1/34:bahukatipayavatūnām liṅgaviśiṣṭāt utpattiḥ |
2/34:bahukatipayavatūnām liṅgaviśiṣṭād utpattiḥ vaktavyā |
3/34:iha api yathā syāt |
4/34:bahvīnām pūraṇī bahutithī |
5/34:katipayānām pūraṇī katipayathī |
6/34:tāvatīnām pūraṇī tāvatithī |
7/34:bahukatipayavatūnām liṅgaviśiṣṭād utpattiḥ siddhā |*
8/34:katham |
9/34:prātipadikagrahaṇe liṅgaviśiṣṭasya api grahaṇam bhavati iti |
10/34:puṃvadvacanam ca | puṃvadbhāvaḥ ca vaktavyaḥ |*
11/34:bahvīnām pūraṇī bahutithī |
12/34:kimartham na bhasya aḍhe taddhite puṃvat bhavati iti siddham |
13/34:bhasya iti ucyate |
14/34:yajādau ca bham bhavati |
15/34:na ca atra yajādim paśyāmaḥ |
16/34:kim kāraṇam |
17/34:tithukā vyavihitatvāt na prāpnoti |
18/34:idam iha sampradhāryam |
19/34:tithuk kriyatām puṃvadbhāvaḥ iti |
20/34:kim atra kartavyam |
21/34:paratvāt puṃvadbhāvaḥ |
22/34:nityaḥ tithuk |
23/34:kṛte api puṃvadbhāve prāpnoti akṛte api prāpnoti |
24/34:tithuk api anityaḥ |
25/34:anyasya kṛte puṃvadbhāve prāpnoti anyasya akṛte |
26/34:śabdāntarasya ca prāpnuvan vidhiḥ anityaḥ bhavati |
27/34:antaraṅgaḥ tarhi tithuk |
28/34:kā antaraṅgatā |
29/34:utpattisanniyogena tithuk ucyate utpanne pratyayte prakṛtipratyayau āśritya puṃvadbhāvaḥ |
30/34:puṃvadbhāvaḥ api antaraṅgaḥ |
31/34:katham |
32/34:uktam etat siddhaḥ ca pratyayavidhau iti |
33/34:ubhayoḥ antaraṅgayoḥ paratvāt puṃvadbhāvaḥ |
34/34:puṃvadbhāve kṛte punaḥprasaṅgavijñānāt tithuk siddhaḥ : bahutithī |

ḍaṭityeva. bahu pūga gana saṅgha ityeteṣāṃ ḍaṭi parataḥ tithugāgamo bhavati. pūgasaṅghaśabdayorasaṅkhyātvādidam eva jñāpakaṃ ḍaṭo bhāvasya. bahūnāṃ pūraṇaḥ bahutithaḥ. pūgatithaḥ. gaṇatithaḥ. saṅghatithaḥ.

bahupūgagaṇasaṅghasya tithuk 5.2.52 ḍaṭityeva. bahu pūga gana saṅgha ityeteṣāṃ ḍaṭi parataḥ tithugāgamo bhavati. pūgasaṅghaśabdayorasaṅkhyātvādidam eva jñāpakaṃ ḍaṭo bhāvasya. bahūnāṃ pūraṇaḥ bahutithaḥ. pūgatithaḥ. gaṇatithaḥ. saṅghatithaḥ.

bahupūgagaṇasaṅkhasaya tithuk?. , 5.2.52 "pūgasaṅghayorasaṃkhyātvāt()" iti. atra kathaṃ pratyaya iti, pūgasaṅghaśabdau hi na laukikī saṃkhyā, nāpi śāstrīyā, tatkathaṃ tābhyāṃ ḍaṭpratyayaḥ, yatra paratastayostithugvidhīyate, ḍaṭi ca vidhānam()? athātrottaramāha--"idameva" ityādi. yadetaḍḍaṭi paratastayostithuko vidhānametadeva jñāpayati--bhavati tābhyāṃ ḍaṭpratyaya iti. na hrasatastithugāgamaṃ prati nimittabhāva upapadyate॥

bahupūgagaṇa. bahu, pūga, gaṇa, saṅgha eṣāṃ ḍaṭi tithugāgamaḥ syādityarthaḥ. kakāra it. ukāra uccāraṇārthaḥ. kittvādantyādacaḥ paraḥ. ityādīti. pūgatithaḥ gaṇatithaḥ, saṅghatithaḥ.

bahupūgagaṇasaṅghasya tithuk 1828, 5.2.52 bahupūgagaṇa. bahu, pūga, gaṇa, saṅgha eṣāṃ ḍaṭi tithugāgamaḥ syādityarthaḥ. kakāra it. ukāra uccāraṇārthaḥ. kittvādantyādacaḥ paraḥ. ityādīti. pūgatithaḥ gaṇatithaḥ, saṅghatithaḥ.