adhikāro 'yam. yadita ūrdhvam anukramiṣyāmaḥ ā'pañvamādhyāyaparisamāpteḥ ṅyāpprātipadikādityevaṃ tad veditavyam. svā'diṣu kapparyaṃteṣu prakṛtiradhikriyate. ṅībṅīṣṅīnāṃ sāmānyena grahaṇaṃ ṅī iti, ṭābḍāpcāpām āpiti, prātipadikam uktam arthavat, kṛttaddhitasamāsāśca 1-2-46 iti, teṣāṃ samāhāranirdeśo ṅyāpprātipadikātiti. yadyapi ca pratyayaparatvena pāriśeṣyādiyam eva prakṛtir labhyate, tathā api vṛddhāvṛddhāvarṇasvaradvyajlakṣaṇapratyayavidhau tatsaṃpratyayārthaṃ ṅyāpprātipadikagrahaṇaṃ kartavyam, itarathā hi samarthaviśeṣaṇam etat syāt. atha ṅyāpgrahaṇaṃ kim, na prātipadikagrahaṇe liṅgaviśiṣṭasya api grahaṇaṃ bhavati ityeva siddham? na etadasti. svarūpavidhiviṣaye paribhāṣeyaṃ prātipadikasvarūpagrahaṇe sati liṅgaviśiṣtagrahaṇaṃ bhavati iti. tathā ca yuvā khalatipalitavalinajaratībhiḥ 2-1-67 iti jñāpakamasyāstādṛśam eva. kiṃ ca tadantāt taddhitavidhānārthaṃ ṅyābgrahaṇam, kālitarā, hariṇitarā, khaṭvātarā, mālātarā iti. vipratiṣedhād dhi taddhitabalīyas tvaṃ syāt.

ṅyāpprātipadikāt 4.1.1 adhikāro 'yam. yadita ūrdhvam anukramiṣyāmaḥ ā'pañvamādhyāyaparisamāpteḥ ṅyāpprātipadikādityevaṃ tad veditavyam. svā'diṣu kapparyaṃteṣu prakṛtiradhikriyate. ṅībṅīṣṅīnāṃ sāmānyena grahaṇaṃ ṅī iti, ṭābḍāpcāpām āpiti, prātipadikam uktam arthavat, kṛttaddhitasamāsāśca 1.2.46 iti, teṣāṃ samāhāranirdeśo ṅyāpprātipadikātiti. yadyapi ca pratyayaparatvena pāriśeṣyādiyam eva prakṛtir labhyate, tathā api vṛddhāvṛddhāvarṇasvaradvyajlakṣaṇapratyayavidhau tatsaṃpratyayārthaṃ ṅyāpprātipadikagrahaṇaṃ kartavyam, itarathā hi samarthaviśeṣaṇam etat syāt. atha ṅyāpgrahaṇaṃ kim, na prātipadikagrahaṇe liṅgaviśiṣṭasya api grahaṇaṃ bhavati ityeva siddham? na etadasti. svarūpavidhiviṣaye paribhāṣeyaṃ prātipadikasvarūpagrahaṇe sati liṅgaviśiṣtagrahaṇaṃ bhavati iti. tathā ca yuvā khalatipalitavalinajaratībhiḥ 2.1.66 iti jñāpakamasyāstādṛśam eva. kiṃ ca tadantāt taddhitavidhānārthaṃ ṅyābgrahaṇam, kālitarā, hariṇitarā, khaṭvātarā, mālātarā iti. vipratiṣedhād dhi taddhitabalīyas tvaṃ syāt.

ṅyāpprātipadikāt. , 4.1.1 "adhikāro'yam" iti. svaritenāsañjitatvāt. "ā pañcamādhyāyaparisamāpteḥ" iti. anenādhikārasyāvadhiṃ darśayati. tataḥ paraṃ nāyamanuvatrtate; asvaritatvāt. "svādiṣu kapparyanteṣu" iti. adhikārasya viṣamācaṣṭe. "ṅī iti ṅīpṅīṣṅīnāṃ sāmānyena grahaṇam" ityādi. "ṅī" iti viśeṣakarānanubandhānutsṛjya yat sāmānyaṃ ṅīmātraṃ tadiha gṛhrate. "ṭābḍāpcāpāmāp" iti. sāmānyena grahaṇamiti prakṛtena sambandhaḥ. nanu ca ṅyādīnāṃ bahutvādbahuvacanena bhavitavyam, tatkathaṃ "ṅyāpprātipadikāt" 4.1.1 ityekavacanena nirdeśa ityāha --"teṣām" ityādi. samāhāradvandeneha ṅyādīnāmayaṃ nirdeśaḥ kṛta ityarthaḥ. itaretarayoge hi dvandve syādbahuvacanam. na cāyamitaretarayoge dvandvaḥ,kiṃ tarhi? samāhāre. tasya caikārthatvādekavacanameva yuktam. "samāhāranirdeśaḥ" iti vacanamitaretarayoganivṛttyartham,sāmāsantaranivṛttyarthañca, anyathā