Pāṇini 5.1.12

prakṛtiḥ upādānakāraṇaṃ, tasya eva uttaram avasthāntaraṃ vikṛtiḥ. vikṛtivācinaḥ prātipādikāt prakṛtāvabhidheyāyāṃ yathāvihitaṃ pratyayo bhavati. tadartham iti pratyayārthaviśeṣaṇam. taditi sarvanāmnā vikṛtiḥ parāmṛśyate. vikṛtyarthāyāṃ prakṛtau pratyayaḥ. tadarthagrahaṇena prakṛterananyārthatā ākhyāyate. na prakṛtivikārasambhavam ātre pratyayaḥ, kiṃ tarhi, prakṛterananyārthatve vivakṣite. pratyayārthasya ca tadarthatve sati sāmarthyāl labhyā caturthī samarthavibhaktiḥ. kecit tu tasmai hitam 5-1-5 ityanuvartayanti. aṅgārebhyo hitāni etāni kāṣṭhāni aṅgārīyāṇi kāṣṭhāni. prākārīyā iṣṭakāḥ. śaṅkavyaṃ dāru. picavyaḥ kārpāsaḥ. tadartham iti kim? yavānāṃ dhānāḥ. dhānānāṃ saktavaḥ. prakṛtyantaranivṛttiratra vivakṣitā na tādarthyam dhānānāṃ saktavaḥ, na lājānām iti. vikṛteḥ iti kim? udakārthaḥ kūpaḥ. vikṛtigrahaṇe 'kriyamāṇe yā kācit prakrtir gṛhyate, na upādānakāraṇam eva. bhavati ca kūpa udakasya prakṛtiḥ, tatra utpādanāt. na tu udakaṃ tasyaḥ vikṛtiḥ, atyantabhedāt prakṛtau iti kim? asyarthā kośī. asirayaso vikṛtir bhavati, na tu kośī tasya prakṛtir bhavati. dvayorapi prakṛtivikṛtyor grahaṇe vivakṣitaḥ prakṛtivikārabhāvo labhyate.

tadarthaṃ vikṛteḥ prakṛtau 5.1.12 prakṛtiḥ upādānakāraṇaṃ, tasya eva uttaram avasthāntaraṃ vikṛtiḥ. vikṛtivācinaḥ prātipādikāt prakṛtāvabhidheyāyāṃ yathāvihitaṃ pratyayo bhavati. tadartham iti pratyayārthaviśeṣaṇam. taditi sarvanāmnā vikṛtiḥ parāmṛśyate. vikṛtyarthāyāṃ prakṛtau pratyayaḥ. tadarthagrahaṇena prakṛterananyārthatā ākhyāyate. na prakṛtivikārasambhavam ātre pratyayaḥ, kiṃ tarhi, prakṛterananyārthatve vivakṣite. pratyayārthasya ca tadarthatve sati sāmarthyāl labhyā caturthī samarthavibhaktiḥ. kecit tu tasmai hitam 5.1.5 ityanuvartayanti. aṅgārebhyo hitāni etāni kāṣṭhāni aṅgārīyāṇi kāṣṭhāni. prākārīyā iṣṭakāḥ. śaṅkavyaṃ dāru. picavyaḥ kārpāsaḥ. tadartham iti kim? yavānāṃ dhānāḥ. dhānānāṃ saktavaḥ. prakṛtyantaranivṛttiratra vivakṣitā na tādarthyam dhānānāṃ saktavaḥ, na lājānām iti. vikṛteḥ iti kim? udakārthaḥ kūpaḥ. vikṛtigrahaṇe 'kriyamāṇe yā kācit prakrtir gṛhyate, na upādānakāraṇam eva. bhavati ca kūpa udakasya prakṛtiḥ, tatra utpādanāt. na tu udakaṃ tasyaḥ vikṛtiḥ, atyantabhedāt prakṛtau iti kim? asyarthā kośī. asirayaso vikṛtir bhavati, na tu kośī tasya prakṛtir bhavati. dvayorapi prakṛtivikṛtyor grahaṇe vivakṣitaḥ prakṛtivikārabhāvo labhyate.

