1/15:nityagrahaṇam kimartham |
2/15:vibhāṣā mā bhūt |
3/15:na etat asti prayojanam |
4/15:pūrvasmin eva yoge vibhāṣāgrahaṇam nivṛttam |
5/15:evam tarhi siddhe sati yat nityagrahaṇam karoti tat jñāpayati ācāryaḥ prāk etasmāt yogāt vibhāṣā iti anuvartate |
6/15:atha ataḥ iti anuvartate utāho na |
7/15:kim ca ataḥ |
8/15:yadi anuvartate ekagavikaḥ na sidhyati |
9/15:samāsānte kṛte bhaviṣyati |
10/15:evam api gauśakaṭikaḥ na sidhyati |
11/15:atha nivṛttam iha api prāpnoti |
12/15:goviṃśatiḥ asya asti iti |
13/15:nivṛttam |
14/15:kasmāt na bhavati : goviṃśatiḥ asya asti iti |
15/15:anabhidhānāt na bhaviṣyati |

ekapūrvād gopūrvāc ca prātipadikān nityaṃ ṭhañ pratyayo bhavati matvarthe. ekaśatam asya asti iti aikaśatikaḥ. aikasahasrikaḥ. gopūrvāt ca gauśatikaḥ. gausahasrikaḥ. ata ityeva ekaviṃśatirasya asti iti na bhavati. katham aikagavikaḥ? samāsānte kṛte bhaviṣyati. kathaṃ gauśakaṭikaḥ? śakaṭīśabdena samānārthaḥ śakaṭaśabdo 'sti, tato bhaviṣyati. avaśyaṃ ca ataḥ ityanuvartyam, dvandvopatāpagarhyātityevam ādyartham. nityagrahaṇaṃ matupo bādhanārtham. katham ekadravyavattvātiti? naivāyaṃ sādhuḥ. ekena vā dravyavattvāditi samarthanīyam.

ekagopūrvāṭ ṭhañ nityam 5.2.118 ekapūrvād gopūrvāc ca prātipadikān nityaṃ ṭhañ pratyayo bhavati matvarthe. ekaśatam asya asti iti aikaśatikaḥ. aikasahasrikaḥ. gopūrvāt ca gauśatikaḥ. gausahasrikaḥ. ata ityeva ekaviṃśatirasya asti iti na bhavati. katham aikagavikaḥ? samāsānte kṛte bhaviṣyati. kathaṃ gauśakaṭikaḥ? śakaṭīśabdena samānārthaḥ śakaṭaśabdo 'sti, tato bhaviṣyati. avaśyaṃ ca ataḥ ityanuvartyam, dvandvopatāpagarhyātityevam ādyartham. nityagrahaṇaṃ matupo bādhanārtham. katham ekadravyavattvātiti? naivāyaṃ sādhuḥ. ekena vā dravyavattvāditi samarthanīyam.

ekagopūrvāṭṭhañ? nityam?. , 5.2.117 matubādiṣu prāpteṣu ṭhañvidhīyate. sa ca samānādhikaraṇatatpuruṣādekapūrvādbhavati, na tu sarvata ekapūrvāt(). etaccetikaraṇātuvṛtterlabhyate. ekañca tacchataṃ caikaśatam(), tadasyāstīti aikaśatikaḥ. ṣaṣṭhītatpuruṣe--ekaśatavān(). "katham()" ityādi. yadi "ataḥ" 5.2.114 ityetadanuvatrtate, gośakaṭīśabdānna sidhyati, tasyānakārāntatvāditi bhāvaḥ. "tato bhaviṣyati" iti. tadantādbhaviṣyatītyabhiprāyaḥ. eṣo'rthaḥ--ekagopūrvādadantāt(). prātipadikāṭṭhañ? vidhīyata iti sāmathryāllabhyate. atha vā--tato hetorbhaviṣyatītyadoṣaḥ. "avaśyaṃ ca" ityādiḥ asatyāṃ hrata ityanuvṛttau dvandvopatāpagahrrādiṣu (5.2.128; 5.2.115) yogeṣu citrakalalāṭikādiśabdebhyo'pi pratyayaḥ syāt(). "nityagrahaṇam()" ityādi. asati hi nityagarahaṇe'nyatarasyāṃgrahaṇaṃ matupsamuccayārthaṃ sarvatrānuvatrtata iti matubati syāt(). tasmādabādhanārthaṃ nityagrahaṇam(). "kathamekadravyavattvāt()" iti. yadi nityagrahaṇaṃ matubbādhanārtham(), evam(), na hreka dravyavattvādityatraikapūrvāddravyaśabdānmatup? sidhyatīti manyate. "ekena" ityādi. ekaśabdasya dravyavattvādityanena "supsupā" 2.1.4 iti samāsaṃ kṛtvā sādhutvamasya pratipādanīyamityarthaḥ॥

