tu cañceva cañcā, lummanuṣye iti kano lupi kṛte lupi yuktavad vyaktivacane 1-2-5 iti puṃso 'pi strīliṅgata, tena natvaṃ na bhavati, cañcāḥ paśya, vadhrikāḥ paśya iti. tasmātiti kim? etāṃścarato gāḥ paśya. śāsaḥ iti kim. vṛkṣāḥ. plakṣāḥ. puṃsi iti kim? dhenūḥ. bahvīḥ. kumarīḥ.

tasmāc chaso naḥ puṃsi 6.1.103 tasmāt pūrvasavarṇadīrghātuttarasya śaso 'vayavasya sakārasya puṃsi nakārādeśo bhavati. vṛkṣān. agnīn. vāyūn. kartṝn. hartṝn. ṣaṇḍakān. ṣaṇḍhakān. ṣaṇḍhakān. sthūrān. ararakān paśya. sarva ete puṃliṅgaviśiṣṭaṃ svārthaṃ pratipādayanti. iha tu cañceva cañcā, lummanuṣye iti kano lupi kṛte lupi yuktavad vyaktivacane 1.2.5 iti puṃso 'pi strīliṅgata, tena natvaṃ na bhavati, cañcāḥ paśya, vadhrikāḥ paśya iti. tasmātiti kim? etāṃścarato gāḥ paśya. śāsaḥ iti kim. vṛkṣāḥ. plakṣāḥ. puṃsi iti kim? dhenūḥ. bahvīḥ. kumarīḥ.

tasmācchaso naḥ puṃsi. , 6.1.99 "tasmāt? pūrvasavarṇadīrghāt()" iti. etena tasmādityanenāntaraḥ pūrvasavarṇadīrgho nirdiṣṭa iti darśayati. "śaso'vayavasya sakārasya" iti. anena śasa iti sakārāvayavāpekṣayāvayavaṣaṣṭhīti puṃsīti pratyayārthasyedaṃ vā viśeṣaṇam()--"puṃsāṃ [puṃsi--mu. pāṭhaḥ] cedbahutve śasutpanna iti. prakṛtiviśeṣaṇaṃ vā--puṃśabdāccet? paraḥ śasiti. tatra yadā pratyayārthasya viśeṣamaṃ tavā "sarva ete" ityāderayaṃ pūrvapakṣaḥ--vṛkṣān(), agnīnityādikaṃ yuktamudāharaṇam(); pusāṃ bahutve'tra śasa utpannatvāt(). ṣaṇḍakān? paṇḍakāniti--etadudāharaṇadvayamayuktam(), na hratara puṃsāṃ bahatve śas? utpannaḥ, kiṃ tarhi? napuṃsakānāmityata āha--"sarva ete" ityādi. sarvagrahaṇena na kevalaṃ vṛkṣādayaḥ śabdā puṃlliṅgena sāmānyaviśeṣeṇa viśiṣṭaṃ svārthaṃ pratipādayanti, api tu ṣaṇḍakapaṇḍakaśabdāvapīti darśayati. svārthaḥ panareṣā puṃstvena sāmānyaviśeṣeṇāvacchinnaṃ vṛkṣādikaṃ dravyam(). tadevaṃ yataḥ sarva ete puṃlliṅgaviśiṣṭārthābhidhāyinaḥ, tenaitebhya utpadyamānaḥ śas? puṃsāmeva bahutve utpadyata iti pūrvapakṣo nirākṛto bhavati. yadā tu prakṛtiviśeṣaṇaṃ tadāyaṃ pūrvapakṣaḥ--vṛkṣānityādikamityudāharaṇamupapadyate, tatra hi puṃśabdāt? paraḥ śas? bhavati; sthūrān(), ararakāniti idamudāharaṇadvayaṃ nopapadyate; tathā hi sthūrāyā apatyāni ararakāyā apatyānīti "gargādibhyo yañ()" 4.1.105 iti yañ(), "yañañośca" (2.4.64) iti luki kṛte strīpratyayasyāpi "luk? taddhitalaki" 1.2.49 iti luk()--sthūra, araraka, ityetābhyāṃ strīśabdābhyāmutpanno'tri śas? strīśabdābhyāṃ paro bhavati, na napuṃsakaśabdābhyām()? ityata āha--"sarva ete" ityādi. prakṛtireva hratra taddhitalugantā pratyayārthe vatrtate, sa ca pratyayārthaḥ, puṃlliṅgena viśiṣṭaḥ. tasmānna kevalaṃ vṛkṣādayaḥ śabdāḥ puṃlliṅgena viśiṣṭaṃ vṛkṣādikaṃ svārthaṃ pratipādayanti, api tu sthūrārarakaśabdāvapīti pūrvapakṣaḥ pratikṣipto bhavati. ayaṃ tarhi pratyayārthaviśeṣaṇapakṣe doṣaḥ--cañceva cañcā pumāṃsa iti. "ive pratikṛtau" (5.3.96) kan? "lummanuṣye" 5.3.98 iti lup(); yadā lubantāccañcāśabdāt? pusāṃ bahutve śas? utpadyate tadā cañcāḥ paśyetyatra natvaṃ prāpnoti? ityata āha--"iha tu" ityādi. naiva hratra puṃbahutve śas? utpannaḥ, kiṃ tarhi? strībahutve; puṃso'pi yuktatadbhāvena strītvātideśāt(). tato'tra natvaṃ na bhavati. dīrghagrahaṇaṃ prakṛtam(), tasya cehārthavaśena pañcamyantasyopasthāne satyantareṇāpi tasmādityetadvavacanaṃ dīrghādevottarasya śaso natvaṃ bhaviṣyatītyabhiprāyeṇāha--"iha tu" ityādi. naiva hratra puṃbahutve śas? utpannaḥ, kiṃ tarhi? strībahutve; puṃso'pi yuktavadbhāvena strītvātideśāt(). tato'tra natvaṃ na bhavati. dīrghagrahaṇaṃ prakṛtam(), tasya cehārthavaśena pañcamyantasyopasathāne satyantareṇāpi tasmādityetadvavacanaṃ dīrghādevottarasya śaso natvaṃ bhaviṣyatītyabhiprāyeṇāha--"tasmāditi kim()" iti. "etān? gāścarataḥ paśca" iti. "auto'mśasoḥ" 6.1.90 ityātvam(). yadyanantaradīrghapratyavamarśī tacchabdenopādīyeta, tadā'viśeṣeṇa dīrghamātrānnatvaṃ vidhīyamānam()--etān? gāścarataḥ paśyetyatrāpi syāt(), bhavati hrayamākāro dīrghaḥ. tasmāt? tacchabde tu na doṣaḥ; na hrayamananatarasūtravihita ākāraḥ॥

