1/70:kimartham idam ucyate |
2/70:laḥ eṣu sādhaneṣu yathā syāt kartari ca karmaṇi ca bhāve ca akarmakebhyaḥ iti |
3/70:na etat asti prayojanam |
4/70:bhāvakarmaṇoḥ ātmanepadam vidhīyate śeṣāt kartari parasmaipadam |
5/70:etāvān ca laḥ yat uta parasmaipadam ātmanepadam ca |
6/70:saḥ ca ayam evam vihitaḥ |
7/70:ataḥ uttaram paṭhati |
8/70:lagrahaṇam sakarmakanivṛttyartham |*
9/70:lagrahaṇam kriyate sakarmakanivṛttyartham |
10/70:sakarmakāṇām bhāve laḥ mā bhūte iti |
11/70:yadi punaḥ tatra eva akarmakagrahaṇam kriyeta |
12/70:tatra akarmakagrahaṇam kartavyam |
13/70:nanu ca iha api kriyate bhāve ca akarmakebhyaḥ iti |
14/70:parārtham etat bhaviṣyati |
15/70:tayoḥ eva kṛtyaktakhalarthāḥ bhāve ca akarmakebhyaḥ |
16/70:yāvat iha lagrahaṇam tāvat tatra akarmakagrahaṇam |
17/70:iha vā lagrahaṇam kriyeta tatra vā akarmakagrahaṇam |
18/70:kaḥ nu atra viśeṣaḥ |
19/70:ayam asti viśeṣaḥ |
20/70:iha lagrahaṇe kriyamāṇe ānaḥ kartari siddhaḥ bhavati |
21/70:tatra punaḥ akarmakagrahaṇe kriyamāṇe ānaḥ kartari na prāpnoti |
22/70:tatra api akarmakagrahaṇe kriyamāṇe ānaḥ kartari siddhaḥ bhavati |
23/70:katham |
24/70:bhāvakarmaṇoḥ iti ataḥ anyat yat ātmanepadānukramaṇam sarvam tat kartrartham |
25/70:vipratiṣedhāt vā ānaḥ kartari |
26/70:vipratiṣedhāt vā ānaḥ kartari bhaviṣyati |
27/70:tatra bhāvakarmaṇoḥ iti etat astu kartari kṛt iti |
28/70:kartari kṛt iti etat bhaviṣyati vipratiṣedhena |
29/70:sarvaprasaṅgaḥ tu |
30/70:sarvebhyaḥ tu dhātubhyaḥ ānaḥ kartari prāpnoti |
31/70:parasmaipadibhyaḥ api |
32/70:na eṣaḥ doṣaḥ |
33/70:anudāttaṅitaḥ iti eṣaḥ yogaḥ niyamārthaḥ bhaviṣyati |
34/70:yadi eṣaḥ yogaḥ niyamārthaḥ vidhiḥ na prakalpate |
35/70:āste śete iti |
36/70:atha vidhyarthaḥ ānasya niyamaḥ na prāpnoti |
37/70:āsīnaḥ śayānaḥ |
38/70:tathā neḥ viśaḥ iti evamādi anukramaṇam yadi niyamāṛthaḥ vidhiḥ na prakalpate |
39/70:atha vidhyarthaḥ ānasya niyamaḥ na prāpnoti |
40/70:astu tarhi niyamārtham |
41/70:nanu ca uktam vidhiḥ na prakalpate iti |
42/70:vidhiḥ ca prakḷptaḥ |
43/70:katham |
44/70:bhāvakarmaṇoḥ iti atra anudāttaṅitaḥ iti etat anuvartiṣyate |
45/70:yadi anuvartate evam api anudāttaṅitaḥ eva bhāvakarmaṇoḥ ātmanepadam prāpnoti |
46/70:evam tarhi yogavibhāgaḥ kariṣyate |
47/70:anudāttaṅitaḥ ātmanepadam bhavati |
48/70:tataḥ bhāvakarmaṇoḥ |
49/70:tataḥ kartari |
50/70:kartari ca ātmanepadam bhavati anudāttaṅitaḥ iti eva |
51/70:bhāvakarmaṇoḥ iti nivṛttam |
52/70:tataḥ karmavyatihāre |
53/70:kartari iti eva anuvartate |
54/70:anudāttaṅitaḥ iti api nivṛttam |
55/70:yat api ucyate neḥ viśaḥ iti evamādi anukramaṇam yadi niyamārtham vidhiḥ na prakalpate |
56/70:atha vidhyarthaḥ ānasya niyamaḥ na prāpnoti iti |
57/70:astu vidhyartham |
58/70:nanu ca uktam ānasya niyamaḥ na prāpnoti iti |
59/70:na eṣaḥ doṣaḥ |
60/70:yathā eva atra aprāptāḥ taṅaḥ bhavanti evam ānaḥ api bhaviṣyati |
61/70:sarvatra aprasaṅgaḥ tu |
62/70:sarveṣu tu sādhaneṣu ānaḥ na prāpnoti |
63/70:vipratiṣedhāt vā ānaḥ kartari iti bhāvakarmaṇoḥ na syāt |
64/70:kartari eva syāt |
65/70:iha punaḥ lagrahaṇe kriyamāṇe kartari kṛt iti etat astu laḥ karmaṇi ca bhāve ca akarmakebhyaḥ iti laḥ karmaṇi ca bhāve ca akarmakebhyaḥ iti etat bhaviṣyat vipratiṣedhena |
66/70:sarvaprasaṅgaḥ tu |
67/70:lādeśaḥ sarveṣu sādhaneṣu prāpnoti |
68/70:śatṛkvasūca bhāvakarmaṇoḥ api prāpnutaḥ |
69/70:na eṣaḥ doṣaḥ |
70/70:śeṣāt parasmaipadam kartari iti evam tau kartāram hriyete |

laḥ ityutsṛṣṭānaubandhaṃ sāmānyaṃ gṛhyate, prathamābahuvacanāntaṃ cā eat. lakārāḥ karmaṇi kārake bhavanti, cakārāt kartari ca akarmakebhyo dhātubhyo bhāve bhavanti, punaścakārāt kartari ca. gamyate grāmo devadattena. gacchati grāmaṃ devadattaḥ. akarmakebhyaḥ āsyate devadattena. āste devadattaḥ. sakramakebhyo bhāve na bhavanti.