tadarthaṃ vikṛteḥ prakṛtau. , 5.1.12 tasmai idaṃ tadartham(), "caturthī tadartha" 2.1.35 ityādinā samāsaḥ. etadeva vacanaṃ jñāpakam()--arthottarapade samāse samudāyārthasya liṅgaṃ bhavati, na ca paravalliṅgatetiṃ. etena yaduktaṃ--"arthena nityasamāsaḥ sarvaliṅgatā ca vaktavyā" (vā.78) iti sā siddhā bhavati. "prakṛtirupādānakāraṇam()" iti. samānajātīyamabhinnasantānavṛtti kāraṇamupādanakāraṇamityucyate. upādīyata ityupādānam(), bahulavacanāt? karmaṇi lyuṭ(), tasya kāraṇamiti ṣaṣṭhīsamāsaḥ. "tasyaiva va" ityādi. tasyaivopādānakāraṇasyottarabhāvyasthāviśeṣo vikṛtiḥ. "vikṛtivācinaḥ" ityādi. nanu ca "samarthānāṃ prathamādvā" (4.1.82) iti vacanāttadarthamiti prathamaṃ nirdiṣṭatvāt? prakṛteśca tadarthatvāt? tadvācina eva pratyayaḥ prāpnoti? naiṣa doṣaḥ; prathamasya cāprathamasya ca kāryaprāptau prathamādeva yathā syādityevamarthaṃ prathamagrahaṇaṃ niyamārthaṃ kṛtam(). iha tu prathamāt? prāptireva nāsti. "prakṛtau" iti. saptamyā prakṛteḥ pratyayārthatvena sampāditatvāt(). "vikṛteḥ" iti. pañcamyā vikṛteḥ prakṛtitvena tasmānnāyamasya viṣaya iti vikṛtivācina eva pratyayo bhavati. "vikṛtyarthāyām()" iti. anena tadarthamityatra subvyatyayena saptamyāḥ sthāne prathamā, liṅgavyatyayena ca strīliṅgasya sthāne napuṃsakaliṅgaṃ kṛtamiti darśayati. nanu ca chandasi vyatyaya uktaḥ, nedaṃ chandaḥ, tatkuto vyatyayaḥ? "chandovatsūtrāṇi bhavanti" (ma.bhā.1.1.1) ityadoṣaḥ. "tadarthagrahaṇena" ityādi. iha prakṛtyantaranivṛttiḥ--yavānāṃ dhānāḥ, dhānānāṃ saktava iti. kvacidvikārasya prakṛtisambandhaḥ--dhānānāṃ yavāḥ, saktūnāṃ dhānā iti. kvacit? prakṛterananyārthatā, yathā--kāṣṭhānāmaṅgārāḥ. prakṛterananyārthatākhyānārthena yadiṣṭaṃ sampadyate, taddarśayati--"pratyayārthasya ca" ityādi. iha vikṛtyarthāyāṃ prakṛtau pratyaya ucyate. tasya tasmāt? tādarthye caturthyeva śakyate pratibodhayitum(). ataḥ pratyayārthasya tadarthatvena sāmathryāccaturthī samarthavibhaktirlabhyate. "kecittu" ityādi. teṣāṃ vacanalabhyaivu caturthī samarthavibhaktiḥ. "tadartham()" iti. kimiti ṣaṣṭhī pratyudāhyiyate? ṣaṣṭha()ti tādathryaṃ brāūte, yathā--guroridaṃ gurvarthamiti. tathā sati ṣaṣṭha()pi samarthavibhaktirbhavati. aṅgārāṇāṃ kāṣṭhānīti pratyudāharaṇaṃ tu prakṛtyantaranivṛttyā, tayā yavādeḥ samarthyete. aṅgārebhyaḥ kāṣṭhāni, prākārebhya iṣṭakā iti. idamasati tadarthagrahaṇe na jñāyate kimarthaṃ vivakṣitamiti. tasmādananyārthatā prakṛtervivakṣiteti. etat? prayojanaṃ pratipādayituṃ tadarthagrahaṇaṃ kṛtamiti bhāvaḥ. tathā ca prakṛtyantaranivṛtyā prakṛtireva sambadhyamānā vyatiricyata iti yavādereva vyatirekavibhaktirbhavati. ye tu caturthīṃmanuvatrtayanti, teṣāṃ tadarathagrahaṇaṃ catarthīviśeṣaṇaṃ vijñāyate--tādarthye caturthīti. tatra mūtrāya kalpate yavāgūriti pratyudāharaṇam(). teṣāṃ catuthryanuvṛttirapārthikā; tadarthagrahaṇenaiva gatārthatvāt(). tathā ca yā tādathryasamānārthā ṣaṣṭhī sā cāsatyāṃ viśeṣyate. "yā