1/48:sakṛdādeśe abhyāvṛttigrahaṇam nivartyam |
2/48:kim prayojanam |
3/48:punaḥ punaḥ āvṛttiḥ abhyāvṛttiḥ |
4/48:na ca ekasya punaḥ punaḥ āvṛttiḥ bhavati |
5/48:atha kriyāgrahaṇam anuvartate āhosvit na |
6/48:kim ca arthaḥ anuvṛttyā |
7/48:bāḍham arthaḥ |
8/48:iha mā bhūt : ekaḥ bhuṅkte iti |
9/48:atha anuvartamāne api kriyāgrahaṇe iha kasmāt na bhavati |
10/48:ekaḥ pākaḥ iti |
11/48:pūrvayoḥ ca yogayoḥ kasmāt na bhavati |
12/48:dvau pākau| trayaḥ pākāḥ |
13/48:catvāraḥ pākāḥ |
14/48:pañca pākāḥ |
15/48:daśa pākāḥ iti |
16/48:na etat kriyāgaṇanam |
17/48:kim tarhi |
18/48:dravyagaṇanam etat |
19/48:katham |
20/48:kṛdabhihitaḥ bhāvaḥ dravyavat bhavati iti |
21/48:iha api tarhi dravyagaṇanāt na prāpnoti |
22/48:sakṛt bhuktvā |
23/48:sakṛt bhoktum iti |
24/48:pūrvayoḥ ca yogayoḥ dviḥ bhuktvā dviḥ boktum triḥ bhuktvā triḥ bhoktum pañcakṛtvā bhuktvā pañcakṛtvā bhoktum daśakṛtvā bhuktvā daśakṛtvā bhoktum iti dravyagaṇanān na prāpnoti |
25/48:yadi khalu api punaḥ punaḥ āvṛttiḥ abhyāvṛttiḥ dviḥ āvṛtte sakṛt iti syāt triḥ āvṛtte dviḥ iti |
26/48:evam tarhi anuvartate abhyāvṛttigrahaṇam na tu punaḥ punaḥ āvṛttiḥ abhyāvṛttiḥ |
27/48:kim tarhi abhimukḥī pravṛttiḥ abhyāvṛttiḥ |
28/48:pūrvā ca pare prati abhimukḥī pare ca pūrvām prati abhimukhyau |
29/48:yat api ucyate anuvartamāne api kriyāgrahaṇe iha kasmāt na bhavati |
30/48:ekaḥ pākaḥ iti |
31/48:pūrvayoḥ ca yogayoḥ kasmāt na bhavati |
32/48:dvau pākau| trayaḥ pākāḥ |
33/48:catvāraḥ pākāḥ |
34/48:pañca pākāḥ |
35/48:daśa pākāḥ iti parihṛtam etat |
36/48:na etat kriyāgaṇanam |
37/48:kim tarhi |
38/48:dravyagaṇanam etat |
39/48:katham |
40/48:kṛdabhihitaḥ bhāvaḥ dravyavat bhavati iti |
41/48:nanu ca uktam iha api tarhi dravyagaṇanāt na prāpnoti |
42/48:sakṛt bhuktvā |
43/48:sakṛt bhoktum iti |
44/48:pūrvayoḥ ca yogayoḥ dviḥ bhuktvā dviḥ boktum triḥ bhuktvā triḥ bhoktum pañcakṛtvā bhuktvā pañcakṛtvā bhoktum daśakṛtvā bhuktvā daśakṛtvā bhoktum iti dravyagaṇanān na prāpnoti |
45/48:na eṣaḥ doṣaḥ |
46/48:kriyāgaṇanāt bhaviṣyati |
47/48:katham |
48/48:kṛdabhihitaḥ bhāvaḥ dravyavat api kriyāvat api bhavati |

ekaśabdasya sakṛtityayam ādeśo bhavati suc ca pratyayaḥ kriyāgaṇena. kṛtvasuco 'pavādaḥ. abhyāvṛttis tviha na sambhavati. sakṛd bhuṅkte. sakṛdadhīte. ekaḥ pākaḥ ityatra na bhavati, anabhidhānāt.

ekasya sakṛc ca 5.4.19 ekaśabdasya sakṛtityayam ādeśo bhavati suc ca pratyayaḥ kriyāgaṇena. kṛtvasuco 'pavādaḥ. abhyāvṛttis tviha na sambhavati. sakṛd bhuṅkte. sakṛdadhīte. ekaḥ pākaḥ ityatra na bhavati, anabhidhānāt.

