1/10:pāśapi kutsitagrahaṇam |*
2/10:pāśapi kutsitagrahaṇam kartavyam |
3/10:vaiyākaraṇapāśaḥ |
4/10:yājñikapāśaḥ |
5/10:yaḥ hi yāpayitavyaḥ yāpyaḥ tatra mā bhūt iti |
6/10:atha vaiyākaraṇaḥ śarīreṇa kṛśaḥ vyākaraṇena ca śobhanaḥ kartavyaḥ vaiyākaraṇapāśaḥ iti |
7/10:na kartavyaḥ |
8/10:katham |
9/10:yasya bhāvāt dravye śabdaniveśaḥ tadabhidhāne tadguṇe vaktavye pratyayena bhavitavyam |
10/10:na ca kārśyasya bhāvāt dravye vaiyākaraṇaśabdaḥ |

yāpyaḥ kutsitaḥ iti ucyate. yāpye vartamānāt prātipadikāt svārthe pāśap pratyayo bhavati. yāpyo vaiyākaraṇaḥ, kutsito vaiyākaraṇaḥ vaiyākaraṇapāśaḥ. yājñikapāśaḥ. yo vyākaranaśāstre pravīṇo duḥśīlaḥ, tatra kasmān na bhavati? yasya guṇasya sadbhāvād dravye śabdaniveśaḥ, tasya kutsāyāṃ pratyayaḥ.

yāpye pāśap 5.3.47 yāpyaḥ kutsitaḥ iti ucyate. yāpye vartamānāt prātipadikāt svārthe pāśap pratyayo bhavati. yāpyo vaiyākaraṇaḥ, kutsito vaiyākaraṇaḥ vaiyākaraṇapāśaḥ. yājñikapāśaḥ. yo vyākaranaśāstre pravīṇo duḥśīlaḥ, tatra kasmān na bhavati? yasya guṇasya sadbhāvād dravye śabdaniveśaḥ, tasya kutsāyāṃ pratyayaḥ.

yāpye pāśap?. , 5.3.47 yāpyaśabdo'yaṃ gamayitavye vatrtate--grāmāntarāt? yāpya iti; astyaśakyapratīkāre--yāpyo roga iti, asti kutsite--yāpyo'yamiti, kutsita iti gamyate. pāśappratyayāntāt? kutsita eva pratīyata iti tadabhidhāyina eva yāpyaśabdasyevaṃ grahaṇaṃ yuktatam(). ata evāha--"yāpyaḥ kutsita ityucyate" iti yāpyante=apanīyante tasmādguṇā iti yāpyaḥ, "kṛtyalyuṭo bahulam()" 3.3.113 ityapādāne kṛtyaḥ. "tatra kasmānna bhavati" iti. yadyapyasau vyākaraṇe pravīṇaḥ tathāpi duḥśīlatvādbhavitavyameva tatretyabhiprāyaḥ. "yasya" ityādi. guṇo viśeṣaṇam? dravyaṃ viśeṣyam(), tatra dravye yadyapi bahavo guṇāḥ santi, tathāpi yasya guṇasya bhāve dravye śabdo niviśate vatrtate pratyāsattestasyaiva kutsāyāṃ śabdena bhavitavyam(); na tu vaiyākaraṇasya duḥśīlatvaṃ pravṛttinimittam(). kiṃ tarhi? vyākaraṇasya parijñānam(), adhyayanaṃ vā. na ceha duḥśīlatvena bhavitavyaṃ pratyayena॥

yāpye pāśap. yāpyaḥ=kutsitaḥ. `nikṛṣṭapratikṛṣṭā'rvarephayāpyā'vamā'dhamāḥ' ityamaraḥ. kutsitevidyamānātsvārthe pāśapsyādityarthaḥ. pravṛttinimittakutsāyāmidam. apravṛttinimittakutsāyāmapi kutsita iti vakṣyamāṇaṃ bhavatīti bhāṣye, spaṣṭam.

yāpye pāśap , 5.3.47 yāpye pāśap. yāpyaḥ=kutsitaḥ. "nikṛṣṭapratikṛṣṭā'rvarephayāpyā'vamā'dhamāḥ" ityamaraḥ. kutsitevidyamānātsvārthe pāśapsyādityarthaḥ. pravṛttinimittakutsāyāmidam. apravṛttinimittakutsāyāmapi kutsita iti vakṣyamāṇaṃ bhavatīti bhāṣye, spaṣṭam.

yāpye pāśap 1492, 5.3.47 yāpye pāśap. "kutsite"ityatraiva nā'yaṃ vihitaḥ, tiṅantādapi prasaṅgāt.