kācit()" itaci. na tūpādānakāraṇabhūtāpītyarthaḥ. syādetat()--kūpaḥ prakṛtirudakasya na bhavatyeva; tatastannivṛttyarthaṃ vikṛtigrahaṇaṃ na katrtavyamityata āha--"bhavati ca" ityādi. caśabdovadhāraṇe. nanu cānyebhya eva svakāraṇebhya udakamutpādyate, tatkathaṃ kūpastasya prakṛtiḥ? ityāha--"tatrotpādanāt()" iti. yathaiva hi prayājādīnāṃ dharmāṇāmutpattyādhārabhūtau darśapaurṇamāsau prakṛtau bhavataḥ, evamudakasyotpattyādhārabhūtatvāt? kūpaḥ prakṛtirbhavati. yadyevam(), udakamapi tasya vikṛtiḥ? ityāha--"nanu" ityādi. atraivopapattimāha--"atyantabhedāt()" iti. vikāro hi prakṛteruttaramavasthāntaramiti tato nātyantabhinno bhavati, yathā--kāṣṭhānāmaṅgārāḥ. te hi pārthivenābhinnasantānavarttitvena kāṣṭhebhyo nātyantaṃ bhidyante. udakaṃ tu bhinnasvabhāvatvādbhinnasantānavarttitvācca kūpādatyantaṃ bhinnam(). ato na tasyottaramavastāntaramiti na bhavati vikṛtiḥ. "na tu kośī tasya prakṛtiḥ" iti. atatkāraṇatvāt(), anutpattyādhārabhūtatvācca. nanu ca prakṛtirvikṛtiriti sambandhiśabdāvetau. sambandhiśabdaśca niyata eva pratiyogini pratītimupajanayati, yathā hi--"mātarivarttitavyam()" ityukte na cocyate "svasyāṃ mātari" iti, yā yasyā mātā tasyāmiti pratīyate. evaṃ sati kūpalakṣaṇāyāṃ prakṛtau vikṛtyarthāyāṃ pratyayārthatvena vivakṣitāyāmasatyapi vikṛtagrahaṇe tasyaiva kūpasya yā yā vikṛtistata eva pratyayo vijñāyate. tathā ca vikāravācino'siśabdāt? pratyaye vidhitsite yasyāsau prakṛtistasyāmeva tadarthāyāṃ prakṛtāvasatyapi prakṛtigrahaṇe pratyayo vijñāyate. tasmādanyataropādāne'pi sarvamiṣṭaṃ sampadyate. na kiñcidaniṣṭamāpadyata ityāha--"tadarthaṃ dvayorapi" ityādi. anenaivaṃ manyate--syādetadeva yadāsau prakṛtivikṛtiśabdau niyogataḥ sambandhiśabdau, na cemau niyogataḥ sambandhiśabdau. tathā hiṃ, vipūrvastāvadayaṃ karotiṃrastyevāpakāre--devadatto'sthityai vikarotīti; asti ceṣṭānānātve--vikurvate cchātrā iti; astyanaucitye--vikṛtireṣā strīṇāṃ yat? svātantryamiti. asti kārye--tantunāṃ paṭo vikāra iti. tatā prapūrvo'pyayamasti kāraṇe--tantavaḥ prakṛtiḥ paṭasyeti; a()sta caudāsīnye--sattvānāṃ prakṛtiriti. tānyucyante yānyanārambhakāṇi; asti doṣāpagame--prakṛtisto'yamiti. asti svabhve-prakṛtyā'bhirūpa iti; asti dharmāṇāmutpattyādhāre, yathā-darśapaurṇamāsau dharmāṇāṃ prakṛtistho'yamiti. asati svabhāve-prakṛtyā'bhirūpa iti; asti dharmāṇāmutpattyādhāre, yathā-darśapaurṇamāsau dharmāṇāṃ prakṛtiriti. tadevamarthabahutvādanayoḥ sarmbāndhatvamanaikāntikamiti, ato'nyataragrahaṇe na sidhyati. na cānyatareṇa śakyate vaktuṃ vivakṣitaḥ prakṛtivikārabhāvaḥ. ayamupādānakāraṇasya taduttarāvasthābhūtasya ca yo vikāraḥ sa iha veditavyaḥ. yadi tu vipūrvaḥ karotiranekārthaḥ, "tasya vikāraḥ" (4.3.134) ityatrāpi sandehāpagamāya tarhi prayatitavyam()? satyametat(); śailīyamācāryasya yasya kvacidabhidhānamāśrayati, kvacannyāyam(), kvacidvacanamiti tat? sarvamucyate. tena sarvaṃ pratyāyyate॥