laḥ karmaṇi ca bhāve ca akramakebhyaḥ 3.4.69 laḥ ityutsṛṣṭānaubandhaṃ sāmānyaṃ gṛhyate, prathamābahuvacanāntaṃ cā eat. lakārāḥ karmaṇi kārake bhavanti, cakārāt kartari ca akarmakebhyo dhātubhyo bhāve bhavanti, punaścakārāt kartari ca. gamyate grāmo devadattena. gacchati grāmaṃ devadattaḥ. akarmakebhyaḥ āsyate devadattena. āste devadattaḥ. sakramakebhyo bhāve na bhavanti.

laḥ karmaṇi ca bhāve cākarmakebhyaḥ. , 3.4.69 pūrvasūtreṇa kṛtsaṃjñakatvāllakāraḥ katrtaryeva prāpnoti na bhāvakarmaṇoḥ, atastayorapi yathā syādityevamarthamidamārabdham. "la ityutsṛṣṭānubandhakam ityādi. laḍādīnāṃ daśānāṃ lakārānāṃ viśeṣakarānanubandhānutsṛjya "laḥ" iti sāmānyaṃ gṛhrate. "prathamābahuvacanāntañcaitat" iti. pañcamīṣaṣṭhekavacanāśaṅkāṃ nirākaroti. pañcamyāṃ hrasyāṃ lakārāt paro yastasyaivārtho nirdiṣṭaḥ syāt, tataśca katrtaryeva lakāraḥ syāt, ṣaṣṭha()āmevāsyāmanantaryalakṣaṇā vijñāyeta. tathā ca lakārasya yo'nantarastasyaivārthanirdeśaḥ syāt, tataśca sa eva doṣo yaḥ pañcamyām. atrāpyādeśāpekṣayā ṣaṣṭhī vijñāyate?evamapi lakārādeśānāmanenāmartho nirdiśyata ityayameva viṣayārtho na nirdiṣṭaḥ syāt. nanu ca lakārasya prayoga eva nāsti, tatkathaṃ tasyaiva karmādayo'rthāḥ? sāmathryāt tadādeśānāmete'rthā vijñāsyanta ityadoṣaḥ. "sakarmakebhyo bhāve na bhavanti" iti. akarmakebhya iti vacanāt; anyathā hi tadanarthakaṃ syāt॥

laḥ karmaṇi ca bhāve cākarmakebhyaḥ 375, 3.4.69 lakārāḥ sakarmakebhyaḥ karmaṇi kartari ca syurakarmakebhyo bhāve kartari ca॥

laḥ karmaṇi ca. vākyadvayamidaṃ sūtram. `laḥ karmaṇi ce'ti prathamaṃ vākyam. `la' iti prathamābahuvacanāntam. cakāreṇa `kartari kṛ'dityataḥ `kartarī'tyanukṛṣyate. `dhāto'rityadhikṛtam. lakārāḥ karmaṇi kartari ca dhātoḥ syuriti labhyate. sakarmakadhātuviṣayamevedam, akarmakeṣu `karmaṇī'tyasya bādhitatvāt. tadāha lakārāḥ sakarmakebhya iti. evaṃ ca sakarmakebhyo bhāve lakārāna bhavanti. sakarmakebhyo'pi bhāvalakārapravṛttau tu `devadattena ghaṭaṃ kriyate' ityādau bhāvalakāreṇa karmaṇo'nabhihitatvāddvitīyā syāditi bhāvaḥ. `bhāve cākarmakebhyaḥ' iti dvitīyaṃ vākyam. atrāpi cakāreṇa kartaivānukṛṣyate, na tu karma, asaṃbhavāt. tadāha- - akarmakebhyo bhāve kartari ceti. atrā'karmakagrahaṇena avivakṣitakarmakā api gṛhrante. tena `devadattena bhujyate' ityatra sato'pyodanarūpakarmaṇo'vivakṣāyāṃ bhāve lakāro'styevetyanyatra vistaraḥ.

laḥ karmaṇi ca bhāve cā'karmakebhyaḥ 3, 3.4.69 laḥ karmaṇi ca. vākyadvayamidaṃ sūtram. "laḥ karmaṇi ce"ti prathamaṃ vākyam. "la" iti prathamābahuvacanāntam. cakāreṇa "kartari kṛ"dityataḥ "kartarī"tyanukṛṣyate. "dhāto"rityadhikṛtam. lakārāḥ karmaṇi kartari ca dhātoḥ syuriti labhyate. sakarmakadhātuviṣayamevedam, akarmakeṣu "karmaṇī"tyasya bādhitatvāt. tadāha lakārāḥ sakarmakebhya iti. evaṃ ca sakarmakebhyo bhāve lakārāna bhavanti. sakarmakebhyo'pi bhāvalakārapravṛttau tu "devadattena ghaṭaṃ kriyate" ityādau bhāvalakāreṇa karmaṇo'nabhihitatvāddvitīyā syāditi bhāvaḥ. "bhāve cākarmakebhyaḥ" iti dvitīyaṃ vākyam. atrāpi cakāreṇa kartaivānukṛṣyate, na tu karma, asaṃbhavāt. tadāha-- akarmakebhyo bhāve kartari ceti. atrā'karmakagrahaṇena avivakṣitakarmakā api gṛhrante. tena "devadattena bhujyate" ityatra sato'pyodanarūpakarmaṇo'vivakṣāyāṃ bhāve lakāro'styevetyanyatra vistaraḥ.

