1/7:haiyaṅgavīnam iti kim nipātyate |
2/7:hyogodohasya hiyaṅgvādeśaḥ sañjñāyām tasya vikāre |*
3/7:hyogodohasya hiyaṅgvādeśaḥ nipātyate sañjñāyām viṣaye tasya vikāre iti etasmin arthe |
4/7:hyogodohasya vikāraḥ haiyaṅgavīnam ghṛtam |
5/7:sañjñāyām iti kimartham |
6/7:hyogodohasya vikāraḥ udaśvit |
7/7:atra mā bhūt iti |

haiyaṅgavīnaṃ nipātyate saṃjñāyāṃ viṣaye. hyogodohasya hiyaṅgavādeśaḥ, tasya vikāre khañ pratyayo bhavati saṃjñāyām. hyogodohasya vikāraḥ haiyaṅgavīnam. ghṛtasya saṃjñā. tena iha na bhavati, hyogodohasya vikāra udaśvit.

haiyaṅgavīnaṃ saṃjñāyām 5.2.23 haiyaṅgavīnaṃ nipātyate saṃjñāyāṃ viṣaye. hyogodohasya hiyaṅgavādeśaḥ, tasya vikāre khañ pratyayo bhavati saṃjñāyām. hyogodohasya vikāraḥ haiyaṅgavīnam. ghṛtasya saṃjñā. tena iha na bhavati, hyogodohasya vikāra udaśvit.

haiyaṅgavīnaṃ saṃjñāyām?. , 5.2.23 "hrogodohasya hiyaṅgvādeśaḥ" iti. hrogodohasya hiyaṅgaśabda ādeśa ityarthaḥ. hrau godohanaṃ hrogodohaḥ, "supsupā" 2.1.4 iti samāsaḥ. "vikāre khañpratyayaḥ" iti. "tasya vikāraḥ" 4.3.132 iti prāptasayāṇo'pavāda iti॥

hyogodohaśabdasya hiyaṅgurādeśaḥ vikārārthe khañca nipātyate. duhyata iti dohaḥ kṣīram. hyogodohasya vikāraḥ - haiyaṅgavīnaṃ navanītam..

haiyaṅgavīnaṃ saṃjñāyām 1169, 5.2.23 hyogodohaśabdasya hiyaṅgurādeśaḥ vikārārthe khañca nipātyate. duhyata iti dohaḥ kṣīram. hyogodohasya vikāraḥ - haiyaṅgavīnaṃ navanītam॥

haiyaṅgavīnam. hrasityavyayaṃ pūrvedyarityarthe. tatrotpanno godohaḥ=gopayaḥ- hrogodohaḥ. tasmātṣaṣṭha\ufffdntādvikārārthe khañi īnādeśe prakṛterhiyaṅgu ityādeśe orguṇe avādeśe ādivṛddhau `haiyaṅgavīna'miti bhavatisaṃjñāyāmiti bhāṣyam. tadāha–hrogodohasyetyādinā. navanītamiti. bhāṣye tu `haiyaṅgavīnaṃ ghṛta'miti dṛśyate. `tattu haiyaṅgavīnaṃ syād hrogodohodbhavaṃ ghṛta'mityamaraḥ.

haiyaṅgavīnaṃ saṃjñāyām 1801, 5.2.23 haiyaṅgavīnam. hrasityavyayaṃ pūrvedyarityarthe. tatrotpanno godohaḥ=gopayaḥ-hrogodohaḥ. tasmātṣaṣṭha()ntādvikārārthe khañi īnādeśe prakṛterhiyaṅgu ityādeśe orguṇe avādeśe ādivṛddhau "haiyaṅgavīna"miti bhavatisaṃjñāyāmiti bhāṣyam. tadāha--hrogodohasyetyādinā. navanītamiti. bhāṣye tu "haiyaṅgavīnaṃ ghṛta"miti dṛśyate. "tattu haiyaṅgavīnaṃ syād hrogodohodbhavaṃ ghṛta"mityamaraḥ.

haiyaṃgabīnam. hrogodohasyeti. gordoho godohaḥ. ṣaṣṭhīsamāsaḥ. tena saha hrasśabdasya `supsupe'ti samāsaḥ. tato vikāre anudāttalakṣaṇasyā'ño'pavādaḥ khañ. atra hrasśabdena kālapratyāsattirvivakṣitā. navanītamiti. yadyipi vṛttau `ghṛta'mityuktaṃ, tathaiva cāmareṇā'pi—`tattu haiyaṅgavīnaṃ yad hrogohodbhavaṃ ghṛta'mityuktam, tathāpi ghṛtaśabdena navatītameva vivakṣitamiti haradattagranthānurodhenedamuktam.

haiyaṅgavīnaṃ saṃjñāyām 1390, 5.2.23 haiyaṃgabīnam. hrogodohasyeti. gordoho godohaḥ. ṣaṣṭhīsamāsaḥ. tena saha hrasśabdasya "supsupe"ti samāsaḥ. tato vikāre anudāttalakṣaṇasyā'ño'pavādaḥ khañ. atra hrasśabdena kālapratyāsattirvivakṣitā. navanītamiti. yadyipi vṛttau "ghṛta"mityuktaṃ, tathaiva cāmareṇā"pi---"tattu haiyaṅgavīnaṃ yad hrogohodbhavaṃ ghṛta"mityuktam, tathāpi ghṛtaśabdena navatītameva vivakṣitamiti haradattagranthānurodhenedamuktam.