kevalād yo dharmaśabdaḥ tadantād bahuvrīheḥ anic pratyayo bhavati samāsantaḥ. kalyāṇo dharmo 'sya kalyāṇadharmā. priyadharmā. kevalātiti im? paramaḥ svo dharmaḥ asya paramasvadharmaḥ. yadyevaṃ tripade bahuvrīhau prāpnoti, paramaḥ svo dharmaḥ asya iti? evaṃ tarhi kevalātiti pūrvapadaṃ nirdiśyate, kevalāt padād yo dharmaśabdo na padasamudāyāt, tadantād bhauvrīheḥ pratyayaḥ.

dharmādanic kevalāt 5.4.124 kevalād yo dharmaśabdaḥ tadantād bahuvrīheḥ anic pratyayo bhavati samāsantaḥ. kalyāṇo dharmo 'sya kalyāṇadharmā. priyadharmā. kevalātiti im? paramaḥ svo dharmaḥ asya paramasvadharmaḥ. yadyevaṃ tripade bahuvrīhau prāpnoti, paramaḥ svo dharmaḥ asya iti? evaṃ tarhi kevalātiti pūrvapadaṃ nirdiśyate, kevalāt padād yo dharmaśabdo na padasamudāyāt, tadantād bhauvrīheḥ pratyayaḥ.

dharmādanic? kevalāt?. , 5.4.124 "asamastaḥ" [nāsti--kāśikāyām()] iti. asamāsaḥ kriyata ityarthaḥ. "paramasvadharmaḥ" iti. svaścāsau dharmaśceti svadharmaḥ, paramaścāsau svadharmaśceti paramasvadharmaḥ. "yadyevam? ityādi. yadi kevalagrahaṇena dharmo viśeṣyate paramasvadharmaśceti na, paramasvadharahṛeti syāt(). "kevalāt? pūrvapadāt()" iti. dharmasya asahāyāt? pūrvapadādityarthaḥ. "na padasamudāyāt()" iti. paramo dharma iti prakṛtena sambandhaḥ. atra vyākhyāne tripade bahuvrīhau na bhavati prasaṅgaḥ, padasamudāyāddhi paramo dharmaśabdo na kevalāt? pūrvapadāt(). anicaścitkaraṇaṃ pūrvapadaprakṛtisvaraṃ bādhitvā'ntodāttameva yathā syāt()॥

dharmādanickevalāt. `pūrvapadā'dityadhyāhmatya `kevalā'dityasya tadviśeṣaṇatvamāha–kevalātpūrvapadāditi. anici cakāra it. ikāra uccāraṇārthaḥ. madyamapadatvānākrāntatvaṃ kevalapūrvapadatvam. kalyāṇadharmeti. kalyāṇo dharmo yasyeti vigrahaḥ. anici `yasyeti ce'tyakāralopaḥ. parama iti. paramaḥ svo dharmo yasyeti bahuvrīhau paramasvadharmaśabde svaśabdasya dharmaśabdāpekṣayā pūrvapadatvāttataḥ paramasvadharmaśabdādapyacaḥ prāptau tannivṛttyarthaṃ kevalagrahaṇamiti bhāvaḥ. kevalagrahaṇe kṛte tu na doṣa ityāha–svaśabdo hīha na kevalaṃ pūrvapadamiti. kiṃ tviti. kiṃ tu svaśabdo dharmapadāpekṣayā pūrvatvātpūrvapadaṃ, na tu kevalaṃ, madhyamatvāt. kevalaśabdena ca padāntararāhitya vācinā madhyamapadtāvanākrāntatvalābhādityarthaḥ. idaṃca `ijāde'riti sūtrabhāṣye spaṣṭam.evaṃ ca tripadabahuvrīhau paramasvadharma ityeva bhavati. natvanic. `sarvanāmasaṅkhyayorupaṅkhyāna'miti svaśabdasya pūrvanipātastu `vāhitāgnyādiṣu' iti pākṣikatvānna bhavati. nanvevaṃ sati sandigdhaḥ sādhyo dharmo yasya sa `sandigdhasādhyadharme'tyatra kathamanic. atra hi sandigdheti kevalaṃ pūrvapadaṃ, dharmaśabdastasma#ātparo na bhavati. yasmātsādhyaśabdātparo dharmaśabdaḥ, tasya tu na pūrvapadatvaṃ, madhyamapadatvādityata āha–sandigdheti. sandigdhaścāsau sādhyaśceti karmadhārayaḥ. sandigdhasādhyo dharmo yasyeti karmadhārayagarbho bahuvrīhiḥ. evañca sandigdhasādhyaśabdasya kevalapūrvapadatvāttatrā'nicnirbādha #iti bhāvaḥ. evaṃ ceti. uktarītyā paramaścāsau svaśca paramasvaḥ, paramasvo dharmo yasyeti karmadhārayāśrayaṇe tu kevalapūrvapadatvādanic. paramasvadharmetyapi sādvevetyarthaḥ. nivṛttīti. nivṛttiḥ dharmo yasyeti karmadhārayāśrayaṇe tu kevalapūrvapadatvādanic. paramasvadharmetyapi sādhvevetyarthaḥ. nivṛttīti. nivṛttiḥ dharmo yasyeti, anucchittiḥ dharmo yasyeti ca vigrahaḥ. atra samāse nivṛttiśabdasya anucchittiśabdasya ca kevalapūrvapadatvādyathāyogyamanijiti bhāvaḥ.