ekagopūrvāṭhṭhañnityam. ekapūrvādgopūrvācca nityaṃ ṭhañsyādityarthaḥ. yadyapi nityagrahaṇā'bhāve'pi ṭhañā iniṭhanornirvṛttiḥ sidhyati, tathāpi samuccayārthakā'nyatarasyāṅgrahaṇānuttyā matupsamuccīyeta, tannivattyarthaṃ nityagrahaṇam. aikaśatika iti. `pūrvakāla' iti samāsaḥ. `saṅkhyāyāḥ saṃvatsara' ityuttarapadavṛddhistu na, tatra pratipadoktataddhitārthasamāsasyaiva grahaṇāt.

ekagopūrvāṭṭhañ nityam 1899, 5.2.117 ekagopūrvāṭhṭhañnityam. ekapūrvādgopūrvācca nityaṃ ṭhañsyādityarthaḥ. yadyapi nityagrahaṇā'bhāve'pi ṭhañā iniṭhanornirvṛttiḥ sidhyati, tathāpi samuccayārthakā'nyatarasyāṅgrahaṇānuttyā matupsamuccīyeta, tannivattyarthaṃ nityagrahaṇam. aikaśatika iti. "pūrvakāla" iti samāsaḥ. "saṅkhyāyāḥ saṃvatsara" ityuttarapadavṛddhistu na, tatra pratipadoktataddhitārthasamāsasyaiva grahaṇāt.

ekagopūrvāt. aikaśatika iti. ekaṃ ca tacchataṃ ceti `pūrvakāle'tyādinā karmadhārayaḥ. ṣaṣṭhītatpuruṣādbahuvrīhedrvandvācca na bhavati, anabhidhānāditi haradattādayaḥ. `ata'ityeva. neha—ekaviṃśatirasyāstīti. nityagrahaṇaṃ matupo bādhanārtham. anyatā ṭhañā iniṭhanorbādhe kṛte'pyanyatarasyāṅgrahaṇānuvṛttyā matup syādevetyāhuḥ. kathaṃ `ekadravyavāniti?. asādhurevāyam. ekena dravyavāniti vā vigrahītavyam. kathamekadaṇḍīti?. `ekadeśinaikādhikaraṇe'iti nirdeśo jñāpayati—-`inarapi kvacidbhavatī'ti.

ekagopūrvāṭṭhañ nityam 1460, 5.2.117 ekagopūrvāt. aikaśatika iti. ekaṃ ca tacchataṃ ceti "pūrvakāle"tyādinā karmadhārayaḥ. ṣaṣṭhītatpuruṣādbahuvrīhedrvandvācca na bhavati, anabhidhānāditi haradattādayaḥ. "ata"ityeva. neha---ekaviṃśatirasyāstīti. nityagrahaṇaṃ matupo bādhanārtham. anyatā ṭhañā iniṭhanorbādhe kṛte'pyanyatarasyāṅgrahaṇānuvṛttyā matup syādevetyāhuḥ. kathaṃ "ekadravyavāniti(). asādhurevāyam. ekena dravyavāniti vā vigrahītavyam. kathamekadaṇḍīti(). "ekadeśinaikādhikaraṇe"iti nirdeśo jñāpayati----"inarapi kvacidbhavatī"ti.