trayam apyadhikriyate samarthānām iti ca, prathamāditi ca, vā iti ca. svārthikapratyayāvadhiścāyam adhikāraḥ, prāgdiśo vibhaktiḥ 5-3-1 iti vāvat. svārthikeṣu hyasya upayogo na asti, vikalpo 'pi tatra anavasthitaḥ. kecin nityam eva bhavanti. lakṣaṇavākyāni tasya apatyam 4-1-92, tena raktaṃ rāgāt 4-2-1 tatra bhavaḥ 4-3-53 ityevam ādīni bhaviṣyanti. teṣu sāmarthye sati prathamanirdiṣṭādeva vikalpena pratyayo bhavati iti veditavyam. samarthānām iti virdhāraṇe ṣaṣṭhī. samarthānāṃ madye prathamaḥ pratyayaprakṛtitvena nirdhāryate. tasya iti sāmānyaṃ viśeṣalakṣaṇārtham. tadīyaṃ prāthamyaṃ viśeṣāṇāṃ vijñāyate. upagoḥ apatyam aupagavaḥ. samarthānām iti kim? kambala upagoḥ, apatyaṃ devadattasya. prathamātiti kim? ṣaṣṭhyāntād yathā syāt, prathamāntān mā bhūt. vā iti kim? vākyam api yathā syātupagorapatyam iti. yadyevaṃ samāsavṛttiḥ taddhitavṛttyā bādhyeta upagvapatyam iti. na eṣa doṣaḥ. pūrvasūtrādanyatarasyāṃ grahaṇam anuvartate. tena etadapi bhaviṣyati.

samarthānāṃ prathamād vā 4.1.82 trayam apyadhikriyate samarthānām iti ca, prathamāditi ca, vā iti ca. svārthikapratyayāvadhiścāyam adhikāraḥ, prāgdiśo vibhaktiḥ 5.3.1 iti vāvat. svārthikeṣu hyasya upayogo na asti, vikalpo 'pi tatra anavasthitaḥ. kecin nityam eva bhavanti. lakṣaṇavākyāni tasya apatyam 4.1.92, tena raktaṃ rāgāt 4.2.1 tatra bhavaḥ 4.3.53 ityevam ādīni bhaviṣyanti. teṣu sāmarthye sati prathamanirdiṣṭādeva vikalpena pratyayo bhavati iti veditavyam. samarthānām iti virdhāraṇe ṣaṣṭhī. samarthānāṃ madye prathamaḥ pratyayaprakṛtitvena nirdhāryate. tasya iti sāmānyaṃ viśeṣalakṣaṇārtham. tadīyaṃ prāthamyaṃ viśeṣāṇāṃ vijñāyate. upagoḥ apatyam aupagavaḥ. samarthānām iti kim? kambala upagoḥ, apatyaṃ devadattasya. prathamātiti kim? ṣaṣṭhyāntād yathā syāt, prathamāntān mā bhūt. vā iti kim? vākyam api yathā syātupagorapatyam iti. yadyevaṃ samāsavṛttiḥ taddhitavṛttyā bādhyeta upagvapatyam iti. na eṣa doṣaḥ. pūrvasūtrādanyatarasyāṃ grahaṇam anuvartate. tena etadapi bhaviṣyati.