dharmādanickevalāt 854, 5.4.124 dharmādanickevalāt. "pūrvapadā"dityadhyāhmatya "kevalā"dityasya tadviśeṣaṇatvamāha--kevalātpūrvapadāditi. anici cakāra it. ikāra uccāraṇārthaḥ. madyamapadatvānākrāntatvaṃ kevalapūrvapadatvam. kalyāṇadharmeti. kalyāṇo dharmo yasyeti vigrahaḥ. anici "yasyeti ce"tyakāralopaḥ. parama iti. paramaḥ svo dharmo yasyeti bahuvrīhau paramasvadharmaśabde svaśabdasya dharmaśabdāpekṣayā pūrvapadatvāttataḥ paramasvadharmaśabdādapyacaḥ prāptau tannivṛttyarthaṃ kevalagrahaṇamiti bhāvaḥ. kevalagrahaṇe kṛte tu na doṣa ityāha--svaśabdo hīha na kevalaṃ pūrvapadamiti. kiṃ tviti. kiṃ tu svaśabdo dharmapadāpekṣayā pūrvatvātpūrvapadaṃ, na tu kevalaṃ, madhyamatvāt. kevalaśabdena ca padāntararāhitya vācinā madhyamapadtāvanākrāntatvalābhādityarthaḥ. idaṃca "ijāde"riti sūtrabhāṣye spaṣṭam.evaṃ ca tripadabahuvrīhau paramasvadharma ityeva bhavati. natvanic. "sarvanāmasaṅkhyayorupaṅkhyāna"miti svaśabdasya pūrvanipātastu "vāhitāgnyādiṣu" iti pākṣikatvānna bhavati. nanvevaṃ sati sandigdhaḥ sādhyo dharmo yasya sa "sandigdhasādhyadharme"tyatra kathamanic. atra hi sandigdheti kevalaṃ pūrvapadaṃ, dharmaśabdastasma#ātparo na bhavati. yasmātsādhyaśabdātparo dharmaśabdaḥ, tasya tu na pūrvapadatvaṃ, madhyamapadatvādityata āha--sandigdheti. sandigdhaścāsau sādhyaśceti karmadhārayaḥ. sandigdhasādhyo dharmo yasyeti karmadhārayagarbho bahuvrīhiḥ. evañca sandigdhasādhyaśabdasya kevalapūrvapadatvāttatrā'nicnirbādha #iti bhāvaḥ. evaṃ ceti. uktarītyā paramaścāsau svaśca paramasvaḥ, paramasvo dharmo yasyeti karmadhārayāśrayaṇe tu kevalapūrvapadatvādanic. paramasvadharmetyapi sādvevetyarthaḥ. nivṛttīti. nivṛttiḥ dharmo yasyeti karmadhārayāśrayaṇe tu kevalapūrvapadatvādanic. paramasvadharmetyapi sādhvevetyarthaḥ. nivṛttīti. nivṛttiḥ dharmo yasyeti, anucchittiḥ dharmo yasyeti ca vigrahaḥ. atra samāse nivṛttiśabdasya anucchittiśabdasya ca kevalapūrvapadatvādyathāyogyamanijiti bhāvaḥ.

