prakṛtir nipātyate, nugāgam astu vidhīyate. antarvatpativator nuk bhavati ṅīp ca pratyayaḥ, sa tu nakārāntatvādeva siddhaḥ. nipātanasāmarthyāc ca viśeṣe vṛttir bhavati. antarvat pativatiti garbhabhartṛsaṃyoge. iha na bhavati, antarasyāṃ śālāyāṃ vidyate. patimatī pṛ\u0304thīvī. antarvatiti matub nipātyate, vatvaṃ siddham. pativatiti vatvaṃ nipātyate, matup siddhaḥ. antarvatnī garbhiṇī. pativatnī jīvapatiḥ. antarvatpativatos tu matubvatve nipātanāt. garbhiṇyāṃ jīvapatyāṃ ca vā chandasi tu nugvidhiḥ. sāntarvatnī devānupait. sāntarvatī devānupaita. pativatnī taruṇavatsā. pativatī taruṇavatsā.

antarvatpativator nuk 4.1.32 prakṛtir nipātyate, nugāgam astu vidhīyate. antarvatpativator nuk bhavati ṅīp ca pratyayaḥ, sa tu nakārāntatvādeva siddhaḥ. nipātanasāmarthyāc ca viśeṣe vṛttir bhavati. antarvat pativatiti garbhabhartṛsaṃyoge. iha na bhavati, antarasyāṃ śālāyāṃ vidyate. patimatī pṝthīvī. antarvatiti matub nipātyate, vatvaṃ siddham. pativatiti vatvaṃ nipātyate, matup siddhaḥ. antarvatnī garbhiṇī. pativatnī jīvapatiḥ. antarvatpativatos tu matubvatve nipātanāt. garbhiṇyāṃ jīvapatyāṃ ca vā chandasi tu nugvidhiḥ. sāntarvatnī devānupait. sāntarvatī devānupaita. pativatnī taruṇavatsā. pativatī taruṇavatsā.

antarvatpativatornuk. , 4.1.32 "sa tu nakārāntatvādeva siddhaḥ" iti. "ṛnnebhyo ṅīp" 4.1.5) ityanena. "nipātanasāmathryāt" ityādi. yathaiva hi nipātanasāmathryādanyat kiñcidalākṣaṇikaṃ kāryaṃ bhavati, tathārthaviśeṣe'pi vṛttiḥ. kasminpunararthaviśeṣe vṛttirbhavati? ityata āha-- "antarvatpativat" ityādi. yathākramamantarvadityasya garbhasaṃyoge vṛttiḥ, patipadityasya bhartṛsaṃyoge. garbheṇa saṃyogo garbhasaṃyogaḥ, sa kasyā bhavati? yasyāḥ kukṣau garbho vyajyate. bhatrrā saṃyogo bhartusaṃyogaḥ, sa ca kasyā bhavati? yasyāḥ patirjīvati. bhatrtā ceha yo'gnisākṣipūrvakeṇa pāṇigrahaṇanena sambandhī sa evābhimataḥ, natu yaḥ pṛthivīsvāmī. "{rāśatibhyāṃ da.u.} iha tu na bhavati iti-- antarasyāṃ śālāyāṃ vidyate" (iti) śālāyāṃ kukṣigatena garbheṇa sambandhābhāvāt. "patimatī" iti. parirasyā astīti matup, "ugitaśca" 4.1.6 iti ṅīp. atra patiśabda ī()āre svamini vatrtate. tena saṃyoge ca na pativaditi nipātyate. yena tu saṃyogo nipātyate sa cākhyāta eva. "matubnipātyate" iti. antaḥśabdasyādhikaraṇapradhānatvāt prathamāsamarthatā nāsti. prathamāsamarthāccāstisamānādhikaraṇena matubvidhīyate, na cāstināntaśabdasya sāmānādhikaraṇyam, tasmānmatubna prāpnotīti nipātyate. "vatvaṃ na siddham" iti. "mādupadhāyāśca" 8.2.9 ityādinaivākāropadhatvāt. "nipātyate" iti. kenacidaprāptatvāt. " matupsiddhaḥ"iti. patirasyāstīti prathamāsamarthasya patiśabdasyāstinā sāmānādhikaraṇyāt. "garbhiṇī" ityanena garbhasaṃyogaṃ darśayati. "jīvapatiḥ"ityanenāpi bhartṛsaṃyogam. "antarvatpativatoḥ"ityādi. antarvatpativadityetayoḥ śabdayornipātanānmatubavatve bhavataḥ, yathākramaṃ garbhiṇyāṃ jīvapatyāṃ ca striyāmabhidheyāyām. garbho'syā astīti garbhiṇī. jīvatīti jīvaḥ, pacādyac; jīvaḥ gatiryasyāḥ sā jīvapatiḥ.nanu ca "patiḥ samāsa eva" 1.4.8 iti ghisaṃjñoya'yaṃ patiśabdaḥ,tatra "acca gheḥ" 7.3.118 ityātvautvayoḥ kṛtayoḥ jīvapatāviti bhavitavyam, tadayukto jīvapatyāmiti nirdeśaḥ? naitadasti; "śeṣo ghyasakhi"1.4.7 iti, siddhāyāmeva ghisaṃjñāyāṃ "patiḥ samāsa eva" 1.4.8 ityanena śeṣasyaiva patiśabdasya ghisaṃjñā niyamārthaṃ vidhīyate, na cāyaṃ śeṣaḥ; "ṅiti hyasvaśca" 1.4.6 iti nadīsaṃjñāsambhavāt. nadīsaṃjñāyāṃ ca satyāṃ "idudbhyām" 7.3.117 iti "ṅerām nadyāmnībhyaḥ" 7.3.116 ityām, yaṇādeśe jīvapatyāmiti bhavati. "vā cchandasi nugvidhiḥ". chandasi vikalpe tu nugvidhirbhavati. sa ca vakṣyamāṇasya vibhāṣāgrahaṇasya siṃhāvalokitanyāyenānuvṛttevryavasthitavibhāṣāvijñānācca labhyate. nukpakṣe "ṛnnebhyo ṅīp" 4.1.5 iti ṅīp. "antarvatnī" iti. anukpakṣe "ugitaśca" 4.1.6 iti ṅīp--antarvatīti bhavati॥

