1/25:strīpuṃsābhyām tvataloḥ upasaṅkhyānam |*
2/25:strīpuṃsābhyām tvataloḥ upasaṅkhyānam kartavyam |
3/25:strībhāvaḥ strītvam strītā |
4/25:kim punaḥ kāraṇam na sidhyati |
5/25:imau nañsnañau prāk bhavanāt iti ucyete |
6/25:tau viśeṣavihitau sāmānyavihitam vatim bādheyātām |
7/25:vāvacanam ca |*
8/25:vāvacanam ca kartavyam |
9/25:kim prayojanam |
10/25:nañsnañau api yathā syātām |
11/25:strībhāvaḥ straiṇam |
12/25:pummbhāvaḥ pauṃsnam iti |
13/25:apavādasamāveśāt vā siddham |*
14/25:apavādasamāveśāt vā siddham etat |
15/25:tat yathā imanicprabhṛtibhiḥ apavādaiḥ samāveśaḥ bhavati evam ābhyām api bhaviṣyati |
16/25:na eva īśvaraḥ ājñāpapayati na api dharmasūtrakārāḥ paṭhanti imanicprabhṛtibhiḥ apavādaiḥ samāveśaḥ bhavati iti |
17/25:kim tarhi ā ca tvāt iti etasmāt yatnāt imanicprabhṛtibhiḥ apavādaiḥ samāveśaḥ bhavati |
18/25:na ca etau atra abhyantarau |
19/25:etau api atra abhyantarau |
20/25:katham |
21/25:apavādasadeśāḥ apavādāḥ bhavanti iti |
22/25:etat ca eva na jānīmaḥ apavādasadeśāḥ apavādāḥ bhavanti iti |
23/25:api ca kutaḥ etat etau api atra abhyantarau na punaḥ pūrvau vā syātām parau vā |
24/25:evam tarhi vakṣyati ā ca tvāt iti atra cakārakaraṇasya prayojanam |
25/25:nañsnañbhyām api samāveśaḥ bhavati iti |

1/100:tasya bhāvaḥ iti abhiprāyādiṣu atiprasaṅgaḥ |*
2/100:tasya bhāvaḥ iti abhiprāyādiṣu atiprasaṅgaḥ bhavati |
3/100:iha api prāpnoti |
4/100:abhiprāyaḥ devadattasya modakeṣu bhojane |
5/100:ye naḥ bhāvāḥ te naḥ bhāvāḥ putrāḥ putraiḥ ceṣṭante iti |
6/100:siddham tu yasya guṇasya bhāvāt dravye śabdaniveśaḥ tadabhidhāne tvatalau |*
7/100:siddham etat |
8/100:katham |
9/100:yasya guṇasya bhāvāt dravye śabdaniveśaḥ tadabhidhāne tasmin guṇe vaktavye pratyayena bhavitavyam |
10/100:na ca abhiprāyādīnām bhāvāt dravye devadattaśabdaḥ vartate |
11/100:kim punaḥ dravyam ke punaḥ guṇāḥ |
12/100:śabdasparśarūparasagandhāḥ guṇāḥ |
13/100:tataḥ anyat dravyam |
14/100:kim punaḥ anyat śabdādibhyaḥ dravyam āhosvit ananyat |
15/100:guṇasya ayam bhāvāt dravye śabdaniveśam kurvan khyāpayati anyat śabdādibhyaḥ dravyam iti |
16/100:ananyat śabdādibhyaḥ dravyam |
17/100:na hi anyat upalabhyate |
18/100:paśoḥ khalu api viśasitasya parṇaśate nyastasya na anyat śabdādibhyaḥ upalabhyate |