hi ṅyāpoḥ prāptipadikaṃ ṅyāpprātipadikamityapi ṣaṣṭhīsamāsa āśaṅkyeta. tato ṅyantamābantañca samāsaprātipadikaṃ yat tataḥ syād rājakumāryādibhyaḥ na tu kevalebhyaḥ kumāryādibhyaḥ. ṅyāpostu vidhānenaiva prātipadikaṃ prakṛtiḥ syāt. tasmāt samāhāra dvandvenāyaṃ nirdeśaḥ. tatra tu trayaṃ prakṛtitvenādhikriyate, tena sarvato bhavati. atha kathaṃ punaratra vigrahaḥ? kecidāhuḥ-- "ṅīśca āpca prātipadikañceti. nanu ca "apratyayaḥ" (1.2.45) iti prātipadikasaṃjñāpratiṣedhād ṅīśceti vibhaktyutpattirna syāt? ucyate; nāyaṃ pratyayaḥ, api tu pratyayānukaraṇamidam. evamapi "prakṛtivadanukaraṇaṃ bhavati" (vyā.pa.113) iti syādeva pratiṣedhaḥ? naiṣa doṣaḥca anukaraṇaṃ dvaidham-- arthasya, śabdamātrasya ceti. jñāpitamācāryeṇaitad dvedhā nirdeśāt -- "parivyavebhyaḥ kriyaḥ" 1.3.18 , "viparābhyāṃ jeḥ" 1.3.19 itīyaṅādeśasya karaṇākaraṇābhyām. ato'tra śabdamātramanukṛtam, na tvarthasahitam. tenātra "apratyayaḥ" 1.2.45 iti nāstyeva pratiṣedhaḥ. prakṛtivadatideśastvarthavatyanukaraṇe. nanu cevamapi halṅyādilopena (6.1.68) bhāvyam? ucyate; ṅyantāt sulopaḥ, na ṅīmātrāt. vyapadeśivadbhāvāt syāditi cet? na; "vyapadeśavadbhāvo'prātipadikena" (śāka.pa.65) ityucyate, prātipadikañcadam. tasmāt "ṅīśca" iti. atha pratyayavidhiviṣayaiṣā paribhāṣā pūrvādiniḥ" 5.2.85 "sapūrvācca" (5.2.87) ityatra jñāpitatvāt? na cāyaṃ pratyayavidhiḥ, kastarhi? lopavidhiriti, ataḥ paribhāṣā na pravatrtata ityastyeva vyapada#eśivadbhāva iti tataḥ pravatrtate lopaśāstram. ataḥ sulopena bhavitavyam-- ṅī ceti. sāmānyena paribhāṣāpravṛttimāśritya ṅīśceti vigrahaḥ. anyastvāha-- "prayogasya eva kumārī, gaurītyādiṣu ya īkāraḥ so'trānukṛta eva luptavibhaktikaḥ,tena ṅī ityeva bhavati. yadyevam, kuto ṅakāraḥ sāmānyagrahaṇārtha āsajyate? nanu cānukriyamāṇenārthenārthavattvāt punarapi vibhaktyutpattiḥ prāpnoti, tataśca ṅīśceti bhavitavyam? naitadasti; prākkālabhāvinī yā vibhaktistāṃ pratyayalakṣaṇenāśrityāpratyaya 1.2.45 iti pratiṣedhāt. athāpi syāt-- "na ṅisambuddhyoḥ" 8.2.8 iti jñāpakāt pratyayalakṣaṇenāpratyaya 1.2.45 iti prātipadikasaṃjñā na pratiṣidhyate" iti. asadetat; nalopavidhiviṣayamevaitajjñāpakam. ato'tra nāstyeva pratyayalakṣaṇena prātipadikasaṃjñāpratiṣedha iti sthitametat. nanu ca pratyayatve sati "paraśca" 3.1.2 iti vacanāt pare bhavantaḥ svādayaḥ pūrvāṃ prakṛtimākṣipya bhavanti, na hranyathā paratvamupapadyate, tasya paratvasya pūrvāpekṣatvāt, na ca ṅyādibhyo'nyā prakṛtirupapadyate. tatra ṅyāpprātipadikagrahaṇamantareṇāpi pāriśeṣyādiyameva prakṛtirlabhyate tathā hi, prakṛtyantaraṃ dhāturiti-- tiṅantañca, vākyañca. pratyayā api svādayaḥ, ṭābādayaḥ aṇādayaśca. tatra dhātostāvat svādibhirna bhavitavyam, te hrekatvādiṣvartheṣu vidhīyamānāstadvantaṃ śabdamākṣipanti. na ca dhāturekatvādimān. athāpyaviśeṣaṇotpadyante, utpannānāṃ tu niyamaḥ kriyate? tathāpi na #aiva teṣāṃ dhātorutpattiryuktā; sāmānyavihitānāṃ svādīnāṃ viśeṣavihitaistavyadādibhirbādhitatvāt. ṭābādayastarhi dhātorbhaveyuriti cet? syādetat. asati ṅyāpprātipadikagrahaṇe'kārāntebhyo dhātubhyo jugupsādibhyaḥ "ataḥ" 4.1.4 iti ṭāp syāt, apidbhyo vañcuprabhṛtibhyaḥ "ugitaśca" 4.1.6 iti ṅīp syāt, nakārāntebhyo manprabhṛtibhyaḥ "ṛnnebhyo ṅīp" (4.1.5) iti ṅīppratyayaḥ iti? etacca nāsti ; yataḥ striyāṃ ṭābādayo vidhīyante, kriyāvacanaśca dhātu#ḥ. kriyāyāścāsattvabhūtatvālliṅgena yogo nāsti; tasya dravyadharmatvāt. etena tiṅantādvākyācca ṭābādīnāmutpattiḥ pratikṣiptā; tayorapi kriyāpradhānatvāt. aṇādīnāmapi naiva dhātorutpattirupapadyate. te hrapatyādinārthena sambandhe sati vidhīyante. dhātuvācyasyārthasyāsattvabhūtatvādyathā strītvena yogo na sambhavati, tathāpyapatyādinā hrarthena. etena tiṅantādvākyāccāṇādīnāmutpattirnirastā; tadarthasyāpi kriyāpradhānasyāpatyādinā sambandhābhāvāt. devadattasya pacati yastasyāpattyamiti satyapi sambandhe "tiṅaśca" 5.3.56 iti jñāpakānna bhavati. ye'patyādinārthena sambandhe taddhitā vidhīyante te'nantaroktayā nītyā mā bhūn, ye tu svārthe vidhīyante tairyuktameva bhavitumiti cet? vātrtametat; yathaiva hi svādīnāṃ sāmānyavihitānāṃ viśeṣavihitaistavyadādibhirbādhitatvāt tadutpattirnopapadyate tathā svārthikānāmapi sāmānyavihitānāṃ svārthikaistumunnādibhirviśeṣavihitairbādhitatvānnopapadyata eva. tiṅantāt tarhi ke syuriti cet? jñāpakānna bhaviṣyanti. yadayaṃ kvacit taddhitavidhau tiṅgarhaṇaṃ karoti-- "atiśāyane tamabiṣṭhanau" 5.3.55 "tiṅaśca" 5.3.56 iti, kvacit taddhitavidhau tiṅgrahaṇaṃ karoti-- "atiśāyane tamabiṣṭhanau" 5.3.55 "tiṅaśca" 5.3.56 iti, tajjñāpayati-- tiṅantāt taddhitā na bhavantīti. vākyāt tarhi bhaveyariti cet? anabhidhānānna bhaviṣyanti. na hi "devadattasyā()ākaḥ" ityukte vākyārthagatā ajñātādayo'rthāḥ kapratyayena dyotyante, kiṃ tarhi? a()āśabdagatā eva. svādibhirapi naiva tiṅantādbhavitavyam, teṣāṃ hrekatvādayo'rthāḥ,te ca tiṅabhirevoktāḥ. na coktarthānāṃ prayoge yuktaḥ; "uktārthānāmaprayogaḥ" (vyā.pa.60) iti vacanā. nanu coktārthānāmapi prayogo dṛśyate, yathā-- eko dvau bahava iti cet? yukto'tra prayogaḥ vacanagrahaṇāt. "prātipadika" ityādau hi sūtre vacanagrahaṇasyaitat teṣāṃ bhavati; tatrāsyāḥ paribhāṣāyā upasthānāt. tena liṅgaviśiṣṭānāmapi sarvādīnāṃ sarvanāmakāryamupapadyate. yadyevam, imameva nyāyamāśritya śakyaṃ ṅyābgrahaṇamakarttum? naitadasti; na hi prātipadikasaṃjñā liṅgaviśiṣṭasyārthavataḥ śabdarūpasya bhavitumarhati; "aprtayaya" 1.2.45 iti pratiṣedhāt. na ca prātipadikasaṃjñāvidhau sarve'rthavantaḥ saṃjñinaḥ svarūpeṇa śakyā darśayitum; teṣāmānantyāt. yadyevam, "ṇāviṣṭhavat prātipadikasya" (vā.813) ityatrāpi tarhīyaṃ paribhāṣā nopatiṣṭhate; svarūpāgrahaṇāt, tataśca liṅgavśīṣṭeṣvaṣṭhavadbhāvo na syāt. tatra ko doṣaḥ? kumārīmācaṣṭe kumārīyatītyatra ṭilopo na syāt? naiṣa doṣaḥ; bahulamiṣṭhavadbhāva iṣyate, tathā ca curādau paṭha()te "prātipadikād dhātvarthe