tad vahati rathayugaprāsaṅgam 4-4-76 iti vakṣyati. prāgetasmād vahatisaṃśabdanād yānarthānanukramamiṣyāmaḥ, ṭhak pratyayas teṣvadhikṛto veditavyaḥ. vakṣyati tena dīvyati khanati jayati jitam 4-4-2 iti. akṣair dīvyati ākṣikaḥ. ṭhakprakaraṇe tadāheti māśabdādibhya upasaṅkhyānam. māśabdaḥ ityāha māśabdikaḥ. naityaśabdikaḥ kāryaśabdikaḥ. vākyādetat pratyayavidhānam. āhau prabhūtādibhyaḥ. prabhūtam āha prābhūtikaḥ. pāryāptikaḥ. kriyāviśeṣaṇat pratyayaḥ. pṛcchatau susnātādibhyaḥ. susnataṃ pṛcchati sausnātikaḥ. saukharātrikaḥ. saukhaśāyanikaḥ. gacchati paradārādibhyaḥ. paradārān gacchati pāradārikaḥ. gaurutalpikaḥ.

prāg vahateṣ ṭhak 4.4.1 tad vahati rathayugaprāsaṅgam 4.4.76 iti vakṣyati. prāgetasmād vahatisaṃśabdanād yānarthānanukramamiṣyāmaḥ, ṭhak pratyayas teṣvadhikṛto veditavyaḥ. vakṣyati tena dīvyati khanati jayati jitam 4.4.2 iti. akṣair dīvyati ākṣikaḥ. ṭhakprakaraṇe tadāheti māśabdādibhya upasaṅkhyānam. māśabdaḥ ityāha māśabdikaḥ. naityaśabdikaḥ kāryaśabdikaḥ. vākyādetat pratyayavidhānam. āhau prabhūtādibhyaḥ. prabhūtam āha prābhūtikaḥ. pāryāptikaḥ. kriyāviśeṣaṇat pratyayaḥ. pṛcchatau susnātādibhyaḥ. susnataṃ pṛcchati sausnātikaḥ. saukharātrikaḥ. saukhaśāyanikaḥ. gacchati paradārādibhyaḥ. paradārān gacchati pāradārikaḥ. gaurutalpikaḥ.

prāgvahateṣṭhak. , 4.4.1 atha prāggrahaṇaṃ kimartham? arthaviśeṣe pratyayāntareṇāpavādena nivartitasya ṭhaka uttarasmin granthāntare punarupasthānaṃ yathā syādityavemartham. tadyathā-- "saṃskṛtam" 4.4.3 ityetasminnarthaviśeṣe "kulatthakopadhāt" 4.4.4 ityaṇā nivarttitasyottaratrārthāntare "tarati" 4.4.5 ityetasminnarthe punarupasthānaṃ yathā syāditi. "ṭhakprakaraṇe" ityādi. taditi karmābhidhāyibhya āhetyetasminnarthe māśabdādibhyaṣṭhaka upasaṃkhyānan. "vākyādetat pratyayavidhānam" iti. sa eva hi vākyārtha iti nāvamṛṣṭaḥ karmabāvamupagataḥ. tadāheti nirdiśyate--tadabhidāyina eva vākyāt pratyaya iti. padasamudāyo hi vākyamiti. "mā" ityetasya ca "śabda" ityetasya ca padasya yaḥ padasya yaḥ samudāyastadvākyam. evamanyatrāpi veditavyam. kathaṃ punaḥ prātipadikādhikāre vākyātpratyayavidhiḥ? ityata āha--- "prabhūtādibhyaḥ" iti. punarvacanāt. yadi hranenāpi prātipadikādeva pratyayavidhiḥ syādevaṃ sati "{āheti prabhūtādibhyaḥ---prāṃu.pāṭhaḥ} āhau prabhūtādibhyaḥ" (vā.483) iti punarupasaṃkhyānamanarthakaṃ syāt; anenaiva siddhatvāt. prabhūtādayo'pi hi māśabdādayo bhaviṣyanti, te ca karmābhidhāyina eva pratyayamutpādayanti; kriyāviśeṣaṇābhidhāyitvāt. kriyāviśeṣaṇānāṃ hi karmatvaṃ "tatpratyanupūrvamīpalomakūlam" 4.4.28 ityatra pratipādayiṣyate-- pratyayārtho'pyaheti. sa eva tasmādāheti prabhūtādibhya itipunarvacanādvākyādeva pratyavidhānaṃ vijñāyate. "kriyāviseṣaṇāt" iti. prabhūtādiśabdaḥ kriyāviśeṣaṇābhidhāyitvādabhidhāne'bhidheyopacāraṃ kṛtvā kriyāviśeṣamaśabdenoktaḥ॥

prāgvahateṣṭhak. vahatītyekadeśena `tadvahati rathayugaprāsaṅga'miti sūtraṃ parāmṛśyate ityabhipretyāha–tadvahatītyata āti. vyutkrameṇa tacchabdānantaraṃ draṣṭavyaḥ. tadityāhetyarthe māśabda– svāgataityādiśabdebhyaṣṭhaka upasaṅkhyānamityanvayaḥ. `ta'dityanena vākyārtho vivakṣitaḥ. itiśabdastasya vākyārthasya karmatvaṃ gamayati. `mā śabdaṃ kārṣī'rityāhetyādyarthe tadvākyāvayavāt `māśabda' ityādiśabdāṭṭhagiti yāvat. māśābdika iti. śabdaṃ mā kārṣīrityanvayaḥ. `māṅi luṅi'ti loḍarthe luṅ. `na māḍa\ufffdoge' ityajāgamaniṣedhaḥ. śabdaṃ na kuru ityarthaḥ. atra āheti brāūñdhātvarthavyaktavacanakriyāṃ prati `mā śabdaṃ kārṣī'riti vākyārthaḥ karma. tadvākyaikadeśo māśabdeti samudāyaḥ. tasmānnirvibhaktikādayaṃ pratyayaḥ. na hi māśabdeti samudāyādvibhaktirasti. evaṃca māśabdeti samudāyāṭṭhaki `māśabdika' iti rūpam. `mā śabdaḥ kārī'ti pāṭhe tu kārīti karmaṇi luṅa. śabdo na kārya ityarthaḥ. naca tadāhetyarthe māśabdādibhyaṣṭhagiti yathāśrutamabyupagamya māśabdamāhetyādyarthe māśabdetyādiśabdebhyo dvitīyāntebhyaṣṭhagityeva kuto na vyākhyāyata iti vācyam, evaṃ sati `āhau prabhūtādibhyaḥ' ityuttaravārtikārambhavaiyarthadhyāpatteriti bhāvaḥ.

prāgvahateṣṭhak 1527, 4.4.1 prāgvahateṣṭhak. vahatītyekadeśena "tadvahati rathayugaprāsaṅga"miti sūtraṃ parāmṛśyate ityabhipretyāha--tadvahatītyata āti. tadāheti. itiśabdo vyutkrameṇa tacchabdānantaraṃ draṣṭavyaḥ. tadityāhetyarthe māśabda--svāgataityādiśabdebhyaṣṭhaka upasaṅkhyānamityanvayaḥ. "ta"dityanena vākyārtho vivakṣitaḥ. itiśabdastasya vākyārthasya karmatvaṃ gamayati. "mā śabdaṃ kārṣī"rityāhetyādyarthe tadvākyāvayavāt "māśabda" ityādiśabdāṭṭhagiti yāvat. māśābdika iti. śabdaṃ mā kārṣīrityanvayaḥ. "māṅi luṅi"ti loḍarthe luṅ. "na māḍa()oge" ityajāgamaniṣedhaḥ. śabdaṃ na kuru ityarthaḥ. atra āheti brāūñdhātvarthavyaktavacanakriyāṃ prati "mā śabdaṃ kārṣī"riti vākyārthaḥ karma. tadvākyaikadeśo māśabdeti samudāyaḥ. tasmānnirvibhaktikādayaṃ pratyayaḥ. na hi māśabdeti samudāyādvibhaktirasti. evaṃca māśabdeti samudāyāṭṭhaki "māśabdika" iti rūpam. "mā śabdaḥ kārī"ti pāṭhe tu kārīti karmaṇi luṅa. śabdo na kārya ityarthaḥ. naca tadāhetyarthe māśabdādibhyaṣṭhagiti yathāśrutamabyupagamya māśabdamāhetyādyarthe māśabdetyādiśabdebhyo dvitīyāntebhyaṣṭhagityeva kuto na vyākhyāyata iti vācyam, evaṃ sati "āhau prabhūtādibhyaḥ" ityuttaravārtikārambhavaiyarthadhyāpatteriti bhāvaḥ.

tadāheti māśabdādibhya upasaṃkhyānam. tadāhetīti. vākyādayaṃ pratyayavidhiḥ, śabdo mākārīti yo niśedhati sa `māśabdika'ityucyate. tathā nityaḥ śabda iti ya āha sa `naityaśabdikaḥ'. `kāryaśabdikaḥ'. iha vākyāddvitīyā na sambhavati, apratipadikatvāt. tena tacchabdena karmamātraṃ nirdiśyate. tacca vākyārtharūpamityāhuḥ. aijya syāditi. `na yvābhyā' miti prāpta aijāgamo'nena niṣidhyate, `na karme'tyato nañanuvartanāditi bhāvaḥ.

prāgvahateṣṭhak 1188, 4.4.1 tadāheti māśabdādibhya upasaṃkhyānam. tadāhetīti. vākyādayaṃ pratyayavidhiḥ, śabdo mākārīti yo niśedhati sa "māśabdika"ityucyate. tathā nityaḥ śabda iti ya āha sa "naityaśabdikaḥ". "kāryaśabdikaḥ". iha vākyāddvitīyā na sambhavati, apratipadikatvāt. tena tacchabdena karmamātraṃ nirdiśyate. tacca vākyārtharūpamityāhuḥ. aijya syāditi. "na yvābhyā" miti prāpta aijāgamo'nena niṣidhyate, "na karme"tyato nañanuvartanāditi bhāvaḥ.