1/43:kimartham imau arthau ubhau nirdiśyete : asya asmin iti na yat yasya bhavati tasmin api tat bhavati yat ca yasmin bhavati tat tasya api bhavati |
2/43:na etayoḥ āvaśyakaḥ samāveśaḥ |
3/43:bhavanti hi devadattasya gāvaḥ na ca tāḥ tasmin ādhṛtāḥ bhavanti |
4/43:bhavanti ca parvate vṛkṣāḥ na ca te tasya bhavanti |
5/43:atha astigrahaṇam kimartham |
6/43:sattāyām arthe pratyayaḥ yathā syāt |
7/43:na etat asti prayojanam |
8/43:na sattām padārthaḥ vyabhicarati |
9/43:idam tarhi prayojanam : sampratisattāyām yathā syāt , bhūtabhaviṣyatsattāyām mā bhūt : gāvaḥ asya āsan |
10/43:gāvaḥ asya bhavitāraḥ iti |
11/43:na tarhi idānīm idam bhavati : gomān āsīt |
12/43:gomān bhavitā iti |
13/43:bhavati na tu etasmin vākye |
14/43:yadi etasmin vākye syāt yathā iha asteḥ prayogaḥ na bhavati gomān yavamān iti evam iha api na syāt : gomān āsīt |
15/43:gomān bhavitā iti |
16/43:sati api asteḥ prayoge yathā iha bahuvacanam śrūyate gāvaḥ asya āsan gāvaḥ asya bhavitāraḥ evam iha api syāt |
17/43:gomān āsīt |
18/43:gomān bhavitā iti |
19/43:kā tarhi iyam vācoyuktiḥ |
20/43:gomān āsīt |
21/43:gomān bhavitā iti |
22/43:eṣā eṣā vācoyuktiḥ |
23/43:na eṣā gavām sattā kathyate |
24/43:kim tarhi |
25/43:gomatsattā eṣā kathyate |
26/43:asti atra vartamānakālaḥ astiḥ |
27/43:katham tarhi bhūtabhaviṣyatsattā gamyate |
28/43:dhātusambandhe pratyayāḥ iti |
29/43:idam tarhi prayojanam |
30/43:astiyuktāt yathā syāt |
31/43:anantarādiyuktāt mā bhūt iti |
32/43:gāvaḥ asya anantarāḥ |
33/43:gāvaḥ asya samīpe iti |
34/43:atha kriyamāṇe api astrigrahaṇe iha kasmāt na bhavati |
35/43:gāvaḥ asya santi anantarāḥ |
36/43:gāvaḥ asya santi samīpe iti |
37/43:asāmarthyāt |
38/43:katham asāmarthyam |
39/43:sāpekṣam asarmartham bhavati iti |
40/43:yathā eva tarhi kriyamāṇe astrigrahaṇe asāmarthyāt anantarādiṣu na bhavanti evam akriyamāṇe api na bhaviṣyati |
41/43:asti atra viśeṣaḥ |
42/43:kriyamāṇe astrigrahaṇe na antareṇa tṛtīyasya padasya prayogam antarādayaḥ arthāḥ gamyante |
43/43:akriyamāṇe punaḥ astrigrahaṇe antareṇa api tṛtīyasya padasya prayogam antarādayaḥ arthāḥ gamyante |

1/56:atha iha kasmāt na bhavati |
2/56:citraguḥ |
3/56:śabalaguḥ iti |
4/56:bahuvrīhyuktatvāt matvarthasya |
5/56:atha iha kasmāt na bhavati |
6/56:citrāḥ gāvaḥ asya santi iti |
7/56:kutaḥ kasmāt na bhavati |
8/56:kim avayavāt āhosvit samudāyāt |
9/56:avayavāt kasmāt na bhavati |
