ayam api niyamaḥ. yūnyapatye vivakṣite gotrādeva pratyayo bhavati, na paramaprakṛtyanantarayuvabhyaḥ. gārgyasya apatyaṃ yuvā gārgyāyaṇaḥ. vātsyāyanaḥ. dākṣāyaṇaḥ. plākṣāyaṇaḥ. aupagaviḥ. nāḍāyaniḥ. astriyām iti kim? dākṣī. plākṣī. kiṃ punaratra pratiṣidhyate? yadi niyamaḥ, striyām aniyamaḥ prāpnoti. atha yuvapratyayaḥ, striyā gotraprayayena abhidhānaṃ na prāpnoti gorasaṃjñāyāḥ yuvasaṃjñayā bādhitatvāt. tasmād yogavibhāgaḥ kartavyaḥ. gotrād yūni pratyayo bhavati. tato 'striyām. yūni yaduktaṃ tat striyāṃ na bhavati. yuvasaṃjñā eva pratiṣidhyate, tena strī gotrapratyayena abhidhāsyate.

gotrād yūnyastriyāṃ 4.1.94 ayam api niyamaḥ. yūnyapatye vivakṣite gotrādeva pratyayo bhavati, na paramaprakṛtyanantarayuvabhyaḥ. gārgyasya apatyaṃ yuvā gārgyāyaṇaḥ. vātsyāyanaḥ. dākṣāyaṇaḥ. plākṣāyaṇaḥ. aupagaviḥ. nāḍāyaniḥ. astriyām iti kim? dākṣī. plākṣī. kiṃ punaratra pratiṣidhyate? yadi niyamaḥ, striyām aniyamaḥ prāpnoti. atha yuvapratyayaḥ, striyā gotraprayayena abhidhānaṃ na prāpnoti gorasaṃjñāyāḥ yuvasaṃjñayā bādhitatvāt. tasmād yogavibhāgaḥ kartavyaḥ. gotrād yūni pratyayo bhavati. tato 'striyām. yūni yaduktaṃ tat striyāṃ na bhavati. yuvasaṃjñā eva pratiṣidhyate, tena strī gotrapratyayena abhidhāsyate.

gotrādyūnyastriyām. , 4.1.94 "ayamapi niyamaḥ" iti. na kevalaṃ pūrvaḥ--- ityapiśabdena darśayati. sarveṣāṃ hrapatyena yoge paramaprakṛtyanantarayuvabhyo'pi yuvāpatyavivakṣāyāṃ pratyayaḥ prāpnoti, atastannivṛttyarthaṃ niyamaḥ kriyate. "gotrādeva"iti. gotrapatyayāntādevetyarthaḥ. anena niyamasvarūpaṃ darśayati. "na parama" ityādinā niyamasya vyavacchedyam. "gāgryāyaṇaḥ, dākṣāyaṇaḥ" iti. gotre yau yañiñau vihitau tadantāt "yañiñośca" 4.1.101 iti phak. "aupagaviḥ" nāḍāyaniḥ" iti. gotre yāvaṇphakau vihitau tadantāt "ata iñ" 4.1.95. "dākṣī" iti. vakṣasyāpatyaṃ caturtha strī. "ata iñ" 4.1.95, "ito manuṣyajāteḥ" 4.1.65 iti ṅīṣ. "kiṃ punaratra pratiṣidhyate" iti. sarvasmin pratiṣidhyamāne doṣaṃ manyate. tameva doṣamāviṣkartumāha-- "yadi" ityādi. "striyāmaniyamaḥ prāpnoti" iti. paramaprakṛtyanantarayuvabhyo'pi striyāṃ yuvapratyayaḥ prāpnotītyarthaḥ. "gotrasaṃjñāyā yuvasaṃjñayā bādhitatvāt" iti. "jīvati tu vaṃśye yuvā" ityatra tuśabdo'vadhāraṇārthaḥ kṛtaḥ. tena abhidhānaṃ na prāpnoti. "tasmāt" ityādi. yata eva ca niyamayuvapratyayayorubhayorapi pratiṣedhe doṣaḥ, tasmāt tannirāsāya yogavibhāgaḥ katrtavyaḥ. tatra " gotrādyūni" ityeko yogaḥ, anena ca niyamaḥ kriyate, yadāha-- "gotrād yūni pratyayo bhavati" iti. tataḥ "astri yām" iti dvitīyo yogaḥ. tena ca yūnītyatra yaduktaṃ kāryaṃ tasya pratiṣedhaḥ kriyate, yadāha-- "yūni yaduktaṃ striyāṃ tanna bhavati" iti. "yuvasaṃjñaiva pratiṣidhyate" iti. katham? "astriyām" ityatra hi yoge yūnītyetadanuvatrtate, tenaivaṃ vijñāyate-- yūni yaduktaṃ kāryaṃ striyāṃ tanna bhavatīti. yuvasaṃjñā ca yūnyeva kāryayuktetyataḥ saiva pratiṣidhyate. "yuvasaṃjñaiva" iti. evakāreṇa niyamayuvapratyayovryavacchedaḥ kriyate. "tena strī gotrapatyayenābhidhāsyate" iti. tasyāṃ yuvasaṃjñāyāṃ pratiṣiddhāyāṃ gotrasaṃjñāyā avicalatvāt॥