ekasya sakṛcca. , 5.4.19 "sakṛdbhuktam()" iti. "saṃyogāntasya" 8.2.23 iti pratyayasakāralopaḥ. cakāro'ntodāttārthaḥ. asati tu tasmina "iṇbhīkāpāśalyatimarcibhyaḥ kan()" (da.u. 3.21) iti kanpratyayāntatvānnitsvareṇaikaśabda ādyudātta iti sthānivadbhādādeśo'pyādyudātta eva syāt(), cittvādantodātto bhavati. athaikaḥ pāka ityatra kasmānna bhavati, asti hratra kriyāgaṇanam()? ityāha--"ekaḥ pākaḥ" ityādi॥ bahuśabde'pi sāmānya eva; prakāre'pi vṛtteḥ. tatrānekakriyābhyāvṛtteraviprakarṣa eva tāvannyāyyaḥ, prakaraṇādyapekṣaśca. kṛtvasujāpi na śaknotyasmin? viṣaye varttitum(). tasmādvibhāṣāgrahaṇaṃ na katrtavyam()॥

ekasya sakṛcca. śeṣapūraṇena sūtraṃ vyācaṣṭe–sakṛdityādeśaḥ syāditi. sakṛdbhuṅkte iti. ekaśabdātsuc, prakṛteḥ sakṛdityādeśaśca. atra ekaśabdaḥ kriyāviśeṣaṇam.ekatvaviśiṣṭā bhujikriyetyarthaḥ. `svādu pacatī'tyādivadekaṃ bhuṅkte iti prayoge prāpte idaṃ sūtramiti kaiyaṭaḥ. `eko bhuṅkte' ityatra tu nāyaṃ vidhiḥ pravartate, kriyāgrahaṇamanuvarttya kriyāviśeṣaṇasyaiva ekaśabdasya grahaṇādityāstāṃ tāvat. nanu `saṃyogāntasye'ti suco lopa ityanupapannam. `halṅyābbhyaḥ' ityeva hi sulopo'tra yuktaḥ tasminkartavye saṃyogāntasye'ti suco lopa ityanupapannam. `halṅyābbhyaḥ' ityeva hi sulopo'tra yuktaḥ, tasminkartavye saṃyogāntalopasya traipādikasyā'siddhatvādityata āha–natu halyāṅyabitīti. sica iveti. `abhaitsī'tyatri sico lopanivṛttaye `halṅyā'vityatra sigrahaṇena sico na grahaṇaṃ, tatsāhacaryātsugrahaṇenāpi sujayaṃ na gṛhrata iti bhāvaḥ.

ekasya sakṛcca , 5.4.19 ekasya sakṛcca. śeṣapūraṇena sūtraṃ vyācaṣṭe--sakṛdityādeśaḥ syāditi. sakṛdbhuṅkte iti. ekaśabdātsuc, prakṛteḥ sakṛdityādeśaśca. atra ekaśabdaḥ kriyāviśeṣaṇam.ekatvaviśiṣṭā bhujikriyetyarthaḥ. "svādu pacatī"tyādivadekaṃ bhuṅkte iti prayoge prāpte idaṃ sūtramiti kaiyaṭaḥ. "eko bhuṅkte" ityatra tu nāyaṃ vidhiḥ pravartate, kriyāgrahaṇamanuvarttya kriyāviśeṣaṇasyaiva ekaśabdasya grahaṇādityāstāṃ tāvat. nanu "saṃyogāntasye"ti suco lopa ityanupapannam. "halṅyābbhyaḥ" ityeva hi sulopo'tra yuktaḥ tasminkartavye saṃyogāntasye"ti suco lopa ityanupapannam. "halṅyābbhyaḥ" ityeva hi sulopo'tra yuktaḥ, tasminkartavye saṃyogāntalopasya traipādikasyā'siddhatvādityata āha--natu halyāṅyabitīti. sica iveti. "abhaitsī"tyatri sico lopanivṛttaye "halṅyā"vityatra sigrahaṇena sico na grahaṇaṃ, tatsāhacaryātsugrahaṇenāpi sujayaṃ na gṛhrata iti bhāvaḥ.

ekasya sakṛcca. abhyāvṛttiriti na saṃbadhyate, ekaśabdena hrekaiva kriyāvyaktirākhyāyate, tasyāstvāvṛtterasaṃbhavāt. kriyāgrahaṇamihārthamāvaśyakam, anyathā `ā daśataḥ saṅkhyā saṅkhyeye vartate'ityeko bhuṅkte ityatrāpi syāditi. iha sādhu pacatītyādivadekaṃ bhuṅkte iti prayoge prāpte sakṛcchabdaprayogārthamidaṃ sūtramiti kaiyaṭaḥ. `ekaḥ pāka'ityatra tu anabhidhānānneti kāśikā. saṃyogāntasyeti. `halṅyādinā sulopa'iti prāco grantho'yukta ityāha—na tviti. `sutisī'ti sāhacaryādvibhaktaya eva tatra gṛhranta ithyabhipretyāha —sica iveti.

ekasya sakṛcca 1554, 5.4.19 ekasya sakṛcca. abhyāvṛttiriti na saṃbadhyate, ekaśabdena hrekaiva kriyāvyaktirākhyāyate, tasyāstvāvṛtterasaṃbhavāt. kriyāgrahaṇamihārthamāvaśyakam, anyathā "ā daśataḥ saṅkhyā saṅkhyeye vartate"ityeko bhuṅkte ityatrāpi syāditi. iha sādhu pacatītyādivadekaṃ bhuṅkte iti prayoge prāpte sakṛcchabdaprayogārthamidaṃ sūtramiti kaiyaṭaḥ. "ekaḥ pāka"ityatra tu anabhidhānānneti kāśikā. saṃyogāntasyeti. "halṅyādinā sulopa"iti prāco grantho'yukta ityāha---na tviti. "sutisī"ti sāhacaryādvibhaktaya eva tatra gṛhranta ithyabhipretyāha ---sica iveti.