tasmācchaso naḥ puṃsi 137, 6.1.99 pūrvasavarṇadīrghātparo yaḥ śasaḥ sastasya naḥ syātpuṃsi॥

tasmācchasonaḥ. `prathamayoḥ pūrvasavarṇa' iti pūrvasūtrakṛtaḥ saṃnihitaḥ pūrvasavarṇadīrghastasmādityanena parāmṛśyate. dik?śabdayoge pañcamyeṣā. tena `parasye'tyadhyāhāryam. `śasa' ityavayavaṣaṣṭhī. sa cāvayavaḥ paratvena viśeṣyate. sa cāvayavo'rthāt sakāra eva, anyasyā'saṃbhavāt. tadāha–[kṛta]pūrvetyādinā. kṛtapūrveti kim ?. dīrghātparasya śasavayavasyetyuktau, `etān gāḥ paśye'tyatra gośabdāt śasaḥsasyāpi natvaprasaṅgaḥ. ataḥ [kṛta] pūrvasavarṇadīrghāditi. `gā' ityatra ca automśasorityākāra ekādeśaḥ, na tu pūrva savarṇadīrgha iti tataḥ parasya na natvam. śasaḥ kim ?. rāmāḥ prakṛte ca natve rāmāniti rūpam.

tasmācchaso naḥ puṃsi 195, 6.1.99 tasmācchasonaḥ. "prathamayoḥ pūrvasavarṇa" iti pūrvasūtrakṛtaḥ saṃnihitaḥ pūrvasavarṇadīrghastasmādityanena parāmṛśyate. dik()śabdayoge pañcamyeṣā. tena "parasye"tyadhyāhāryam. "śasa" ityavayavaṣaṣṭhī. sa cāvayavaḥ paratvena viśeṣyate. sa cāvayavo'rthāt sakāra eva, anyasyā'saṃbhavāt. tadāha--[kṛta]pūrvetyādinā. kṛtapūrveti kim?. dīrghātparasya śasavayavasyetyuktau, "etān gāḥ paśye"tyatra gośabdāt śasaḥsasyāpi natvaprasaṅgaḥ. ataḥ [kṛta] pūrvasavarṇadīrghāditi. "gā" ityatra ca automśasorityākāra ekādeśaḥ, na tu pūrva savarṇadīrgha iti tataḥ parasya na natvam. śasaḥ kim?. rāmāḥ prakṛte ca natve rāmāniti rūpam.

tasmācchaso. `ta'cchabdena saṃnihitaḥ pūrvasavarṇadīrghaḥ parāmṛśyate. dīrghamātraparāmarśe tu `etān gāḥ paśye'tyatrāpi natvaprasaṅgāt. `śasa'ityavayavaṣaṣṭhī, sa cāvayavaḥ paratvena viśeṣyate-pūrvasavarṇadīrghātparasya śaso'vayavasyeti, tadetadāha-paro yaḥ śasaḥ sakāra iti. `paro yaḥ śa'siti na vyākhyātam. kṛte pūrvasavarṇadīrghe tataḥ parasya śaso'saṃbhavāt.

tasmācchaso naḥ puṃsi 163, 6.1.99 tasmācchaso. "ta"cchabdena saṃnihitaḥ pūrvasavarṇadīrghaḥ parāmṛśyate. dīrghamātraparāmarśe tu "etān gāḥ paśye"tyatrāpi natvaprasaṅgāt. "śasa"ityavayavaṣaṣṭhī, sa cāvayavaḥ paratvena viśeṣyate-pūrvasavarṇadīrghātparasya śaso'vayavasyeti, tadetadāha-paro yaḥ śasaḥ sakāra iti. "paro yaḥ śa"siti na vyākhyātam. kṛte pūrvasavarṇadīrghe tataḥ parasya śaso'saṃbhavāt.