bahulamiṣṭhavacca" (curā.ga.sū.186) iti. tasmādbahulavacanālliṅgaviśiṣṭasyāpīṣṭhavadbhāvo bhaviṣyati. "kiñca" ityādanā prayojanāntaraṃ samuccinoti. taditi ṅyāpoḥ pratyavarśaḥ. ṅyantādābantācca taddhitavidhānaṃ yathā syādityevamarthaṃ ca ṅyābgrahaṇam. "kālitarā" iti. kālaśabdājjanapadādisūtreṇa 4.1.42 ṅīp, tadantāt "dvivacanavibhajyopapade" 5.3.57 ityādinā tarap, "gharūpakalpa" 6.3.42 ityādinā hyasvaḥ. "hariṇitarā" iti. haritaśabdāt "varṇādanudāttāt topadhāto naḥ" 4.1.39 iti ṅīp, takārasya nakāraḥ, "aṭkupvāṅ" 8.4.2 ityasati ṅyābgrahaṇe paratvādātiśayikaḥ syāt. a()smastu sati ṅyāpostaddhitavidhāne prakṛtitvenāśrayaṇāt pūrvaṃ ṅyābbhyāṃ bhavitavyamiti tadantāt taddhitavidhiḥ sidhyati. nanu cāntaraṅgaḥ strīpratyayaḥ, bahiraṅgāstaditāḥ, tathā hi-- "samarthānāṃ prathamādvā" 4.1.82 ityadhikārādvibhaktyantāte utpadyante, vibhaktayaśca karmādyapekṣāḥ, karmādayaśca bāhrakriyānimittatvādbahiraṅgāḥ tataśca nimittasya bahiraṅgatvāt taddhitā api bahiraṅgāśrayā eva bhavanti; liṅgasya tu sambandhyantarānapekṣatvādantaraṅgatvañca, atastannimittā api ṭābādayo'ntaraṅgā bhavanti, tataścāntaraṅgatvādeva ṭābādibhistāvadbhavitavyam, paścāt tadantāt taddhitairityapārthakaṃ ṅyābgrahaṇam? naitadasti; tadantāt taddhitavimadhānārthaṃ ṅyābgrahaṇamityatra hi vākye taddhitagrahaṇena svārthikā ye taddhitāsta eva vivakṣitāḥ. imamevārthaṃ sūcayituṃ kālitarā, hariṇitareti strīpratyayāntāt svārthika eva tarappratyaya udāhmataḥ. svārthikeṣu ca "samarthānām" 4.1.82 ityetannānuvatrtate. tathā hi kṣyati vṛttikāraḥ-- "svārthikapratyayāvadhiścāyamadhikāraḥ "prāgdiśo vibhaktiḥ" 5.3.1 iti yāvat. svārthikeṣu hrasyopayogo nāsti" iti. evañca sati vibhaktyutpattimanapekṣya prātipadikādeva svārthikairbhavitavyamiti kutasteṣāṃ bahiraṅgatvam ! nanvevamapi kālitaretyādyanudāharaṇam; tarappratyayasya bahiraṅgatvāt. sa hi yadyapi vibhaktyutpatiṃ()ta nāpekṣate, pratiyoginaṃ tu bāhrārthamapekṣata eva, strīpratyayasya tu na kaścit pratiyogyapekṣeti tasyāntaraṅgatvam? naiṣa doṣaḥ; udāharaṇadigiyaṃ vṛttikāreṇa darśitā. etāni tvatrodāharaṇāni darśayitavyāni-- enikā, śyenikā, rohiṇiketi. atra hi yadi pūrvaṃ taddhitaḥ syāt tadetaśyatarohitaśabdebhyo'jñātādyarthavivakṣāyāṃ kapratyaye "varṇādanudāttāt topadhāt to naḥ" 4.1.39 ityanena ṅībnakārau na syātām. yadi tarhi ṅyābantāt taddhitavidhānārthaṃ ṅyābgrahaṇam, samāsāntā api tadantādeva syuḥ, tataśca bahavo gomanto'syāṃ nagaryāmiti syāt, bahuvrīhau kṛte "ugitaśca" 4.1.6 iti ṅīp, tataśca "nadyṛtaśca" 5.4.153 iti kapi bahugomatīketi rūpaṃ syāt, bahugomatketi ceṣyate? naiṣa doṣaḥ; na hi samāsāntāḥ samāsādutpadyante. kiṃ tarhi? akṛta eva samāse tadarthāduttarapadāt. tathā hi "na kapi" 7.4.14 ityatra vakṣyati vṛttikāraḥ-- "gostriyorupasarjanasya" 1.2.48 ityayamapi hyasvaḥ kapi na bhavati, samāsārthe hruttarapade kapi kṛte paścāt samāsena bhavitavyamiti strīpratyayāntaṃ samāsaprātipadikaṃ na bhavati" iti. na