1/20:kasya ayam iṭ vidhīyate |
2/20:kanaḥ iti āha |
3/20:tat kanaḥ grahaṇam kartavyam |
4/20:akriyamāṇe hi kanaḥ grahaṇe pratyayādhikārāt pratyayaḥ ayam vijñāyeta |
5/20:ṭitkaraṇasāmarthyāt ādiḥ bhaviṣyati |
6/20:asti anyat ṭitkaraṇe prayojanam |
7/20:ṭitaḥ iti īkāraḥ yathā syāt |
8/20:akārāntaprakaraṇe īkāraḥ na ca eṣaḥ akārāntaḥ |
9/20:evam api kutaḥ etat ṭitkaraṇasāmarthyāt ādiḥ bhaviṣyati na punaḥ akārāntaprakaraṇe sati anakārāntāt api īkāraḥ syāt |
10/20:tasmāt kaṇaḥ grahaṇam kartavyam |
11/20:na kartavyam |
12/20:prakṛtam anuvartate |
13/20:kva prakṛtam |
14/20:saṅkhyāyāḥ atiśadantāyāḥ kan iti |
15/20:tat vai prathamānirdiṣṭam ṣaṣṭhīnirdiṣṭena ca iha arthaḥ |
16/20:vatoḥ iti eṣā pañcamī kan iti prathamāyāḥ ṣaṣṭhīm prakalpayiṣyati tasmāt iti uttarasya iti |
17/20:pratyayavidhiḥ ayam |
18/20:na ca pratyayavidhau pañcamyāḥ prakalpikāḥ bhavanti |
19/20:na ayam pratyayavidhiḥ |
20/20:vihitaḥ pratyayaḥ prakṛtaḥ ca anuvartate |

vatvantasya saṅkhyātvāt kan siddha eva, tasya tvanena vā iḍāgamo vidhīyate. vatoḥ parasya ano vā iḍāgamo bhavati ārhīyeṣvartheṣu. tāvatikaḥ, tāvatkaḥ. yāvatikaḥ, yāvatkaḥ.

vatoriḍ vā 5.1.23 vatvantasya saṅkhyātvāt kan siddha eva, tasya tvanena vā iḍāgamo vidhīyate. vatoḥ parasya ano vā iḍāgamo bhavati ārhīyeṣvartheṣu. tāvatikaḥ, tāvatkaḥ. yāvatikaḥ, yāvatkaḥ.

vatoriḍ? vā. , 5.1.23 "vatvantasya saṃkhyātvāt()" iti. bahugaṇasūtreṇa 1.1.22 saṃkhyāsaṃjñāviṃdhānat(). "tasya" ityādi. kathaṃ punastasyānenāgamaḥ śakyo vijñātum(), yāvatā neha kangrahaṇam()? yadapi prakṛtaṃ tadapi prathamānirdiṣṭam, ṣaṣṭhīnirdiṣṭena cehārthaḥ? naiṣa doṣaḥ, "vatoḥ" iti pañcamī "kan()" iti prathamāyāḥ ṣaṣṭhīṃ prakalpayiṣyati "tasmādityuttarasya" 1.1.66 iti. "tāvatkaḥ" iti. tatparimāṇamasyeti "yattadetebhyaḥ parimāṇe vatup()" 5.2.39, "ā sarvanāmnaḥ" 6.3.90 ityātvam()॥

vatoriḍvā. `vato'rityanena pratyayagrahaṇaparibhāṣayā tadantaṃ gṛhrate. `ka'nniti prathamāntamanuvṛttam, `vato'riti pañcamī `tasmādityuttarasye'ti paribhāṣayā ṣaṣṭhanyataṃ prakalpayati. tadāha–vatvantāditi. tāvatika iti tāvatā krīta ityarthaḥ. `yattadetebhyaḥ' iti vatup. `bahugaṇavatu' iti saṅkhyāsaṃjñāyāṃ saṅkhyāyā atiśadantāyāḥ' iti kan, tasya iṭ, ṭittvādādyavayavaḥ.

vatoriḍvā 1666, 5.1.23 vatoriḍvā. "vato"rityanena pratyayagrahaṇaparibhāṣayā tadantaṃ gṛhrate. "ka"nniti prathamāntamanuvṛttam, "vato"riti pañcamī "tasmādityuttarasye"ti paribhāṣayā ṣaṣṭhanyataṃ prakalpayati. tadāha--vatvantāditi. tāvatika iti tāvatā krīta ityarthaḥ. "yattadetebhyaḥ" iti vatup. "bahugaṇavatu" iti saṅkhyāsaṃjñāyāṃ saṅkhyāyā atiśadantāyāḥ" iti kan, tasya iṭ, ṭittvādādyavayavaḥ.

vatoriḍvā. `vatoḥ'iti vañcamī, sā ca `ka'nniti prathamāyāḥ ṣaṣṭhīṃ kalpatītyāha– - vatvantātkana iti. tāvatika iti. `yattadetebhyaḥ'iti vatup. `ā sarvanāmnaḥ' ityātvam.

vatoriḍvā 1286, 5.1.23 vatoriḍvā. "vatoḥ"iti vañcamī, sā ca "ka"nniti prathamāyāḥ ṣaṣṭhīṃ kalpatītyāha--- vatvantātkana iti. tāvatika iti. "yattadetebhyaḥ"iti vatup. "ā sarvanāmnaḥ" ityātvam.