paripanthaśabdāt taditi dvitīyāsamarthāt tiṣṭhati ityetasminnarthe ṭhak pratyayo bhavati. paripanthaṃ tiṣṭhati pāripanthikaścauraḥ. cakāro bhinnakramaḥ pratyayārthaṃ samuccinoti. paripanthaṃ hanti pāripanthikaḥ. samarthavibhaktiprakaraṇe punar dvitiyoccāraṇaṃ laukikavākyapradarśanārtham. paripathaśabdaparyāyaḥ paripanthaśabdo 'sti iti jñāpayati. sa viṣayāntare 'pi prayoktavyaḥ.

paripanthaṃ ca tiṣṭhati 4.4.36 paripanthaśabdāt taditi dvitīyāsamarthāt tiṣṭhati ityetasminnarthe ṭhak pratyayo bhavati. paripanthaṃ tiṣṭhati pāripanthikaścauraḥ. cakāro bhinnakramaḥ pratyayārthaṃ samuccinoti. paripanthaṃ hanti pāripanthikaḥ. samarthavibhaktiprakaraṇe punar dvitiyoccāraṇaṃ laukikavākyapradarśanārtham. paripathaśabdaparyāyaḥ paripanthaśabdo 'sti iti jñāpayati. sa viṣayāntare 'pi prayoktavyaḥ.

paripanthañca tiṣṭhati. , 4.4.36 yathā parimukhañceti parimukhaśabdasyāvyayībhāvatvaṃ tatpuruṣatvañca, tathehāpi paripanthaśabdasya taddvayaṃ veditavyam. "taditi dvitīyāsamarthāt" iti. nanu ca tiṣṭhatirayamakarmakaḥ tatkathaṃ dvitīyayā saha sambandhaḥ? naiṣa doṣaḥ; akarmaṇāmapi hi {kālabhāvādhvanāṃ mudritapāṭhaḥ} kālabhāvādhnaḥ karmasaṃjñāṃ pratipadyante. tathā coktam-- "kālabhāvādhvagantavyāḥ karmasaṃjñā hrakarmaṇām" (vā.1.3.51) iti. "pāripanthikaścauraḥ" ityavyayībhāvaḥ. cauro yaḥ panthānaṃ varṇayitvā tiṣṭhati sa pāripanthikaśabdenocyate. tatpuruṣapakṣe tu yaścauraḥ patho vyāpya tiṣṭhati sa paripanthika ucyate. "cakāraḥ" ityādi. tiṣṭhati cetyatra pratyayārthasamanantarameva cakāro draṣṭavyaḥ, tena samānajātīyasyaiva pratyayārthasya samuccayaṃ karoti. atha prakṛtereva samuccayaḥ kasmānna vijñāyate? karmatvānupapatteḥ. tatra hi dvitīyā samarthavibhaktiranuvatrtate, tiṣṭhateścākarmakatvāt prakṛtāyā matsyādeḥ pkṛteḥ karmabhāvo nopapadyate. kālabhāvādhvanāmeva hrakarmakāṇāṃ karmasaṃjñeṣyate, na matsyādīnām. laukikavākyapradarśanārthaṃ tadetad()dvitīyoccāraṇaṃ karotītyāha-- "{paripathaśabdaparyāyaḥ---kāśikā}paripathaparyāyaḥ" iti. kimetasya jñāpane prayojanamityāha-- "sa viṣayāntare" ityādi. asati hrasmin jñāpane ṭhakpratyayasanniyogena prakṛtirnirdiśyamānā pratyayābhāvena prasajyate. jñāpane tu sati yatrāpi pratyayo na bhavati tatrāpi prayoga upapadyate॥

paripanthaṃ ca tiṣṭhati. asmāditi. paripanthaśabdādityarthaḥ. cakārāddhantītyanukṛṣyate. tadāha–tiṣṭhati hanti ceti. panthānaṃ varjayitveti. etena `apaparī varjane' iti pareḥ karmapravacanīyatve `pañcamyapāṅparibhi'riti pañcamyām `apaparibahirañcavaḥ pañcamye'ti avyayībhāvasamāsaḥ sucitaḥ. vyāpta veti. etena sarvataḥśabdaparyāyasya pareḥ parigataḥ panthā iti prādisamāse paripanthaśabda iti sūcitam. avyayībhāvaḥ, prādisamāso vetyapi bodhyam. ubhayathā'pi kriyāviśeṣaṇatvāddvitīyāntatvam. idameva sūcayituṃ prakṛterapi dvitīyoccāraṇamiti vṛttikṛtaḥ idamevābhipretya vigrahaṃ darśayati–paripanthaṃ tiṣṭhatīti.

paripanthaṃ ca tiṣṭhati 1565, 4.4.36 paripanthaṃ ca tiṣṭhati. asmāditi. paripanthaśabdādityarthaḥ. cakārāddhantītyanukṛṣyate. tadāha--tiṣṭhati hanti ceti. panthānaṃ varjayitveti. etena "apaparī varjane" iti pareḥ karmapravacanīyatve "pañcamyapāṅparibhi"riti pañcamyām "apaparibahirañcavaḥ pañcamye"ti avyayībhāvasamāsaḥ sucitaḥ. vyāpta veti. etena sarvataḥśabdaparyāyasya pareḥ parigataḥ panthā iti prādisamāse paripanthaśabda iti sūcitam. avyayībhāvaḥ, prādisamāso vetyapi bodhyam. ubhayathā'pi kriyāviśeṣaṇatvāddvitīyāntatvam. idameva sūcayituṃ prakṛterapi dvitīyoccāraṇamiti vṛttikṛtaḥ idamevābhipretya vigrahaṃ darśayati--paripanthaṃ tiṣṭhatīti.

paripanthaṃ ca. parimukhavadayamavyayībhāvastatpuruṣo vā. kriyāviṣayatvāttiṣṭhaterakarmakatve'pi paripanthasya karmatvamastyevetyāha— dvitīyāntāditi. cakāro bhinnakramaḥ pratyayārthaṃ samuccinotītyāha—tiṣṭhati hanti ceti.

paripanthaṃ ca tiṣṭhati 1211, 4.4.36 paripanthaṃ ca. parimukhavadayamavyayībhāvastatpuruṣo vā. kriyāviṣayatvāttiṣṭhaterakarmakatve'pi paripanthasya karmatvamastyevetyāha---dvitīyāntāditi. cakāro bhinnakramaḥ pratyayārthaṃ samuccinotītyāha---tiṣṭhati hanti ceti.