19/100:anyat śabdādibhyaḥ dravyam tat tu anumānagamyam |
20/100:tat yathā oṣadhivanaspatīnām vṛddhihrāsau |
21/100:jyotiṣām gatiḥ iti |
22/100:kaḥ asau anumānaḥ |
23/100:iha samāne varṣmaṇi pariṇāhe ca anyat tulāgram bhavati lohasya anyat kārpāsānām |
24/100:yatkṛtaḥ viśeṣaḥ tat dravyam |
25/100:tathā kaḥ cit spṛśan eva chinatti kaḥ cit lambamānaḥ api na chinatti |
26/100:yatkṛtaḥ viśeṣaḥ tat dravyam |
27/100:kaḥ cit ekena eva prahāreṇa vyapavargam karoti kaḥ cit dvābhyām api an karoti |
28/100:yatkṛtaḥ viśeṣaḥ tat dravyam |
29/100:atha vā yasya guṇāntareṣu api prādurbhāvatsu tattvam na vihanyate tat dravyam |
30/100:kim punaḥ tattvam |
31/100:tadbhāvaḥ tattvam |
32/100:tat yathā āmalakādīnām phalānām raktādayaḥ pītādayaḥ ca guṇāḥ prāduḥ bhavanti |
33/100:āmalakam badaram iti eva bhavati |
34/100:anvartham khalu api nirvacanam |
35/100:guṇasandrāvaḥ dravyam iti |
36/100:yadi tarhi ṣaṣṭhīsamarthāt guṇe pratyayāḥ utapdyante kim iyatā sūtreṇa |
37/100:etāvat vaktavyam : ṣaṣṭhīsamarthāt guṇe iti |
38/100:ṣaṣṭhīsamarthāt guṇe iti iyati ucyamāne dviguṇā rajjuḥ triguṇā rajjuḥ atra api prāpnoti |
39/100:na eṣaḥ doṣaḥ |
40/100:guṇaśabdaḥ ayam bahvarthaḥ |
41/100:asti eva sameṣu avayaveṣu vartate |
42/100:tat yathā dviguṇā rajjuḥ triguṇā rajjuḥ iti |
43/100:asti dravyapadārthakaḥ |
44/100:tat yathā guṇavān ayam deśaḥ iti ucyate yasmin gāvaḥ sasyāni ca vartante |
45/100:asti aprādhānye vartate |
46/100:tat yathā yaḥ yatra apradhānam bhavati saḥ āha guṇabhūtāḥ vayam atra iti |
47/100:asti ācāre vartate |
48/100:tat yathā guṇavān ayam brāhmaṇaḥ iti ucyate yaḥ samyak ācāram karoti |
49/100:asti saṃskāre vartate |
50/100:tat yathā saṃskṛtam annam guṇavat iti ucyate |
51/100:atha vā sarvatra eva ayam guṇaśabdaḥ sameṣu avayaveṣu vartate |
52/100:tat yathā dviguṇam adhyayanam triguṇam adhyayanam iti ucyate |
53/100:carcāguṇān kramaguṇān ca apekṣya bhavati na saṃhitāguṇān carcāguṇān ca |
54/100:yadi evam guṇavat annam iti guṇaśabdaḥ na upapadyate |
55/100:na hi annasya sūpādayaḥ guṇāḥ samāḥ bhavanti |
56/100:na avaśyam varṣmataḥ parimāṇataḥ eva vā sāmyam bhavati |
57/100:kim tarhi yuktitaḥ api |
58/100:ātaḥ ca yuktitaḥ |
59/100:yaḥ hi mudgaprasthe lavaṇaprastham prakṣipet na adaḥ yuktam syāt |
