deśe ityeva. kakāraupadhāt prātipadikādaṇ pratyayo bhavati śaisikaḥ. janapadavuño 'pavādaḥ. anyatra janapadaṃ muktvā pūrveṇa eva kopadhādaṇi siddham. ṛṣikeṣu jātaḥ ārṣikaḥ. māhiṣikaḥ. aṇgrahaṇam uvarṇāntādapi yathā syāt, ikṣvākuṣu jātaḥ aikṣvākaḥ.

kopadhādaṇ 4.2.132 deśe ityeva. kakāraupadhāt prātipadikādaṇ pratyayo bhavati śaisikaḥ. janapadavuño 'pavādaḥ. anyatra janapadaṃ muktvā pūrveṇa eva kopadhādaṇi siddham. ṛṣikeṣu jātaḥ ārṣikaḥ. māhiṣikaḥ. aṇgrahaṇam uvarṇāntādapi yathā syāt, ikṣvākuṣu jātaḥ aikṣvākaḥ.

kopadhādaṇ. , 4.2.131 "janapadavuño'pavādaḥ" iti. pūrvatpraptasya. kiṃ punardeśādanyatra vatrtamāno neṣyate, yo deśe vatrtate? ityāha-- "anyatretyādi pūrveṇa" iti."prasthottarapadāt" 4.2.109 iti sūtreṇa. athāṇgrahaṇaṃ kimartham, na kopadhādyathāvihitamevocyeta, yathāvihitamucyamāne'ṇapavādo vuñ syāditi cet? na; vuñvidhāne hi vacanamanarthakaṃ syāt,tena vinā vuñaḥ siddhatvāt. tasmādvacanasāmathryādvihito'ṇeva prāpnoti. anyena bādhitvā ata evāṇ ataevāṇ bhaviṣyatīti. sa hi "prāgdīvyato'ṇ" 4.1.83 iti vihito bādhitaśca vuñaivetyata āha-- "aṇgrahaṇam" ityādi. "ikṣvākuṣu jātaḥ"iti. ikṣvākuśabdādordeśe ṭhañ 4.2.118 prāptaḥ, tasmin janapadavuñā bādhite yadīhājgrahaṇaṃ na kriyate tadā punarvacanād()vuñeva bhavati, aṇgrahaṇādaṇeva bhavati. "aikṣvākaḥ" iti. "dāṇḍināyanahāstināyana" 6.4.174 ityādāvikṣvākuśabdasyokārasya lopo nipātitaḥ॥

kopadhādaṇ. māhiṣika iti. mahiṣiko nāma janapadaḥ, tatra bhava ityarthaḥ. `prasthottarapade'tyādinā siddhe janapadavuñbādhanārthamidam.

kopadhādaṇ 1337, 4.2.131 kopadhādaṇ. māhiṣika iti. mahiṣiko nāma janapadaḥ, tatra bhava ityarthaḥ. "prasthottarapade"tyādinā siddhe janapadavuñbādhanārthamidam.