lasya tibādya ādeśā bhavanti. tipsipmipāṃ pakāraḥ svarārthaḥ. iṭaṣṭakāraḥ iṭo 't 3-4-106 iti viśeṣaṇārthaḥ, tibādibhirādeśais tulyatvān na deśavidhyarthaḥ. mahiṅo ṅakāraḥ tiṅiti pratyāhāragrahaṇārthaḥ. pacati, pacataḥ, pacanti. pacasi, pacathaḥ, pacatha. pacāmi, pacāvaḥ, pacāmaḥ. pacate, pacete, pacante. pacase, pacethe, pacadhve. pace, pacāvahe, pacāmahe. evam anyeṣvapi lakareṣu udāhāryam.

tiptasjhisipthasthamibvasmastā'tāṃjhathāsāthāmdhvamiḍvahimahiṅ 3.4.78 lasya tibādya ādeśā bhavanti. tipsipmipāṃ pakāraḥ svarārthaḥ. iṭaṣṭakāraḥ iṭo 't 3.4.106 iti viśeṣaṇārthaḥ, tibādibhirādeśais tulyatvān na deśavidhyarthaḥ. mahiṅo ṅakāraḥ tiṅiti pratyāhāragrahaṇārthaḥ. pacati, pacataḥ, pacanti. pacasi, pacathaḥ, pacatha. pacāmi, pacāvaḥ, pacāmaḥ. pacate, pacete, pacante. pacase, pacethe, pacadhve. pace, pacāvahe, pacāmahe. evam anyeṣvapi lakareṣu udāhāryam.

tiptasjhisipthasthamibvasmastātāṃjhathāsāthāṃdhvamiḍvahimahiṅ. , 3.4.78 "pakāraḥ svarārthaḥ" iti. "anudāttau suptitau" 3.1.4 ityanudātto yathā syāt. "iṭaṣṭakāraḥ" ityādi. nanu cāsatyapyetasmin viśeṣaṇārthe naivaṃ kiñcidaniṣṭaṃ prāpnoti, "iṭo't" 3.4.106 ityatra sūtre liṅādeśasyeṭo'dvidhānāt, tato'nyasya liṅgādeśasyekārasyāsambhavāt. tivādyavayavo'stīti cet? na; tasyālādeśatvāt. tibādayo hi samudāyā lādeśāḥ, na ca tadavayavā ikārādayaḥ. arthavadgrahaṇe (vyā.pa.1) paribhāṣayārthavadikārasya grahaṇe sati kṛtastabādyavayavasya prasaṅgaḥ ! na hi te'rthavantaḥ; tibādīnāmeva samudāyānāmarthavatvāt. tasmānna katrtavya eva ṭakāraḥ? satyaṃ na katrtavyaṃ, ya evaṃ pratipattuṃ samarthastaṃ prati; yastvasamarthastaṃ prati katrtavya eva. atha "ādyantau ṭakitau" (1.1.46) iti viśiṣṭadeśa āgamabhūtasyāsya vidhānaṃ yathā syādityevamarthaṣṭakāraḥ kasmānna vijñāyate? ityāha-- "tibādibhiḥ" ityādi. tulyatvam = sadṛśatvam, tatupanarekayoganirdiṣṭatvena. tasmin sati lasya 3.4.77 ityanayā ṣaṣṭha()ā sarveṣaṃ tibādīnāṃ sambandho bhavati. dvitīye tviṭa eva. tatra yasminpakṣa āśrīyamāṇe sarveṣāmanugraho bhavati sa evāśrayituṃ yukta iti sthānaṣaṣṭhīyamaṅgīkatrtavyā. iṭo'pyādeśatvaṃ tena bhavatīti na bhavati deśavanidhyarthaṣṭakāraḥ. atha vā-- tibādibhirekayoganirdiṣṭatvena yat tibādibhistulyatvaṃ tat sāhacaryopalakṣamam. tibādibhistulyatvāt tatsāhacaryādityarthaḥ. sāhacaryeṇa sandigdhārthaniścayo bhavati, yathā-- savatsā dhenuriti. tathehāpi sandeho jāyate-- kimayamādeśaḥ? utāgamaḥ? iti, tathāpi tibādibhirasandigdhādeśabhāvaiḥ sāhacaryādādeśo'yamiti niścīyate. tena deśavidhyarthatā ṭakārasya na bhavati. yadyevam, "phalipāṭinamimanijanāṃ guk paṭinākidhataśca" (da.u.1.103) ityatrāpi paṭa()ādibhirādeśaistulyatvādgugāgamo'pyādeśaḥ syāt? naiṣa doṣaḥ; "saṃjñāyām" 3.2.185 iti tatrānuvatrtate,na cādeśena saṃjñā gamyate, kintvāgamena. tasmādguka āgamatvaṃ veditavyam. tatraikāpi ṣaṣṭhī yadā'deśana sambadhyate tadā sthānaṣaṣṭhī bhavati, yadā tvāgamena tadāvayavaṣaṣṭhī. "mahiṅo ṅakāraḥ" ityādi. atha ṅitvārtho ṅakāraḥ kasmānna bhavati? tasya "sārvadhātukamapit" 1.2.4 ityanenaiva siddhatvāt॥ 7ra9. ṭita ātmanepadānāṃ ṭere. 3.4.79 "iha kasmānna bhavati" ityādi. śānajapi ṭito lakārasya sambandhyātmanepadasaṃjñakaśca, tasmāt tasyāpi ṭeretvena bhavitavyamityabhiprāyaḥ. "prakṛtaiḥ" ityādi. prakṛtānāṃ tibādīnāṃ madhye "yānyātmanepadāni"--- ityevamihātmanepadāni viśiṣyante, tena na bhavatyeṣa doṣaḥ. na hi śānac tibādiṣu sanniviṣṭaḥ. lāghavārthaṃ "ṭitastaṅām" iti vācye "ātmanepadānām" iti vacanaṃ vaicitryārtham. nanu ca "taṅām" ityucyamāne tasastakāreṇa pratyāhāragrahaṇaṃ syāt? arthavad()grahaṇaparibhāṣayā (vyā.pa.1) na bhaviṣyati. yastarhi thasya sthāna ādiśyate tena syāt? na; tibādiṣu sanniviṣṭā ye teṣāṃ tiṅāṃ grahaṇaṃ vijñāsyate. pratyāsattervā ātmapadīyena taśabdena pratyāhāragrahaṇaṃ vijñāsyate. vyāptestvanāśrayaḥ; lakṣyasthityanurodhāt॥