10/56:asāmarthyāt |
11/56:katham asāmarthyam |
12/56:sāpekṣam asarmartham bhavati iti |
13/56:samudāyāt tarhi kasmāt na bhavati |
14/56:aprātipadikatvāt |
15/56:nanu ca bhoḥ ākṛtau śāstrāṇi pravartante |
16/56:tat yathā sup supā iti vartamāne anyasya ca anyasya ca samāsaḥ bhavati |
17/56:satyam evam etat |
18/56:ākṛtiḥ tu pratyekam parisamāpyate |
19/56:yāvati etat parisamāpyate ṅyāpprātipadikāt iti tāvataḥ utpattyā bhavitavyam |
20/56:avayave ca etat parisamāpyate na samudāye |
21/56:atha iha kasmāt na bhavati |
22/56:pañca gāvaḥ asya santi pañcaguḥ |
23/56:daśaguḥ iti |
24/56:pratyekam asāmarthyāt samudāyāt aprātipadikatvāt samāsāt samāsena uktatvāt |
25/56:na etat sāram |
26/56:ukte api hi pratyayārthe utpadyate dvigoḥ taddhitaḥ |
27/56:tat yathā dvaimāturaḥ pāñcanāpitiḥ iti |
28/56:na eṣaḥ dviguḥ |
29/56:kaḥ tarhi |
30/56:bahuvrīhiḥ |
31/56:apavādatvāt dviguḥ prāpnoti |
32/56:antaraṅgatvāt bahuvrīhiḥ bhaviṣyati |
33/56:kā antaraṅgatā |
34/56:anyapadārthe bahuvrīhiḥ vartate viśiṣṭe anyapadārthe taddhitārthe dviguḥ |
35/56:tasmin ca asya taddhite astigrahaṇam kriyate |
36/56:yadi tarhi atiprasaṅgāḥ santi bahuvrīhau api astigrahaṇam kartavyam astiyuktāt yathā syāt anantarādiyuktāt mā bhūt iti |
37/56:atha na santi taddhitavidhau api na arthaḥ astigrahaṇena |
38/56:satyam evam etat |
39/56:kriyate tu idānīm taddhitavidhau astigrahaṇam |
40/56:tat vai kriyamāṇam api pratyayavidhyartham na upādhyartham |
41/56:astimān iti matup yathā syāt |
42/56:kim ca kāraṇam na syāt |
43/56:aprātipadikatvāt |
44/56:na eṣaḥ doṣaḥ |
45/56:avyayam eṣaḥ astiśabdaḥ |
46/56:na eṣa asteḥ laṭ |
47/56:katham avyayatvam |
48/56:vibhaktisvarapratirūpakāḥ ca nipātāḥ bhavanti iti nipātasañjñā |
49/56:nipātaḥ avyayam iti avyayasañjñā |
50/56:evam api na sidhyati |
51/56:kim kāraṇam |
52/56:astisāmānādhikaraṇye matup vidhīyate |
53/56:na ca asteḥ astinā sāmānādhikaraṇyam |
54/56:tat etat kriyamāṇam api pratyayavidhyartham na upādhyartham |
55/56:tasmāt dvigoḥ taddhitasya pratiṣedhaḥ vaktavyaḥ yadi tat na asti sarvatra matvarthe pratiṣedhaḥ iti |
56/56:sati hi tasmin tena eva siddham |

1/32:atha matvarthīyāt matvarthīyena bhavitavyam |
2/32:na bhavitavyam |
3/32:kim kāraṇam |
4/32:arthagatyarthaḥ śabdaprayogaḥ |
5/32:artham sampratyāyayiṣyāmi iti śabdaḥ prayujyate |
6/32:tatra ekena uktatvāt tasya arthasya dvitīyasya prayogeṇa na bhavitavyam |
7/32:kim kāraṇam |