laḥ karmaṇi ca. cakārāt `kartari ka'dityataḥ kartarītyanukṛṣyate. sakarmakaviṣayaṃ cedam. akarmakeṣu karmaṇītyaṃśasya bādhitatvāt, `bhāve ce'tyuttaravākyena tatra viśeṣavidhānācca. tadetadāha— sakarmakebhya iti. bhāve ceti. cakāreṇa kartaivā'nukṛṣyate na tu karma, asaṃbhavāt. tadāha– bhāve kartari ceti. nanu bhāvakarmaṇorātmanepadavidhānāt, `śeṣātkartarī'ti parasmaipadavidhānācca jñāpakāllakārāṇāṃ bhāvakarmakartāro'rthā anumātuṃ śakyanta iti kimanena sūtreṇa ? maivam. asatyasminsūtre sakarmakebhyo'pi ghañādivadbhāve lakārāpattau `ghaṭaṃ kriyate devadattene'tyādiprayogaḥ prasajyeta, tanmābhūdityetadarthametatsūtrasyāvaśyakatvāt. na caivam `akakarmakebhyo bhāve laḥ' ityeva sūtryatāṃ, `bhāve akarmakebhya eve'ti niyamārthamiti vācyam, `akarmakebhyo bhāva eve'ti viparītaniyamāpattyā kartari tebhyo lakārā'nāpattyā kartari tebhyo lakārā'nāpatteḥ. tasmādbhāve ceti cakāra āvaśyakaḥ. na caivaṃ `bhāve cākarmakebhyaḥ' ityevā'stviti vācyaṃ, bhāve iva katrtaryapyakarmakebhya eveti niyamāpattau sakarmakebhyo bhāva iva kartaryapi lakārānāpatteḥ. nanvevamapi `laśca bhāve cā'karmakebhyaḥ' ityevāstu, cakāreṇa katrrītyanukarṣaṇāllakārāḥ sakarmakebhyaḥ kartari syurakarmakebhyo bhāve kartari ca syurityarthe paryavasite, karmaṇi tūktajñāpakādbhaviṣyantīti kimanena karmaṇītyaneneti cenmaivam, uttarasūtre `tayo'rityanena karmaṇo'pi parāmarśārthaṃ tasyāvaśyakatayā jñāpakānusaraṇakleśasya vaiyathryāt. tasmādyathānyāsameva ramaṇīyam. atra naiyāyikā– `lakārāṇāṃ kṛtāveva śaktirlāghavānna tu kartari, kṛtimataḥ kartṛtvena tatra śaktau gauravāt, `devadatta' ityādiprathamāntapadena tallābhācca. `devadattaḥ pacatī'tyatra hi devadatto viśeṣyaḥ, yatno viśeṣaṇam , āśrayatvaṃ tu saṃsargaḥ. ratathā ca pākānukūlakṛtyāśrayo devadatta ityādiśābdabodho'pi sūṣṭhūpapadyate' iti. tanna. pacatītyukte pākakartā kasminnityākāṅkṣā syāt, kasyeti vā. na caikakartṛkā pacikriyeti śābdabodhābyupagame'pi ka ityākāṅkṣā nopapadyata eveti śaṅkyaṃ, kartṛsāmānyabode sati ka iti kartṛviśeṣākāṅkṣāyāṃ bādhakā'bhāvāt. nāpi devadattakartṛkā pacikriyetyukte'pi kasminnasti kasya vetyākāṅkṣā durvāreveti śaṅkyaṃ, viklittyanukūlavyāpārasyaiva pacikriyātvāt, tadāśrayasya devadattasya kartṛtvāt, kriyāśrayatve niścite kasminnityādyākāṅkṣāyā apravṛtteḥ. kiṃca `pacantaṃ devadattaṃ paśya', `pacate devadattāya dehi', `pacamānasya devadattasya dravya'mityādau śatṛśānajādīnāmapi tibādivallādeśatvā'viśeṣeṇa tebhyo'pi kṛtimātrabodhāpatteḥ. na ceṣṭāpattirāśrayatvaṃ saṃsarga ityuktatvena pākānukūlakṛtyāśrayaṃ devadattaṃ paśyetyādyarthasvīkāre doṣā'bhāvaditi vācyaṃ, nāmārthayorbhedānvayasya svaparasiddhāntaviruddhatvāt. na caivaṃ nāmārthayoramedasaṃsargavyutpattyanurodhena, śatṛśānajājīnāṃ kartari śaktistibādīnāṃ tu kṛtāveveti vaiṣamyaṃ svīkriyate, prāmāṇikagauravasyā'doṣatvāditi vācyaṃ, `sthānyeva vācako lāghavānna tvādeśo gauravā'diti svasiddhātantasya parityāgāpatteḥ. `rāmaḥ', `jñānaṃ', `katara'dityādau sorvisarge sorami soradaḍi ca kṛte lāghavātsutvanaiva śaktirna tu tattadrūpeṇetyādibhavadīyavyavahārasyā'sāṅgatyāpatteśca. evaṃ ca tibādīnāṃ śatrādīnāṃ ca smārakatayā lipisthānīyatvaṃ, bodhakastu lakāra eveti sthitam. sa ca śatrādyante kartari śakta ityabhyupagame tiṅante kathaṃ kṛtiṃ bodhayet ?. `anyāyaścā'nekārthatva'miti nyāyāt. yadi ta#u vaiyākaraṇarītimāśritya sarvatrādeśā eva vācakā ityādyabhyupagamyate tarhi– ghaṭaṃ, ghaṭena, hare'va, viṣṇo'vetyādiṣu `sarve sarvapadādeśāḥ' iti nyāyena padasphoṭo vākyasphoṭaśca sidhyediti bhavatāṃ tanmahadaniṣṭam. kiṃ ca `kartari kṛ'diti yatkartṛgrahaṇaṃ tadeva `laḥ karmaṇī'ti sūtre cakāreṇānukṛṣyata iti kathaṃ ṇvulādīnāṃ lakārāṇāṃ ca śaktau vailakṣaṇyam?. na ca nāmārthayorabhedānvayasaṃsargābhyapagama eva ṇvulādau karturvācyatve bījamiti vācyaṃ, `pacatirūpaṃ pacatikalpaṃ devadatta' ityādyanurodhena tiṅkṣvapi kartureva vācyataucityāt. nanu samudāyasya nāmatve'pi tiṅpratyayo na nāmeti cet, pācaka ityatrāpyaka ityetanna nāmeti tulyam. akāntaṃ nāmeti cedrūpabādyantamapi nāmeti tulyam. tataścātra praśastapākakartā devadatta ityādyabhedānvayo bhavadbhirabhyupagantavya iti tiṅkṣvapi karturvācyatā svīkatrvayaiva. kiṃ ca karturvācyatvā'nabhyupagame `yuṣmadi samānādhikaraṇe madhyamaḥ' `asmadyuttamaḥ' iti sāmānādhikaraṇyaprayuktā puruṣavyavasthā, `abhihite kartari prathame'tyādikaṃ ca bavanmate kathaṃ saṅgacchatām?. yattu anabhihita ityasyānabhihitasaṅkhyāka ityarthavarṇanena `devadattaḥ pacatyodanam', `odanaḥ pacyate devadattene'tyādau prathamādvitīyādivyavasthāpanamuktaṃ, tanna, kṛttaddhitasamāseṣu saṅkhyābhidhānasyā'prasiddhatvāt. tataśca `paktakavyastaṇ?ḍulaḥ', `śatyaḥ śatiko'\ufffdāḥ', `prāptodako grāmaḥ' ityādiṣu `karmaṇi dvitīye'tyasya pravṛttau prathamā na syāt. na ca `tiṣṭhatī'tyadhyāhāreṇa saṅkhyābidhānamihāpyastīti vācyaṃ, `sthita' ityādyadhyāhāre tadabhāvāt. `śābdiko'yaṃ devadatto na tu naiyāyika' ityādiṣu `nīlamidaṃ na tu rakta'mityatreva kriyāpadā[dya]dhyāhārasyā'nāvaśyakatayā ākhyātena, `śabdadarduraṃ karotī'ti ṭhakpratyayena vā kartṛsaṅkhyāyā anuktatvāddevadatte kartari tṛtīyotpattiprasaṅgācca. tasmādanabhihite kartarītyādi vyākhyānamevābhyupetavyam. api ca dhātūpāttavyāpārāśrayaḥ kartā, tatrāśrayamātraṃ kṛtāṃ lakārāṇāṃ cārtho na tu vyāpāro'pi, tasya dhātunaiva labdhatvāt. ata eva kartā kāraka ityādau prakṛtipratyayārthayornā'nanvayaḥ, vyāpārāśrayasya pratyayārthatve tu tasya prakṛtyarthena vyāpāraemānvayaḥ kliṣṭaḥ syāt. yastu vadati– `kṛdātoḥ kṛtirarthaḥ, kṛtpratyayasyāpi kṛtāveva śaktirna tu kartari. `kartari kṛ'dityatraṃ hi kartarīti bhāvapradhāno nirdeśaḥ. kartṛtvaṃ kṛtimattvam. tacca kṛtirevāyatra tu devadattādipadasamabhivyāhārastatra tṛjādau kṛtimati lakṣaṇe' ityādi, tanmate pūrvoktakartetyādau sutarāmananvayaḥ. `karmavatkarmaṇe'ti sūtre karotirutpādanārthaḥ, utpattiśca karmasthā, yatnārthakatve tu `kariṣyate ghaṭa' ityādi na siddhyediti vakṣyamāṇadūṣaṇaṃ ca duruddharam. āśrayamātrasya pratyayārthatve tu `ratho gacchatī'tyatra rathasyācetanasya yatnābhāve'pi gamanānukūlacakrabhramaṇādivyāpārāśrayatvānna kācidanupapattiḥ. evaṃ sthite kṛtau śaktirityāsyoktisaṃbhava eva nāsti, kṛterapi vyāpāraviśeṣatayā prāyeṇa dhātuta eva lābhāt. jānātītyādāvāśrayatvaṃ pratyayasyārtha iti svīkṛtya yatnārthatvasya tvayāpi vaktavyatvāt. nahi yatnamantareṇa jñānaṃ nodetīti kaścidabhyupaiti. tasmātkṛtāṃ tiṅāṃ ca vailakṣaṇyaṃ durlabhamiti katrrarthakatvamabhyupeyam. etena katrradhikaraṇe ākhyātavācyatvaṃ karturnirasya jañjabhyamānādhikaraṇe yaṅantādvihitasya jañjamāna iti sānacaḥ kartṛvācakatvaṃ svīkurvanto mīmāṃsakā api prayuktāḥ. yattu tairuktaṃ- `śānajaṃśe`kartari kṛ'diti vyākaraṇaṃ śaktigrāhakamastī'ti. tanna. kṛdvākyaśeṣo hrayamarthākāṅkṣāyāmanirdiṣṭārtheṣu ṇvulādiṣvevopatiṣṭhate `ākāṅkṣitavidhānaṃ jyāyaḥ' iti nyāyāt, na tu śatrādiṣu. sthānibūtalākārārthenaiva teṣāṃ nirākāṅkṣatvāt, anyathā bhāve karmaṇi ca śānaco daurlabhyāpatteḥ. tataśca `śayyamāne āsyamāne cāyaṃ gata' ityādiprayogo bhāve na syāt. karmaṇi tu `kriyamāṇa' ityādiprayogo na syāt. yattu bhaṭṭapādā āhuḥ— `kartari yadekatvaṃ tatra tip, kartari yaddvitvaṃ tatra tasityādikrameṇa `laḥ karmaṇī'tyasya `dvyekayo'rityādeścaikavākyatayā vyākhyānānna kartṛvācyatā sūtrādāyātī'ti. tañcintyam. `tānyekavacanadvivacane'ti vihitadvivacanādisaṃjñā hi tibādyādeśaniṣṭhā. tataśca dvivacanādisaṃjñākatibādividhinā `dveyakayo'rityasyaikavākyatā'stu. na ca tibādividhau kartarītyasti yaddvitvaikatvādiviśeṣaṇatayāka kathaṃcinnīyeta ?. nanu `laḥ karmaṇī'ti sūtre kartari kṛ'dityato'nuvṛttaṃ kartṛgrahaṇaṃ tibādividhāvastyeva, lavidhi- tibādividhyorapyekavākyatāsvīkārāditi cet. satyam. vākyaikavākyatā hi sā, na tu padaikavākyatā, `\tlaḥ karmaṇī'ti vihitalakārānuvādena tibādyādeśavidheḥ pravṛttatvāt. tathā ca lavidhau śrūyamāṇaṃ kartṛgrahaṇaṃ kathaṃ saṅkhyāṃ viśinaṣṭu. na hi yatra kartṛgrahaṇaṃ tatra saṅkhyopasthāpakamasti, lakārasya dvivacanādisaṃjñāvinirmuktatvāt. tataśca `kartari yadekatva'miti vyākhyā kathamapi na saṃbhavatyeva. syādetat– `laḥ karmaṇī'ti sūtre `la' ityakārānubandhakayorlaṅlaṭoḥ sāmānyagrahaṇaṃ na bhavati, kintūtsṛṣṭānubandhakalakārāṇāṃ sāmānyagrahaṇamiti nirvivādam. tatra `la' iti jasantaṃ mābhūt. kiṃ tu ṅasantamastu `laḥ parasmaipada'mitivat. ādeśāpekṣā ceyaṃ ṣaṣṭhī– lasya ya ādeśaḥ sa karmaṇi cetyādi. na cā'vihitasya lasyānuvādona saṃbhavatīti vācyaṃ, `vartamāne la'ḍityādibhireva lavidhānāt. tathā ca lasya sthāneya ādeśaḥ sa sakarmakātkarmaṇi kartari ca [yadekatvaṃ tatra] syādakarmakādbhāve kartari cetyādyarthaḥ sulabha iti bhaṭṭapādoktyojanikānirbādhaiveti cet. atrāhuḥ– la ityasya ṣaṣṭha\ufffdntatve ādeśānāmevā'rtha uktaḥ syāt. so'pi tibādināmeva, na tu śavādīnāṃ , teṣāṃ dvivacanādisaṃjñāvirahāt. `dvyekayo'rityādinā'syaikavākyatāyābhavadbhiruktatvāt. na ca bhavaduktarītyā `kartari kṛ'dityanena nirvāhaḥ. bhāve karmaṇi ca śānaco daurlabhyāpattera#uktatvāt. na ca śānajvidhinā sahā''tmanepadavyavasthākapakānāmekavākyatayā `bhāvakarmaṇo'rityaneneṣṭasiddhiḥ. sakarmakādapi bhāve śānajāpatteḥ. kiṃ ca jasantatve śrutenaiva saṃbandhaḥ, ṣaṣṭa\ufffdntatve tvādeśa ityadhyāhārādgauravamityādi. atredaṃ bodhyam– `bhāve cākarmakebhyaḥ' ityakarmakagrahaṇenā'vivakṣitakarmāṇo'pi gṛhrante. ata eva `ṇeraṇau' iti sūtre– neha pacyate neha bhajyate iti bhāve lakāra iti haradattaḥ. `atyantā'vidyamānakarmakāmāmeva grahaṇaṃ, `neha, pacyate' ityādau tu karmaṇyeva lakāraḥ. gamyamānatvācca karma na prayujyate' iti matāntaram. etacca `gatibuddhī'tyādisūtre haradattagrante spaṣṭam. yattu kaiściduktam– iha `avivakṣitakarmaṇāṃ bhāve lakāra iti prasādakṛtoktaṃ bhāṣyādivirodhādayukta' miti, taccintyam, pakṣadvyasyāpi bhāṣyakaiyakaṭādigranthārūḍhatvāt. pratyutā'vivakṣitakarmāṇo'pyakarmakā iti pakṣa eva prabalaḥ. tathāhi `samānakartṛkeṣu tumu'nniti sūtre icchatā kriyata iti bhāve laḍukto haradattena. `ṇeradhyayane vṛtta'mitisūtre kaiyaṭa haradattādibhirapi `napuṃsake bhāve kto'karmakebhya eva, `tayoreva kṛtyakte'tyatra kṛnmātrasya grahaṇāt, tatra bhāvecā'karmakebhya ityanuvartanāt, anyathā ghaṭaṃ kṛtamiti prasajyete'ti siddhāntitam. evaṃ sthite yadyavivakṣitakarmaṇo'pīha sūtre'karmakagrahaṇena na gṛhreran, tarhi pītā gāvo bhuktā brāāhṛṇā ityādau bhāve ktāntādarśa ādyajityādi niṣṭhādiprakaraṇe svayameva vakṣyamāṇam, `ādikarmaṇi ktaḥ' iti sūtre haradattena vakṣyamāṇaṃ, kṛtapūrvītyatra bhāve kta iti kaiyaṭādyuktaṃ ca kathaṃ saṅgacchet ?. kathaṃ ca `gataṃ tiraścīna' mityādiprayogāḥ saṅgaccheran ?. `gatibuddhī'ti sūtre tvakarmakagrahaṇenā'vivakṣitakarmake'ti sūtre'pi na gṛhrante,tena hi sūtreṇa kartaryapi kto vidhīyata iti dattavānpakvavānityādyarthe dattaḥ pakva ityādyāpatteḥ. iha sūtre tvivakṣitakarmaṇākarmakatvena grahaṇe na ko'pi doṣa ityāstāṃ tāvat.

