loṭaḥ ityeva. loṭsambandhinaḥ uttamapuruṣasya āḍāgamo bhavati, sa ca uttamapuruṣaḥ pid bhavati. karavāṇi, karavāva, karavāma. karavai, karvāvahai, karavāmahai.

āḍuttamasya pic ca 3.4.92 loṭaḥ ityeva. loṭsambandhinaḥ uttamapuruṣasya āḍāgamo bhavati, sa ca uttamapuruṣaḥ pid bhavati. karavāṇi, karavāva, karavāma. karavai, karvāvahai, karavāmahai.

āḍuttamasya picca. , 3.4.92 "sa cottamapuruṣaḥ pidbhavatiṭa" iti. athāṭa eva pittvaṃ kasmānna kriyate? nirarthakatvāt. pittvaṃ hranudātārthaṃ vā syāt, guṇavṛddhyarthaṃ vā; tatrāṭo'nudāttatvamāgamatvādeva siddham, guṇavṛddhyostu naivāsau nimittam; apratyayatvāt. tasmādāṭaṃ prati pittvamanarthakamityuttamasyaiva vidhīyate. "karavāṇi" iti. pittvāduttamasya ṅitvaṃ nāsti, tena guṇo bhavati. "karavai" iti. "eta ai" 3.4.93, "āṭaśca" 6.1.87 iti vṛddhiḥ॥

āḍuttamasya picca 420, 3.4.92 loḍuttamasyāṭ syāt picca. hinyorutvaṃ na, ikāroccāraṇa sāmarthyāt॥

bhava ni iti sthite– āḍuttamasyeti. `loṭo laṅva'dityato loṭa ityanuvartate. tadāha- -loḍuttamasyeti. stavāni stavāvetyādau sārvadhātukapiditi ṅittvanivṛttyarthaṃ pidvacanam. yadyapi mipasthānikasya naḥ pittvāttadāgamasyāpi siddhaṃ pittvaṃ, tathāpi vasmasorāḍāgamasyā'ṅittavārthaṃ piditi vacanam. nanu stuhi bhavānītyatra `eru' rityutvaṃ kuto na syādityata āha-hinyorutvaṃ neti. sāmathryāditi. anyathā– `hu- nu' ityeva vidadhyāditi bhāvaḥ. bhavānīti. āḍāgame savarṇadīrghaḥ. na cā'tra laṅvadbhāvāditaśceti lopaḥ śaṅkyaḥ, ikāroccāraṇasāmathryāt. anyathā `mo na' ityeva vidadhyāt. evaṃ herapi bodhyam. yadyapi bhavānītyādavato dīrgho yañi ityeva dīrghasiddherāḍāgamavidhivryarthastathāpi stavānītyādyarthamāvaśyakamihāpi nyāyyatvādupanyastam. bhavāveti. loṭo vas. guṇāvādeśau. āḍāgamaḥ. savarṇadīrghaḥ. laṅvadbhāvāt `nityaṃ ṅita' iti sakāralopaḥ. evaṃ masi bhavāmeti rūpam. iti loṭprakriyā.

āḍuttamasya picca 53, 3.4.92 bhava ni iti sthite-- āḍuttamasyeti. "loṭo laṅva"dityato loṭa ityanuvartate. tadāha--loḍuttamasyeti. stavāni stavāvetyādau sārvadhātukapiditi ṅittvanivṛttyarthaṃ pidvacanam. yadyapi mipasthānikasya naḥ pittvāttadāgamasyāpi siddhaṃ pittvaṃ, tathāpi vasmasorāḍāgamasyā'ṅittavārthaṃ piditi vacanam. nanu stuhi bhavānītyatra "eru" rityutvaṃ kuto na syādityata āha-hinyorutvaṃ neti. sāmathryāditi. anyathā-- "hu-nu" ityeva vidadhyāditi bhāvaḥ. bhavānīti. āḍāgame savarṇadīrghaḥ. na cā'tra laṅvadbhāvāditaśceti lopaḥ śaṅkyaḥ, ikāroccāraṇasāmathryāt. anyathā "mo na" ityeva vidadhyāt. evaṃ herapi bodhyam. yadyapi bhavānītyādavato dīrgho yañi ityeva dīrghasiddherāḍāgamavidhivryarthastathāpi stavānītyādyarthamāvaśyakamihāpi nyāyyatvādupanyastam. bhavāveti. loṭo vas. guṇāvādeśau. āḍāgamaḥ. savarṇadīrghaḥ. laṅvadbhāvāt "nityaṃ ṅita" iti sakāralopaḥ. evaṃ masi bhavāmeti rūpam. iti loṭprakriyā.

āḍuttamasya picca 41, 3.4.92 "sa" iti tacchabdena yasyā'‌'ḍāgamaḥ sa parāmṛśyata ityāhuḥ॥