60/100:yadi tāvat adeḥ annam na adaḥ attavyam syāt |
61/100:atha aniteḥ annam na adaḥ jagdvhā prāṇyāt |
62/100:śuklādiṣu tarhi vartyabhāvāt vṛttiḥ na prāpnoti |
63/100:śuklatvam |
64/100:śuklatā iti |
65/100:kim punaḥ kāraṇam śuklādayaḥ eva udāhriyante na punaḥ vṛkṣādayaḥ api |
66/100:vṛkṣatvam vṛkṣatā iti |
67/100:asti atra viśeṣaḥ |
68/100:ubhayavacanāḥ hi ete dravyam ca āhuḥ guṇam ca |
69/100:yataḥ dravyavacanāḥ tataḥ vṛttiḥ bhaviṣyati |
70/100:ime api tarhi ubhayavacanāḥ |
71/100:katham |
72/100:ārabhyate matublopaḥ guṇavacanebhyaḥ matupaḥ luk bhavati iti |
73/100:yataḥ dravyavacanāḥ tataḥ vṛttiḥ bhaviṣyati |
74/100:ḍitthādiṣu tarhi vartyabhāvāt vṛttiḥ na prāpnoti |
75/100:ḍitthatvam |
76/100:ḍitthatā |
77/100:ḍāmbhiṭṭatvam iti |
78/100:atra api kaḥ cit prāthamakalpikaḥ ḍitthaḥ ḍāmbhiṭṭaḥ ca |
79/100:tena kṛtām kriyām guṇam vā yaḥ kaḥ cit karoti saḥ ucyate ḍitthatvam te etat ḍāmbhiṭṭatvam te etat |
80/100:evam ḍitthāḥ kurvanti |
81/100:evam ḍāmbhiṭṭāḥ kurvanti |
82/100:yaḥ tarhi prāthamakalpikaḥ ḍitthaḥ ḍāmbhiṭṭaḥ ca tasya vartyabhāvāt vṛttiḥ na prāpnoti |
83/100:na eṣaḥ doṣaḥ |
84/100:yathā eva tasya kāthañcitkaḥ prayogaḥ evam vṛttiḥ api bhaviṣyati |
85/100:yat vā sarve bhāvāḥ svena bhāvena bhavanti saḥ teṣām bhāvaḥ tadabhidhāne |*
86/100:kim ebhiḥ tribhiḥ bhāvagrahaṇaiḥ kriyate |
87/100:ekena śabdaḥ pratinirdiśyate dvābhyām arthaḥ |
88/100:yat vā sarve śabdāḥ svena arthena bhavanti |
89/100:saḥ teṣām arthaḥ iti tadabhidhāne vā tvatalau bhavataḥ iti vaktavyam |
90/100:na evam anyatra bhavati |
91/100:na hi tena raktam rāgāt iti atra śabdena rakte pratyayāḥ utpadyante |
92/100:śabde asambhavāt arthena rakte pratyayāḥ bhaviṣyanti |
93/100:tat tarhi anyatarat kartavyam |
94/100:sūtram ca bhidyate |
95/100:yathānyāsam eva astu |
96/100:nanu ca uktam tasya bhāvaḥ iti abhiprāyādiṣu atiprasaṅgaḥ iti |
97/100:uktam vā |*
98/100:kim uktam |
99/100:anabhidhānāt iti |
100/100:anabhidhānāt abhiprāyādiṣu utapattiḥ na bhaviṣyati |

1/59:tvatalbhyām nañsamāsaḥ pūrvavipratiṣiddham tvataloḥ svarasiddhyartham |*
2/59:tvatalbhyām nañsamāsaḥ bhavati pūrvavipratiṣdhena |
3/59:kim prayojanam |
4/59:tvataloḥ svarasiddhyartham |
5/59:tvataloḥ svarasiddhiḥ yathā syāt |