8/32:uktārthānām aprayogaḥ iti |
9/32:na tarhi idānīm idam bhavati : daṇḍimatī śālā |
10/32:hastimatī upapatyakā iti |
11/32:bhavati |
12/32:arthāntare vṛttāt arthāntare vṛttiḥ |
13/32:ṣaṣṭhyarthe vā vṛttam saptamyarthe vartate saptamyarthe vā vṛttam ṣaṣṭhyarthe vartate |
14/32:atha matvantāt matupā bhavitavyam : gomantaḥ asya santi |
15/32:yavamantaḥ asya santi iti |
16/32:na bhavitavyam |
17/32:kim kāṛaṇam |
18/32:yasya gomantaḥ santi gāvaḥ api tasya santi |
19/32:tatra uktaḥ gobhiḥ abhisambandhe pratyayaḥ iti kṛtvā taddhitaḥ na bhaviṣyati |
20/32:na tarhi idānīm idam bhavati : daṇḍimatī śālā |
21/32:hastimatī upapatyakā iti |
22/32:bhavati |
23/32:arthāntare vṛttāt arthāntare vṛttiḥ |
24/32:ṣaṣṭhyarthe vā vṛttam saptamyarthe vartate saptamyarthe vā vṛttam ṣaṣṭhyarthe vartate |
25/32:iha api saptamyarthe vā vṛttam ṣaṣṭhyarthe vartate ṣaṣṭhyarthe vā vṛttam saptamyarthe vartate |
26/32:anyathājātīyakaḥ khalu api gobhiḥ abhisambandhe pratyayaḥ anyathājātīyakaḥ tadvatā |
27/32:yena eva khalu api hetunā etat vākyam bhavati gomantaḥ asya santi , yavamantaḥ asya santi iti tena eva hetunā vṛttiḥ api prāpnoti |
28/32:tasmāt matvarthīyāt matubādeḥ pratiṣedhaḥ vaktavyaḥ |
29/32:tam ca api bruvatā samānvṛttau sarūpaḥ iti vaktavyam |
30/32:bhavati hi daṇḍimatī śālā hastimatī upapatyakā iti |
31/32:śaiṣikāt matubarthīyāt śaiṣikaḥ matubarthīyaḥ sarūpaḥ pratyayaḥ na iṣṭaḥ |*
32/32:sanantāt na san iṣyate |*

1/50:kim punaḥ ime matupprabhṛtayaḥ sanmātre bhavanti |
2/50:evam bhavitum arhati |
3/50:matupprabhṛtayaḥ sanmātre cet atiprasaṅgaḥ |*
4/50:matupprabhṛtayaḥ sanmātre cet atiprasaṅgaḥ bhavati |
5/50:iha api prāpnoti |
6/50:vrīhiḥ asya |
7/50:yavaḥ asya iti |
8/50:tasmāt bhūmādigrahaṇam kartavyam |
9/50:ke punaḥ bhūmādayaḥ |
10/50:bhūmanindāpraśaṃsāsu nityayoge atiśāyane saṃsarge astivivakṣāyām bhavanti matubādayaḥ |*
11/50:bhūmni : gomān yavamān |
12/50:nindāyām : kakudāvartī saṅkhādakī |
13/50:praśaṃsayām : rūpavān varṇavān |
14/50:nityayoge : kṣīriṇaḥ vṛkṣāḥ , kaṇṭakinaḥ vṛkṣāḥ iti |
15/50:atiśāyane : udariṇī kanyā |
16/50:saṃsarge : daṇḍī chatrī |
17/50:tat tarhi bhūmādigrahaṇam kartavyam |
18/50:na kartavyam |
19/50:kasmāt na bhavati |
20/50:vrīhiḥ asya |
21/50:yavaḥ asya iti |
22/50:uktam vā| kim uktam |*
23/50:anabhidhānāt iti |
24/50:itikaraṇaḥ khalu api kriyate |
25/50:tataḥ cet vivakṣā |
26/50:bhūmādiyuktasya eva ca vivakṣā |
