1/3:ūdhasaḥ anaṅi strīgrahaṇam |*
2/3:ūdhasaḥ anaṅi strīgrahaṇam kartavyam iha mā bhūt |
3/3:mahodhāḥ parjanyaḥ iti |

ūdhasśabdāntasya bahuvrīheḥ anaṅādeśo bhavati samāsāntaḥ. kuṇḍam iva ūdhaḥ asyāḥ sā kuṇdodhnī. ghaṭodhnī. ūdhaso 'naṅi strīgrahaṇaṃ kartavyam. iha mā bhūt, mahodhāḥ parjanyaḥ. ghaṭodho dhainukam.

ūdhaso 'naṅ 5.4.131 ūdhasśabdāntasya bahuvrīheḥ anaṅādeśo bhavati samāsāntaḥ. kuṇḍam iva ūdhaḥ asyāḥ sā kuṇdodhnī. ghaṭodhnī. ūdhaso 'naṅi strīgrahaṇaṃ kartavyam. iha mā bhūt, mahodhāḥ parjanyaḥ. ghaṭodho dhainukam.

ūdhaso'naṅ. , 5.4.131 "anaṅādeśo'yaṃ bhavati" iti. kathaṃ punarvijñāyate---ādeśo'yaṃ na pratyaya iti ? yadyeṣa pratyayaḥ syāt? ṅitkaraṇamanarthakaṃ syāt? ādeśo hrasminnantyādeśārthaṃ ṅittvamarthavadbhavati. tasmānṅittvādevāyamādeśo bhavatīti vijñāyate. "kuṇḍodhnī" iti. anaṅi kṛte "ato guṇe" 6.1.94 pararūpatvam(), "bahuvrīherūdhaso ṅīṣ()" (4.1.25) iti ṅīṣ? "allopo'naḥ" 6.4.134. "strīgrahaṇaṃ katrtavyam()" iti. strī gṛhrate yenābhidheyanityatvena tataḥ strīgrahaṇaṃ katrtavyam(). etaduktaṃ bhavati--tathā vyākhyānaṃ katrtavyaṃ yathā striyāmabhidheyāyāmanaṅ bhavatīti. tatredaṃ vyākhyānam()--"ūdhrvādvibhāṣā" 5.4.130 ityato vibhāṣāgrahaṇamanuvatrtate, sā ca vyasthitavibhāṣā, tena striyāmeva bhavati, nānyatreti. anaṅ'kārāditvamuttarārtham(). iha vināpi tena sidhyatyeva॥

tatra viśeṣamāha–ūdhaso'naṅ. bahuvrīhau sakthyakṣṇo'rityato bahuvīhāvityanuvṛttaṃ ṣaṣṭha\ufffdā vipariṇamyate, `ūdhasaḥ' ityanena viśeṣyate, tadantavidhiḥ. tadāha–ūdho'ntasyeti. samāsāntaprakaraṇasthatve'pi ṅittvādasyādeśatvaṃ bodhyam. ityanaṅi kṛte iti. anaṅi ṅakāra it, akāra uccāraṇārthaḥ, `ṅicce'tyantyasya sakārasya an, pararūpam, kuṇjodhan iti sthite satītyarthaḥ. ḍābḍībniṣedheṣviti. `ḍābubhābhyā'miti vaikalpike ḍāpi, `ana upadhālopinaḥ' iti vaikalpike ṅīpi, tadubhayā'bhāve `ṛnnebhyaḥ' iti prāptasya ṅīpaḥ `ano bahuvrīhe'riti niṣedhe ca prāpte ityarthaḥ.

ūdhaso'naṅ 477, 5.4.131 tatra viśeṣamāha--ūdhaso'naṅ. bahuvrīhau sakthyakṣṇo"rityato bahuvīhāvityanuvṛttaṃ ṣaṣṭha()ā vipariṇamyate, "ūdhasaḥ" ityanena viśeṣyate, tadantavidhiḥ. tadāha--ūdho'ntasyeti. samāsāntaprakaraṇasthatve'pi ṅittvādasyādeśatvaṃ bodhyam. ityanaṅi kṛte iti. anaṅi ṅakāra it, akāra uccāraṇārthaḥ, "ṅicce"tyantyasya sakārasya an, pararūpam, kuṇjodhan iti sthite satītyarthaḥ. ḍābḍībniṣedheṣviti. "ḍābubhābhyā"miti vaikalpike ḍāpi, "ana upadhālopinaḥ" iti vaikalpike ṅīpi, tadubhayā'bhāve "ṛnnebhyaḥ" iti prāptasya ṅīpaḥ "ano bahuvrīhe"riti niṣedhe ca prāpte ityarthaḥ.

ūdhaso'naṅ. nādeśenaiva siddhe'naṅkaraṇaṃ `dhanuṣaśce'tyuttarārtham, anyathā `śāṅrgadhanve'ti na siddhyedityāhuḥ. vastuta ihārthamapyāvaśyakameva, anyathā anolakṣaṇikatvenā'llopā'parsaṅgādityanye. iha `bahuvrīhau sakthyakṣṇo'rityato bahuvrīhāvityanuvartate ityāha–

ūdhaśo'naṅ 430, 5.4.131 ūdhaso'naṅ. nādeśenaiva siddhe'naṅkaraṇaṃ "dhanuṣaśce"tyuttarārtham, anyathā "śāṅrgadhanve"ti na siddhyedityāhuḥ. vastuta ihārthamapyāvaśyakameva, anyathā anolakṣaṇikatvenā'llopā'parsaṅgādityanye. iha "bahuvrīhau sakthyakṣṇo"rityato bahuvrīhāvityanuvartate ityāha--