gotrādyūnyastriyām 1014, 4.1.94 yūnyapatye gotrapratyayāntādeva pratyayaḥ syāt, striyāṃ tu na yuvasaṃjñā॥

gotrādyūnyastriyām. gargasya gotraṃ gārgyaḥ, gargasya tṛtīyaḥ. `gargādibhyaḥ' iti gotre yañ. gāgryasya tṛtīyaḥ sagargasya pañcamo yuvāpatyaṃ, tasminbubodhayiṣite gāgryaśabdāt gotrapratyayāntāt `yañiñośce'ti phaki `gāgryāyaṇa' iti rūpamiṣyate. tathā ṣaṣṭhādiṣvapi yuvāpatyeṣu `gāgryāyaṇa' ityeveṣyate. tadidamapatyaśabdaḥ putrapautrādisādhāraṇa iti pakṣe yadyapi sulabhameva,gargāttṛtīyaṃ gāgryaṃ prati pañcamādīnāmapyapatyatvāt, tathāpi gargasya pañcamādyapatye yūni vivakṣite gargānmūlaprakṛterapi iñ syāt. tathā gargasya antarāpatye iñi gārgiḥ, tadapatyatvena vivakṣite gargānmūlaprakṛterapi iñ syāt. tathā gargasya antarāpatye iñi gārgiḥ, tadapatyatvena vivakṣite gargasya pañcamādau yūni gārgeḥ phaki `gārgāyaṇa' ityapi syāt. tathā gargasya caturthe yūni gotratvā'bhāvāt yañabhāve iñi gārgiḥ. tadapatyatvena vivakṣite gargasya pañcamādau yūni gārgeḥ phaki `gārgāyaṇa' iti syāt. gotrapatyayāntādeva yūni pratyayā' iti niyamaḥ kriyate–gotrādyūnī'ti. tadāha–yūnyapatye gotrapratyayāntādeveti. natu mūlaprakṛtestadanantarāpatyapratyayāntādyuvapratyayāntācceti bhāvaḥ. nacāpatyaśabdaḥ putra eva rūḍha iti pakṣe pañcamādau yūni caturthādyapatyapratyayāntādeva pratyayaḥ syāt, natu tṛtīyavācigotrapratyayāntāditi tatra viṣyarthamevedaṃ syāt, natu niyamārthamiti vācyaṃ, `putrapautrādisādhāraṇo'patyaśabda' ityeva bhāṣye siddhāntitatvāditi bhāvaḥ. yogo vibhajyate. yūnītyanuvartate. ubhayamapi prathamayā vipariṇamyate. tathāca `strī uktayuvasaṃjñikā ne'ti phalitamiti bhāvaḥ. naca strībhinne yūni gotrādevetyarthaḥ kuto nāśrīyate, evaṃ satyekavākyatvalasābhāditi vācyaṃ, yuvasaṃjñayā gotrasaṃjñāyā bādhāt. naca `eko gotre' iti niyamāttannivṛttiḥ saṃbhavatīti vācyaṃ, yuvasaṃjñayā gotrasaṃjñāyā bādhāt. naca satyapi yogavibhāge `striyāṃ na yuvapratyaya' iti vyākhyāyatāmiti vācyaṃ, gotrapratyayena yuvatyabhidhānānāpatterityalam. gargasyeti. gargasya pañcamādau yūni gāgryaśabdādgotre yañantātphaki `gāgryāyaṇa' iti rūpamityarthaḥ. striyāṃ yuvasaṃjñāniṣedhasya prayojanaṃ darśayati–striyāmiti. pañcamādiyuvatīnāṃ yuvasaṃjñāniraheṇa gotratvāt. `eko gotre' iti niyamādgārgītyeva bhavati, natu gāgryāyaṇīti rūpamityarthaḥ. `strībhinne yūni gotrādeve'tyarthāśrayaṇe tu yuvasaṃjñayā gotrasaṃjñāyā bādhāt `eko gotre' ityasyā'pravṛtteḥ pratyayamālā syāditi bhāvaḥ.