27/50:gomān yavamān |
28/50:bhūmādiyuktasya eva sattā kathyate |
29/50:na hi kasya cit yavaḥ na asti |
30/50:saṅkhādakī kakudāvartinī |
31/50:nindāuktasya eva sattā kathyate |
32/50:na hi kaḥ cit na saṅkhādakī |
33/50:rūpavān varṇavān |
34/50:praśaṃsāyuktasya eva sattā kathyate |
35/50:na hi kasya cit rūpam na asti |
36/50:kṣīriṇaḥ vṛkṣāḥ |
37/50:kaṇṭakinaḥ vṛkṣāḥ iti |
38/50:nityayuktasya eva sattā kathyate |
39/50:na hi kasya cit kṣiram na asti |
40/50:udariṇī kanyā iti |
41/50:atiśāyanayuktasya eva sattā kathyate |
42/50:na hi kasya cit udaram na asti |
43/50:daṇḍī chatrī |
44/50:saṃsargayuktasya eva sattā kathyate |
45/50:na hi kasya cit daṇḍaḥ na asti |
46/50:yāvatībhiḥ khalu api gobhiḥ vāhadohaprasavāḥ kalpante tāvatīṣu sattā kathyate |
47/50:kasya cit tisṛbhiḥ kalpante kasya cit śatena api na prakalpante |
48/50:sanmātre ca ṛṣidarśanāt |*
49/50:sanmātre ca punaḥ ṛṣiḥ darśayati matupam |
50/50:yavamatībhiḥ adbhiḥ yūpam prokṣati iti |

1/16:guṇavacanebhyaḥ matupaḥ luk |*
2/16:guṇavacanebhyaḥ matupaḥ luk vaktavyaḥ |
3/16:śuklaḥ kṛṣṇaḥ iti |
4/16:avyatirekāt siddham |
5/16:na guṇaḥ guṇinam vyabhicarati iti |
6/16:avyatirekāt siddham iti cet dṛṣṭaḥ vyatirekaḥ |*
7/16:dṛśyate vyatirekaḥ |
8/16:tat yatha paṭasya śuklaḥ iti |
9/16:tathā ca liṅgavacanasiddhiḥ |*
10/16:evam ca kṛtvā liṅgavacanāni siddhāni bhavanti |
11/16:śuklam vastram |
12/16:śuklā śāṭī |
13/16:śuklaḥ kambalaḥ |
14/16:śuklau kambalau |
15/16:śuklāḥ kambalāḥ iti |
16/16:yat asau dravyam śritaḥ bhavati guṇaḥ tasya yat liṅgam vacanam ca tat guṇasya api bhavati |

ṭatiti prathamā samarthavibhaktiḥ. asya asminiti pratyayārthau. asti iti prakṛtiviśeṣaṇam. itikaraṇo vivakṣārthaḥ. taditi prathamāsamarthādasya iti ṣaṣṭhyārthe 'sminniti saptamyarthe vā matup pratyayo bhavati, yat tat prathamāsamartham asti cet tad bhavati. astyarthopādhikaṃ ced tad bhavati ityarthaḥ. itikaraṇas tataśced vivakṣā. gāvo 'sya santi gomān devadattaḥ. vṛkṣāḥ asmin santi vṛkṣavān parvataḥ. yavamān. plakṣavān. iti karaṇād viṣayaniyamaḥ. bhūmanindāpraśaṃsāsu nityayoge 'tiśāyane. saṃsarge 'sti vivakṣāyāṃ bhavanti matubādayaḥ. bhūmni tāvat gomān. nindāyām kuṣṭhī. kakudāvartinī. praśaṃsāyām rūpavatī kanyā. nityayoge kṣīriṇo vṛkṣāḥ. atiśāyane udariṇī kanyā. saṃsarge daṇḍī. chatrī. astivivakṣāyām astimān. guṇavacanebhyo matupo lugvaktavyaḥ. śuklo guṇo 'sya asti śuklaḥ paṭaḥ. kṛṣṇaḥ. śvetaḥ.