ca bahavo gomanto'syāṃ nagaryāmityatra vākye samāsārthamuttarapadaṃ striyāṃ vatrtata iti prākkapaiva bhavitavyam, paścāt samāsena, tataḥ strīpratyayena pratyayānupūvryā bahugomatketi siddhaṃ bhavati. yida tahrrakṛta eva samāse tadarthāduttarapadāt samāsāntā bhavanti, tadā "nañastatpuruṣāt" (5.4.71) ityatra "nañaḍhaḥ pare vakṣyamāṇā ya ṛgādayastadantāt tatpuruṣāt samāsāntā na bhavanti" ityeṣa vṛttigrantho virudhyate, tebyastatpuruṣasamāsārthebhyaḥ samāsāntā na bhavantīti vaktavyaṃ syāt? nañaḥ prakṛtatvāt sa eva vijñāyate. "tatpuruṣāt" 5.4.71 ityatrāpi tatpuruṣaśabdastādathryāt tatpuruṣārtha uttarapade vatrtate. tatra punaḥ ṛgādeḥ śrutatvādṛgādireva vijñāyate, tadantāt tatpuruṣāditi ca vyadhikaraṇe pañcamyau. tato'yamarthaḥ nañaḥ pare ya ṛgādayaste samīpabhūtā yasya nañastasmāt paraṃ yattatpuruṣārthamṛgādipadaṃ tataḥ samāsānto na bhavatīti. atha vā-- avayavavacano'ntaśabdaḥ, samānādhikaraṇa eva pañcamyau; tādathryāt. ṛgādyantaṃ tatpuruṣārthaṃ yudattarapadaṃ tadeva. tadantāt tatpuruṣārthādityuktam. tataścāyamarthaḥ nañaḥ pare ya ṛgādayastadantāt tatpuruṣārthāduttarapadāt samāsāntā na bhavantīti. tat punastadantatatpuruṣārtham. uttarapadaṃ sāmathryādṛgādyeva vijñāyate. "bahuvrīhau saṃkhyeye ḍajabahugaṇāt" 5.4.73 ityatra tarhi yo'yaṃ vṛttigranthaḥ-- "saṃkhyeye yo'yaṃ bahuvrīha#irvatrtate tasmādabahugaṇāntāḍḍacpratyayo bhavati" iti, tasya virodhaḥ? nāsti virodhaḥ; atra hi bahuvrīhrarthamuttarapadameva tādathryādbahuvrīhirityuktaṃ bhavati. tadayamarthaḥ-- saṃkhyeye yadbahuvrīhrarthamuttarapadaṃ vatrtate tasmāḍḍcpratyayo bhavatīti. anayā diśā'pyanya evañjātīyā virodhāḥ parihatrtavyāḥ. tadevaṃ sthitamevaitat-- tadantāt taddhitavidhānārthaṃ hrābgrahaṇamiti, vipratiṣedhāt taddhitavidhānārthaṃ ṅyābgrahaṇamiti, vipratiṣedhāt taddhitavalīyastvamiti. yadyevam, "yunastiḥ" 4.1.77 "ūṅutaḥ" 4.1.66 ityetayorapi tyūṅogrrahaṇaṃ kasmānna vijñāyate, tadantāt taddhitotpattiryathā syāt-- yuvatitarā, brāhṛbandhūtareti? "nadyāḥ śeṣasyānyatarasyām" 6.3.43 ityūṅo vikalpena hyasvatvaṃ na katrtavyam; hrābgrahaṇasyopalakṣaṇārthatvāt. "striyām" 4.1.3 iti prakṛtya yeṣāṃ vidhānaṃ tadupalakṣaṇārthamiha ṅyābgrahamam. atastyūṅorapi grahaṇamiha kṛtameva veditavyam. ṅyābgrahaṇaṃ yadyupalakṣaṇārthama, anyatarasyaiva grahaṇaṃ katrtavyam, ekenāpi hi strīpratyayā upalakṣyanta eva? satyametat ; vaicitryārthaṃ tu dvayogrrahaṇam. "yāvādibhyaḥ kan" 5.4.29, "lohitānmaṇau" 5.4.30, "varṇe cānitye" 5.4.31 ityanena tu vikalpena svārthikena strīpratyayasya bādhanamiṣyate. tatra yadā bādhā tadā lohitaśabdāt kani ṭāpi kṛte cetve lohitiketi bhavitavyam; yadā tu na bādhā tadā " varṇādanudāttāttopadhāt to naḥ" 4.1.39 iti ṅībnakārayoḥ kani ca "ke'ṇaḥ" 7.4.13 iti hyasvatve kṛte lohiniketi bhavitavyam. tasmādvaktavyamevaitat-- lohitālliṅgabādhanaṃ veti॥