gotrādyūnyastriyām 1078, 4.1.94 gotrādyūnyastriyām. gargasya gotraṃ gārgyaḥ, gargasya tṛtīyaḥ. "gargādibhyaḥ" iti gotre yañ. gāgryasya tṛtīyaḥ sagargasya pañcamo yuvāpatyaṃ, tasminbubodhayiṣite gāgryaśabdāt gotrapratyayāntāt "yañiñośce"ti phaki "gāgryāyaṇa" iti rūpamiṣyate. tathā ṣaṣṭhādiṣvapi yuvāpatyeṣu "gāgryāyaṇa" ityeveṣyate. tadidamapatyaśabdaḥ putrapautrādisādhāraṇa iti pakṣe yadyapi sulabhameva,gargāttṛtīyaṃ gāgryaṃ prati pañcamādīnāmapyapatyatvāt, tathāpi gargasya pañcamādyapatye yūni vivakṣite gargānmūlaprakṛterapi iñ syāt. tathā gargasya antarāpatye iñi gārgiḥ, tadapatyatvena vivakṣite gargānmūlaprakṛterapi iñ syāt. tathā gargasya antarāpatye iñi gārgiḥ, tadapatyatvena vivakṣite gargasya pañcamādau yūni gārgeḥ phaki "gārgāyaṇa" ityapi syāt. tathā gargasya caturthe yūni gotratvā'bhāvāt yañabhāve iñi gārgiḥ. tadapatyatvena vivakṣite gargasya pañcamādau yūni gārgeḥ phaki "gārgāyaṇa" iti syāt. gotrapatyayāntādeva yūni pratyayā" iti niyamaḥ kriyate--gotrādyūnī"ti. tadāha--yūnyapatye gotrapratyayāntādeveti. natu mūlaprakṛtestadanantarāpatyapratyayāntādyuvapratyayāntācceti bhāvaḥ. nacāpatyaśabdaḥ putra eva rūḍha iti pakṣe pañcamādau yūni caturthādyapatyapratyayāntādeva pratyayaḥ syāt, natu tṛtīyavācigotrapratyayāntāditi tatra viṣyarthamevedaṃ syāt, natu niyamārthamiti vācyaṃ, "putrapautrādisādhāraṇo'patyaśabda" ityeva bhāṣye siddhāntitatvāditi bhāvaḥ. striyāṃ tu na yuvasaṃjñeti. iha "astriyā"miti yogo vibhajyate. yūnītyanuvartate. ubhayamapi prathamayā vipariṇamyate. tathāca "strī uktayuvasaṃjñikā ne"ti phalitamiti bhāvaḥ. naca strībhinne yūni gotrādevetyarthaḥ kuto nāśrīyate, evaṃ satyekavākyatvalasābhāditi vācyaṃ, yuvasaṃjñayā gotrasaṃjñāyā bādhāt. naca "eko gotre" iti niyamāttannivṛttiḥ saṃbhavatīti vācyaṃ, yuvasaṃjñayā gotrasaṃjñāyā bādhāt. naca satyapi yogavibhāge "striyāṃ na yuvapratyaya" iti vyākhyāyatāmiti vācyaṃ, gotrapratyayena yuvatyabhidhānānāpatterityalam. gargasyeti. gargasya pañcamādau yūni gāgryaśabdādgotre yañantātphaki "gāgryāyaṇa" iti rūpamityarthaḥ. striyāṃ yuvasaṃjñāniṣedhasya prayojanaṃ darśayati--striyāmiti. pañcamādiyuvatīnāṃ yuvasaṃjñāniraheṇa gotratvāt. "eko gotre" iti niyamādgārgītyeva bhavati, natu gāgryāyaṇīti rūpamityarthaḥ. "strībhinne yūni gotrādeve"tyarthāśrayaṇe tu yuvasaṃjñayā gotrasaṃjñāyā bādhāt "eko gotre" ityasyā'pravṛtteḥ pratyayamālā syāditi bhāvaḥ.