tadasya astyasminniti matup 5.2.94 ṭatiti prathamā samarthavibhaktiḥ. asya asminiti pratyayārthau. asti iti prakṛtiviśeṣaṇam. itikaraṇo vivakṣārthaḥ. taditi prathamāsamarthādasya iti ṣaṣṭhyārthe 'sminniti saptamyarthe vā matup pratyayo bhavati, yat tat prathamāsamartham asti cet tad bhavati. astyarthopādhikaṃ ced tad bhavati ityarthaḥ. itikaraṇas tataśced vivakṣā. gāvo 'sya santi gomān devadattaḥ. vṛkṣāḥ asmin santi vṛkṣavān parvataḥ. yavamān. plakṣavān. iti karaṇād viṣayaniyamaḥ. bhūmanindāpraśaṃsāsu nityayoge 'tiśāyane. saṃsarge 'sti vivakṣāyāṃ bhavanti matubādayaḥ. bhūmni tāvat gomān. nindāyām kuṣṭhī. kakudāvartinī. praśaṃsāyām rūpavatī kanyā. nityayoge kṣīriṇo vṛkṣāḥ. atiśāyane udariṇī kanyā. saṃsarge daṇḍī. chatrī. astivivakṣāyām astimān. guṇavacanebhyo matupo lugvaktavyaḥ. śuklo guṇo 'sya asti śuklaḥ paṭaḥ. kṛṣṇaḥ. śvetaḥ.

tadasyāstyasminniti matup?. , 5.2.93 "pratyayārtho" iti. nanu ca yad? yasya bhavati tata tasminnasti, yadyasminnasti tat? tasya bhavati, yathā--vṛkṣe śākhā, vṛkṣasya śākheti; tatrānyataranirdeśenaiva siddham(), tatkimarthaṃ dvau nirdiśyete? naitadasti; na hi ṣaṣṭhīsaptamyarthayoravaśyambhāvo samāveśaḥ, tathā hi gāvo gaṅgāyāṃ bhavanti, na ca te tasyāḥ; tathā deśāntaragato'pi putro devadattasya ca bhavati, na cāsau tatra. tasmādubhāvapi nirdeṣṭavyau. "astīti prakṛtiviśeṣaṇam()" iti. nanu ca sambhave vyabhicāre ca viśeṣyaviśeṣaṇabhāvo bhavati nīlotpalavat(), na cāstitvasya vyabhicāro'sti, yathoktam()--"na sattāṃ padār()tho vyabhicarati" iti. tasyā vyavacchedyābhāvādapārthakamidaṃ viśeṣaṇam()? naitadasti; viśeṣaṇopādānasāmathryādeva viśiṣṭaiva sattā viśeṣaṇatvenopāttā, na sattāmātramiti pratīyate. sā punarviśiṣṭasattā sappratisattaiva. asti ca tasyā vyabhicāra iti prasajyata eva viśeṣyaviśeṣaṇabhāvaḥ. kiṃ punaḥ sampratisattā viśeṣaṇatvenopāttā? tasyāmeva pratyayo yathā syāt? bhūtabhaviṣyatsattāyāṃ mā bhūdityevamartham(). tena gāvo'syāsan(), gāvo'sya bhavitāra ityatar na bhavati. nanu ca gomānāsīta, gomān? bhaviteti bhūtabhaviṣyatsattāya#ā#ṃ matupaṃ vidhāya kathaṃ prayujyate? naiṣa doṣaḥ, dhātusambandhe'yathākāloktānāmapi pratyayānāṃ sādhutvavidhānādevaṃ prayujyace; na bhūtabhaviṣyatsattāyāṃ pratyayavidhānāt(). "astyarthopādhikaṃ cedbhavatītyarthaḥ" iti. vatrmānasattāviśiṣṭaṃ yadi tatra bhavatītyarthaḥ. "gomān()" iti. "ugidacām()" 7.1.70 iti num(). halṅyādisaṃyogāntalopau. "atvasantasya cādhātoḥ" 6.4.14 iti dīrdhaḥ. "vṛkṣa vān()" iti "mādupadhāyāśca" 