6/59:tvataloḥ avakāśaḥ bhāvasya vacanam pratiṣedhasya avacanam |
7/59:brāhmaṇatvam |
8/59:brāhmṇatā |
9/59:nañsamāsasya avakāśaḥ pratiṣedhasya vacanam bhāvasya avacanam |
10/59:abrāhmaṇaḥ |
11/59:avṛṣalaḥ |
12/59:ubhayavacane ubhayam prāpnoti |
13/59:abrāhmaṇatvam |
14/59:abrāhmaṇatā |
15/59:nañsamāsaḥ bhavati pūrvavipratiṣdhena |
16/59:saḥ tarhi pūrvavipratiṣedhaḥ vaktavyaḥ |
17/59:na vaktavyaḥ |
18/59:na atra tvatalau prāpnutaḥ |
19/59:kim kāraṇam |
20/59:asāmarthyāt |
21/59:katham asāmarthyam |
22/59:sāpekṣam asamartham bhavati iti |
23/59:yāvatā brāhmaṇaśabdaḥ pratiṣedham apekṣate |
24/59:nañsamāsaḥ api tarhi na prāpnoti |
25/59:kim kāraṇam |
26/59:asāmarthyāt eva |
27/59:katham asāmarthyam |
28/59:sāpekṣam asamartham bhavati iti |
29/59:yāvatā brāhmaṇaśabdaḥ bhāvam apekṣate |
30/59:pradhānam tadā brāhmaṇaśabdaḥ |
31/59:bhavati ca pradhānasya sāpekṣasya api samāsaḥ |
32/59:idam tarhi prayojanam |
33/59:nañsamādāt anyaḥ bhāvavacanaḥ svarottarapadavṛddhyartham iti vakṣyati |
34/59:tatra vyavasthārtham idam vaktavyam |
35/59:vā chandasi |*
36/59:vā chandasi nañsamāsaḥ vaktavyaḥ |
37/59:nirvīryatām vai yajamānaḥ āśāste apaśutām |
38/59:ayonitvāya |
39/59:aśithilatvāya |
40/59:agotām anapatyatām |
41/59:bhavet idam yuktam udāharaṇam |
42/59:ayonitvāya |
43/59:aśithilatvāya iti |
44/59:idam tu ayuktam apaśutām iti |
45/59:na hi asau samāsabhāvam āśāste |
46/59:kim tarhi |
47/59:uttarapadābhāvam āśāste |
48/59:na paśoḥ bhāvaḥ iti |
49/59:nañsamāsāt anyaḥ bhāvavacanaḥ |*
50/59:nañsamāsāt anyaḥ bhāvavacanaḥ bhavati vipratiṣedhena |
51/59:kim prayojanam |
52/59:svarottarapadavṛddhyartham |
53/59:svarārtham uttarapadavṛddhyartham ca |
54/59:svarārtham tāvat |
55/59:aprathimā |
56/59:amradimā |
57/59:uttarapadavṛddhyartham |
58/59:aśauklyam |
59/59:akārṣṇyam |

tasya iti ṣaṣṭhīsarmarthād ityetasminnarthe tvatalau pratyayau bhavataḥ. bhavato'smādabhidhānapratyayau iti bhāvaḥ. śabdasya pravṛttinimittaṃ bhāvaśabdena ucyate. aśvasya bhāvaḥ aśvatvam, aśvatā. gotvam, gotā.

tasya bhāvas tvatalau 5.1.119 tasya iti ṣaṣthīsamarthād bhāvaḥ ityetasmninnarthe tavatalau pratyayau bhavataḥ. bhavato 'smādabhidhānapratyayau iti bhāvaḥ. śabdasya pravṛttinimittaṃ bhāvaśabdena ucyate. aśvasya bhāvaḥ aśvatvam, aśvatā. gotvam, gotā.

tasya bhāvastvatalau. , 5.1.118 bhavateranekārthatvādbhavāśabdo'yamabhiprāyādiṣvanekeṣu vatrtate. tatra na jñāyate-ko'trārto bhāvaśabdena vivakṣitaḥ? ityatastatparijñānārthamāha--"bhavato'smāt()" iti. yasmādgotrāderviśeṣaṇatvādviśeṣye gavādau gaurityevamādikaḥ śabdo bhavati, gotvākāravatī ca buddhistena yo'rtho gavādeḥ śabdasya pravṛttanimittaṃ sa bhāvaśabdenocyate. tathā coktam()--"yasya gaṇasya bhāvāddravye śabdaniveśastadabhidhāne tvatalau" iti. guṇa iti viśeṣaṇamihocyate, dravyaṃ viśeṣyam(). yasya viśeṣaṇasya bhāvādvidyamānatvādviśeṣye śabdasya niveśaḥ pravṛttirbhavati, tadabhidhāne tvatalādayaḥ pratyāyaḥ bhavanti. tat? panaḥ śabdānāṃ pravṛttinimittamanekaprakāram(); jātiśabdānāṃ jātiḥ--a()ātvamiti, guṇaśabdānāṃ guṇaḥ--śuklatvamiti, kriyāśabdānāṃ kriyā-pācakatvamiti. kecittu kriyākārakasambandhaṃ kriyāśabdānāṃ pravṛttinimittamicchanti. yadṛcchāśabdānāṃ saṃjñāsaṃjñisambandhitvamiti saṃkṣepeṇaitaduktam(). vistareṇa tu bhāṣyādāvuktamiti tata evānugantavyam(). atha nānātvamityādau kathaṃ pratyayo bhavati? kathaṅkāraṃ na bhavitavyam()? ṣaṣṭhīsamarthāt pratyayavidhānāt(), nānetyevamādīnāñcāvyayānāṃ ṣaṣṭha()rthenāyogāt(), ayogāstu teṣāmasattvavācitvāt()? naiṣa doṣaḥ; sasattvabhūto'pyarthaḥ śabdāntareṇa pratyavamṛṣṭaḥ ṣaṣṭha()rethena prayujyate--nānetyasya bhāva iti. tañca pratyavamṛṣṭārthaṃ vṛttireva gamayatīti nānupapannā ṣaṣṭīsamarthatā॥

tasya bhāvastvatalau 1156, 5.1.118 prakṛtijanyabodhe prakāro bhāvaḥ. gorbhāvo gotvam. gotā. tvāntaṃ klībam॥

tasya bhāvaḥ. ṣaṣṭha\ufffdntādbhāva ityarthe tvatalau sta ityarthaḥ. bhāvaśabdasya abhiprāyādāvapi vṛtterāha–prakāro bhāva iti. tvatalpratyayau yata utpatseyete tasmātprakṛtibhūtaśabdād?vyaktibodhe jāyamāne yajjātyādikaṃ viśeṣaṇatayā bhāsate tadvyaktiviśeṣaṇaṃ bhāvaśabdena vivakṣitamityarthaḥ. yathā-gośabdāddhi vyaktibodhe jāyamāne gotvaṃ viśeṣaṇatvena bhāsate, gośabdasya gotvavatīṣu vyaktiṣu, gotve ca śaktigrahaṇāt. na hi gotvaṃ vihāya govyaktiṣu gośabdasya śaktigrahaḥ. sambhavati atītānāgatānāṃ vartamānānāṃ cā'nantatvena yugapadupasthityasambhavādgośabdāt prāṇitvapaśutvādirūpeṇā'pi govyaktipratītyāpatteśca. tataśca sarvāsu govyaktiṣvanugataṃ taditaravyaktibhyo vyāvṛttaṃ kañciddharmaviśeṣaṃ śakyatāvacchedakaṃ puraskṛtya gośabdaḥ pravartata iti siddhāntaḥ. evaṃ ghaṭādiśabdā api ghaṭatvādittaddharmaṃ puraskṛtya pravartante. tadidaṃ śabdapravṛttinimittaṃ bodhaḥ. tvāntaṃ klībaṃ talantaṃ striyāmiti. liṅgānuśāsanasūtrasiddhamidam.