ṅyāpprātipadikāt. caturthādhyāyasyādimaṃ sūtramidam. ṅī ca, āp ca, prātipadikaṃ ceti samāhāradvandvaḥ. ṅī iti ṅīp?ṅīṣṅīnāṃ sāmānyena grahaṇam. ābiti ṭāp?ḍāp?cāpāṃ grahaṇam. pratyayagrahaṇaparibhāṣayā tadantagrahaṇam. tadāha– ṅyantādityādinā. `ā pañcame'tya vadhiniyame tu vyākhyānameva śaraṇam. nanu prātipadikādityeva sūtryatām. ṅyābgrahaṇaṃ māstu. prātipadikagrahaṇe liṅgaviśiṣṭasyāpi grahaṇa'miti paribhāṣayā ūṅapratyayāntāt \ufffdāśrūśabdādiva daṇḍinī ajā khaṭ?vetyādibhyo'pi ṅyābantebhyaḥ subādipratyayasambhavādityata āha– prātipadikagrahaṇe liṅgaviśiṣṭasyāpīti. strīliṅgabodhakaṅībādipratyayaviśiṣṭasyetyarthaḥ. yathā syāditi. yatheti yogyatāyām. ṅyābantādeva taddhitaḥ prāptuṃ yogyaḥ. sa ca ṅyābgrahaṇe satyeva syādityarthaḥ. vyavacchedyaṃ darśayati-ṅayābbhyāṃ prāṅbhābhūditi. tataśca lohanikā āryakā ca sidhyati. tathāhi–lohitaśabdastāvat `varṇānā taṇatinitāntānām' iti phiṭ?sūtreṇādyudāttaḥ. tataśca okāra udāttaḥ. `anudāttaṃ padamekavarja'miti pariśiṣṭau ikārā.ñakārāvanudāttau. tathāca `varṇādanudāttāttopadhātto naḥ' ita#i maṇau vidyamānāllohitaśabdātstrītvavivakṣāyāṃ ṅīp, tatsaṃniyogena takārasya nakārādeśaśca prāptaḥ. `lohitānmaṇau' iti svārthikaḥ kanapi prāptaḥ. tatra svārthikatvādantaraṅga paraśca kan natvasaṃniyogaśiṣṭaṃ ṅīpaṃ bādhitvā pravarteta. tataśca ṅīpo na prasaktiḥ. kopadhatvena topadhatvā'bhāvāt. tataśca lohitakaśabdāt `ajādyataḥ' iti ṭāpi `pratyayasthā'dityādinā itve lohitiketyeva syāt, na tu lohiniketi. iṣyate tu rūpadvayamapi. `ṅyāpprātipadikā'dityatra ṅībgrahaṇe tu tatsāmathryādantaraṅgaṃ paramapi kanaṃ bādhitvā natvasaṃniyogaśiṣṭe ṅīpi kṛte, lohinīśabdātkani, `ke'ṇaḥ' iti hyasve, lohiniketi rūpam. `varṇādanudāttā'dityasya vaikalpikatayā natvasaṃniyogaśiṣṭaṅībabhāve tu lohitāśabdātkani, hyasve, punaḥ kāntāṭṭāpi, pratyayasthāditītve lohitiketyapi sidhyati. tathā āryaśabdātsvārthike kani, samudāyottaraṭāpaiva strītvabodhanasambhavādekājdvirvacananyāyena kanantādeva ṭāpi, kanaḥ pūrvaṃ ṭābabhāvāt, ātsthānikasya ato'bhāvādudīcāmātaḥsthāne iti itvavikalpasyā'pravṛttau, pratyayasthāditi nityamitve āryiketyeva syāt, āryaketi na sya#āt. iṣyate tūbhayamapi. `ṅyāpprātipadikā'dityatra ābgrahaṇe tu tatsāmathryātsvārthikaṃ kanaṃ bādhitvā ṭāpi, tataḥ kani, `ke'ṇa' iti hyasve, punaḥ kanantāṭṭāpi , `udīcāmātaḥ sthāne' itītvavikalpe rūpadvayaṃ sidhyati. vastutastu ṅyāpogrrahaṇaṃ māstu, subantādeva taddhitotpattiḥ. supaḥ prāgeva ca ṅyāpau pravartete. svārthadravyaliṅgasaṅkhyākārakakutsādiprayuktakāryāṇāṃ kramikatvāt. tathāhi- svārthaḥ=pravṛttinimittaṃ jātyādi. tajjñānaṃ pūrvaṃ bhavati, viśiṣṭabuddhau viśeṣaṇajñānasya kāraṇatvāt. tatastadāśrayajñānam, dharmitvena pradhānatvālliṅgādibhirākāṅkṣitatvācca. tataḥ svamātrāpekṣatvālliṅgasya jñānam. tato vijātīyakriyāpekṣakārakāpekṣayā sajātīyapadārthāpekṣasaṅkhyājñānam. tataḥ kārakarūpavibhaktyarthāpekṣā bhavati. tannivṛttau kutsādijñānamiti kutsita iti sūtrabhāṣye sthitam. śabdaratne ca pariṣkṛtametat.