laḥ karmaṇi ca bhāve cā'karmakebhyaḥ 3, 3.4.69 laḥ karmaṇi ca. cakārāt "kartari ka"dityataḥ kartarītyanukṛṣyate. sakarmakaviṣayaṃ cedam. akarmakeṣu karmaṇītyaṃśasya bādhitatvāt, "bhāve ce"tyuttaravākyena tatra viśeṣavidhānācca. tadetadāha--- sakarmakebhya iti. bhāve ceti. cakāreṇa kartaivā'nukṛṣyate na tu karma, asaṃbhavāt. tadāha-- bhāve kartari ceti. nanu bhāvakarmaṇorātmanepadavidhānāt, "śeṣātkartarī"ti parasmaipadavidhānācca jñāpakāllakārāṇāṃ bhāvakarmakartāro'rthā anumātuṃ śakyanta iti kimanena sūtreṇa? maivam. asatyasminsūtre sakarmakebhyo'pi ghañādivadbhāve lakārāpattau "ghaṭaṃ kriyate devadattene"tyādiprayogaḥ prasajyeta, tanmābhūdityetadarthametatsūtrasyāvaśyakatvāt. na caivam "akakarmakebhyo bhāve laḥ" ityeva sūtryatāṃ, "bhāve akarmakebhya eve"ti niyamārthamiti vācyam, "akarmakebhyo bhāva eve"ti viparītaniyamāpattyā kartari tebhyo lakārā'nāpattyā kartari tebhyo lakārā'nāpatteḥ. tasmādbhāve ceti cakāra āvaśyakaḥ. na caivaṃ "bhāve cākarmakebhyaḥ" ityevā'stviti vācyaṃ, bhāve iva katrtaryapyakarmakebhya eveti niyamāpattau sakarmakebhyo bhāva iva kartaryapi lakārānāpatteḥ. nanvevamapi "laśca bhāve cā'karmakebhyaḥ" ityevāstu, cakāreṇa katrrītyanukarṣaṇāllakārāḥ sakarmakebhyaḥ kartari syurakarmakebhyo bhāve kartari ca syurityarthe paryavasite, karmaṇi tūktajñāpakādbhaviṣyantīti kimanena karmaṇītyaneneti cenmaivam, uttarasūtre "tayo"rityanena karmaṇo'pi parāmarśārthaṃ tasyāvaśyakatayā jñāpakānusaraṇakleśasya vaiyathryāt. tasmādyathānyāsameva ramaṇīyam. atra naiyāyikā-- "lakārāṇāṃ kṛtāveva śaktirlāghavānna tu kartari, kṛtimataḥ kartṛtvena tatra śaktau gauravāt, "devadatta" ityādiprathamāntapadena tallābhācca. "devadattaḥ pacatī"tyatra hi devadatto viśeṣyaḥ, yatno viśeṣaṇam , āśrayatvaṃ tu saṃsargaḥ. ratathā ca pākānukūlakṛtyāśrayo devadatta ityādiśābdabodho'pi sūṣṭhūpapadyate" iti. tanna. pacatītyukte pākakartā kasminnityākāṅkṣā syāt, kasyeti vā. na caikakartṛkā pacikriyeti śābdabodhābyupagame'pi ka ityākāṅkṣā nopapadyata eveti śaṅkyaṃ, kartṛsāmānyabode sati ka iti kartṛviśeṣākāṅkṣāyāṃ bādhakā'bhāvāt. nāpi devadattakartṛkā pacikriyetyukte'pi kasminnasti kasya vetyākāṅkṣā durvāreveti śaṅkyaṃ, viklittyanukūlavyāpārasyaiva pacikriyātvāt, tadāśrayasya devadattasya kartṛtvāt, kriyāśrayatve niścite kasminnityādyākāṅkṣāyā apravṛtteḥ. kiṃca "pacantaṃ devadattaṃ paśya", "pacate devadattāya dehi", "pacamānasya devadattasya dravya"mityādau śatṛśānajādīnāmapi tibādivallādeśatvā'viśeṣeṇa tebhyo'pi kṛtimātrabodhāpatteḥ. na ceṣṭāpattirāśrayatvaṃ saṃsarga ityuktatvena pākānukūlakṛtyāśrayaṃ devadattaṃ paśyetyādyarthasvīkāre doṣā'bhāvaditi vācyaṃ, nāmārthayorbhedānvayasya svaparasiddhāntaviruddhatvāt. na caivaṃ nāmārthayoramedasaṃsargavyutpattyanurodhena, śatṛśānajājīnāṃ kartari śaktistibādīnāṃ tu kṛtāveveti vaiṣamyaṃ svīkriyate, prāmāṇikagauravasyā'doṣatvāditi vācyaṃ, "sthānyeva vācako lāghavānna tvādeśo gauravā"diti svasiddhātantasya parityāgāpatteḥ. "rāmaḥ", "jñānaṃ", "katara"dityādau sorvisarge sorami soradaḍi ca kṛte lāghavātsutvanaiva śaktirna tu tattadrūpeṇetyādibhavadīyavyavahārasyā'sāṅgatyāpatteśca. evaṃ ca tibādīnāṃ śatrādīnāṃ ca smārakatayā lipisthānīyatvaṃ, bodhakastu lakāra eveti sthitam. sa ca śatrādyante kartari śakta ityabhyupagame tiṅante kathaṃ kṛtiṃ bodhayet?. "anyāyaścā'nekārthatva"miti nyāyāt. yadi ta#u vaiyākaraṇarītimāśritya sarvatrādeśā eva vācakā ityādyabhyupagamyate tarhi-- ghaṭaṃ, ghaṭena, hare'va, viṣṇo'vetyādiṣu "sarve sarvapadādeśāḥ" iti nyāyena padasphoṭo vākyasphoṭaśca sidhyediti bhavatāṃ tanmahadaniṣṭam. kiṃ ca "kartari kṛ"diti yatkartṛgrahaṇaṃ tadeva "laḥ karmaṇī"ti sūtre cakāreṇānukṛṣyata iti kathaṃ ṇvulādīnāṃ lakārāṇāṃ ca śaktau vailakṣaṇyam(). na ca nāmārthayorabhedānvayasaṃsargābhyapagama eva ṇvulādau karturvācyatve bījamiti vācyaṃ, "pacatirūpaṃ pacatikalpaṃ devadatta" ityādyanurodhena tiṅkṣvapi kartureva vācyataucityāt. nanu samudāyasya nāmatve'pi tiṅpratyayo na nāmeti cet, pācaka ityatrāpyaka ityetanna nāmeti tulyam. akāntaṃ nāmeti cedrūpabādyantamapi nāmeti tulyam. tataścātra praśastapākakartā devadatta ityādyabhedānvayo bhavadbhirabhyupagantavya iti tiṅkṣvapi karturvācyatā svīkatrvayaiva. kiṃ ca karturvācyatvā'nabhyupagame "yuṣmadi samānādhikaraṇe madhyamaḥ" "asmadyuttamaḥ" iti sāmānādhikaraṇyaprayuktā puruṣavyavasthā, "abhihite kartari prathame"tyādikaṃ ca bavanmate kathaṃ saṅgacchatām(). yattu anabhihita ityasyānabhihitasaṅkhyāka ityarthavarṇanena "devadattaḥ pacatyodanam", "odanaḥ pacyate devadattene"tyādau prathamādvitīyādivyavasthāpanamuktaṃ, tanna, kṛttaddhitasamāseṣu saṅkhyābhidhānasyā'prasiddhatvāt. tataśca "paktakavyastaṇ()ḍulaḥ", "śatyaḥ śatiko'()āḥ", "prāptodako grāmaḥ" ityādiṣu "karmaṇi dvitīye"tyasya pravṛttau prathamā na syāt. na ca "tiṣṭhatī"tyadhyāhāreṇa saṅkhyābidhānamihāpyastīti vācyaṃ, "sthita" ityādyadhyāhāre tadabhāvāt. "śābdiko'yaṃ devadatto na tu naiyāyika" ityādiṣu "nīlamidaṃ na tu rakta"mityatreva kriyāpadā[dya]dhyāhārasyā'nāvaśyakatayā ākhyātena, "śabdadarduraṃ karotī"ti ṭhakpratyayena vā kartṛsaṅkhyāyā anuktatvāddevadatte kartari tṛtīyotpattiprasaṅgācca. tasmādanabhihite kartarītyādi vyākhyānamevābhyupetavyam. api ca dhātūpāttavyāpārāśrayaḥ kartā, tatrāśrayamātraṃ kṛtāṃ lakārāṇāṃ cārtho na tu vyāpāro'pi, tasya dhātunaiva labdhatvāt. ata eva kartā kāraka ityādau prakṛtipratyayārthayornā'nanvayaḥ, vyāpārāśrayasya pratyayārthatve tu tasya prakṛtyarthena vyāpāraemānvayaḥ kliṣṭaḥ syāt. yastu vadati-- "kṛdātoḥ kṛtirarthaḥ, kṛtpratyayasyāpi kṛtāveva śaktirna tu kartari. "kartari kṛ"dityatraṃ hi kartarīti bhāvapradhāno nirdeśaḥ. kartṛtvaṃ kṛtimattvam. tacca kṛtirevāyatra tu devadattādipadasamabhivyāhārastatra tṛjādau kṛtimati lakṣaṇe" ityādi, tanmate pūrvoktakartetyādau sutarāmananvayaḥ. "karmavatkarmaṇe"ti sūtre karotirutpādanārthaḥ, utpattiśca karmasthā, yatnārthakatve tu "kariṣyate ghaṭa" ityādi na siddhyediti vakṣyamāṇadūṣaṇaṃ ca duruddharam. āśrayamātrasya pratyayārthatve tu "ratho gacchatī"tyatra rathasyācetanasya yatnābhāve'pi gamanānukūlacakrabhramaṇādivyāpārāśrayatvānna kācidanupapattiḥ. evaṃ sthite kṛtau śaktirityāsyoktisaṃbhava eva nāsti, kṛterapi vyāpāraviśeṣatayā prāyeṇa dhātuta eva lābhāt. jānātītyādāvāśrayatvaṃ pratyayasyārtha iti svīkṛtya yatnārthatvasya tvayāpi vaktavyatvāt. nahi yatnamantareṇa jñānaṃ nodetīti kaścidabhyupaiti. tasmātkṛtāṃ tiṅāṃ ca vailakṣaṇyaṃ durlabhamiti katrrarthakatvamabhyupeyam. etena katrradhikaraṇe ākhyātavācyatvaṃ karturnirasya jañjabhyamānādhikaraṇe yaṅantādvihitasya jañjamāna iti sānacaḥ kartṛvācakatvaṃ svīkurvanto mīmāṃsakā api prayuktāḥ. yattu tairuktaṃ- "śānajaṃśe"kartari kṛ"diti vyākaraṇaṃ śaktigrāhakamastī"ti. tanna. kṛdvākyaśeṣo hrayamarthākāṅkṣāyāmanirdiṣṭārtheṣu ṇvulādiṣvevopatiṣṭhate "ākāṅkṣitavidhānaṃ jyāyaḥ" iti nyāyāt, na tu śatrādiṣu. sthānibūtalākārārthenaiva teṣāṃ nirākāṅkṣatvāt, anyathā bhāve karmaṇi ca śānaco daurlabhyāpatteḥ. tataśca "śayyamāne āsyamāne cāyaṃ gata" ityādiprayogo bhāve na syāt. karmaṇi tu "kriyamāṇa" ityādiprayogo na syāt. yattu bhaṭṭapādā āhuḥ--- "kartari yadekatvaṃ tatra tip, kartari yaddvitvaṃ tatra tasityādikrameṇa "laḥ karmaṇī"tyasya "dvyekayo"rityādeścaikavākyatayā vyākhyānānna kartṛvācyatā sūtrādāyātī"ti. tañcintyam. "tānyekavacanadvivacane"ti vihitadvivacanādisaṃjñā hi tibādyādeśaniṣṭhā. tataśca dvivacanādisaṃjñākatibādividhinā "dveyakayo"rityasyaikavākyatā'stu. na ca tibādividhau kartarītyasti yaddvitvaikatvādiviśeṣaṇatayāka kathaṃcinnīyeta?. nanu "laḥ karmaṇī"ti sūtre kartari kṛ"dityato'nuvṛttaṃ kartṛgrahaṇaṃ tibādividhāvastyeva, lavidhi-tibādividhyorapyekavākyatāsvīkārāditi cet. satyam. vākyaikavākyatā hi sā, na tu padaikavākyatā, " laḥ karmaṇī"ti vihitalakārānuvādena tibādyādeśavidheḥ pravṛttatvāt. tathā ca lavidhau śrūyamāṇaṃ kartṛgrahaṇaṃ kathaṃ saṅkhyāṃ viśinaṣṭu. na hi yatra kartṛgrahaṇaṃ tatra saṅkhyopasthāpakamasti, lakārasya dvivacanādisaṃjñāvinirmuktatvāt. tataśca "kartari yadekatva"miti vyākhyā kathamapi na saṃbhavatyeva. syādetat-- "laḥ karmaṇī"ti sūtre "la" ityakārānubandhakayorlaṅlaṭoḥ sāmānyagrahaṇaṃ na bhavati, kintūtsṛṣṭānubandhakalakārāṇāṃ sāmānyagrahaṇamiti nirvivādam. tatra "la" iti jasantaṃ mābhūt. kiṃ tu ṅasantamastu "laḥ parasmaipada"mitivat. ādeśāpekṣā ceyaṃ ṣaṣṭhī-- lasya ya ādeśaḥ sa karmaṇi cetyādi. na cā'vihitasya lasyānuvādona saṃbhavatīti vācyaṃ, "vartamāne la"ḍityādibhireva lavidhānāt. tathā ca lasya sthāneya ādeśaḥ sa sakarmakātkarmaṇi kartari ca [yadekatvaṃ tatra] syādakarmakādbhāve kartari cetyādyarthaḥ sulabha iti bhaṭṭapādoktyojanikānirbādhaiveti cet. atrāhuḥ-- la ityasya ṣaṣṭha()ntatve ādeśānāmevā'rtha uktaḥ syāt. so'pi tibādināmeva, na tu śavādīnāṃ , teṣāṃ dvivacanādisaṃjñāvirahāt. "dvyekayo"rityādinā'syaikavākyatāyābhavadbhiruktatvāt. na ca bhavaduktarītyā "kartari kṛ"dityanena nirvāhaḥ. bhāve karmaṇi ca śānaco daurlabhyāpattera#uktatvāt. na ca śānajvidhinā sahā'‌'tmanepadavyavasthākapakānāmekavākyatayā "bhāvakarmaṇo"rityaneneṣṭasiddhiḥ. sakarmakādapi bhāve śānajāpatteḥ. kiṃ ca jasantatve śrutenaiva saṃbandhaḥ, ṣaṣṭa()ntatve tvādeśa ityadhyāhārādgauravamityādi. atredaṃ bodhyam-- "bhāve cākarmakebhyaḥ" ityakarmakagrahaṇenā'vivakṣitakarmāṇo'pi gṛhrante. ata eva "ṇeraṇau" iti sūtre-- neha pacyate neha bhajyate iti bhāve lakāra iti haradattaḥ. "atyantā'vidyamānakarmakāmāmeva grahaṇaṃ, "neha, pacyate" ityādau tu karmaṇyeva lakāraḥ. gamyamānatvācca karma na prayujyate" iti matāntaram. etacca "gatibuddhī"tyādisūtre haradattagrante spaṣṭam. yattu kaiściduktam-- iha "avivakṣitakarmaṇāṃ bhāve lakāra iti prasādakṛtoktaṃ bhāṣyādivirodhādayukta" miti, taccintyam, pakṣadvyasyāpi bhāṣyakaiyakaṭādigranthārūḍhatvāt. pratyutā'vivakṣitakarmāṇo'pyakarmakā iti pakṣa eva prabalaḥ. tathāhi "samānakartṛkeṣu tumu"nniti sūtre icchatā kriyata iti bhāve laḍukto haradattena. "ṇeradhyayane vṛtta"mitisūtre kaiyaṭa haradattādibhirapi "napuṃsake bhāve kto'karmakebhya eva, "tayoreva kṛtyakte"tyatra kṛnmātrasya grahaṇāt, tatra bhāvecā'karmakebhya ityanuvartanāt, anyathā ghaṭaṃ kṛtamiti prasajyete"ti siddhāntitam. evaṃ sthite yadyavivakṣitakarmaṇo'pīha sūtre'karmakagrahaṇena na gṛhreran, tarhi pītā gāvo bhuktā brāāhṛṇā ityādau bhāve ktāntādarśa ādyajityādi niṣṭhādiprakaraṇe svayameva vakṣyamāṇam, "ādikarmaṇi ktaḥ" iti sūtre haradattena vakṣyamāṇaṃ, kṛtapūrvītyatra bhāve kta iti kaiyaṭādyuktaṃ ca kathaṃ saṅgacchet?. kathaṃ ca "gataṃ tiraścīna" mityādiprayogāḥ saṅgaccheran?. "gatibuddhī"ti sūtre tvakarmakagrahaṇenā'vivakṣitakarmake"ti sūtre'pi na gṛhrante,tena hi sūtreṇa kartaryapi kto vidhīyata iti dattavānpakvavānityādyarthe dattaḥ pakva ityādyāpatteḥ. iha sūtre tvivakṣitakarmaṇākarmakatvena grahaṇe na ko'pi doṣa ityāstāṃ tāvat.