gotrādyūni. asatyasminsūtre mukhyamate pañcamādau yūni vivakṣite gotrapratyayantādyuvapratyayotpattāviṣṭe siddhe'pi mūlaprakṛtyanantarayuvabhyo'pi syāditi pākṣikāniṣṭe prāpte niyamārthamidamityāśayenāha— gotrapratyayāntādeveti. na tu mūlaprakṛtyanantarayubabhya ityarthaḥ. manoramāyāṃ tu `natu yupratyayāntāditi prathamapakṣe'rtha'ityapi sthitam. atra vadanti—pañcamādau yūni vivakṣite tasya yūstṛtīyaṃ pratyanapatyatvādaprāptau vidhyarthamevedaṃ syānna tu niyamārthamiti yuvapratyayāntātprattyayo durvāraḥ syāt. tasmādiha `piturevāpatya'miti pakṣo nāśrayaṇīya iti. anye tvāhuḥ—ādyapakṣe `gotrādyūni'tyāvatrya ekenā'prāptapratyayaṃ vidhāya dvitīyena niyamyate `yūni gotrādeva'iti. evaṃ ca `tataḥ prācāmapī'ti pakṣeṇa sahāsyaikarūpatā bhavatīti. `gotrāccedyūnyeve'ti viparītaniyamastviha na kṛtaḥ, vyāvarttyā'lābhāt. na ca śaiṣikāśchādayo vyāvarttyā iti vācyaṃ, `gotre'lugacī'ti liṅgāt. striyāṃ tviti. yadyatra `astriyā'mityasyaikavākyatayā `strībhinne yūni gotrādeve'tyarthaḥ kriyate, tarhi strīṣu yuvasaṃjñāya#ā anaṣedhādyavatiṣu strīṣu pratyayānāṃ paramparā prasajyeta. na ca `eko gotre'ityanena nistāraḥ, yuvasaṃjñayā gotrasaṃjñāyā bādhāt. atha `striyāṃ na yuvapratyayaḥ'iti vākyabhedenārthaḥ kriyate, tadā gotrapratyayena yuvatirnābhidhoyeta. tataśca gāgryasyāpatyaṃ strī gārgī na syāt. kiṃ tu vākyameva syāt. ato `yuvasaṃjñāniṣedhaparameveda'mityāśayena vyācaṣṭe—na yusaṃjñeti. atrāyamāśayaḥ—`astriyā'miti yogo vibhajyate. `yūnī'ti śabdasvarūpamanuvartate. paribhāṣā ceyam. yatra yuvasaṃjñāvidhānaṃ tatra `astriyā'mityupatiṣṭhata'iti,—siddhasya gatiriyam. `jīvati tu vaṃśye yuvā'striyā'mityeva sūtrayituṃ yuktam.

gotrādyūnyastriyām 902, 4.1.94 gotrādyūni. asatyasminsūtre mukhyamate pañcamādau yūni vivakṣite gotrapratyayantādyuvapratyayotpattāviṣṭe siddhe'pi mūlaprakṛtyanantarayuvabhyo'pi syāditi pākṣikāniṣṭe prāpte niyamārthamidamityāśayenāha---gotrapratyayāntādeveti. na tu mūlaprakṛtyanantarayubabhya ityarthaḥ. manoramāyāṃ tu "natu yupratyayāntāditi prathamapakṣe'rtha"ityapi sthitam. atra vadanti---pañcamādau yūni vivakṣite tasya yūstṛtīyaṃ pratyanapatyatvādaprāptau vidhyarthamevedaṃ syānna tu niyamārthamiti yuvapratyayāntātprattyayo durvāraḥ syāt. tasmādiha "piturevāpatya"miti pakṣo nāśrayaṇīya iti. anye tvāhuḥ---ādyapakṣe "gotrādyūni"tyāvatrya ekenā'prāptapratyayaṃ vidhāya dvitīyena niyamyate "yūni gotrādeva"iti. evaṃ ca "tataḥ prācāmapī"ti pakṣeṇa sahāsyaikarūpatā bhavatīti. "gotrāccedyūnyeve"ti viparītaniyamastviha na kṛtaḥ, vyāvarttyā'lābhāt. na ca śaiṣikāśchādayo vyāvarttyā iti vācyaṃ, "gotre'lugacī"ti liṅgāt. striyāṃ tviti. yadyatra "astriyā"mityasyaikavākyatayā "strībhinne yūni gotrādeve"tyarthaḥ kriyate, tarhi strīṣu yuvasaṃjñāya#ā anaṣedhādyavatiṣu strīṣu pratyayānāṃ paramparā prasajyeta. na ca "eko gotre"ityanena nistāraḥ, yuvasaṃjñayā gotrasaṃjñāyā bādhāt. atha "striyāṃ na yuvapratyayaḥ"iti vākyabhedenārthaḥ kriyate, tadā gotrapratyayena yuvatirnābhidhoyeta. tataśca gāgryasyāpatyaṃ strī gārgī na syāt. kiṃ tu vākyameva syāt. ato "yuvasaṃjñāniṣedhaparameveda"mityāśayena vyācaṣṭe---na yusaṃjñeti. atrāyamāśayaḥ---"astriyā"miti yogo vibhajyate. "yūnī"ti śabdasvarūpamanuvartate. paribhāṣā ceyam. yatra yuvasaṃjñāvidhānaṃ tatra "astriyā"mityupatiṣṭhata"iti,---siddhasya gatiriyam. "jīvati tu vaṃśye yuvā'striyā"mityeva sūtrayituṃ yuktam.