1/11:kimartham udāttaḥ iti ucyate |
2/11:udāttaḥ yathā syāt |
3/11:na etat asti prayojanam |
4/11:pratyayasvareṇa api eṣaḥ svaraḥ siddhaḥ |
5/11:na sidhyati |
6/11:citaḥ antaḥ udāttaḥ bhavati iti antodāttatvam prasajyeta |
7/11:atha udāttaḥ iti ucyamāne kutaḥ etat ādeḥ udāttatvam bhaviṣyati na punaḥ antasya iti |
8/11:udāttavacanasāmarthyāt yasya aprāptaḥ svaraḥ tasya bhaviṣyati |
9/11:kasya ca aprāptaḥ |
10/11:ādeḥ |
11/11:antasya punaḥ citsvareṇa eva siddham |

ubhaśabdāt parasya tayapo nityam ayajādeśo bhavati, sa codāttaḥ. vacanasāmarthyādāderudāttatvaṃ vijñāyate. ubhaśabdo yati laukikī saṅkhyā tataḥ pūrveṇa eva vihitasya tayapa ādeśavidhānārthaṃ vacanam. atha na saṅkhyā, tato yogavibhāgena tayapaṃ vidhāya tasya nityam ayajādeśo vidhīyate. ubhayo maṇiḥ. ubhaye 'sya devamanuṣyāḥ.

ubhādudātto nityam 5.2.44 ubhaśabdāt parasya tayapo nityam ayajādeśo bhavati, sa codāttaḥ. vacanasāmarthyādāderudāttatvaṃ vijñāyate. ubhaśabdo yati laukikī saṅkhyā tataḥ pūrveṇa eva vihitasya tayapa ādeśavidhānārthaṃ vacanam. atha na saṅkhyā, tato yogavibhāgena tayapaṃ vidhāya tasya nityam ayajādeśo vidhīyate. ubhayo maṇiḥ. ubhaye 'sya devamanuṣyāḥ.

ubhādudātto nityam?. , 5.2.44 "vacanasāmathryāt()" ityādi. yadyantodāttaḥ syādudāttavacanamanarthakaṃ syāt(). ayaci ca kṛte citsvareṇaiva "satiśiṣṭasvaro balīyān()" (vā. 6.1.158) ityantodāttatvasya siddhatvāt. ādyudāttatvaṃ hranyathā na sidhyatīti tadrathaṃ kriyasāṇamarthabadvacanaṃ bhavatīti. "yadi laukiko saṃkhyā" iti. dvitrādivat(). pūrveṇa yogena tayayo vidhānam(), tasyāpareṇa yogena nityamayajādeśo vidhīyate. "ubhaye dedamanuṣyāḥ" iti. ubhāvavayavau yeṣāmityubhaye. kathaṃ bahutve devamanuṣyāṇāṃ dvāvavayavau bhavataḥ? yadyapyatra bahutvamasti, dvitvamapi tu prātipadikayorastyeva; atra hi dvau rāśī samudāyasyāvayavau--eko devanāṃ rāśiḥ, aparo manuṣyāṇāmityadoṣaḥ॥

ubhādudātto nityaṃ. sa codātta iti. ādyudātta ityarthaḥ. antodāttatvasya cittvenaiva siddheriti bhāṣye spaṣṭam. atra `ayacpratyaya eva vidhīyate, natu tayapa ādeśaḥ' iti sthānivatsūtrabhāṣye spaṣṭam. `tayapa ādeśa' iti mūlaṃ tu vārtikānurodhena. nirūpayitumupakramate – śeṣātkartarīti.

tadasminnadhikamiti daśāntāḍḍaḥ 1822, 5.2.44 atha matvarthīyāḥ--tadasminnadhikaṃ tadadhikamasminniti vigrahe prathamāntāddaśanśabdāntātsamāsādasminnityarthe ḍapratyayaḥ syādityarthaḥ. pratyayavidhau tadantavidhipratiṣedhādantagraham. ata eva nirdeśātpañcamyarthe saptamītyāhuḥ. "aupaśleṣike'dhikaraṇe saptamī"ti bhāṣyam. "sāmīpikamadhikaraṇa"miti kaiyaṭaḥ. ekādaśa māṣā adhikā asminniti. asmādityarthaḥ. asmin upaśliṣṭā iti vā. na ca vyapadeśivattve kevaladaśanśabdādapi syāditi śaṅkyaṃ, vyapadeśidbhāvo'prātipadikene"tyukteḥ.

ubhādudātto nityam. iha `citaḥ'ityanenaivāntodāttatvaṃ siddhaṃ, sarvodāttatvaṃ tu `anudāttaṃ padamekavarja'miti vacanādvādhitam. na ca he ubhayeti saṃbuddh?yante āmantritādyudāttatvaṃ bādhituṃ vacanamiti śaṅkyaṃ, purastādapavādanyena citsvarasyaiva bādhyatā, na tvāmantritādyudāttatvasyeti suvacatvāt. tasmādudāttavacanasāmathryādāderevāyam. prayujyate ca tathā —`ubhayaṃ śrṛṇavacca na'iti. tadetatsakalamabhipretyāha—sa ceti.

ubhādudātto nityam 1407, 5.2.44 ubhādudātto nityam. iha "citaḥ"ityanenaivāntodāttatvaṃ siddhaṃ, sarvodāttatvaṃ tu "anudāttaṃ padamekavarja"miti vacanādvādhitam. na ca he ubhayeti saṃbuddh()yante āmantritādyudāttatvaṃ bādhituṃ vacanamiti śaṅkyaṃ, purastādapavādanyena citsvarasyaiva bādhyatā, na tvāmantritādyudāttatvasyeti suvacatvāt. tasmādudāttavacanasāmathryādāderevāyam. prayujyate ca tathā ---"ubhayaṃ śrṛṇavacca na"iti. tadetatsakalamabhipretyāha---sa ceti.