dharmādanic. anico'kāraścintyaprayojana ityeke. anye tu dharmaṃ karotyācaṣṭe vā, `tatkarotī'ti ṇyantātkvipi dharm, paramo dharm yasya saḥ paramadharm. ekadeśavikṛtasyānanyatvāddharmaśabdo'yamityakāroccāraṇamiha saprayojanamevetyāhuḥ. bahuvrāhiṇātra pūrvapadamākṣipyata ityanupadameva vakṣyati. tacca `kevalā'dityanena viśeṣyata ityāha—kevalātpūrvapadāditi. prācā tūttarapadamapi viśeṣitam. prasādakṛtāpi kevalāditi dharmaśabdasya pūrvapadasya ca viśeṣaṇamiti vyākhyātam, tadubhayamapi cintyam. āvṛttau mānā'bhāvāt, dharmapadaviśeṣaṇe prayojanā'bhāvācca. na ca dharmaśabdāntaṃ yatrottarapadaṃ tavdyavṛttiḥ phalamiti vācyaṃ , tatra bahuvrīhravayavībhūtapūrvapadātparasya dharmapade'sambhavādevā'doṣatvāt. madhyamatvāditi. na ca `sarvanāmasaṅkhyayo'riti svaśabdasya pūrvanipātaḥ śaṅkyaḥ, āhitāgnyāderākṛtigaṇatvāditi haradattadibhiḥ samāhitatvāt. āpekṣikamiti. nanvata eva kevalagrahaṇaṃ vyarthaṃ, pūrvaśabdasya samāsaprathamāvayave rūḍhatvenaiva madhyamapadavyāvṛttisambhavāditi cet. atrāhuḥ–pūrvapadākṣepe tātparyagrāhakatvena kevalapadasya sārthakatvāditi. karmadhārayapūrvapada iti. nanvatrā'nic da#urlabhaḥ, `kevalā'dityasya samāsānātacmakatvādityarthāditi cet, maivam. kevalagrahaṇasya samāsānātmakapūrvapadaparatve mānā'bhāvāt. `nivṛttidharmā hi sthānī bhavatī'tyādiprayogavirodhācca. asmaduktārthastu `dhṛñ dhāraṇe'iti dhātau mādhavagranthe spaṣṭaḥ. etena sādhyoḥ dharmo'syeti sādhyadharmā, saṃdigdhaścāsau sādhyadharmā ceti vigrahaḥ. sa ca sandehaḥ sādhyadharmadvāraka eva paryavasyatīti keṣāñcivdyākhyānaṃ parāstam. uktirītyaiva sādhyasya sākṣātsandigdhatvalābhe tatsamarthanaprayāsasya vyarthatvāt. sādhveveti. paramaścāsau svaśca paramasvaḥ, sa dharmo yasyeti yadā vigṛhrate tadetyarthaḥ.

dharmādanickevalāt 746, 5.4.124 dharmādanic. anico'kāraścintyaprayojana ityeke. anye tu dharmaṃ karotyācaṣṭe vā, "tatkarotī"ti ṇyantātkvipi dharm, paramo dharm yasya saḥ paramadharm. ekadeśavikṛtasyānanyatvāddharmaśabdo'yamityakāroccāraṇamiha saprayojanamevetyāhuḥ. bahuvrāhiṇātra pūrvapadamākṣipyata ityanupadameva vakṣyati. tacca "kevalā"dityanena viśeṣyata ityāha---kevalātpūrvapadāditi. prācā tūttarapadamapi viśeṣitam. prasādakṛtāpi kevalāditi dharmaśabdasya pūrvapadasya ca viśeṣaṇamiti vyākhyātam, tadubhayamapi cintyam. āvṛttau mānā'bhāvāt, dharmapadaviśeṣaṇe prayojanā'bhāvācca. na ca dharmaśabdāntaṃ yatrottarapadaṃ tavdyavṛttiḥ phalamiti vācyaṃ , tatra bahuvrīhravayavībhūtapūrvapadātparasya dharmapade'sambhavādevā'doṣatvāt. madhyamatvāditi. na ca "sarvanāmasaṅkhyayo"riti svaśabdasya pūrvanipātaḥ śaṅkyaḥ, āhitāgnyāderākṛtigaṇatvāditi haradattadibhiḥ samāhitatvāt. āpekṣikamiti. nanvata eva kevalagrahaṇaṃ vyarthaṃ, pūrvaśabdasya samāsaprathamāvayave rūḍhatvenaiva madhyamapadavyāvṛttisambhavāditi cet. atrāhuḥ--pūrvapadākṣepe tātparyagrāhakatvena kevalapadasya sārthakatvāditi. karmadhārayapūrvapada iti. nanvatrā'nic da#urlabhaḥ, "kevalā"dityasya samāsānātacmakatvādityarthāditi cet, maivam. kevalagrahaṇasya samāsānātmakapūrvapadaparatve mānā'bhāvāt. "nivṛttidharmā hi sthānī bhavatī"tyādiprayogavirodhācca. asmaduktārthastu "dhṛñ dhāraṇe"iti dhātau mādhavagranthe spaṣṭaḥ. etena sādhyoḥ dharmo'syeti sādhyadharmā, saṃdigdhaścāsau sādhyadharmā ceti vigrahaḥ. sa ca sandehaḥ sādhyadharmadvāraka eva paryavasyatīti keṣāñcivdyākhyānaṃ parāstam. uktirītyaiva sādhyasya sākṣātsandigdhatvalābhe tatsamarthanaprayāsasya vyarthatvāt. sādhveveti. paramaścāsau svaśca paramasvaḥ, sa dharmo yasyeti yadā vigṛhrate tadetyarthaḥ.