ṅyāpprātipadakāt 181, 4.1.1 ṅyāpprātipadikāt. caturthādhyāyasyādimaṃ sūtramidam. ṅī ca, āp ca, prātipadikaṃ ceti samāhāradvandvaḥ. ṅī iti ṅīp()ṅīṣṅīnāṃ sāmānyena grahaṇam. ābiti ṭāp()ḍāp()cāpāṃ grahaṇam. pratyayagrahaṇaparibhāṣayā tadantagrahaṇam. tadāha--ṅyantādityādinā. "ā pañcame"tya vadhiniyame tu vyākhyānameva śaraṇam. nanu prātipadikādityeva sūtryatām. ṅyābgrahaṇaṃ māstu. prātipadikagrahaṇe liṅgaviśiṣṭasyāpi grahaṇa"miti paribhāṣayā ūṅapratyayāntāt ()āśrūśabdādiva daṇḍinī ajā khaṭ()vetyādibhyo'pi ṅyābantebhyaḥ subādipratyayasambhavādityata āha--prātipadikagrahaṇe liṅgaviśiṣṭasyāpīti. strīliṅgabodhakaṅībādipratyayaviśiṣṭasyetyarthaḥ. yathā syāditi. yatheti yogyatāyām. ṅyābantādeva taddhitaḥ prāptuṃ yogyaḥ. sa ca ṅyābgrahaṇe satyeva syādityarthaḥ. vyavacchedyaṃ darśayati-ṅayābbhyāṃ prāṅbhābhūditi. tataśca lohanikā āryakā ca sidhyati. tathāhi--lohitaśabdastāvat "varṇānā taṇatinitāntānām" iti phiṭ()sūtreṇādyudāttaḥ. tataśca okāra udāttaḥ. "anudāttaṃ padamekavarja"miti pariśiṣṭau ikārā.ñakārāvanudāttau. tathāca "varṇādanudāttāttopadhātto naḥ" ita#i maṇau vidyamānāllohitaśabdātstrītvavivakṣāyāṃ ṅīp, tatsaṃniyogena takārasya nakārādeśaśca prāptaḥ. "lohitānmaṇau" iti svārthikaḥ kanapi prāptaḥ. tatra svārthikatvādantaraṅga paraśca kan natvasaṃniyogaśiṣṭaṃ ṅīpaṃ bādhitvā pravarteta. tataśca ṅīpo na prasaktiḥ. kopadhatvena topadhatvā'bhāvāt. tataśca lohitakaśabdāt "ajādyataḥ" iti ṭāpi "pratyayasthā"dityādinā itve lohitiketyeva syāt, na tu lohiniketi. iṣyate tu rūpadvayamapi. "ṅyāpprātipadikā"dityatra ṅībgrahaṇe tu tatsāmathryādantaraṅgaṃ paramapi kanaṃ bādhitvā natvasaṃniyogaśiṣṭe ṅīpi kṛte, lohinīśabdātkani, "ke'ṇaḥ" iti hyasve, lohiniketi rūpam. "varṇādanudāttā"dityasya vaikalpikatayā natvasaṃniyogaśiṣṭaṅībabhāve tu lohitāśabdātkani, hyasve, punaḥ kāntāṭṭāpi, pratyayasthāditītve lohitiketyapi sidhyati. tathā āryaśabdātsvārthike kani, samudāyottaraṭāpaiva strītvabodhanasambhavādekājdvirvacananyāyena kanantādeva ṭāpi, kanaḥ pūrvaṃ ṭābabhāvāt, ātsthānikasya ato'bhāvādudīcāmātaḥsthāne iti itvavikalpasyā'pravṛttau, pratyayasthāditi nityamitve āryiketyeva syāt, āryaketi na sya#āt. iṣyate tūbhayamapi. "ṅyāpprātipadikā"dityatra ābgrahaṇe tu tatsāmathryātsvārthikaṃ kanaṃ bādhitvā ṭāpi, tataḥ kani, "ke'ṇa" iti hyasve, punaḥ kanantāṭṭāpi , "udīcāmātaḥ sthāne" itītvavikalpe rūpadvayaṃ sidhyati. vastutastu ṅyāpogrrahaṇaṃ māstu, subantādeva taddhitotpattiḥ. supaḥ prāgeva ca ṅyāpau pravartete. svārthadravyaliṅgasaṅkhyākārakakutsādiprayuktakāryāṇāṃ kramikatvāt. tathāhi-svārthaḥ=pravṛttinimittaṃ jātyādi. tajjñānaṃ pūrvaṃ bhavati, viśiṣṭabuddhau viśeṣaṇajñānasya kāraṇatvāt. tatastadāśrayajñānam, dharmitvena pradhānatvālliṅgādibhirākāṅkṣitatvācca. tataḥ svamātrāpekṣatvālliṅgasya jñānam. tato vijātīyakriyāpekṣakārakāpekṣayā sajātīyapadārthāpekṣasaṅkhyājñānam. tataḥ kārakarūpavibhaktyarthāpekṣā bhavati. tannivṛttau kutsādijñānamiti kutsita iti sūtrabhāṣye sthitam. śabdaratne ca pariṣkṛtametat.

