1/6:kena vihitasya kimidambhyām vatupaḥ vaḥ ghatvam ucyate |
2/6:etat eva jñāpayati ācāryaḥ bhavati kimidambhyām vatup iti yat ayam kimidambhyām uttarasya vatupaḥ vaḥ ghatvam śāsti |
3/6:atha vā yogavibhāgaḥ kariṣyate |
4/6:kimidambhyām vatup bhavati |
5/6:tataḥ vaḥ ghaḥ iti |
6/6:vaḥ ca asya ghaḥ bhavati iti |

kimidambhyām uttarasya vatupo vakārasya ghakārādeśo bhavati. kiyān. iyān. etadeva cādeśavidhānaṃ jñāpakaṃ kimidambhyāṃ vatuppratyayo bhavati iti. atha vā yogavibhāgena vatupaṃ vidhāya paścād vo gho vidhīyate.

kimidambhyāṃ vo ghaḥ 5.2.40 kimidambhyām uttarasya vatupo vakārasya ghakārādeśo bhavati. kiyān. iyān. etadeva cādeśavidhānaṃ jñāpakaṃ kimidambhyāṃ vatuppratyayo bhavati iti. atha vā yogavibhāgena vatupaṃ vidhāya paścād vo gho vidhīyate.

kimidambhyāṃ vo ghaḥ. , 5.2.40 "kiyān(). iyān()" iti. "idaṃkimorīśkī" 6.3.89 iti kimaḥ kī. "idama īś()" iti. "yasyeti" 6.4.148 lopaḥ. kena punaḥ kimidambhyāṃ vihitasya vatupo vakārasya ghatvaṃ vidhīyate? ityāha--"atha vā" ityādi. "yogavibāgena vā" iti. "kimidambhyām()" ityetāvatā yogena vatupaṃ vidhāya tataḥ "vo ghaḥ" ityanena vatupo vakārasya ghatvaṃ vidhīyate. atha vagrahaṇaṃ kimartham(), yāvatā "ādeḥ parasya" 1.1.53 iti vakārasyaiva gho vidhīyate, nanu cānekāltvāt? sarvādeśaḥ prāpnoti? naiṣa doṣaḥ, akāro hratroccāraṇārtho varṇamātrameva, na tvādeśaḥ. kutaḥ punaretadvijñeyam()? vyākhyānāt(). tarhi vakāra evaṃ laghīyāniti yuktaṃ tasya sthānitvenopādanam(). vakāre tvasthāninyupāttai yadyapi samudāyādeśaḥ, tathāpi na doṣaḥ; dvayorakārayoḥ pararūpaṃ bhaviṣyati॥

kimidaṃbhyāṃ vo ghaḥ. tadasyeti, parimāṇe vatuviti cānuvartate. tadāha–ābhyāṃ vatup syāditi. ābhyāṃ prathamāntābhyām `asya tatparimāṇa'mityarthe vatupsyādityarthaḥ. vasya ca gha iti. vakārasya ghakāra ityarthaḥ. kiyāniti. kiṃ parimāṇamasyeti vigrahaḥ. kiṃśabdādvatup. upāvitau. vakārasya ghakāraḥ. iyādeśaḥ. kim iyat iti sthite `idaṅkimorīśkī' iti kimaḥ kībhāve `yasyeti ce'ti īkāralope kiyacchabdātsau `ugidacā'miti numi atvasantasye'ti dīrghe, halṅyādisaṃyogāntalopāviti bhāvaḥ. iyāniti. idaṃśabdādvatupi vakārasya ghakāre iyādeśe idam iyat iti sthite `idaṅkimorīśkī'ti śittvādidama īkāre sarvādeśe `yasyeti ce'ti īkārasya lope iyaditi pratyayamātraṃ śiṣyate. tataḥ sau numādi pūrvavat.

kimidaṃbhyāṃ vo ghaḥ 1817, 5.2.40 kimidaṃbhyāṃ vo ghaḥ. tadasyeti, parimāṇe vatuviti cānuvartate. tadāha--ābhyāṃ vatup syāditi. ābhyāṃ prathamāntābhyām "asya tatparimāṇa"mityarthe vatupsyādityarthaḥ. vasya ca gha iti. vakārasya ghakāra ityarthaḥ. kiyāniti. kiṃ parimāṇamasyeti vigrahaḥ. kiṃśabdādvatup. upāvitau. vakārasya ghakāraḥ. iyādeśaḥ. kim iyat iti sthite "idaṅkimorīśkī" iti kimaḥ kībhāve "yasyeti ce"ti īkāralope kiyacchabdātsau "ugidacā"miti numi atvasantasye"ti dīrghe, halṅyādisaṃyogāntalopāviti bhāvaḥ. iyāniti. idaṃśabdādvatupi vakārasya ghakāre iyādeśe idam iyat iti sthite "idaṅkimorīśkī"ti śittvādidama īkāre sarvādeśe "yasyeti ce"ti īkārasya lope iyaditi pratyayamātraṃ śiṣyate. tataḥ sau numādi pūrvavat.

kimidaṃbhyām. vatupsyāditi. vakārasya ghavidhisāmathryādvatuparamanuvarttya so'pyatra vidhīyata iti bhāvaḥ. `ādeḥ parasye'tyeva siddhe `vaḥ' ithi vacanamādeśapratipattyartham. itarathā ghaḥ pratyayāntaraṃ vijñāyate. kiyāmiti. `idaṃkimorīśkī' `yasyeti ce'ti lopaḥ. iyāniti. īsādeśasya `yasye'ti lope pratyayamātramavaśiṣyate. paṭhanti ca —-`uditavati parasmin pratyaye śāstrayonau, gatavati vilayaṃ ca prakṛte'pi prapañce. sapadi padamudītaṃ kevalaḥ pratyayo yattadiyaditi mimīte ko hmadā paṇḍitopi.' vaiyākaraṇānāmaupaniṣadānāṃ ca prakriyāmāśritya pravṛtto vdyartho'yaṃ ślokaḥ.

kimidaṃbhyāṃ vo ghaḥ 1403, 5.2.40 kimidaṃbhyām. vatupsyāditi. vakārasya ghavidhisāmathryādvatuparamanuvarttya so'pyatra vidhīyata iti bhāvaḥ. "ādeḥ parasye"tyeva siddhe "vaḥ" ithi vacanamādeśapratipattyartham. itarathā ghaḥ pratyayāntaraṃ vijñāyate. kiyāmiti. "idaṃkimorīśkī" "yasyeti ce"ti lopaḥ. iyāniti. īsādeśasya "yasye"ti lope pratyayamātramavaśiṣyate. paṭhanti ca ----"uditavati parasmin pratyaye śāstrayonau, gatavati vilayaṃ ca prakṛte'pi prapañce. sapadi padamudītaṃ kevalaḥ pratyayo yattadiyaditi mimīte ko hmadā paṇḍitopi." vaiyākaraṇānāmaupaniṣadānāṃ ca prakriyāmāśritya pravṛtto vdyartho'yaṃ ślokaḥ.