1/6:adarśanāt iti ucyate |
2/6:tatra idam na sidhyati |
3/6:kavarākṣam |
4/6:adarśanāt iti śakyam akartum |
5/6:katham brāhmaṇakṣi kṣatriyākṣi |
6/6:aprāṇyaṅgāt iti vaktavyam |

acityanuvartate. darśanādanyatra yo 'kṣiśabdaḥ tadantātac pratyayo bhavati. labaṇākṣaṃ. puṣkarākṣam. upamitaṃ vyāghrādibhiḥ iti samāsaḥ. adarśanātiti kim? brāhmaṇākṣi. kathaṃ kabarākṣam, gavākṣam iti? aśvādīnāṃ mukhapracchādanārthaṃ bahucchidraṃ kabarākṣam, tena api hi dṛśyate, gavākṣeṇa ca? na eṣa doṣaḥ. cakṣuḥparyāyavacano darśanaśabdaḥ prāṇyaṅgavacana iha aśrīyate.

akṣṇo 'darśanāt 5.4.76 acityanuvartate. darśanādanyatra yo 'kṣiśabdaḥ tadantātac pratyayo bhavati. labaṇākṣaṃ. puṣkarākṣam. upamitaṃ vyāghrādibhiḥ iti samāsaḥ. adarśanātiti kim? brāhmaṇākṣi. kathaṃ kabarākṣam, gavākṣam iti? aśvādīnāṃ mukhapracchādanārthaṃ bahucchidraṃ kabarākṣam, tena api hi dṛśyate, gavākṣeṇa ca? na eṣa doṣaḥ. cakṣuḥparyāyavacano darśanaśabdaḥ prāṇyaṅgavacana iha aśrīyate.

akṣṇo'darśanāt?. , 5.4.76 "adarśanāt()" iti pratiṣedhaḥ kriyate. "kabarākṣam(), gavākṣam()" iti. rūḍhiubdāvetau, nātrāvayavārthe'bhiniveśaḥ kāryaḥ. kabarākṣaṃ gavākṣamiti na sidhyatītyabhiprāyaḥ. syādetat()--darśanapratiṣedhāt? siddhametat(), dṛśyate'neneti; na darśanam(), na ca kabarākṣema dṛśyate, nāpi gavākṣeṇa? ityata āha--"tenāpi" ityādi. darśanaśbdo'yaṃ cakṣuṣi prāṇyaṅge prasiddhaḥ. tathā hi darśanaṃ prayuṅkte cakṣugrrāhramapi. tasmāt? prasiddhivaśena cakṣuṣparyāyo darśanaśabdaḥ, sa ihāśrīyate॥

akṣṇo'darśanāt 997, 5.4.76 acakṣuḥparyāyādakṣṇo'c syātsamāsāntaḥ. []gavāmakṣīva gavākṣaḥ’॥

atha tatpuruṣeṣvasādhāraṇasamāsāntān vaktumupakramate–tatpuruṣasyāṅguleḥ. `acpratyanvavapūrvā'dityato'jityanuvartate, `samāsānta' ityadhikṛtam. tena samāsasya antāvayava iti labhyate. pratyayaḥ paraśca ityadhikārādacpratyayasya tatpuruṣātparatve'pi tasya tadavayavatvādaṅgulerityavayavaṣaṣṭhī. aṅguleriti tatpuruṣaviśeṣaṇaṃ, tadāntavidhiḥ. tadāha saṃkhyāvyayāderiti. saṅkhyā ca avyayaṃ ca saṅkhyāvyaye, te ādī yasyeti vigrahaḥ. dvyaṅgulamiti. taddhitārtha' iti dviguḥ. pramāme dvayasajdaghnañmātracaḥ `pramāṇelo dvigornitya'miti luk. dvyaṅguliśabdādaci tasya taddhitatvāttasmin pare `yasyeti ce'ti ikāralopaḥ. niraṅgulamiti. `nirādayaḥ krāntādyarthe' iti samāsaḥ ac ilopaḥ.

akṣṇo'darśanāt 931, 5.4.76 akṣṇo'darśanāt. "adarśanā"diti cchedaḥ. dṛśyate'neneti darśanaṃ--cakṣuḥ. karaṇe lyuṭ. acakṣurvācina iti phalitam. tadāha--acakṣuḥparyāyāditi. gavāmakṣīveti. akṣiśabdastatsadṛśe lākṣaṇikaiti sūcayitumivaśabdaḥ prayujyate. mukhyavṛttyā cakṣurvācakatvā'bhāvādac. puṃstvaṃ lokāt.

akṣṇo. dṛśyateneneti darśanaṃ cakṣuḥ, tadvācino'kṣiśabdasya paryudāsādamukhyasya grahaṇamityāśayenāha—acakṣuḥparyāyāditi. gavākṣa iti. gāvaḥ– kiraṇāḥ. akṣiśabdo randhravācī. ṣaṣṭhīsamāsaḥ.

akṣṇo'darśanāt 807, 5.4.76 akṣṇo. dṛśyateneneti darśanaṃ cakṣuḥ, tadvācino'kṣiśabdasya paryudāsādamukhyasya grahaṇamityāśayenāha---acakṣuḥparyāyāditi. gavākṣa iti. gāvaḥ--kiraṇāḥ. akṣiśabdo randhravācī. ṣaṣṭhīsamāsaḥ.