1/21:maḍādiṣu yasya ādiḥ tannirderdeśaḥ |*
2/21:maḍādiṣu yasya ādiḥ kriyate tannirderdeśaḥ kartavyaḥ |
3/21:asya ādiḥ bhavati iti vaktavyam |
4/21:akiryamāṇe hi pratyayādhikārāt pratyayaḥ ayam vijñāyeta |
5/21:tatra kaḥ doṣaḥ |
6/21:pratyayāntare hi svare doṣaḥ |*
7/21:pratyayāntare hi sati svare doṣaḥ syāt |
8/21:viṃśatitamaḥ |
9/21:eṣaḥ svaraḥ prasajyeta |
10/21:viṃśatitamaḥ iti ca iṣyate |
11/21:saḥ tarhi tathā nirdeśaḥ kartavyaḥ |
12/21:na kartavyaḥ |
13/21:prakṛtam ḍaḍgrahaṇam anuvartate |
14/21:kva prakṛtam |
15/21:tasya pūraṇe ḍaṭ iti |
16/21:tat vai prathamānirdiṣṭam ṣaṣṭhīnirdiṣṭena ca arthaḥ |
17/21:nāntāt iti pañcamī ḍaṭ iti prathamāyāḥ ṣaṣṭhīm prakalpayiṣyati |
18/21:tasmāt iti uttarasya iti |
19/21:pratyayavidhiḥ ayam na ca pratyayavidhau pañcamyaḥ prakalpikāḥ bhavanti |
20/21:na ayam pratyayavidhiḥ |
21/21:vihitaḥ pratyayaḥ prakṛtaḥ ca anuvartate |

ḍaṭiti vartate. nakārāntāt saṅkhyāvācinaḥ prātipadikātasaṃkhyādeḥ parasya ḍaṭo maḍāgamo bhavati. nāntātiti pañcamī iṭa āgamasambandhe ṣaṣṭhīṃ prakalpayati. pañcānāṃ pūraṇaḥ pañcamaḥ. saptamaḥ. nāntātiti kim? viṃśateḥ pūraṇaḥ viṃśaḥ. asaṅkhyādeḥ iti kim? ekādaśānāṃ pūraṇaḥ ekādaśaḥ.

na antādasaṅkhyā'ader maṭ 5.2.49 ḍaṭiti vartate. nakārāntāt saṅkhyāvācinaḥ prātipadikātasaṃkhyādeḥ parasya ḍaṭo maḍāgamo bhavati. nāntātiti pañcamī iṭa āgamasambandhe ṣaṣṭhīṃ prakalpayati. pañcānāṃ pūraṇaḥ pañcamaḥ. saptamaḥ. nāntātiti kim? viṃśateḥ pūraṇaḥ viṃśaḥ. asaṅkhyādeḥ iti kim? ekādaśānāṃ pūraṇaḥ ekādaśaḥ.

nāntādasaṃkhyādermaṭ?. , 5.2.49 "ḍaṭo maḍāgamo bhavati" iti. atha pratyaya eva nāntāt? maṭ? kasmānna bhavati? narhati pratyayo bhavitum(). pratyaye hi tasmin? sati ḍaṭo'nuvṛttirapārthikā syāt(), sa hi pūrvameva vihitaḥ, na ca vihitasyānuvṛttirvidhānārthopapadyata iti. āgamārthe ca sā vijñāyate. nanu ca pañcama ityādau na kaścidviśeṣaḥ--maṭa āgamatve, pratyayatve vā; tadeva hi rūpam(), sa eva hi svaraḥ, kiñcānuvṛttena, maṭa eva pratyayatvamastu? satyam(), iha nāsti viśeṣaḥ; viṃśatitama ityādau tu vidyate. tathā hi "viśatyādibhyastamaḍanyatarasyām()" 5.2.55 iti maṭpratyayaḥ syāt(). ["mayaṭ()" mudritapāṭhaḥ] viṃśatitamaprabhṛtayaḥ śabdāḥ pratyayasvareṇa madhyodāttāḥ syuḥ. ḍaṭi tu pratyaye sati tasyādyudāttatve kṛte tataścāgamānudāttatve cāntodāttā bhavanti. tasmādutarārthe'nuvatrtamānasyehāpi ḍaṭa eva pratyayatvaṃ vijñāyate. kathaṃ punarḍaṭo maḍāgamaḥ śakyo vidhātum(), yāvatā prathamānirdiṣṭaṃ prakṛtaṃ ḍaḍgrahaṇam(), ṣaṣṭhīnirdiṣṭena cehārthaḥ? ityādi--"nāntāt()" ityādi. yadyapi prathamāntaṃ ḍaḍgrahaṇaṃ prakṛtam(), tathāpi ḍaṭa āgamasambandhena "tasmādityuttarasya" 1.1.66 iti nāntādityeṣā pañcamī ḍaḍiti prathamāyāḥ ṣaṣṭhīṃ prakalapayatatyadoṣaḥ. "pañcamaḥ" iti. ṭilopo'tra na bhavati; maṭi kṛte satyabhasaṃjñakatvāt(). nanu ca paratvāṭṭilopenaiva tāvadbhavitavyam()? naitadasti; antaraṅgo hrāgamaḥ, sa hi pratyayasanniyogenocyate. ṭilopastūtpanne pratyaye bhasaṃjñāyā satyāṃ prakṛtipratyayāvāśritya bhavatīti bahiraṅgo bhavati. "ekādaśānāṃ pūraṇā ekādaśaḥ" iti. kathaṃ punarasmātprāptiḥ, yāvatā saṃkhyāgrahaṇamanuvatrtate, saṃkhyāsam()dāyo'pi hi saṃkhyāgrahaṇena gṛhrate--saṃkhyāyate'nayeti kṛtavā. avaśyaṃ caitadevaṃ vijñeyam(); anyathā'daśatayā na syāt()॥

