1/6:gandhasya ittve tadekāntagrahaṇam |*
2/6:gandhasya ittve tadekāntagrahaṇam kartavyam iha mā bhūt |
3/6:śobhanāḥ gandhāḥ asya sugandhaḥ āpaṇikaḥ iti |
4/6:atha anulipte katham bhavitavyam |
5/6:yadi tāvat yat anugatam tat abhisamīkṣitam sugandhiḥ iti bhavitavyam |
6/6:atha yat praviśīrṇam sugandhaḥ iti bhavitavyam |

ut pūti su surabhi ityetebhyaḥ parasya gandhaśabdasya ikārādeśo bhavati samāsānto bahuvrīhau samāse. takāra uccāraṇārthaḥ. udgato gandho 'sya udgandhiḥ. pūtigandhiḥ. sugandhiḥ. surabhigandhiḥ. etebhyaḥ iti kim? tīvragandho vātaḥ. gandhasyetve tadekāntagrahaṇam. tena śobhanaḥ gandhaḥ asya sugandhaḥ āpaṇikaḥ.

gandhasya idutpūtisusurabhibhyaḥ 5.4.135 ut pūti su surabhi ityetebhyaḥ parasya gandhaśabdasya ikārādeśo bhavati samāsānto bahuvrīhau samāse. takāra uccāraṇārthaḥ. udgato gandho 'sya udgandhiḥ. pūtigandhiḥ. sugandhiḥ. surabhigandhiḥ. etebhyaḥ iti kim? tīvragandho vātaḥ. gandhasyetve tadekāntagrahaṇam. tena śobhanaḥ gandhaḥ asya sugandhaḥ āpaṇikaḥ.

gandhasyedutpūtisusurabhibhyaḥ. , 5.4.135 "ikā ādeśo bhavati" iti. kathaṃ punajrñāyate--ādeśo'yaṃ na pratyaya iti? "gandhasya" iti ṣaṣṭha()ā nirdeśāt(). yadi hi pratyayaḥ syāt? asandigdhārthaṃ "gandhāt()" iti pañcamyā nirdeśaṃ kuryāt(), ṣaṣṭha()ā tu nirdeśaḥ. tasmādādeśo'yamiti vijñāyate. "gandhasyettve" ityādi. gandho dvividhaḥ. guṇo gandhaḥ, so'nyapadārthasyaikānto na bhavati. yastu śobhano gando'syeti sugandha āpaṇika iti tatra dravyagandho gandhaśabdenocyate, taccāpaṇikasyaikadeśo bhavati. tatra guṇagandhe yathā syāt(), dravyagandhe mā bhūdityevamarthaṃ gandhasyettve vidheye tadekāntagrahaṇaṃ katrtavyam(). tadityanena bahuvrīhrarthaḥ sāmathryānnirdiśyate. tasyaikānta ekadeśo vā dharmo'vayavastadekāntaḥ saṃgṛhrate. yena tadekāntagrahaṇaṃ katrtavyam(). etaduktaṃ bhavati--tādṛśaṃ vyākhyānaṃ katrtavyaṃ yenettvavidhāviha gandho'nyapadārthasyaikadeśāt? tata āśrayitavya iti. tatredaṃ vyākhyānam()--"vā saṃjñāyām()" 5.4.133 ityato vāgrahamamanuvatrtate, sā ca vyavasthitavibhāṣā. tena yatra gandho'nyapadārthasyaikadeśabhūtastatraivettvaṃ bhavati, nānyatreti. atha vā--astyayaṃ gandhaśabdo dravyavacanaḥ---gandhān? vikrīṇīta iti. asti guṇavacano yathā--gandhavatī pṛthivī. tatra guṇavacanasyedaṃ grahaṇam(), na dravyavacanasya. tasmāddravyavacano bahavacanānta eva dravye vatrtate--gandhāna vikrīṇīte, gandhāḥ paṇyamasyeti. iha gandhasyetyakavacanenaiva nirdeśaḥ. tasmādavasīyate--guṇavacanasyedaṃ grahaṇamiti. guṇavacanasya tu grahaṇe tatra guṇo gandho'nyapadārthasyaikadeśo bhavati, tena tadekāntabhūtasyaiva gandhasyettvaṃ bhavati॥

gandhasyedut. `gandhasya-it' iti cchedaḥ. ebhya iti. ut-pūti-su-surabhi-etebhyaḥ ityarthaḥ. ikāro'ntādeśa iti. pūrvottarasāhacaryādikāra ādeśa eveti bhāvaḥ. samāsāntādhikārāt `ādeḥ parasye'ti na bhavati. udnandhiriti. udgato gandho yasyeti vigrahaḥ. pūtigandhiriti. pūtiśabdo'surabau. pūrtirgandho yasyeti vigrahaḥ. sugandhiriti. śobhano gandho yasyeti vigrahaḥ. pūtigandhiriti. pūtiśabdo'surabhau. pūrtirgandho yasyeti vigrahaḥ. sarvatra `vāyu'riti viśeṣyam. tadekānteti. tasya =viśeṣyabhūtadravyasya, ekāntaḥ=ekadeśa iva pratīyamāna ityarthaḥ. atra gandhasya guṇasya dravyaikadeśatvaṃ na yujyata ityāśaṅkya ekāntaśabda ekadeśavadavibhakte lākṣaṇika ityāha- -ekānta ekadeśa iveti. sugandhi puṣpaṃ salilaṃ ceti. atra gandhasya puṣpātsalilācca dravyātpṛthagalakṣyamāṇatvāditi bhāvaḥ. su śobhanā iti. `su' ityasya vyākhyānaṃ- śobhanā iti. gandhā iti. gandhavanta ityarthaḥ. `guṇavacanebhyo matupo lugiṣṭaḥ' iti luk. dravyāṇīti. candanādīnītyarthaḥ. `gandhā' ityasya viśeṣyametat. gandhaśabdasya napuṃsakadravyaviśeṣaṇatve'pi niyataliṅgatvātpuṃstva#ṃ yujyate. `gandhastu saurabhe nṛtye gandhake garvaleśayoḥ. sa eva dravyavacano bahutve puṃsi ca smṛtaḥ' iti kośāt. gandha āpaṇa iti. atra gandhaśabdavācyānāṃ candanādidravyāṇāṃ viśeṣyabhūtāpaṇāpekṣayā pṛthag lakṣyamāṇatvādittvaṃ neti bhāvaḥ.