tiptasjhisipthasthamibvasmastātāñjhathāsāthāmdhvamiḍvahimahiṅ 377, 3.4.78 ete'ṣṭādaśa lādeśāḥ syuḥ॥

tiptas. tip, tas, jhi, sip, thas, tha, mip, vas, mas, ta , ātām, jha,thās, āthām, dhvam, iḍ, vahi, mahiṅ. eṣāṃ samāhāradvandvātprathamaikavacanam. lasyeti sthānaṣaṣṭha\ufffdntamadhikṛtam. tena ādeśa iti labhyate. phalitamāha– eta iti. tasādau rutvā'bhāva ārṣaḥ. tibādau pakārānubandhayojanaṃ tu dveṣṭītyādau sārvadhātukamapaditi ṅittvanivṛttyartham. tadudāharaṇeṣu spaṣṭībhaviṣyati.

tiptasjhisipthasthamibvasmastātāṃjhathādhvamiḍvahimahiṅ 5, 3.4.78 tiptas. tip, tas, jhi, sip, thas, tha, mip, vas, mas, ta , ātām, jha,thās, āthām, dhvam, iḍ, vahi, mahiṅ. eṣāṃ samāhāradvandvātprathamaikavacanam. lasyeti sthānaṣaṣṭha()ntamadhikṛtam. tena ādeśa iti labhyate. phalitamāha-- eta iti. tasādau rutvā'bhāva ārṣaḥ. tibādau pakārānubandhayojanaṃ tu dveṣṭītyādau sārvadhātukamapaditi ṅittvanivṛttyartham. tadudāharaṇeṣu spaṣṭībhaviṣyati.

samāhāre dvandvaḥ. iṭaṣṭakāra āgamaliṅgaṃ na bhavati, saptadaśabhirādeśaiḥ samabhivyāhārāt. kiṃtu `iṭo''diti viśeṣaṇārthaḥ. `era'dityucyamāne edhevahi edhemahītyatrāpi syāt, varṇagrahaṇe pratyayagrahaṇā'rthavadgrahaṇaparibhāṣayorapravṛtteḥ. kecittu- - `iṭo''dityatra liṅa ityanuvartanālliṅgādeśasyevarṇasyeti sāmānādhikaraṇyena vyākhyāne edhevahi edhemahītyādāvatiprasaṅgo nāstyeva. na hi tatra ikāmātramādeśo bhavati. tena `iṭo''dityatra ṭakāraḥ spaṣṭapratipattyartha evetyāhuḥ. taccintyam. vahi– mahītyasyāpi sthānivattvena liṅtvāt. mahiṅo ṅakārastiṅ taṅiti pratyāniṣedho na, tathā ca vṛścateḥ pṛcchateśca karmaṇi raliṭi vavraścimahe papracchimahe ityatra `grahijye'ti saṃprasāraṇaṃ na.

tiptasjhisipthasthamibvasmastātāṃjhathāsāthāṃdhvamiḍavvahimahiṅ 5, 3.4.78 samāhāre dvandvaḥ. iṭaṣṭakāra āgamaliṅgaṃ na bhavati, saptadaśabhirādeśaiḥ samabhivyāhārāt. kiṃtu "iṭo'"diti viśeṣaṇārthaḥ. "era"dityucyamāne edhevahi edhemahītyatrāpi syāt, varṇagrahaṇe pratyayagrahaṇā'rthavadgrahaṇaparibhāṣayorapravṛtteḥ. kecittu-- "iṭo'"dityatra liṅa ityanuvartanālliṅgādeśasyevarṇasyeti sāmānādhikaraṇyena vyākhyāne edhevahi edhemahītyādāvatiprasaṅgo nāstyeva. na hi tatra ikāmātramādeśo bhavati. tena "iṭo'"dityatra ṭakāraḥ spaṣṭapratipattyartha evetyāhuḥ. taccintyam. vahi-- mahītyasyāpi sthānivattvena liṅtvāt. mahiṅo ṅakārastiṅ taṅiti pratyāniṣedho na, tathā ca vṛścateḥ pṛcchateśca karmaṇi raliṭi vavraścimahe papracchimahe ityatra "grahijye"ti saṃprasāraṇaṃ na.