1/6:ayānayam neyaḥ iti ucyate |
2/6:tatra na jñāyate kaḥ ayaḥ kaḥ anayaḥ iti |
3/6:ayaḥ pradakṣiṇam |
4/6:anayaḥ prasavyam |
5/6:pradakṣiṇaprasavyagaminām śārāṇām yasmin paraiḥ padānām asamāveśaḥ saḥ ayānayaḥ |
6/6:ayānayam neyaḥ ayānayīnaḥ śāraḥ |

anupadā'dibhyaḥ śabdebhyaḥ taditi dvitīyāsamarthebhyaḥ yathāsaṅkhyaṃ baddhā bhakṣayati neya ityeteṣvartheṣu khaḥ pratyayo bhavati. anuḥ āyāme sādṛśye vā. anupadaṃ baddhā upānatanupadīnā. padapramāṇā ityarthaḥ. sarvānnāni bhakṣayati sarvānnīno bhikṣuḥ. ayaḥ pradakṣiṇam, anayaḥ prasavyam. pradakṣiṇaprasavyagāmināṃ śārāṇāṃ yasmin paraśāraiḥ padānāmasamāveśaḥ so 'yānayaḥ. ayānayaṃ neyaḥ ayānayīnaḥ śāraḥ. phalakaśiraḥsthita ityarthaḥ.

anupadasarvānnāyānayaṃ baddhābhakṣayatineyeṣu 5.2.9 anupadā'dibhyaḥ śabdebhyaḥ taditi dvitīyāsamarthebhyaḥ yathāsaṅkhyaṃ baddhā bhakṣayati neya ityeteṣvartheṣu khaḥ pratyayo bhavati. anuḥ āyāme sādṛśye vā. anupadaṃ baddhā upānatanupadīnā. padapramāṇā ityarthaḥ. sarvānnāni bhakṣayati sarvānnīno bhikṣuḥ. ayaḥ pradakṣiṇam, anayaḥ prasavyam. pradakṣiṇaprasavyagāmināṃ śārāṇāṃ yasmin paraśāraiḥ padānāmasamāveśaḥ so 'yānayaḥ. ayānayaṃ neyaḥ ayānayīnaḥ śāraḥ. phalakaśiraḥsthita ityarthaḥ.

