1/12:parovara iti kim nipātyate |
2/12:parovara iti parasotvavacanam |*
3/12:parovara iti parasya otvam nipātyate |
4/12:yadi evam parasyautvavacanam iti prāpnoti |
5/12:śakandhunyāyena nirdeśaḥ |
6/12:atha vā na evam vijñāyate parasya otvam nipātyate iti |
7/12:katham tarhi |
8/12:parasya śabdarūpasya ādeḥ utvam nipātyate iti |
9/12:parān ca avarān ca anubhavati parovarīṇaḥ |
10/12:atha parampara iti kim nipātyate |
11/12:paraparatarāṇām paramparabhāvaḥ | paraparatarāṇām paramparabhāvaḥ nipātyate |*
12/12:parān ca paratarān ca anubhavati paramparīṇaḥ |

parovara parampara putrapautra ityetebhyaḥ taditi dvitīyāsamarthebhyaḥ anubhavati ityasminarthe khaḥ pratyayo bhavati. parovara iti parasyotvaṃ pratyayasaṃniyogena nipātyate. parāṃśca avarāṃśca anubhavati parovarīṇaḥ. paraparatarāṇāṃ ca paramparabhāvo nipātyate. parāṃśca paratarāṃśca anubhavati paramparīṇaḥ. putrapautrānanubhavati putrapautrīṇaḥ. paramparaśabdo vināpi pratyayena dṛśyate, mantriparamparā mantraṃ bhinatti iti. tacchabdāntaram eva draṣṭavyam.

parovaraparamparaputrapautram anubhavati 5.2.10 parovara parampara putrapautra ityetebhyaḥ taditi dvitīyāsamarthebhyaḥ anubhavati ityasminarthe khaḥ pratyayo bhavati. parovara iti parasyotvaṃ pratyayasaṃniyogena nipātyate. parāṃśca avarāṃśca anubhavati parovarīṇaḥ. paraparatarāṇāṃ ca paramparabhāvo nipātyate. parāṃśca paratarāṃśca anubhavati paramparīṇaḥ. putrapautrānanubhavati putrapautrīṇaḥ. paramparaśabdo vināpi pratyayena dṛśyate, mantriparamparā mantraṃ bhinatti iti. tacchabdāntaram eva draṣṭavyam.

parovaraparamparaputrapautramanubhavati. , 5.2.10 kathaṃ punarapratyayasanniyogena nipātanasya vinā pratyayena darśanamupapadyate? ityāha--"tacchabdāntarameva draṣṭavyam()" iti॥

parovara. parovara, parampara, putrapautra-ebhyo dvitīyāntebhyo'nubhavatītyarthe khaḥ syādityarthaḥ. parovarīṇa iti. pare ca avare ca parāvare tānanubhavatītyarthaḥ. avarasyottvamiti. avaraśabdasya āderakārasya khapratyayasaṃniyogena uttvaṃ nipātyata ityarthaḥ. evaṃ ca vigrahavākye idamuttvaṃ na bhavati. prakṛteriti. paraparataraśabdāddvandvātkhe sati tatsanniyogena prakṛteḥ paramparabhāvo nipātyata ityarthaḥ. nanvevaṃ sati `kalyāṇaparampare'tyādau kathaṃ paramparāśabdaḥ ?, paramparabhāvasya khapratyayasanniyogaśiṣṭatvādityata āha–paramparāśabdastviti. tasmādeveti. `parampare'tyavyutnnaprātipadikādevetyarthaḥ. kathamiti. parāvaraśabdādbhāve vā svārthe vā ṣyañi avarasyāderutve pārovaryaśabdānmatupi pārovaryavaditi kathamityākṣepaḥ, uttvasya khapratyayasanniyogāśiṣṭatvāditi bhāvaḥ. uttvaṃ durupapādamevetyāha–asādhureveti. nanvatra parovareti nirdeśāt– khādanyatrāpyuttvaṃ kiṃ na syādityata āha–khapratyayasanniyogenaiveti. ata eva bhāṣye `parāṃścāvaraṃścānubhavatī'tyeva vigraho darśita iti bhāvaḥ.

parovaraparamparaputrapautramanubhavati 1788, 5.2.10 parovara. parovara, parampara, putrapautra-ebhyo dvitīyāntebhyo'nubhavatītyarthe khaḥ syādityarthaḥ. parovarīṇa iti. pare ca avare ca parāvare tānanubhavatītyarthaḥ. avarasyottvamiti. avaraśabdasya āderakārasya khapratyayasaṃniyogena uttvaṃ nipātyata ityarthaḥ. evaṃ ca vigrahavākye idamuttvaṃ na bhavati. prakṛteriti. paraparataraśabdāddvandvātkhe sati tatsanniyogena prakṛteḥ paramparabhāvo nipātyata ityarthaḥ. nanvevaṃ sati "kalyāṇaparampare"tyādau kathaṃ paramparāśabdaḥ?, paramparabhāvasya khapratyayasanniyogaśiṣṭatvādityata āha--paramparāśabdastviti. tasmādeveti. "parampare"tyavyutnnaprātipadikādevetyarthaḥ. kathamiti. parāvaraśabdādbhāve vā svārthe vā ṣyañi avarasyāderutve pārovaryaśabdānmatupi pārovaryavaditi kathamityākṣepaḥ, uttvasya khapratyayasanniyogāśiṣṭatvāditi bhāvaḥ. uttvaṃ durupapādamevetyāha--asādhureveti. nanvatra parovareti nirdeśāt--khādanyatrāpyuttvaṃ kiṃ na syādityata āha--khapratyayasanniyogenaiveti. ata eva bhāṣye "parāṃścāvaraṃścānubhavatī"tyeva vigraho darśita iti bhāvaḥ.

avarasyeti. `āde'riti śeṣaḥ. utve kṛte `ādguṇaḥ'. kecuttu otvaṃ paraśabdasya nipātyate, tasmātparasyā'taḥ `eṅaḥ padāntā'diti pūrvarūpādeśa iti pakṣāntaramāhuḥ.

parovaraparamparaputrapautramanubhavati 1378, 5.2.10 avarasyeti. "āde"riti śeṣaḥ. utve kṛte "ādguṇaḥ". kecuttu otvaṃ paraśabdasya nipātyate, tasmātparasyā'taḥ "eṅaḥ padāntā"diti pūrvarūpādeśa iti pakṣāntaramāhuḥ.