8.2.9 ityādinā vatvam(). "viṣayaniyamaḥ" iti. viṣaye pratyayasya bhāvo viṣayaniyamaḥ. sa punarviśiṣṭaviṣayo bhūmādiriti darśayannāha--"bhūmanindā" ityādi. bahorbhāvo bhūmā. "pṛthvādibhya imanic()" itīmanic(). "bahorlopo bhū ca vahoḥ" 6.4.158 iti bhūbhāvaḥ, ikāralopaśca. gāvo bahavo'sya santīti gomān(). ekasya dvayorvā vidyamānatve'pi gomāniti na vyapadiśyate. nindāyāṃ-kakudāvatrtīti. niṣphalatvānninditaḥ. praśaṃsāyām()--praśastaṃ rūpaṃ yasyāsti rahūpavānityucyate. nityayoge-kṣīrameṣāmastīti kṣīriṇo vṛkṣāḥ. nityaḥ kṣīrasambandho yeṣāṃ ta ucyante. "atiśāyane udariṇī kanyā" iti. yasyā atiśayenodaramasti saivamucyate. "saṃsarge daṇḍī" iti. daṇḍasaṃsarga ucyate. teneha gṛhasthite vidyamāne'pi daṇḍe daṇḍīti nābhidhīyate॥

tadasyāstyasminniti matup. tadasyāstīti tadasminnastīti vigrahe asmi samānādhikaraṇātprathamāntādasya asminniti cārthe matupsyādityarthaḥ. upāvitau. itiśabdo viṣayaviśeṣalābhārthaḥ. tadāha–bhūmanindeti. ślokavārtikamidam. bhūmā=bahutvam. yathā gomān, yavamān. nindāyāṃ-kakudāvartinī kanyā. praśaṃsāyāṃ- rūpavān. nityayoge–kṣīriṇo vṛkṣāḥ. atiśāyane-udariṇī kanyā. saṃsarge-daṇḍī. chatrī. vṛttiniyāmakaḥ saṃsargaviśeṣo vivakṣitaḥ. tena `paruṣī daṇḍa' iti nāsti.

tadasyāstyasminniti matup 1869, 5.2.93 tadasyāstyasminniti matup. tadasyāstīti tadasminnastīti vigrahe asmi samānādhikaraṇātprathamāntādasya asminniti cārthe matupsyādityarthaḥ. upāvitau. itiśabdo viṣayaviśeṣalābhārthaḥ. tadāha--bhūmanindeti. ślokavārtikamidam. bhūmā=bahutvam. yathā gomān, yavamān. nindāyāṃ-kakudāvartinī kanyā. praśaṃsāyāṃ-rūpavān. nityayoge--kṣīriṇo vṛkṣāḥ. atiśāyane-udariṇī kanyā. saṃsarge-daṇḍī. chatrī. vṛttiniyāmakaḥ saṃsargaviśeṣo vivakṣitaḥ. tena "paruṣī daṇḍa" iti nāsti.

tadasyāstyasminnati matup. `ta'diti prathamāsamarthātpratyayaḥ. astīti puruṣavacane avivakṣite, kālastu vivakṣitaḥ, dhane gate bāvini vā `dhanavānaya'miti pratītyabhāvāt. iti śabdo viṣayaviśeṣalābhārthaḥ. nityayoge'tiśāyane.`bhūminindāpraśaṃsāsu nityayoge'tiśāyena. saṃsarge'stivivakṣāyāṃ bhavanti matubādayaḥ'. astivivakṣāyāṃ ye matubādayo vidhīyante te bhūmādiṣu viṣayeṣu bhavantīti vārtikārthaḥ. bhūmā—bahutvam. taccāpekṣikam. yasya hi yāvaducitaṃ tāvadeva bahutvabodhakabahuśabdenāpi pratīyate. tathā pañcaṣābhirapi gobhirdevadattasya `bahvyo gāva'iti vyavahāraḥ. rājñastu saharuāgorapi gāvo'lpā iti vyavahāraḥ. gomān. yavamān. yasya khāryādibhiḥ paricchinnā yavāḥ santi sa evamucyate. natu saharuoṇāpi