nāntādasaṃkhyādermaṭ 1179, 5.2.49 ḍaṭo maḍāgamaḥ. pañcānāṃ pūraṇaḥ pañcamaḥ. nāntātkim?.

nāntāsaṅkhyādermaṭ. ḍaṭo maḍāgamaḥ syāditi. śeṣapūraṇamidam. ḍaṭi ṭakāra it. akāra uccāraṇārthaḥ. pañcama iti. pañcanśabdāḍḍaṭi tasya bhaḍāgame sati nalopaḥ. yadyapimaṭaḥ pratyayatve'pi na rūpabhedaḥ, tathāpi svaraviśeṣārthaṃ maḍāgamāśrayaṇamiti bhāṣye spaṣṭam.

nāntādasaṅkhyādermaṭ 1826, 5.2.49 nāntāsaṅkhyādermaṭ. ḍaṭo maḍāgamaḥ syāditi. śeṣapūraṇamidam. ḍaṭi ṭakāra it. akāra uccāraṇārthaḥ. pañcama iti. pañcanśabdāḍḍaṭi tasya bhaḍāgame sati nalopaḥ. yadyapimaṭaḥ pratyayatve'pi na rūpabhedaḥ, tathāpi svaraviśeṣārthaṃ maḍāgamāśrayaṇamiti bhāṣye spaṣṭam.

nāntādasaṅkhyādeḥ. ḍaṭa iti. `ḍaṭ'iti prathamāntasyānuvṛttasya `nāntā'diti pañcamyā ṣaṣṭhī kalpyata iti bhāvaḥ. yadyapīha maṭaḥ pratyayatve'pi na kṣatiḥ, tathāpyuttaratra tamaṭa āgamatvamevābhyupagantavyam, anudāttatā yathā syāt. pratyayatvai hrādyudāttaḥ syāt. tayā caikarūpyeṇaiva saṃdarbhavyākhyānamucitam. anyetvāhuḥ– maṭaḥ prayayatve akārasahito makāro vidheyaḥ, āgamatve tu makāramātramiti lāghavamastīti. viṃśa iti. viśateḥ pūraṇaḥ. `ti viṃśaterḍiti'iti lopaḥ.

nāntādasaṅkhyādermaṭ 1410, 5.2.49 nāntādasaṅkhyādeḥ. ḍaṭa iti. "ḍaṭiti prathamāntasyānuvṛttasya "nāntā"diti pañcamyā ṣaṣṭhī kalpyata iti bhāvaḥ. yadyapīha maṭaḥ pratyayatve'pi na kṣatiḥ, tathāpyuttaratra tamaṭa āgamatvamevābhyupagantavyam, anudāttatā yathā syāt. pratyayatvai hrādyudāttaḥ syāt. tayā caikarūpyeṇaiva saṃdarbhavyākhyānamucitam. anyetvāhuḥ--maṭaḥ prayayatve akārasahito makāro vidheyaḥ, āgamatve tu makāramātramiti lāghavamastīti. viṃśa iti. viśateḥ pūraṇaḥ. "ti viṃśaterḍiti"iti lopaḥ.