tadasya ityeva. taditi prathamāsamarthādasya iti ṣaṣṭhyarthe ṭhak pratyayo bhavati, yat tatprathamāsmarthaṃ karma cet tad vṛttam adhyayanaviṣayaṃ bhavati. ekamanyadadhyayane karma vṛttam asya aikānyikaḥ. dvaiyanyikaḥ. traiyanyikaḥ. ekamanyatiti vigṛhya taddhitārtha iti samāsaḥ. tataśca ṭhak pratyayaḥ. adhyayane karma vṛttam ityetat sarvaṃ taddhitavṛttāvantarbhavati. yasya adhyayanaprayuktasya parīkṣākāle paṭhataḥ skhalitam apapāṭharūpam ekaṃ jātaṃ sa ucyate aikānyikaḥ iti. evaṃ dvaiyanyikaḥ traiyanyika iti.

karmādhyayane vṛttam 4.4.63 tadasya ityeva. taditi prathamāsamarthādasya iti ṣaṣṭhyarthe ṭhak pratyayo bhavati, yat tatprathamāsmarthaṃ karma cet tad vṛttam adhyayanaviṣayaṃ bhavati. ekamanyadadhyayane karma vṛttam asya aikānyikaḥ. dvaiyanyikaḥ. traiyanyikaḥ. ekamanyatiti vigṛhya taddhitārtha iti samāsaḥ. tataśca ṭhak pratyayaḥ. adhyayane karma vṛttam ityetat sarvaṃ taddhitavṛttāvantarbhavati. yasya adhyayanaprayuktasya parīkṣākāle paṭhataḥ skhalitam apapāṭharūpam ekaṃ jātaṃ sa ucyate aikānyikaḥ iti. evaṃ dvaiyanyikaḥ traiyanyika iti.

karmādhyayane vṛttam. , 4.4.63 kriyayā yadvyāpyamānamīpsitatamamanīpsitatamaṃ vā tat karma. iha tvanīpsitatamaṃ gamyate. ata evāha-- "yasyādhyayanaprayuktasya" ityādi. na hi kasyacidadhyayane yuktasya parīkṣākāle paṭhataḥ skhalitapāṭharūpamīpsitaṃ bhavati. adhyayanaśabdo bhāvasādhanaḥ, karmasādhano vā. adhītam, adhīyate, vā'dhyayanam. vṛttaṃ = bhūtamutpannamityarthaḥ. "ekamanyatityādi. samyak pāṭhāpekṣayānyo'rtho veditavyaḥ. "dvaiyanyikaḥ; traiyanyikaḥ" iti. "na yvābhyāṃ padāntābhyām" 7.3.3 ityaijāgamaḥ. "adhyayane karma vṛttamityetat sarvaṃ taddhitavṛttāvantarbhavati" iti. tena tatrādhyayanavṛttaśabdo'vagatārthatvānna prayujyata iti bhāvaḥ॥

karmādhyayane vṛttam. `tadasya paṇya'mityatastadasyetyanuvartate. `tadasya karmādhyayane vṛtta'mityarthanirdeśaḥ. tatra `ta'dityanena viśeṣyeṇa karma vṛttamityanveti. karmaśabdaḥ kriyāparaḥ. vṛttamityasya jātamityarthaḥ. vṛttaṃ karma prati viśeṣyasamarpakaṃ taditi prathamoccāritam. tataśca sya adhyayanaviṣaye `tatkarma vṛtta'mityarthe tacchabdagamyaviśeṣyavācakātprathamāntāṭṭhak syādityarthaḥ. tadāha– prathamāntāditi. `vṛttaṃ karma prati viśeṣyasamarpakā' diti śeṣaḥ. adhyayane vṛtteti. viṣayasaptamyeṣā. yā kriyeti. anena karmaśabdaḥ kriyāpara iti sūcitam. prathamāntasyārtha iti. `anena karma vṛtta'mityetattadityasya prathamāntasya viśeṣaṇamiti sūcitam. tadityananuvṛttau karmaśabdasyaiva sūtre pratamānirdiṣṭatvāttata eva pratyayaḥ syāt, natu tadviśeṣyavācakāt, tasya prathamānirdiṣṭatvā'bhāvādityabhipretyodāharati–etamanyadvṛttamasya aikānyika iti. `taddhitārtha' iti samāse ekānyaśabdāṭṭhahagiti bhāvaḥ. dvaiyanyikaḥ, traiyanyikaḥ. aijāgamo viśeṣaḥ.

karmādhyayane vṛttam 1593, 4.4.63 karmādhyayane vṛttam. "tadasya paṇya"mityatastadasyetyanuvartate. "tadasya karmādhyayane vṛtta"mityarthanirdeśaḥ. tatra "ta"dityanena viśeṣyeṇa karma vṛttamityanveti. karmaśabdaḥ kriyāparaḥ. vṛttamityasya jātamityarthaḥ. vṛttaṃ karma prati viśeṣyasamarpakaṃ taditi prathamoccāritam. tataśca sya adhyayanaviṣaye "tatkarma vṛtta"mityarthe tacchabdagamyaviśeṣyavācakātprathamāntāṭṭhak syādityarthaḥ. tadāha--prathamāntāditi. "vṛttaṃ karma prati viśeṣyasamarpakā" diti śeṣaḥ. adhyayane vṛtteti. viṣayasaptamyeṣā. yā kriyeti. anena karmaśabdaḥ kriyāpara iti sūcitam. prathamāntasyārtha iti. "anena karma vṛtta"mityetattadityasya prathamāntasya viśeṣaṇamiti sūcitam. tadityananuvṛttau karmaśabdasyaiva sūtre pratamānirdiṣṭatvāttata eva pratyayaḥ syāt, natu tadviśeṣyavācakāt, tasya prathamānirdiṣṭatvā'bhāvādityabhipretyodāharati--etamanyadvṛttamasya aikānyika iti. "taddhitārtha" iti samāse ekānyaśabdāṭṭhahagiti bhāvaḥ. dvaiyanyikaḥ, traiyanyikaḥ. aijāgamo viśeṣaḥ.

karmādhyayane. `tadasye'tyanuvartate, ṭhagihādhikriyata. eva tadāha— prathamāntādityādi. aikānyika iti. ekamanyaditi vigṛhra`taddhitārthā 'iti samāsaḥ, tataṣṭhak. evaṃ dvaiyanyikaḥ traiyanyika ityudāhāryam. iha tu vṛdiṃ?dha bādhitvā `na dhvābhyā' mityaic.

karmādhyayane vṛttam 1228, 4.4.63 karmādhyayane. "tadasye"tyanuvartate, ṭhagihādhikriyata. eva tadāha---prathamāntādityādi. aikānyika iti. ekamanyaditi vigṛhra"taddhitārthā "iti samāsaḥ, tataṣṭhak. evaṃ dvaiyanyikaḥ traiyanyika ityudāhāryam. iha tu vṛdiṃ()dha bādhitvā "na dhvābhyā" mityaic.