yavairyavamāniti. kathaṃ tarhi `yavamatībhiradbhiryūpaṃ prokṣati'—iti?. atrāhuḥ—jātimātrasambandhasya vivakṣitatvādbhūmā'bhāve'pyatra matup. bhūmādigrahaṇaṃ tu prāyeṇa bhūmādayaḥ pratīyanta ityevaṃparamiti. nindāyāṃ— kakudāvartinī kanyā. praśaṃsāyāṃ—rūpavān. nityayoge—-kṣīriṇo vṛkṣāḥ. atiśāyena—udariṇī kanyā. saṃsarge—daṇḍī. saṃsargaḥ=saṃyogaḥ. tena saṃyuktadamḍa evocyate, na tu gṛhāvasthitadaṇḍo'pi. iha daṇḍapuruṣayoḥ saṃyoge satyapi `daṇḍī puruṣa'ityādivat `puruṣī daṇḍaḥ' `puruṣavāndaṇḍaḥ'iti na prayujyate, vṛttiniyāmakasya vilakṣaṇasambandhasyā'bhāvāt. saṃyoge samāne'pi pratītibalādvailakṣaṇyaṃ kalpyata ityāhuḥ. evaṃ ca yavasaṃyogamātreṇa yavamatya āpo na bhavanti, kiṃ tu yavamajjalavacca pātramevetyāśayena `kathaṃ yavamatībhiradbhiḥ' ityākṣepho, `bhūmādigrahaṇaṃ prāyika'mityādyuttaraṃ ca saṅgacchata eva.

tadasyāstyasminniti matup 1439, 5.2.93 tadasyāstyasminnati matup. "ta"diti prathamāsamarthātpratyayaḥ. astīti puruṣavacane avivakṣite, kālastu vivakṣitaḥ, dhane gate bāvini vā "dhanavānaya"miti pratītyabhāvāt. iti śabdo viṣayaviśeṣalābhārthaḥ. bhūmanindāpraśaṃsāsu nityayoge'tiśāyane."bhūminindāpraśaṃsāsu nityayoge'tiśāyena. saṃsarge'stivivakṣāyāṃ bhavanti matubādayaḥ". astivivakṣāyāṃ ye matubādayo vidhīyante te bhūmādiṣu viṣayeṣu bhavantīti vārtikārthaḥ. bhūmā---bahutvam. taccāpekṣikam. yasya hi yāvaducitaṃ tāvadeva bahutvabodhakabahuśabdenāpi pratīyate. tathā pañcaṣābhirapi gobhirdevadattasya "bahvyo gāva"iti vyavahāraḥ. rājñastu saharuāgorapi gāvo'lpā iti vyavahāraḥ. gomān. yavamān. yasya khāryādibhiḥ paricchinnā yavāḥ santi sa evamucyate. natu saharuoṇāpi yavairyavamāniti. kathaṃ tarhi "yavamatībhiradbhiryūpaṃ prokṣati"---iti(). atrāhuḥ---jātimātrasambandhasya vivakṣitatvādbhūmā'bhāve'pyatra matup. bhūmādigrahaṇaṃ tu prāyeṇa bhūmādayaḥ pratīyanta ityevaṃparamiti. nindāyāṃ---kakudāvartinī kanyā. praśaṃsāyāṃ---rūpavān. nityayoge----kṣīriṇo vṛkṣāḥ. atiśāyena---udariṇī kanyā. saṃsarge---daṇḍī. saṃsargaḥ=saṃyogaḥ. tena saṃyuktadamḍa evocyate, na tu gṛhāvasthitadaṇḍo'pi. iha daṇḍapuruṣayoḥ saṃyoge satyapi "daṇḍī puruṣa"ityādivat "puruṣī daṇḍaḥ" "puruṣavāndaṇḍaḥ"iti na prayujyate, vṛttiniyāmakasya vilakṣaṇasambandhasyā'bhāvāt. saṃyoge samāne'pi pratītibalādvailakṣaṇyaṃ kalpyata ityāhuḥ. evaṃ ca yavasaṃyogamātreṇa yavamatya āpo na bhavanti, kiṃ tu yavamajjalavacca pātramevetyāśayena "kathaṃ yavamatībhiradbhiḥ" ityākṣepho, "bhūmādigrahaṇaṃ prāyika"mityādyuttaraṃ ca saṅgacchata eva.