antarvatpativatornuk. nuksyāditi. kittvasāmathryādayamāgamaḥ, natu pratyaya iti bhāvaḥ. kittvādantāvayavaḥ. antarvat-na, pativat-na iti sthite āha–ṛnnebhyo ṅībiti. garbhiṇyāmiti. garbhiṇyāṃ jīvadbhartṛkāyāṃ ca striyām antarvatpativaditi prakṛtibhāgau nuksaṃniyogena nipātyete ityarthaḥ. vārtikametat. katarasmin kiṃ nipātyata ityata āha–tatreti. tayormadhya ityarthaḥ. antarastyasyāṃ garbha iti vigrahe'prāpto matup nipātyata ityanvayaḥ. kathamaprāptirmatupa ityata āha- -antaḥśabdasyetyādi, abhāvādityantam. `tadasyāstyasminniti matu'biti sūtre astisamānādhikaraṇātkartṛkārakapradhānaprathamāntānmatuppratyayo vihitaḥ. yathā gaurasyāstīti gomānityādau. prakṛte prathamāntaḥ kartṛkārakapradhāno garbhaśabda evāstisamānādhikaraṇo, natvantaśśabdaḥ, tasyādhikaraṇakārakapradhāna tayā astisāmānādhikaraṇyā'saṃbhavāt. ato'trā'prāpto matubnipātyata ityarthaḥ. tataśca `mādupadhāyāśca matorvaḥ' iti makārasya vatve'ntarvaditi prakṛtibhāgaḥ saṃpadyata iti bhāvaḥ. vatvamiti patirasyā astīti vigrahe `tadasyāstyasminni'ti matupo makārasya mādupadhātparatvā'bhāvena `mādupadhāyāḥ' iti vatvamaprāptaṃ nipātyata ityarthaḥ. pratyudāharaṇaṃ tviti. garbhiṇyāmeva matubnipātanādantarastyasyāṃ śālāyāṃ ghaṭa iti vigrahavākyameva, natu matubityarthaḥ. patimatī pṛthivīti. jīvadbhartṛkāyāmeva vatvanipātanādiha vatvā'bhāva iti bhāvaḥ.

antarvatpativatornuk 482, 4.1.32 antarvatpativatornuk. nuksyāditi. kittvasāmathryādayamāgamaḥ, natu pratyaya iti bhāvaḥ. kittvādantāvayavaḥ. antarvat-na, pativat-na iti sthite āha--ṛnnebhyo ṅībiti. garbhiṇyāmiti. garbhiṇyāṃ jīvadbhartṛkāyāṃ ca striyām antarvatpativaditi prakṛtibhāgau nuksaṃniyogena nipātyete ityarthaḥ. vārtikametat. katarasmin kiṃ nipātyata ityata āha--tatreti. tayormadhya ityarthaḥ. antarastyasyāṃ garbha iti vigrahe'prāpto matup nipātyata ityanvayaḥ. kathamaprāptirmatupa ityata āha--antaḥśabdasyetyādi, abhāvādityantam. "tadasyāstyasminniti matu"biti sūtre astisamānādhikaraṇātkartṛkārakapradhānaprathamāntānmatuppratyayo vihitaḥ. yathā gaurasyāstīti gomānityādau. prakṛte prathamāntaḥ kartṛkārakapradhāno garbhaśabda evāstisamānādhikaraṇo, natvantaśśabdaḥ, tasyādhikaraṇakārakapradhāna tayā astisāmānādhikaraṇyā'saṃbhavāt. ato'trā'prāpto matubnipātyata ityarthaḥ. tataśca "mādupadhāyāśca matorvaḥ" iti makārasya vatve'ntarvaditi prakṛtibhāgaḥ saṃpadyata iti bhāvaḥ. vatvamiti patirasyā astīti vigrahe "tadasyāstyasminni"ti matupo makārasya mādupadhātparatvā'bhāvena "mādupadhāyāḥ" iti vatvamaprāptaṃ nipātyata ityarthaḥ. pratyudāharaṇaṃ tviti. garbhiṇyāmeva matubnipātanādantarastyasyāṃ śālāyāṃ ghaṭa iti vigrahavākyameva, natu matubityarthaḥ. patimatī pṛthivīti. jīvadbhartṛkāyāmeva vatvanipātanādiha vatvā'bhāva iti bhāvaḥ.

pratyudāharaṇaṃ tviti. `antarvatī'`pativatī'ti prācoktaṃ pratyudāharaṇamayuktamiti bhāvaḥ. [ādye'stisāmānādhikaraṇyābhāvānmatupo'saṃbhavāt, dvitīye tu vattvā'saṃbhavāditi bhāvaḥ].

antarvatpativatornuk 436, 4.1.32 pratyudāharaṇaṃ tviti. "antarvatī""pativatī"ti prācoktaṃ pratyudāharaṇamayuktamiti bhāvaḥ. [ādye'stisāmānādhikaraṇyābhāvānmatupo'saṃbhavāt, dvitīye tu vattvā'saṃbhavāditi bhāvaḥ].