gandhasyedutpūtisusurabhibhyaḥ 864, 5.4.135 gandhasyedut. "gandhasya-it" iti cchedaḥ. ebhya iti. ut-pūti-su-surabhi-etebhyaḥ ityarthaḥ. ikāro'ntādeśa iti. pūrvottarasāhacaryādikāra ādeśa eveti bhāvaḥ. samāsāntādhikārāt "ādeḥ parasye"ti na bhavati. udnandhiriti. udgato gandho yasyeti vigrahaḥ. pūtigandhiriti. pūtiśabdo'surabau. pūrtirgandho yasyeti vigrahaḥ. sugandhiriti. śobhano gandho yasyeti vigrahaḥ. pūtigandhiriti. pūtiśabdo'surabhau. pūrtirgandho yasyeti vigrahaḥ. sarvatra "vāyu"riti viśeṣyam. tadekānteti. tasya =viśeṣyabhūtadravyasya, ekāntaḥ=ekadeśa iva pratīyamāna ityarthaḥ. atra gandhasya guṇasya dravyaikadeśatvaṃ na yujyata ityāśaṅkya ekāntaśabda ekadeśavadavibhakte lākṣaṇika ityāha--ekānta ekadeśa iveti. sugandhi puṣpaṃ salilaṃ ceti. atra gandhasya puṣpātsalilācca dravyātpṛthagalakṣyamāṇatvāditi bhāvaḥ. su śobhanā iti. "su" ityasya vyākhyānaṃ-śobhanā iti. gandhā iti. gandhavanta ityarthaḥ. "guṇavacanebhyo matupo lugiṣṭaḥ" iti luk. dravyāṇīti. candanādīnītyarthaḥ. "gandhā" ityasya viśeṣyametat. gandhaśabdasya napuṃsakadravyaviśeṣaṇatve'pi niyataliṅgatvātpuṃstva#ṃ yujyate. "gandhastu saurabhe nṛtye gandhake garvaleśayoḥ. sa eva dravyavacano bahutve puṃsi ca smṛtaḥ" iti kośāt. gandha āpaṇa iti. atra gandhaśabdavācyānāṃ candanādidravyāṇāṃ viśeṣyabhūtāpaṇāpekṣayā pṛthag lakṣyamāṇatvādittvaṃ neti bhāvaḥ.

gandhasyet. takāra uccāraṇārtha ityāśayenāha—ikāro'ntādeśa iti. `ādeḥ parasye'tīha na bhavati, `samāsāntāḥ'ityadhikārāt. atra kecidāhuḥ–ikārasya pratyayatve'pi na kṣatiḥ, `yasyeti[ce'ti] lopenodgandhirityādirūpasiddheḥ. na ca `titsvarita'mityantasvaritatvāpattirna śaṅkyā, takārasyoccāraṇārthatvābhyupagamāt. nāpi ṣaṣṭhīnirdeśādādeśatvameva na pratyayatvamiti vācyaṃ, `gāpoṣṭa'gityādipratyayavidhiṣvapi ṣaṣṭhīdarśanādīti.

gandhasyedutpūtisusurabhibhyaḥ 753, 5.4.135 gandhasyet. takāra uccāraṇārtha ityāśayenāha---ikāro'ntādeśa iti. "ādeḥ parasye"tīha na bhavati, "samāsāntāḥ"ityadhikārāt. atra kecidāhuḥ--ikārasya pratyayatve'pi na kṣatiḥ, "yasyeti[ce"ti] lopenodgandhirityādirūpasiddheḥ. na ca "titsvarita"mityantasvaritatvāpattirna śaṅkyā, takārasyoccāraṇārthatvābhyupagamāt. nāpi ṣaṣṭhīnirdeśādādeśatvameva na pratyayatvamiti vācyaṃ, "gāpoṣṭa"gityādipratyayavidhiṣvapi ṣaṣṭhīdarśanādīti. gandhasyetve tadekāntagrahaṇam. avibhāgeneti. evaṃ ca guṇavācina eva grahaṇaṃ, na tu dravyavācina iti phalito'rthaḥ. dravyāṇīti. asti ca gandhaśabdo dravyavacanaḥ, "vahati jalamiyaṃ pinaṣṭi gandhā"niti prayogāt, "gandhastu saurabe nṛtye gandhake garvaleśayoḥ. sa eva dvavyavacano bahutve puṃsi ca smṛtaḥ" iti kośācca. kecittu---"gandhasyetve"iti vārtike tadekāntaśabdena svābhāvikatvaṃ vivakṣitaṃ, tenāgantukasya netyāhuḥ. tathā ca bhaṭṭiḥ---"āghrāyivān gandhavahaḥ sugandhaḥ"iti. vyākhyātaṃ ca jayamaṅgalāyāṃ--"gandhasye"tyādinekāraḥ samāsānto na, "gandhasyetve tadekāntagrahaṇa"miti vacanāt. sugandha āpaṇika iti yatheti. ataeva "bhagnabālasahakārasugandhau"ityādīnāṃ pramādikatvaṃ durghaṭavṛttikṛtoktam.