samarthānāṃ prathamādvā. , 4.1.82 "svārthikapratyayavadhiścāyamadhikāraḥ"iti. svārthe prakṛtyarthe bhavāḥ svārthikāḥ , adhyātmāditvāṭ(vā.456) ṭhañ. svārthikāḥ pratyayā avadhirmaryādā yasya sa tathoktaḥ. "prāgdiśo vibhaktiriti yāvat" iti. anena yataḥ pareṇa svārthikāḥ pratyayā avadhibhūtāḥ pravatrtante tatsūtraṃ darśayan "prāgdiśo vibhaktiḥ" 5.3.1 ityetatsūtrāt prāgayamadhikāra icyācaṣṭe. kiṃ punaḥ kāraṇaṃ svārthikeṣvayamapyadhikāro na pravatrtate? ityāha-- "svārthikeṣu" ityādi. "samarthānām" iti. sambaddhārthānamāmityeṣo'rthaḥ. sambaddhārthatā ca dviṣṭhatvāt pratiyogini sati bhavati, svārthikānāñ()ca prakṛtyarthādarthāntaraṃ na sambhavati yatpratyayāyanāya śabdāntaraṃ prayujyeta,yadapekṣayā ca samarthatā syāt. tasmāt samarthatāvā abhāvāt svārthikeṣu samarthānāmityetat tāvannopayujyate. ata eva pratiyogino'bhāvāt prathamādityetadapi nopayujyata eva. yadi hi pratiyogiśabdāntaraṃ syāt, tata āśaṅkā syāt-- kiṃ prathamāt pratyayaḥ? uta dvitīyāditi? tataśca tannivṛttaye prathamāditi vacanamanuvatrtamānamarthavat syāt. asati tu dvi#ītīye pratiyogini tadanuvṛttirnopayujyate. "vikalpo'pi tatrānavasthitaḥ"iti. aniyata ityarthaḥ. yataḥ kecit svārthikā nityameva bhavanti. tathā ca "aṣaḍakṣāśitaṅgvalaṃkarmālam" (5.4.7) ityādau sūtre bhāṣyakāraḥ parigaṇanaṃ kariṣyati-- "ke punarnityāḥ pratyayāḥ? tamabādayaḥ prāk kāt, ñyādayaḥ prāgvunaḥ, āmādayaḥ prāṅamayaṭaḥ, bṛhatyā jātyantāt samāsāntāśca" iti. tatra "atiśāyane tamabiṣṭhanau" 5.3.55 iti tamapprabhṛtayo ye pratyayāḥ "prāgivāt kaḥ" 5.3.70 ityetasmāt prāk te nityāḥ. tathā "pūgāññyo'grāmaṇīpūrvāt" 5.2.111 ityato ñyapratyayāt prabhṛti "pādaśatasya saṃkhyādervīpsāyāṃ vunma lopaśca" 5.4.1 ityato vunaḥ prāgye te nityāḥ. tathā "kimettiṅavyayaghādāmvadravyaprakarṣe" 5.4.11 ityata āmprabhṛti prāk tatprakṛtavacane mayaṭo ye pratyayāste nityāḥ. tathā "bṛhatyā ācchādane" 5.4.6 iti yo vihitaḥ kapratyayaḥ"jātyantācchobandhuni" 5.4.9 iti ca yaścapratyayo ye samāsāntā ḍajādayaste sarve nityāḥ. tasmādvikalpaḥ svārthikeṣvanavasthitaḥ. tataśca vāgrahaṇamapi tatrānavasthitameva kvacidanuvatrtate, kvacinnetyuktaṃ bhavati. iha prathamāditi viśeṣaṇaṃ prayogavākyasya? lakṣamavākyasya vā? yadi prathamaḥ ,tato laukike vākye padānāṃ prayoge niyamo nāstīti; pātramāhara, āhara pātramiti prayogāt. tataśca yadāpatyamupagoriti prayujyate tadāpatyaśabdāt prathamāsāmathryāt pratyayaḥ syāt. nanu ca tasyetanena sūtropāttenānukaraṇapadena ṣaṣṭha()ntena prathamenālaukikavākyasamavāyi paścānnirdiṣṭamapi padamanukṛtam, tat prathamatvāt prathamavyapadeśamāsādayati. tena yadāpyapatyamupagoriti laukikaṃ vākyaṃ prayujyate, tadopaguśabdādeva yathoktenaiva prakāreṇa labdhaprathamavyapadeśāt pratyayo bhaviṣyati; nāpatyaśabdāt. tadādye'pi pakṣe samāśrīyamāṇe na doṣa iti cet? vātrtametat; na hi mukhye prathame sambhavapisati gauṇasya grahaṇaṃ yuktam. ataḥ satyapyupaguśabdasya gauṇena prathamatve mukhyāt prathamādapatyaśabdādeva pratyayaḥ syāt, nopaguśabdāt. pratipattigauravañca. dvitīye tu pakṣa eva doṣo nāvatarati; lakṣamavākyeṣu padānāṃ prayogasya niyatvāt. atastamāśrityāha-- "lakṣaṇavākyāni" ityādi. samarthānāṃ madhye prathamaḥ pratyayaprakṛtitvena nirdhārita iti, yathā-- kṛṣṇā gavāṃ sampannakṣīratameti, gavāṃ madhye kṛṣṇā gauḥ sampannakṣīratamātvena. yadi tarhi samarthānāṃ prathamāt pratyayo bhavati, evaṃ sati "tasyāpatyam" 4.1.92 ityatra tasyetyetatsarvanāma. sāmānyavāci prathamaṃ nirdiṣṭamiti sāmānyavācina eva pratyayaḥ syāt, na viśeṣavācinaḥ; prātipadikādupagvityādeḥ, na hi tallakṣamavākye prathamaṃ nirdiṣṭam? ityata āha--"tasya" ityādi. "viśeṣalakṣaṇārtham" iti. viśeṣopalakṣaṇārthamityarthaḥ. yadi hi tasyetyedviśeṣopalakṣaṇārthaṃ na syāt tadā samarthatā tasya na syāt. na hi tasyetyetat prakaraṇādyanapekṣaṃ viśeṣeṣvatiṣṭhachate. na ca viśeṣeṣvanavasthitenānenāpatyasya kaścidupakāraḥ kṛto bhavati; sambandhisāmānyasya sambandhiśabdatvāt, apatyaśabdenaiva gamitatvāt. tataścopākārabhāvāt samarthatā na syāt. ucyatecedam-- tasyeti. tasmāt sāmathryādviśeṣopalakṣaṇārthatvaṃ tasyetyasya. tena ye viśeṣā upalakṣitāḥ = pratipaditānte sambandhyantaravyavacchedena viśiṣṭaṃ sambandhinaṃ pratipādayanta upakāriṇo bhavantītyupapadyate taiḥ saha sāmathryam. tasmāt tasyetat sāmānyaṃ viśeṣopalakṣaṇārthaṃ draṣṭavyam. tena tasya yat prāthamyaṃ tadviśeṣāṇāmupaguśabdādīnāṃ vijñāyate. tataśca tata eva pratyayo bhavati, na ca sāmānyavācinaḥ. "kambala upagorapatyaṃ devadattasya" iti. atropaguśabdaḥ kambalena saha sambaddhaḥ, nāpatyena. apatyaśabdasyāpi devadattaśabdena, nopaguśabdena. tasmādapatyaśabdena, sahopaguśabdasya sambandho nāstīti na tataḥ pratyayo bhavati. "vākyamapi hi yathā syāt" iti. asati hi vāgrahaṇe vākyenāpatyasyābhidhāne prāptetasminnarthe vidhīyamānaḥ pratyayastannivatrtayet. nanu ca samāne'rthe śāstrānvito'śāstrānvitasya nivatrtako bhavati, yathā-- "gamerḍoḥ" (da.u.2.11) ityanena śāstrānvito gośabdo'śāstrānvitasya gāvīśabdas samānārthasyaiva, na tu bhinnārthasya ḍitthādeḥ. na ca vṛttivākyayoḥ samāno'rthaḥ, vṛttau hrekārthībhāvaḥ sāmathryam, vākye tu vyapekṣā? naitadevam; satyapi hretasminnarthabhede pradhānārtho na bhidyate, tathā hi-- upagorapatyamānayetyukte ya evārtho'patyātyavatsambandhaviśiṣṭaḥ sa ānīyate. aupagavamānayetyukte sa eva. pradhānāpekṣayaiva ca samānārthaḥ śāstranvito'śāstrānvitaṃ nivatrtayati, anyathā hi gośabdo'pi gāvīśabdaṃ na nivatrtayet. asti hi tayorapyarthabhedaḥ, tathā hi-- gośabdo gotvamācaṣṭe, gāvīśabdastu tathā, aśāstriyatvañca. tasmādasati vāgrahaṇe yathā gośabdaḥ satyapyapradhānārthabhede pradhānārthasya samānarthādgāvīśabdaṃ nivatrtayati, tathā taddhito'pi śāstrānvito'śāstranvitaṃ vākyaṃ nivatrtayet. tasmādvākyamapi yathā syāditi vāgrahaṇaṃ kriyate. "yadyevam" ityādi. yadi vāgrahaṇena taddhitasya bhāvābhāvau kurvatā vākyasya bhāvaḥ kriyate, evaṃ sati yadā vākyaṃ nāsti tadā taddhitenaiva bhavitavyam. samāsavṛttirupagvapatyamityeṣaḥ taddhitavṛttyā bādhyeta. "naiṣa doṣaḥ" ityādi. gatārtham॥

tadevaṃ samāsaprapcaṃ nirūpya taddhitaprakaraṇamārabhate–samarthānā prathamādvā. vidheyasyā'darśanānnāyaṃ svatantravidhiriti matvāha–idaṃ padatrayamadhikriyata iti. svaritatvapratijñābalāditi bhāvaḥ. adhikārasyottarāvadhimāha–prāgdiśa iti yāvaditi. `prāgdiso vibhakti'riti sūtramuttarāvadhirityarthaḥ `samarthānā'miti nirdhāraṇaṣaṣṭhī. prāthamyaṃ ca `tasyāpatya'mityāditattatsūtreṣu prathamoccāritatvam. samarthānāṃ madhye prathamoccāritādityarthaḥ. `samarthātprathamādve'ti suvacam. kecittu bahuvacanabalādanekasamarthasamavāya evāsya pravṛttiḥ. evaṃca `prāgdiśaḥ' ityādiṣu svārthikapratyayavidhiṣu nā'sya pravṛttiriti labhyate ityāhuḥ nanu subantāttaddhitotpattervakṣyamāṇatvena taddhitavidhīnāṃ padavidhitayā `samarthaḥ padaviṃdhi'riti paribhāṣayaiva ekārthībhāvarūpasāmathryalābhādiha samarthagrahaṇaṃ vyarthamityata āha–sāmathryaṃ pariniṣṭhitatvamiti. samarthaḥ paṭuḥ śakta iti paryāyāḥ. śaktatvaṃ ca kāryotpādanayogyatvam. śabdasya ca kāryamarthapratipādanameva. tacchaktatvaṃ ca kṛteṣveva sandhikāryeṣu saṃbhavati. tathāca kṛtasandhikāryatvameva sāmathryamiha paryavasyati. tadāha–kṛtasandhikāryatvama#iti.

