1/21:iha kasmāt na bhavati |
2/21:bahavaḥ avayavāḥ asyāḥ saṅkhyāyāḥ iti |
3/21:avayave yā saṅkhyā iti ucyate |
4/21:na ca kā cit saṅkhyā asti yasyāḥ bahuśabdaḥ avayavaḥ syāt |
5/21:nanu ca iyam asti saṅkhyā iti eva |
6/21:na eṣā saṅkhyā |
7/21:sañjñā eṣā |
8/21:avayavavidhāne avayavini pratyayaḥ |*
9/21:avayavavidhāne avayavini pratyayaḥ bhavati iti vaktavyam |
10/21:iha mā bhūt |
11/21:pañca avayavāḥ |
12/21:daśa avayavāḥ iti |
13/21:atha avayavini iti ucyamāne avayavasvāmini kasmāt na bhavati |
14/21:pañca paśvavayavāḥ devadattasya iti |
15/21:avayavaśabdaḥ ayam guṇaśabdaḥ asya iti ca vartate |
16/21:tena yam prati avayavaḥ guṇaḥ tasmin avayavini pratyayena bhavitavyam |
17/21:kam ca prati avayavaḥ guṇaḥ |
18/21:samudāyam |
19/21:yadi evam avayavini iti api na vaktavyam |
20/21:avayaveṣu kasmāt na bhavati |
21/21:asya iti vartate |

tadasya ityeva. saṅkhyāyā avayave vartamānāyāḥ asya iti ṣaṣṭhyarthe tayap pratyayo bhavati. avayavāvayavinaḥ sambandhinaḥ iti sāmarthyātavayavī pratyayārtho vijñāyate. pañca avayavā yasya pañcatayam. daśatayam. catuṣṭayam. catuṣṭayī.

saṅkhyāyā avayave tayap 5.2.42 tadasya ityeva. saṅkhyāyā avayave vartamānāyāḥ asya iti ṣaṣṭhyarthe tayap pratyayo bhavati. avayavāvayavinaḥ sambandhinaḥ iti sāmarthyātavayavī pratyayārtho vijñāyate. pañca avayavā yasya pañcatayam. daśatayam. catuṣṭayam. catuṣṭayī.

saṃkhyāyā avayave tayap?. , 5.2.42 "catuṣṭayī" iti. caturo rephasya "visarjanīyasya saḥ" 8.3.34 iti saḥ; tasyāpi "hyasvāttādau taddhite" 8.3.99 iti mūrdhanyaḥ, "ṭiḍḍhāṇañ()" 4.1.15 ityādinā ṅīp()॥

saṅkhyāyāḥ. tadasyetyanuvartate. dvitryādisaṅkhyākā avayavā asyāvayavina iti vigrahe avayavībhūtasaṅkhyāvācinaḥ prathamāntādasyāvayavina ityarthe tayavityarthaḥ. pañcatayamiti. pañcāvayavakaḥ samudāya ityarthaḥ.

saṅkhyāyā avayave tayap 1819, 5.2.42 saṅkhyāyāḥ. tadasyetyanuvartate. dvitryādisaṅkhyākā avayavā asyāvayavina iti vigrahe avayavībhūtasaṅkhyāvācinaḥ prathamāntādasyāvayavina ityarthe tayavityarthaḥ. pañcatayamiti. pañcāvayavakaḥ samudāya ityarthaḥ.

saṃkhyāyāḥ. avayave vartamānā yā saṃkhyā tadvācinaḥ prathamāntātṣaṣṭha\ufffdārthe tayap syāt. yaṃ pratyavayavaḥ so'vayavī pratyayārthaḥ, `asye'tyadhikārāt. yathā dvayasajādiṣu pramāṇe prakṛtyarthe prameyaṃ pratyayārthastadvat.

saṅkhyāyā avayave tayap 1405, 5.2.42 saṃkhyāyāḥ. avayave vartamānā yā saṃkhyā tadvācinaḥ prathamāntātṣaṣṭha()ārthe tayap syāt. yaṃ pratyavayavaḥ so'vayavī pratyayārthaḥ, "asye"tyadhikārāt. yathā dvayasajādiṣu pramāṇe prakṛtyarthe prameyaṃ pratyayārthastadvat.