anupadasarvānnāyānayaṃ baddhābhakṣayatineyeṣu. , 5.2.9 "anurāyāme" ittayādi. yadāyāme tadā "yasya cāyāmaḥ" 2.1.15 iti samāsa-. yadā sādṛśye tadā "yatārte yadavyayam()" tena "avyayaṃ vibhakti" 2.1.6 ityādinā. yatā padamāyataṃ tathā ca "baddhopānadanupadīnā". sādṛśye yathānupadaṃ tatā baddhā'nupadīnā. "padapramāṇetyarthaḥ" iti. yadāpyanu sādṛśye, tadāpyayamartha veditavyaḥ, tulyapramāṇatayaiva sādṛśyam(). "ayaḥ pradakṣiṇam()" iti. ayanamayaḥ, gamanamityarthaḥ. pradakṣiṇaṃ gamanamaya ityucyeta. "anayaḥ prasavyam()" iti. ayaviparītaṃ prasavyamanaya ityucyate. evamavayavārthaṃ darśayitvā samudāyārthaṃ darśayitumāha--"pradakṣiṇaprasavyagāminām()" ityādi. bahuvacanamayānayanimittapradarśanārtham(). yadi śārāḥ pradakṣiṇaṃ prasavyaṃ ca gacchantyevamayānayau bhaktaḥ, nānyathā. tatrātmoyāḥ śārāḥ pradakṣiṇaṃ gacchanti, parakīyāḥ prasavyam(). teṣāmevaṅgāmināṃ yānisthānāni teṣāṃ yasmin? pradakṣiṇaprasavyagamanātmake gativiśeṣe sati parairvipakṣabhūtaiḥ śārairasamāveśaḥ=anadhyāsanamanākramaṇaṃ so'yānaya ityucyate; na tu pradakṣiṇaprasavyagamanamātre sa evāyam(). evaṃrūpo'yānayo yadā samahāyaiḥ śārauḥ padānyadhiṣṭhīyante tadā veditavyaḥ. sasahāyānāmeva hi śārāṇāṃ padāni parairna śakyanta#e'dhyāsitum. asahāyānāṃ tu śakyata eva. "phalakaśirasi sthitaḥ" iti. yatra phalake'ṅka'kṣairdīvyanti tasya śirobhūtaṃ yatra sthānaṃ kiṃtavānāṃ prasiddhaṃ tatra sthitaḥ śāraḥ "ayānayīnaḥ" ityucyate; tatraivāyānayīnaśabdasya rūḍhatvāt(). apare tu, neyo netavyaḥ, na notastataḥ. tatra "śirasi sthitaḥ" ityarthānupapatteḥ "phalakaśirasi sthāpyate" ityartha iti granthena bhavitavyamityāhuḥ. nīto vā neyaḥ; tadupalakṣaṇatvāt(). bhāvinyāvasthayoktaḥ. ayānayasambandhitve'pi sarveṣāṃ viśeṣyādeva pratyayotpattiruktaiva. satyapi dvitīyādhikāre punardvitīyoccāraṇaṃ dṛṣṭād()ddhitīyāntādyathā syādityevamartham(). tena viśiṣṭārthaneyavacanādayānayaśabdād()ddhitīyāntātad? pratyayo bhavati, na neyavacanamātrāt(). sa eva viśiṣṭo yo nayaḥ pradakṣiṇaprasavyagāmītyādinā granthena darśitaḥ. athāyānya iti ko'yaṃ śabdaḥ, yadi hrayaṃ samāhāre dvandvaḥ, tasya napuṃsakatvādayānayamiti bhavitavyam()? athetaretarayoge, dvyarthatvādayānayāviti bhavitavyam()? nāyaṃ dvandvaḥ, kiṃ tarhi? mayūravyaṃsakāditvāt? tatpuruṣaḥ--ayasahito'nayo'yānaya iti. atha baddhābhakṣayatineyeṣviti kathaṃ tiṅantasya dvandvaḥ? kaḥ punarāhāyaṃ dvandva iti? yadi na dvandvaḥ, kathaṃ neyeṣviti bahuvacanam()? sautratvānnirdeśasya. subvyatyayena vā cchandasyekavacanasya sthāne bahuvacanamupapannam(). nanu cchandasi subvyatyaya uktaḥ, nedaṃ chandaḥ? "chandovatsūtrāṇi bhavanti" (ma.bhā. 1-1-1) ityadoṣaḥ. atha vā; dvandva evāyam(), na tu tiṅantasya. na hi bhakṣayatiśabdo'yaṃ tiṅantaḥ. kiṃ tarhi? tiṅantapratirūpako nipātastiṅantena samānārthaḥ, yathā--astikṣīrā brāāhṛṇītyatrāstiśabdaḥ॥

anupadaṃ baddheti. kriyāviśeṣaṇatvāddvitīyā. anupadīnā upānaditi. padasambandhidairdhyopalakṣitetyarthaḥ. padena sadṛśīti vā. tattulyaparimāṇeti yāvat. ?yānaya iti dyūte śārāṇāṃ pradakṣiṇaparivartanam–ayaḥ, prasavyaparivartanam-anayaḥ. ayasahitaḥ anayaḥ-ayānayaḥ. pradakṣiṇaprasavyagāminā yasminyugyamādipade sthitānāṃ parakīyaiḥ śārairanākramaṇaṃ tatsthānamiha ayānayaśabdena lakṣaṇayocyata ityarthaḥ. etatsarvaṃ bhāṣye spaṣṭam. `samahāyasya śārasya parairnākramyate padam. asahāyastu śāreṇa parakīyeṇa bādhyate. iti dyūtaśāstrāmaryādā. vistarastu kaiyaṭamanoramādāvanusandheyaḥ. taṃ neya iti. taṃ=sthānaviśeṣamayānayākhyaṃ, prāpaṇīya ityarthaḥ. ṇīñdvikarmakaḥ. `pradhāne karmaṇi yat, apradhāne dvitīyā' iti bhāvakarmalakāraprakriyāyāṃ vakṣyate.