ṅyāpprātipadikāt. samāhāradvandvādekavacanam. `ṅī'ti ṅīpṅīṣṅīnāṃ sāmānyagrahaṇam. `ā'viti ca ṭāpḍāpcāpām. āpañcamaparisamāpteriti. nanu `ghakālataneṣu'–iti jñāpakātsubantāttaddhitotpattirityabhyupagateḥ kimarthastaddhiteṣu prātipadikādhikāra iti cedatrāhuḥ–asati tvadhikāre `ata i'ñityatrā'ta ityetatsubantasyaiva viśeṣaṇaṃ syāt, tataśca dakṣasyāpatyamityatraiva iñsyānna tu dakṣayordakṣāṇāmityatra. kiñca `vaddhācchaḥ' ityatra `vṛddha'- mityetatsubantaviśeṣaṇaṃ mā bhūt. anyathā jānantīti jñāḥ, `igupadhe'tu kaḥ. `jñānāmaya'mityatra subantasya vṛddhatvāccho na bhavati, kintvaṇeva bhavati. śabdakaustubhe tvasatyasminnadhikāre vākyādapi kapratyayādayaḥ syuḥ. tato viśiṣyasya prātipadikatayā [sakala]sublope spaṣṭamevāniṣṭamiti sthitam. lihgavisiṣṭasyeti. liṅgabodhakapratyayaviśiṣṭasyāpītyarthaḥ. paribhāṣāyāḥ prayojanaḥ-\ufffdāśrūḥ. pratyayāntatvenā'prātipadikatve'pi iha svādayaḥ. na ca `\ufffdāśuraḥ \ufffdā\ufffdo'ti nirdeśādeva svādisiddhiriti vācyam. nirdeśasya śabdaparatvāt. `vipārābhyāṃ jeḥ'`ṅeryaḥ' itivat. kiṃca kumārīmācaṣṭe kumārayati. `ṇāviṣṭhava'diti ṭilopaḥ. evaṃ yāminya ivāṃcaranti ahāni `yāminayantī'tyatrācāre kvibapi phalam. ṅyābbhyāṃ prāgiti. tena `enikā' `āryakā' ca sidhyati. tathāhi `na sāmivacane' iti jñāpayiṣyamāṇo'tyantasvārthikaḥ ka etāryāśabdābhyāṃ ṅyāpau bādheta, tataśca `etikā' `āryike'tyeva rūpaṃ syāt. ṅyābgrahaṇasāmathryāttu ṅībantātkani `enike'-tyapi sidhyati. `varṇādanudāttā'dityasya vaikalpikatvāt. ābantātkani tu `udīcāmātaḥ sthāne' itīttvavikalpādāryakā āryiketi rūpadvayaṃ sidhyati. vastutastu ṅyāpogrrahaṇaṃ māstu, `ghakālataneṣu'– ityalugvidhānasāmathryātsubantāttaddhitotpattiriti hi niṣkarṣaḥ. tathā ca supaḥ prāgeva ṅyāpau pravartete. svārthadravyaliṅgasaṅkhyākārakaprayuktakāryāṇāṃ kramikatvasvīkārādityavadheyam.

ṅyāpprātipadikāt 150, 4.1.1 ṅyāpprātipadikāt. samāhāradvandvādekavacanam. "ṅī"ti ṅīpṅīṣṅīnāṃ sāmānyagrahaṇam. "ā"viti ca ṭāpḍāpcāpām. āpañcamaparisamāpteriti. nanu "ghakālataneṣu"--iti jñāpakātsubantāttaddhitotpattirityabhyupagateḥ kimarthastaddhiteṣu prātipadikādhikāra iti cedatrāhuḥ--asati tvadhikāre "ata i"ñityatrā'ta ityetatsubantasyaiva viśeṣaṇaṃ syāt, tataśca dakṣasyāpatyamityatraiva iñsyānna tu dakṣayordakṣāṇāmityatra. kiñca "vaddhācchaḥ" ityatra "vṛddha"-mityetatsubantaviśeṣaṇaṃ mā bhūt. anyathā jānantīti jñāḥ, "igupadhe"tu kaḥ. "jñānāmaya"mityatra subantasya vṛddhatvāccho na bhavati, kintvaṇeva bhavati. śabdakaustubhe tvasatyasminnadhikāre vākyādapi kapratyayādayaḥ syuḥ. tato viśiṣyasya prātipadikatayā [sakala]sublope spaṣṭamevāniṣṭamiti sthitam. lihgavisiṣṭasyeti. liṅgabodhakapratyayaviśiṣṭasyāpītyarthaḥ. paribhāṣāyāḥ prayojanaḥ-()āśrūḥ. pratyayāntatvenā'prātipadikatve'pi iha svādayaḥ. na ca "()āśuraḥ ()ā()o"ti nirdeśādeva svādisiddhiriti vācyam. nirdeśasya śabdaparatvāt. "vipārābhyāṃ jeḥ""ṅeryaḥ" itivat. kiṃca kumārīmācaṣṭe kumārayati. "ṇāviṣṭhava"diti ṭilopaḥ. evaṃ yāminya ivāṃcaranti ahāni "yāminayantī"tyatrācāre kvibapi phalam. ṅyābbhyāṃ prāgiti. tena "enikā" "āryakā" ca sidhyati. tathāhi "na sāmivacane" iti jñāpayiṣyamāṇo'tyantasvārthikaḥ ka etāryāśabdābhyāṃ ṅyāpau bādheta, tataśca "etikā" "āryike"tyeva rūpaṃ syāt. ṅyābgrahaṇasāmathryāttu ṅībantātkani "enike"-tyapi sidhyati. "varṇādanudāttā"dityasya vaikalpikatvāt. ābantātkani tu "udīcāmātaḥ sthāne" itīttvavikalpādāryakā āryiketi rūpadvayaṃ sidhyati. vastutastu ṅyāpogrrahaṇaṃ māstu, "ghakālataneṣu"--ityalugvidhānasāmathryātsubantāttaddhitotpattiriti hi niṣkarṣaḥ. tathā ca supaḥ prāgeva ṅyāpau pravartete. svārthadravyaliṅgasaṅkhyākārakaprayuktakāryāṇāṃ kramikatvasvīkārādityavadheyam.