tadarthaṃ vikṛteḥ prakṛtau. tadarthamiti `sāmānye napuṃsakam'. tasmai idaṃ tadartham. tacchabdena vikṛtiḥ parāmṛśyate. saptamyarthe prathamā. vikṛtyarthāyāṃ prakṛtāviti labhyate. evaṃ ca tacchabdena catuthryantena vikṛtireva prathamaṃ nirdiśyate. tathā ca catuthryantādvikṛtivācakāditi labhyate. tadāha–vikṛtivācakādityādinā. pratyayaḥ syāditi. `yathāvihita'miti śeṣaḥ. aṅgārebya etānīti. aṅgārārthānītyarthaḥ. arthena nityasamāsavidhānādasvapada vigrahaḥ. atra kāṇṭhāni prakṛtidravyāṇi. aṅgārā vikṛtayaḥ. tadvācakādaṅgāraśabdācchapratyaye `aṅgārīyāṇī'ti rūpam. prākārīyā iṣṭakā itadi. prākārebhya imā iti vigrahaḥ. prākārārthā ityarthaḥ. śaṅkavyamiti. śaṅkave idamiti vigrahaḥ. śaṅkvarthamityarthaḥ. `ugavādibhyaḥ' iti yat.

tadarthaṃ vikṛteḥ prakṛtau 1652, 5.1.12 tadarthaṃ vikṛteḥ prakṛtau. tadarthamiti "sāmānye napuṃsakam". tasmai idaṃ tadartham. tacchabdena vikṛtiḥ parāmṛśyate. saptamyarthe prathamā. vikṛtyarthāyāṃ prakṛtāviti labhyate. evaṃ ca tacchabdena catuthryantena vikṛtireva prathamaṃ nirdiśyate. tathā ca catuthryantādvikṛtivācakāditi labhyate. tadāha--vikṛtivācakādityādinā. pratyayaḥ syāditi. "yathāvihita"miti śeṣaḥ. aṅgārebya etānīti. aṅgārārthānītyarthaḥ. arthena nityasamāsavidhānādasvapada vigrahaḥ. atra kāṇṭhāni prakṛtidravyāṇi. aṅgārā vikṛtayaḥ. tadvācakādaṅgāraśabdācchapratyaye "aṅgārīyāṇī"ti rūpam. prākārīyā iṣṭakā itadi. prākārebhya imā iti vigrahaḥ. prākārārthā ityarthaḥ. śaṅkavyamiti. śaṅkave idamiti vigrahaḥ. śaṅkvarthamityarthaḥ. "ugavādibhyaḥ" iti yat.

tadartha vikṛteḥ. `tasmai hita'mityatastasmā ityanuvartate. tadāha— catuthryantāditi. `tadartha'miti `sāmānye napuṃsakaṃ'. vyatyayena saptamīsthāne prathametyāśayenāha–tadarthāyāmiti. vikṛtyarthāyāmityarthaḥ. `ta'diti sarvanāmnā hi vikṛtiḥ paramṛśyate. evaṃ ca vikṛtireva prathamānirdiṣṭeti `samarthānā prathamā'dityadhikāro'pyatra nirbādha va. śaṅkavyamiti. `ugavādibhyaḥ' iti yat.

tadartha vikṛteḥ prakṛtau 1276, 5.1.12 tadartha vikṛteḥ. "tasmai hita"mityatastasmā ityanuvartate. tadāha---catuthryantāditi. "tadartha"miti "sāmānye napuṃsakaṃ". vyatyayena saptamīsthāne prathametyāśayenāha--tadarthāyāmiti. vikṛtyarthāyāmityarthaḥ. "ta"diti sarvanāmnā hi vikṛtiḥ paramṛśyate. evaṃ ca vikṛtireva prathamānirdiṣṭeti "samarthānā prathamā"dityadhikāro'pyatra nirbādha va. śaṅkavyamiti. "ugavādibhyaḥ" iti yat.