1/9:adhikam iti kim nipātyate |
2/9:adyārūḍhasya uttarapadalopaḥ ca kan ca pratyayaḥ |
3/9:adhyārūḍham adhikam iti |
4/9:bhavet siddham adhyārūḍhaḥ droṇaḥ khāryām adhikaḥ droṇaḥ khāryām iti |
5/9:idam tu na sidhyati |
6/9:adhyārūḍhā droṇena khārī |
7/9:adhikā droṇena khārī iti |
8/9:gatyarthānām hi ktaḥ kartari vidhīyate |
9/9:gatyarthānām vai ktaḥ karmaṇi api vidhīyate |

adhikam iti nipātyate. adhyārūḍhasya uttarapadalopaḥ kan ca pratyayaḥ. adhiko droṇaḥ khāryām. adhikā khārī droṇena. kartari karmaṇi ca adhyārūḍhaśabdaḥ.

adhikam 5.2.73 adhikam iti nipātyate. adhyārūḍhasya uttarapadalopaḥ kan ca pratyayaḥ. adhiko droṇaḥ khāryām. adhikā khārī droṇena. kartari karmaṇi ca adhyārūḍhaśabdaḥ.

adhikam?. , 5.2.72 "adhyārūḍhaśabdasyottarapadalopaḥ" iti. uttarapadamārūḍhaśabdastasya lopo nipātyate. kathaṃ punaradhiko droṇaḥ khāryāmityasya prathamāntasya droṇaśabdasya prayogaḥ, adhikā khārī droṇeneti tṛtīyāntasya ca? ityata āha--"katrtari karmaṇi ca" ityādi. "gatyarthakarmakaśliṣa" 3.4.72 ityādinā sūtreṇa ruheḥ katrtari karmaṇi ca kto vihitaḥ, tena katrtari katrtari karmaṇi cādhyarūḍhaśabdo vatrtate, tataśca tasyārthe vyutpādyamāno'dhikaśabdo'pi tatparyāyo bhavaṃstayorevārthayorbhavati. tatra yadā katrtari vatrtate tadā droṇaśabdāt? prathamā bhavati, na tṛtīyā. yadā karmaṇi vatrtate tadā kartturanabhihitatvādadhikaśabdena droṇaśabdāt? tṛtīyā bhavati. karmaṇastvabhihitatvāt? khārīśabdāt? prathamaiva bhavati, na dvitīyā. "adhikā khārī droṇena" iti. nanu cādhiko droṇaḥ khāryāmasyāmityatra karmaṇo'nabhihitatvāt? khārīśabdād()dvitīyā prāpnoti? naiṣa doṣaḥ; yadayam? "yasmādadhikam? 2.3.9 "tadasminnadhikam()" 5.2.45 iti ca nirdeśaṃ karoti tajjñāpayati--adhikaśabdena yoge pañcamīsaptamyāveva vibhaktī bhavata iti॥

adhikam 1849, 5.2.72 adhikam. adhyārūḍhaśabdāditi. vyutpādanamātramidam. śuddharūḍha evāyamiti bodhyam.

adhikam. adhyārūḍhaśabdāditi. `gatyārthākarmake'tyādinā rūheḥ kartari karmaṇi vā kto vihitaḥ. ādye ktapratyayena karmaṇo'nabhihitatvādadhyārūḍhaśabdayoge dvitīyā. `adhyārūḍho droṇaḥ khārī'miti, `grāmaṃ gata'itivat. tathā adhikaśabdenāpi yoge dvitīyāyāṃ prāptāyāṃ `yasmādadhikaṃ', `tadasminnadhika'miti ca nirdeśadvayākatpañcamīsaptamyau bhavataḥ. `adhiko droṇaḥ khāryāḥ. `adhiko droṇaḥ khāryā'miti. dvitīye tu ktena karmaṇo'bhihitatvātprathamā. `adhikā khārī droṇena'. karmaṇo'bhihitatvādeva pañcamīsaptamyāviha na śaṅkanīye.

adhikam 1424, 5.2.72 adhikam. adhyārūḍhaśabdāditi. "gatyārthākarmake"tyādinā rūheḥ kartari karmaṇi vā kto vihitaḥ. ādye ktapratyayena karmaṇo'nabhihitatvādadhyārūḍhaśabdayoge dvitīyā. "adhyārūḍho droṇaḥ khārī"miti, "grāmaṃ gata"itivat. tathā adhikaśabdenāpi yoge dvitīyāyāṃ prāptāyāṃ "yasmādadhikaṃ", "tadasminnadhika"miti ca nirdeśadvayākatpañcamīsaptamyau bhavataḥ. "adhiko droṇaḥ khāryāḥ. "adhiko droṇaḥ khāryā"miti. dvitīye tu ktena karmaṇo'bhihitatvātprathamā. "adhikā khārī droṇena". karmaṇo'bhihitatvādeva pañcamīsaptamyāviha na śaṅkanīye.