samarthānāṃ prathamādvā 1056, 4.1.82 tadevaṃ samāsaprapcaṃ nirūpya taddhitaprakaraṇamārabhate--samarthānā prathamādvā. vidheyasyā'darśanānnāyaṃ svatantravidhiriti matvāha--idaṃ padatrayamadhikriyata iti. svaritatvapratijñābalāditi bhāvaḥ. adhikārasyottarāvadhimāha--prāgdiśa iti yāvaditi. "prāgdiso vibhakti"riti sūtramuttarāvadhirityarthaḥ "samarthānā"miti nirdhāraṇaṣaṣṭhī. prāthamyaṃ ca "tasyāpatya"mityāditattatsūtreṣu prathamoccāritatvam. samarthānāṃ madhye prathamoccāritādityarthaḥ. "samarthātprathamādve"ti suvacam. kecittu bahuvacanabalādanekasamarthasamavāya evāsya pravṛttiḥ. evaṃca "prāgdiśaḥ" ityādiṣu svārthikapratyayavidhiṣu nā'sya pravṛttiriti labhyate ityāhuḥ nanu subantāttaddhitotpattervakṣyamāṇatvena taddhitavidhīnāṃ padavidhitayā "samarthaḥ padaviṃdhi"riti paribhāṣayaiva ekārthībhāvarūpasāmathryalābhādiha samarthagrahaṇaṃ vyarthamityata āha--sāmathryaṃ pariniṣṭhitatvamiti. samarthaḥ paṭuḥ śakta iti paryāyāḥ. śaktatvaṃ ca kāryotpādanayogyatvam. śabdasya ca kāryamarthapratipādanameva. tacchaktatvaṃ ca kṛteṣveva sandhikāryeṣu saṃbhavati. tathāca kṛtasandhikāryatvameva sāmathryamiha paryavasyati. tadāha--kṛtasandhikāryatvama#iti.

apavādasaṅgatyā taddhitānvivakṣustadīyamadhikārasūtramāha–samarthānāmiti. `anyatarasyāṅgrahaṇānuvṛtteḥ samāso'pī'ti vakṣyamāṇamūlagranthena samāsāpavādatvaṃ sūcitam. vidheyā'nirdeśāduttaratra prakṛtiviśeṣakāṅkṣāsattvāccanā'yaṃ svatantro vidhirityāha—adhikriyata iti. `padatraya'mityanena pratyekaṃ svaritatvapratijñā sūcitā. tatprayojanaṃ tu kasyacinnivṛttāvapyaparasyā'nivṛttiḥ, tathā ca `prāgdiśaḥ'iti sūtre `samarthānāṃ prathamā'diti nivṛttaṃ, `vā' iti tvanuvartata eva'—iti vakṣyamāṇamūlagranthaḥ saṅgacchate.

samarthānāṃ prathamādvā 882, 4.1.82 apavādasaṅgatyā taddhitānvivakṣustadīyamadhikārasūtramāha--samarthānāmiti. "anyatarasyāṅgrahaṇānuvṛtteḥ samāso'pī"ti vakṣyamāṇamūlagranthena samāsāpavādatvaṃ sūcitam. vidheyā'nirdeśāduttaratra prakṛtiviśeṣakāṅkṣāsattvāccanā'yaṃ svatantro vidhirityāha---adhikriyata iti. "padatraya"mityanena pratyekaṃ svaritatvapratijñā sūcitā. tatprayojanaṃ tu kasyacinnivṛttāvapyaparasyā'nivṛttiḥ, tathā ca "prāgdiśaḥ"iti sūtre "samarthānāṃ prathamā"diti nivṛttaṃ, "vā" iti tvanuvartata eva"---iti vakṣyamāṇamūlagranthaḥ saṅgacchate.