anupadasarahvānnāyānayaṃ baddhābhakṣayatineyeṣu 1787, 5.2.9 anupadaṃ baddheti. kriyāviśeṣaṇatvāddvitīyā. anupadīnā upānaditi. padasambandhidairdhyopalakṣitetyarthaḥ. padena sadṛśīti vā. tattulyaparimāṇeti yāvat.?yānaya iti dyūte śārāṇāṃ pradakṣiṇaparivartanam--ayaḥ, prasavyaparivartanam-anayaḥ. ayasahitaḥ anayaḥ-ayānayaḥ. pradakṣiṇaprasavyagāminā yasminyugyamādipade sthitānāṃ parakīyaiḥ śārairanākramaṇaṃ tatsthānamiha ayānayaśabdena lakṣaṇayocyata ityarthaḥ. etatsarvaṃ bhāṣye spaṣṭam. "samahāyasya śārasya parairnākramyate padam. asahāyastu śāreṇa parakīyeṇa bādhyate. iti dyūtaśāstrāmaryādā. vistarastu kaiyaṭamanoramādāvanusandheyaḥ. taṃ neya iti. taṃ=sthānaviśeṣamayānayākhyaṃ, prāpaṇīya ityarthaḥ. ṇīñdvikarmakaḥ. "pradhāne karmaṇi yat, apradhāne dvitīyā" iti bhāvakarmalakāraprakriyāyāṃ vakṣyate.

anupadasarvānnāyānayaṃ. `baddhābhakṣayatī'tyatra nipātanātiṅantena saha dvandvaḥ. dvitīyāntebhyo'nupādadibhyo yathāsaṅkhyaṃ baddhādiṣvartheṣu khaḥ syāt. anurāyāma ityādi. `yasya cāyāmaḥ'iti , yathārthe–`'vyaya'miti vā avyayībhāva ityarthaḥ. sarvānnīna iti. prakārakārtsnye sarvaśabdaḥ. yānyannāni labhyante uṣṇāni śītalāmi sarasāni vā sarvāṇi bhakṣayatītyarthaḥ. `ayaḥ—pradakṣiṇagamanam. anayaḥ— prasavyagamanam. pradakṣiṇaprasavyagāmināṃ śārāṇāṃ yasminparairasamāveśaḥ so'yamayānaḥ'iti

anupadasarvānnāyānayaṃ baddhābhakṣayatineyeṣu 1377, 5.2.9 anupadasarvānnāyānayaṃ. "baddhābhakṣayatī"tyatra nipātanātiṅantena saha dvandvaḥ. dvitīyāntebhyo'nupādadibhyo yathāsaṅkhyaṃ baddhādiṣvartheṣu khaḥ syāt. anurāyāma ityādi. "yasya cāyāmaḥ"iti , yathārthe--"'vyaya"miti vā avyayībhāva ityarthaḥ. sarvānnīna iti. prakārakārtsnye sarvaśabdaḥ. yānyannāni labhyante uṣṇāni śītalāmi sarasāni vā sarvāṇi bhakṣayatītyarthaḥ. "ayaḥ---pradakṣiṇagamanam. anayaḥ---prasavyagamanam. pradakṣiṇaprasavyagāmināṃ śārāṇāṃ yasminparairasamāveśaḥ so'yamayānaḥ"iti kāśikā. taṃ neya iti. nayaterdvikarmakatvādapradhāne karmaṇi dvitīyā. āyānayīnaḥ śāraiti. "phalakaśirasi sthita ityarthaḥ"iti kāśikā.