1/29:idam ayuktam vartate |
2/29:kim atra ayuktam |
3/29:ajādī guṇavacanāt eva iti uktvā aguṇavacanānām api ajādyoḥ ādeśāḥ ucyante |
4/29:na eṣaḥ doṣaḥ |
5/29:etat eva jñāpayati bhavataḥ etebhyaḥ aguṇavacanebhyaḥ api ajādī iti yat ayam ajādyoḥ parataḥ ādeśān śāsti |
6/29:evam api tayoḥ iti vaktavyam syāt |
7/29:tayoḥ parataḥ iti |
8/29:yadi punaḥ ayam vidhiḥ vijñāyeta |
9/29:na evam śakyam |
10/29:vyañjanādī hi na syātām upādhīnām ca saṅkaraḥ syāt punarvidhānāt ajādyoḥ |
11/29:nanu ca ete viśeṣāḥ anuvarteran |
12/29:yadi api ete anuvarteran vyañjanādī tarhi na syātām |
13/29:evam tarhi ācāryapravṛttiḥ jñāpayati bhavataḥ etebhyaḥ aguṇavacanebhyaḥ api ajādī iti yat ayam ajādyoḥ parataḥ ādeśān śāsti |
14/29:nanu ca uktam tayoḥ iti vaktavyam iti |
15/29:na vaktavyam |
16/29:prakṛtam ajādīgrahaṇam anuvartate |
17/29:kva prakṛtam |
18/29:ajādī guṇavacanāt eva iti |
19/29:tat vai prathamānirdiṣṭam saptamīnirdiṣṭena ca iha arthaḥ |
20/29:arthāt vibhaktivipariṇāmaḥ bhaviṣyati |
21/29:tat yathā |
22/29:uccāni devadattasya gṛhāṇi |
23/29:āmantrayasva enam |
24/29:devadattam iti gamyate |
25/29:devadattasya gāva aśvā hiraṇyam iti |
26/29:āḍhyaḥ vaidhaveyaḥ |
27/29:devadattaḥ iti gamyate |
28/29:purastāt ṣaṣṭhīnirdiṣṭam sat arthāt dvitīyānirdiṣṭam prathamānirdiṣṭam ca bhavati |
29/29:evam iha api purastāt prathamānirdiṣṭam sat arthāt saptamīnirdiṣṭam bhaviṣyati |

praśasya śabdasya śra ityayam ādeśe bhavati ajādyoḥ pratyayayoḥ parataḥ. ajādī iti prakṛtasya saptamī vibhaktivipariṇamyate. nanu ca praśasya śabdasya aguṇavacanatvādajādī na sambhavataḥ? evaṃ tarhi ādeśavidhānasāmarthyāt tadviṣayo niyamo na pravartate, ajādī guṇavacanādeva iti. evam uttareṣvapi yogeṣu vijñeyam. sarve ime praśasyāḥ, ayam eṣām atiśayena praśasyaḥ śreṣṭhaḥ. ubhāvimau praśasyau, ayam anayoratiśayena praśasyaḥ śreyān. ayam asmāt śreyān. prakṛtyau kāciti prakṛtibhāvat śraśabdasya ṭilopayasyetilopau na bhavataḥ.

praśasyasya śraḥ 5.3.60 praśasya śabdasya śra ityayam ādeśe bhavati ajādyoḥ pratyayayoḥ parataḥ. ajādī iti prakṛtasya saptamī vibhaktivipariṇamyate. nanu ca praśasya śabdasya aguṇavacanatvādajādī na sambhavataḥ? evaṃ tarhi ādeśavidhānasāmarthyāt tadviṣayo niyamo na pravartate, ajādī guṇavacanādeva iti. evam uttareṣvapi yogeṣu vijñeyam. sarve ime praśasyāḥ, ayam eṣām atiśayena praśasyaḥ śreṣṭhaḥ. ubhāvimau praśasyau, ayam anayoratiśayena praśasyaḥ śreyān. ayam asmāt śreyān. prakṛtyau kāciti prakṛtibhāvat śraśabdasya ṭilopayasyetilopau na bhavataḥ.

praśasyasya śraḥ. , 5.3.60 nanu cājīdī iti prathamāntam(), tatkathamajādyoḥ parata ādeśo labhyate? ityāha--"ajādī" itaci. "tadviṣayaḥ" iti. sa praśasyaśabdo viṣayo yasya sa tadviṣayaḥ. "ajādī guṇavacanādeva" 5.3.58 itatyanena yo niyamaḥ sa tadviṣaye na pravatrtata iti darśayati. "evamuttareṣvapi" iti. "vṛddhasya ca" 5.3.62 ityevamādiṣu. ayamanayoḥ ayamanayoḥ śreyāniti dvivacanopapada īyasun? ayamasmāt? śreyāniti vibhajyopapade. pūrvatra nirdhāraṇe ṣaṣṭhī 2.3.41, uttaratra "pañcamī vibhakte" 2.3.42 iti pañcamī॥

praśasyasya śraḥ. ajādyoriti. iṣṭhannīyasunorityarthaḥ. `ajādī' ityanuvṛttaṃ saptamyā vipariṇamyata iti bhāvaḥ. praśasyaśabdasya kriyāśabdatayā gumavacanatvā'bhāve'pi ata eva jñāpakādiṣṭhannīyasunau. śra-iṣṭha, śra-īyas iti sthite iṣṭhemeyaḥsu vihitaṭilope prāpte–.

praśasyasya śraḥ , 5.3.60 praśasyasya śraḥ. ajādyoriti. iṣṭhannīyasunorityarthaḥ. "ajādī" ityanuvṛttaṃ saptamyā vipariṇamyata iti bhāvaḥ. praśasyaśabdasya kriyāśabdatayā gumavacanatvā'bhāve'pi ata eva jñāpakādiṣṭhannīyasunau. śra-iṣṭha, śra-īyas iti sthite iṣṭhemeyaḥsu vihitaṭilope prāpte--.

praśasyasya śraḥ. `ajādī'ityanuvṛttaṃ saptamyā vipariṇamyata ityāha— ajādyoriti. ajādyoḥ kim?. praśasyataraḥ. praśasyatamaḥ.

praśasyasya śraḥ 1505, 5.3.60 praśasyasya śraḥ. "ajādī"ityanuvṛttaṃ saptamyā vipariṇamyata ityāha---ajādyoriti. ajādyoḥ kim(). praśasyataraḥ. praśasyatamaḥ.