1/5:ahnaḥ ahnavacanānarthakyam ca ahnaḥ ṭakhoḥ niyamavacanāt |*
2/5:ahnaḥ ahnavacanam anarthakam |
3/5:kim kāraṇam |
4/5:ahnaḥ ṭakhoḥ niyamavacanāt |
5/5:ahnaḥ ṭakhoḥ eva iti etat niyamārtham bhaviṣyati |

rājāhaḥsakhibhyaṣ ṭac 5-4-91 iti vakṣyati, tasmin parabhūte ahanityetasya ahnaḥ ityayam ādeśo bhavati etebhya uttarasya. saṅkhyāvyayādayaḥprakrāntāḥ sarvanāmnā pratyavamṛśyante. sāmarthyāccāhaḥśabdaḥ pūrvatvena nāśrīyate. pariśiṣṭānāṃ grahaṇam. na hi ahaḥśabdāt paro 'haḥśabdaḥ sambhavati. saṅkhyāyāstāvat dvyorahnor bhavaḥ dvyahnaḥ. tryahnaḥ. avyayāt aharatikrāntaḥ atyahnaḥ. nirahnaḥ. sarvāhṇaḥ. pūrvahṇaḥ. aparāhṇaḥ. saṅkhyātāhnaḥ. puṇyaśabdāt pratiṣedhaṃ vakṣyati.

ahno 'hna etebhyaḥ 5.4.88 rājāhaḥsakhibhyaṣ ṭac 5.4.91 iti vakṣyati, tasmin parabhūte ahanityetasya ahnaḥ ityayam ādeśo bhavati etebhya uttarasya. saṅkhyāvyayādayaḥprakrāntāḥ sarvanāmnā pratyavamṛśyante. sāmarthyāccāhaḥśabdaḥ pūrvatvena nāśrīyate. pariśiṣṭānāṃ grahaṇam. na hi ahaḥśabdāt paro 'haḥśabdaḥ sambhavati. saṅkhyāyāstāvat dvyorahnor bhavaḥ dvyahnaḥ. tryahnaḥ. avyayāt aharatikrāntaḥ atyahnaḥ. nirahnaḥ. sarvāhṇaḥ. pūrvahṇaḥ. aparāhṇaḥ. saṅkhyātāhnaḥ. puṇyaśabdāt pratiṣedhaṃ vakṣyati.

ahno'hna etebhyaḥ. , 5.4.88 "rājāhaḥsakhibhyaṣṭac? iti ṭacpratyayaṃ vakṣyati" iti. atha parakṛta evāci kasmādādeśo na vijñāyate? aśakyastatrāyaṃ vijñātum(), na hrahaḥśabdātāt? tatpuruṣāt? kenacidajvihitaḥ, tat? kathamādeśasya nimittaṃ syāt(). atha "ac? (5.4.75) iti yogavibhāgenājvidhīyate? evamapyetadvacanemanarthakaṃ syāt(); aci kṛte "allo'ponaḥ" 6.4.134 ityanenāhnādeśasya siddhatvāt(). na ca ṭilopaḥ prāpnotīti mantavyam(); "ahnaṣṭakhoreva" 6.4.134 iti niyamāt(). tasmādacyeva ṭilopāpavādo'yam(). ādeśo'yamayuktaḥ. kiṃ punastat? sāmathryam(), yato'haḥśabdaḥ pūrvatvena nāśrīyate? ityāha--"na hrahaḥśabdāt()"--ityādi. "dvyahnaḥ" iti. dvayorahnorbhava iti "tadadhitārtha" 2.1.50 ityādinā samāsaḥ, "tatra bhavaḥ 4.3.53 ityaṇ(), tasya "dvigorluganapatye" 4.1.88 iti luk(). "ātyahnaḥ" iti. atyadhvavatsamāsaḥ. "nirahnaḥ" iti. atrāpi niradhvavat? samāsaḥ. "sarvāhṇaḥ" iti. viśeṣaṇasamāsaḥ. pratiṣedhaṃ vakṣyatīti. "uttarmakābhyāñca" 5.4.90 iti॥

ahno'hna etebyaḥ. pūrvasūtre ahaḥsarvaikadeśasaṅkhyātapuṇyaśabdā nirdiṣṭāḥ tatra cakāreṇa saṅkhyāvyaye anukṛṣṭe. ahanśabdavarjaṃ te sarve etacchabdena parāmṛśyante, natvahaḥśabdaḥ, ahaḥśabdātparasya ahanśabdasya tatpuruṣe asaṃbhavādityabhipretya vyācaṣṭe-sarvādibhya iti. samāsānte para iti. etattu prakaraṇāllabdham.

ahno'hna etebhyaḥ 780, 5.4.88 ahno'hna etebyaḥ. pūrvasūtre ahaḥsarvaikadeśasaṅkhyātapuṇyaśabdā nirdiṣṭāḥ tatra cakāreṇa saṅkhyāvyaye anukṛṣṭe. ahanśabdavarjaṃ te sarve etacchabdena parāmṛśyante, natvahaḥśabdaḥ, ahaḥśabdātparasya ahanśabdasya tatpuruṣe asaṃbhavādityabhipretya vyācaṣṭe-sarvādibhya iti. samāsānte para iti. etattu prakaraṇāllabdham.

ahno'hna etebhyaḥ. etacchabdena `ahaḥsarvaikadeśa—'iti sūtrasthāḥ parāmṛśyante. sūtre tu tasminnaharādayo nirdiṣṭāścakāreṇa ca saṅkhyāvyaye anukaṣṭe. tatra buddhisthatvā'viśeṣe'pyahaḥśabda iha na gṛhrate, asaṃbhavādityaśayenāha—sarvādibhyaiti. samāsānte para iti. etacca prakāraṇāllabdham. bhāṣye tu ahnādeśaḥ pratyākhyātaḥ, `ahna ebhyo'csyāṭṭco'pavādaḥ' iti vyākhyāyām, `ahnaṣṭakhoreve ti niyamāṭṭilopā'bhāve `allopo'naḥ' ityakāralopātsarvāhna ityādirūpasiddheḥ.

ahno'hna etebhyaḥ 687, 5.4.88 ahno'hna etebhyaḥ. etacchabdena "ahaḥsarvaikadeśa---"iti sūtrasthāḥ parāmṛśyante. sūtre tu tasminnaharādayo nirdiṣṭāścakāreṇa ca saṅkhyāvyaye anukaṣṭe. tatra buddhisthatvā'viśeṣe'pyahaḥśabda iha na gṛhrate, asaṃbhavādityaśayenāha---sarvādibhyaiti. samāsānte para iti. etacca prakāraṇāllabdham. bhāṣye tu ahnādeśaḥ pratyākhyātaḥ, "ahna ebhyo'csyāṭṭco'pavādaḥ" iti vyākhyāyām, "ahnaṣṭakhoreve ti niyamāṭṭilopā'bhāve "allopo'naḥ" ityakāralopātsarvāhna ityādirūpasiddheḥ.