tasya bhāvastvatalau 1758, 5.1.118 tasya bhāvaḥ. ṣaṣṭha()ntādbhāva ityarthe tvatalau sta ityarthaḥ. bhāvaśabdasya abhiprāyādāvapi vṛtterāha--prakāro bhāva iti. tvatalpratyayau yata utpatseyete tasmātprakṛtibhūtaśabdād()vyaktibodhe jāyamāne yajjātyādikaṃ viśeṣaṇatayā bhāsate tadvyaktiviśeṣaṇaṃ bhāvaśabdena vivakṣitamityarthaḥ. yathā-gośabdāddhi vyaktibodhe jāyamāne gotvaṃ viśeṣaṇatvena bhāsate, gośabdasya gotvavatīṣu vyaktiṣu, gotve ca śaktigrahaṇāt. na hi gotvaṃ vihāya govyaktiṣu gośabdasya śaktigrahaḥ. sambhavati atītānāgatānāṃ vartamānānāṃ cā'nantatvena yugapadupasthityasambhavādgośabdāt prāṇitvapaśutvādirūpeṇā'pi govyaktipratītyāpatteśca. tataśca sarvāsu govyaktiṣvanugataṃ taditaravyaktibhyo vyāvṛttaṃ kañciddharmaviśeṣaṃ śakyatāvacchedakaṃ puraskṛtya gośabdaḥ pravartata iti siddhāntaḥ. evaṃ ghaṭādiśabdā api ghaṭatvādittaddharmaṃ puraskṛtya pravartante. tadidaṃ śabdapravṛttinimittaṃ bodhaḥ. tvāntaṃ klībaṃ talantaṃ striyāmiti. liṅgānuśāsanasūtrasiddhamidam.

tasya bhāvastvatalau. prakṛtīti. na tu yaḥ kaściddharmaḥ, ghaṭatvamityatra dravyatvapṛthivītvāderabhānāt. gorbhāva iti. iha gośabdo'rthaparaḥ, śabdasvarūpaparo veti pañcadvayam. yadā'rthaparastadā dharmaviśeṣaḥ pratyayārthaḥ, sa ca dharmatvenaiva bhāsate. `prakṛtijanye'tyādistu prayogopādhiḥ. yadā tu śabdaparastadā tajjanyabodhaprakāraḥ pratyayarthaḥ. sa ca dharmaviśeṣa eva. `pācakatva'mityatra tu kartṛtvarūpasaṃbandhaḥ prakāraḥ. `pacyamānatva'mityatra tu karmatvarūpasaṃbandhaḥ. tathā `aupagavatva'mityatra janyatvarūpasaṃbandhaḥ prakāraḥ. `rājapuruṣatva'mityatra tu svarūpasaṃbandha ityādyahram. evaṃ sthite hariṭīkāyāṃ yaduktaṃ `kṛttaddhitasamāsebhyaḥ saṃbandhābhidhānaṃ bhāvapratyayeneti, tatra nā'pūrvaṃ śaktyantaraṃ kalpyam. uktarītyaiva tatrāpyupapatteriti saṃkṣepaḥ.

tasya bhāvastvatalau 1355, 5.1.118 tasya bhāvastvatalau. prakṛtīti. na tu yaḥ kaściddharmaḥ, ghaṭatvamityatra dravyatvapṛthivītvāderabhānāt. gorbhāva iti. iha gośabdo'rthaparaḥ, śabdasvarūpaparo veti pañcadvayam. yadā'rthaparastadā dharmaviśeṣaḥ pratyayārthaḥ, sa ca dharmatvenaiva bhāsate. "prakṛtijanye"tyādistu prayogopādhiḥ. yadā tu śabdaparastadā tajjanyabodhaprakāraḥ pratyayarthaḥ. sa ca dharmaviśeṣa eva. "pācakatva"mityatra tu kartṛtvarūpasaṃbandhaḥ prakāraḥ. "pacyamānatva"mityatra tu karmatvarūpasaṃbandhaḥ. tathā "aupagavatva"mityatra janyatvarūpasaṃbandhaḥ prakāraḥ. "rājapuruṣatva"mityatra tu svarūpasaṃbandha ityādyahram. evaṃ sthite hariṭīkāyāṃ yaduktaṃ "kṛttaddhitasamāsebhyaḥ saṃbandhābhidhānaṃ bhāvapratyayeneti, tatra nā'pūrvaṃ śaktyantaraṃ kalpyam. uktarītyaiva tatrāpyupapatteriti saṃkṣepaḥ.